高麗軒韓國料理 (已結業)

呢間店名叫“高麗軒” 一聽就知係食韓國菜，仲要係韓燒放題。店舖位於尖沙咀金巴利道，行落樓梯就會到餐廳。放題時段4人以上為2小時，如果無人等位，會cut 單，但唔會趕你走。我哋一行6人，因預先訂枱，所以安排左vip 房，岩哂慶生聚會。 房內有2個爐，而且闊落。飲品係任飲，可以在冰桶自行選擇。等齊人就開爐，開始計時，所有野食係用手機落單，非常方便，上菜亦都好快。首先梗係要食必備嘅韓國前菜啦，6-7款選擇，全部都好味要encore。食物除咗肉類，海鮮，一品料理，熟食亦有6款湯品。食物味道亦很好，大家都食到好滿足。只係可惜放題無包括甜品，但自帶蛋糕係冇需切餅費，呢方面幾好。

公司附近食晏，成日都見到呢一間搵日早啲收工，仲要去試吓佢係任食嘅韓燒全部嘢都係用QR code落單好似其他任食火鍋，咁係一碟碟上 肉質感覺比其他嘅少啲醃料好似新鮮啲例如叫咗肉眼扒都係冇咩點醃製冇醃製嘅肉類全部都好硬反而有醃製嘅 相對會比較啲淋 二百幾蚊有幾款海鮮有嘢飲，不過冇甜品有前菜性價比都可以 😌整體 評分感覺 7/10

星期日晚兩個人係尖沙咀搵食去到金巴利道見到有間地庫韓燒，唔洗等位，💲298+1，都覺得可以一試😋環境方面✔️兩人卡位好闊落，夠晒位擺野😊✔️眼見6人&8人檯都設有兩個爐，user friendly👍🏻食物方面✔️牛舌好爽口，好香👍🏻✔️牛肋骨肉同肉眼扒都醃得好香口，完全唔洗點醬都好夠味🥰✔️生菜洗得好乾，直接用來夾肉食都好清甜，減左不少油膩😋⛔️但鮮魷魚就真係冇乜鮮味，好淡好淡🔅🔅🔅超級推薦：泡菜煎餅🥞🔅好有驚喜，有d似蠔餅，一食停唔到🤣🤣🤣美中不足⋯⋯⋯呢間韓燒店冇雪糕🍦都冇其他甜品🍮食完全餐肉之後的確感到美中不足，唔夠圓滿但整體都算幾高質，員工態度好，有求必應，仍是好評😊

食左幾次，牛肉好好味，好多汁，好有牛味，人參雞湯，石鍋飯，飯焦，勁脆。大家試一試魷魚，稍微醃咗，都好入味啊大家值得一試，一落Order就好快來到，無漏單，美中不足就係的蘸料，倒唔出。

難得出尖沙咀晚餐，好想食肉肉，一行3人搵到哩間高麗軒。門口見到周年慶減10%，一於衝入去試下，假期都唔使等位喎，7點仲有一半吉位。泡菜款式好多，任叫任食，夾住d肉食先夠風味喔！肉類都係調好哂味，但肉質還算新鮮，只係味道甜左少少。另有無調味既靚牛，值回票值。大量新鮮生菜一定要夾住食先正，加多片蒜頭，不得了。總括：比其他韓燒貴dd，但整體抽風做得不錯，食完都無咩味，肉質也ok。可以再光顧，但早鳥時間比較化算。

韓燒放題🍖 (星期一至四晚市)($278)我同friend閒日夜晚過黎食韓燒放題😂 以前食韓燒要出去夾野食 宜家可以用QR Code落單 比較衞生 上菜都幾快☺️ 我地冇額外加錢 但選擇都幾多 基本牛豬雞羊魚海鮮都有🥩🥓😋 肉嘅質素都係正正常常 冇乜特別驚喜😅 除佐燒肉 仲有其他熟食供應 但大部分都麻麻地😂 煎餅好厚粉 冇乜餸喺入面 完全冇味🥞😢 總括而言 係一個普通嘅韓燒 價錢都算合理 都幾啱同朋友gathering🤣

話說好耐之前平安夜個陣周街都係人 每間餐廳都full曬 最近疫情嚴重都好懷念個陣 希望可以快D正常返 大家見到呢個post都可以save低以後去食！呢間高麗軒係地下 要行樓梯落去 我地係出面睇menu發現係燒肉放題！有齊牛肉 豬肉 海鮮等等 而且仲有韓式料理！💰378（平安夜價錢）呢個價錢有幫我地自動升級 包含左加拿大雪花牛肉 帆立貝 羊架 牛肋骨等等 而本身就有包含牛舌 肉眼扒 牛頸肉 牛仔骨肉等等 齋係牛肉都有超多種 都有自家醃製嘅牛肉 我最鍾意係雪花牛肉同埋牛頸肉 特別軟熟 入口即溶！其他肉類包含黑毛豬腩 五花腩 豬頸肉 仲有少有嘅羊架同蒙古羊肉 雞肉都有好多！海鮮方面有虎蝦 鮮魷魚 同埋青口 帶子等等 燒得耐都特別惹味 魷魚燒完變攣都真係好好玩🤣特別推薦羊肉 又大舊又唔膻 可以拎骨一齊咬添😍仲有蔬菜拼盤 特別健康！熟食方面都有好多韓國料理 除左炒年糕 煎餅等等仲有蛋包魚同埋蛋包蝦 其他仲有炒粉絲 韓式五花腩 最特別就係他他牛肉 係韓式嘅生拌牛肉！但係韓式料理味道比較一般 個人覺得出去食正宗嘅比較好 年糕太軟 煎餅都唔脆 麵粉過多 燒銀鱈魚原來係炸魚 仲要冇調味🥲想食主食都有石

冬天除咗打邊爐當然仲要食燒肉，黎咗呢間係尖沙咀嘅高麗軒韓國料理食!!任食!!韓燒。平日星期一至四晚市$278/位，已經包咗好多款牛肉、豬肉同海鮮，仲有一品料理、湯品、飯類同罐裝飲品。我哋再加咗$68/位upgrade嘆埋加拿大雪花牛、帆立貝、羊架等。 餐廳上菜速度快，落完order轉頭就送到，而且份量都唔少。 加拿大prime雪花牛同3A雪花牛，油花分佈平均，肉質稔嫩，牛味香濃。帆立貝係連殻上燒嘅時候就可以鎖住水份，鮮嫩多汁。羊架都唔錯，燒到面頭帶d焦香就岩岩好。就算唔升級，都有好似特級牛頸肉、牛肋骨肉、黑毛豬腩、魚柳呢d唔錯嘅選擇。各種肉既質素都唔錯喎。魚柳面頭有d醬，燒完脆身既魚柳甜甜哋幾特別。燒緊嘅同時我地仲叫咗d例牌會食既泡菜，芽菜，菠菜等等，仲叫左碗牛肋骨湯同一塊海鮮煎餅，可以食住等。亦都可以落單叫d生菜同豆瓣醬，可以夾住燒好既肉食。飲品嘅選擇都唔少，除咗汽水同茶飲呢d例牌，仲有果汁類飲品都唔洗加錢。。。高麗軒韓國料理 (尖沙咀)尖沙咀金巴利道46-48號地庫。。

又要禁堂食...🥲最後可以喺餐廳食晚餐嘅日子緊係要好好珍惜，食好Ｄ！所以就決定同朋友去呢間韓國餐廳食韓燒放題🍽️🌟晚市放題（星期一至四）（$278）食物嘅選擇好豐富，基本上平時韓燒食開嘅牛、豬、雞肉同海鮮都有🤤但呢度最特別嘅係熟食嘅選擇都好多，仲好高質有齊泡菜煎餅、石鍋飯、炒年糕等經典韓國料理🇰🇷但冇諗過連人參雞湯、牛肋骨湯都有🍲不過我地都決定再食豪啲，加$68升級食埋加拿大Prime雪花牛、3A雪花牛、帶子、帆立貝、法式羊架同紅炆牛肋骨菜式多到令人花多眼亂，今次就介紹幾款特別鍾意嘅俾大家～🌟加拿大A3雪花牛、Prime雪花牛🇨🇦一上枱就已經見啲雪花好均勻，絕對冇照騙，甚至仲靚過餐牌上幅圖📸食入口有驚喜，牛味非常香濃，肉質鮮嫩可口就算要加錢升級先食到都完全值得😋🌟牛肋骨肉🐮同雪花牛嘅分別就係呢款有醃過平時去食放題最怕就係呢醃好左嘅肉，為咗蓋過啲雪味整到好鹹呢度啲牛就唔會係咁，個醃料不但冇蓋過啲牛味反而仲令佢更鮮甜，配埋生菜食就最fit喇！🥬🌟羊架🐑本身都幾怕羊嘅羶味，但係呢度嘅羊架唔羶食落仲軟熟多汁，男女老少都啱食🌟五花肉🐷啲肉肥瘦雙間，厚薄切得啱啱好燒完絕對唔會太干，上面層皮非常之有咬

.🔺 高麗軒韓國料理好耐冇食過韓燒任食 入到餐廳嘅感覺好懷舊~似以前細個食過嘅漢陽苑😆😆😆.欣賞嘅地方係佢有好多熟食選擇👌🏻例如有紅炆牛肋骨、人蔘雞湯、鰻魚石鍋飯、他他牛肉🐮可以一次過滿足食唔同菜式嘅慾望😊😊.食材方面~比較推介嘅會係升級推介特級牛頸肉同加拿大prime雪花牛🙌🏻紅炆牛肋骨都好味，甜甜地送飯一流！.餐廳適合食量比較大嘅朋友👏🏻可以一個價錢食到飽🙌🏻🙌🏻

估唔到尖沙咀都有抵食嘅任食任飲韓燒😳 比起以前食過要出去自己夾嘅放題，呢度就相對衛生，自助落單，而且上菜算快，限時內全部夠食夠飽，大家可以放心😆 食物款式非常足夠，基本牛、豬、雞、海鮮、蔬菜都有，如果想食靚啲嘅牛肉仲可以每位加$68升級任食🥩 個人特別鐘意佢哋嘅黑豚五花腩，夾埋生菜同面豉醬一齊食，好似返咗韓國咁🇰🇷除咗燒物，亦有多款熟食提供，可以滿足唔同人口味🤪 佢哋嘅海鮮餅同泡菜餅都係即叫即整，口感香脆，我一個人差唔多食曬成個！飲品都有幾多選擇，我哋去嘅時候都滿座，想食嘅朋友記得Book位啦📲💰閒日晚市任燒 $278/成人 💰週未及假期晚市任燒 $298/成人 📍高麗軒韓國料理🔍地址︰尖沙咀金巴利道46-48號地庫

尖沙咀韓燒放題最近成日食日本野、西餐，所以今日放工諗住食韓國菜。尖沙咀金巴利道有一條著名韓國美食街，嗰度有好多韓國菜、韓式餐廳，超耐冇食韓燒，見到呢間仲要係放題，好吸引。環境寬敞座位舒適，星期一至四晚市放題$278，加$68可以升級，可以點雪花牛、帆立貝、帶子、法式羊架、牛肋骨、牛頸肉、肉眼扒、黑毛豬腩等等。手機自助下單很方便，上菜速度快。外面還有韓式罐裝飲品和汽水自助拎。提供醬汁、鹽🧂，另收加一服務費除咗雞牛豬不同部位的燒肉，還有燒海鮮、韓式前菜、廚師精選、湯品和飯類等。有泡菜煎餅、蛋包蝦、炒五花籃、韓式炒粉絲、石鍋飯、人蔘雞湯等等。個人喜歡牛肉多過海鮮🦞，推介 3A雪花牛、Prime 雪花牛和特級牛頸肉。牛味濃郁，燒完都好腍好香，好味😋。建議加盤生菜，包起啲牛食冇咁膩服務質素：8/10環境舒適度：7/10ᶘ ᵒᴥᵒᶅ個人口味評分：8/10

燒肉放題成日都好貴😵 今次講唔停就去咗一間都幾抵食嘅韓式燒肉放題~✔️晚市放題 $278唔升級嘅話一定要主攻佢哋個特級牛頸肉！個人覺得呢隻肉嘅質素可以媲美升級個啲🤩嫩得黎重牛肉味 而牛舌都好推薦😚 唔會太薄 爽口有油脂 另外想講佢哋嘅小食試咗幾款都好出色！最深刻係個蛋包蝦 真心好值得一試😋 燒銀雪魚都勁大件同新鮮 而朋友就大贊佢嘅豆腐辣湯～ 冇諗過佢仲會有埋他他牛肉 加埋梨同埋蛋黃一齊食perfect❤️✔️升級推介 每人+$68升級會有埋加拿大3A同prime雪花牛 帆立貝 帶子 羊架同埋牛肋骨🍖 個帶子十分之有驚喜 超級大隻又厚身 帆立貝都唔錯 燒完都唔會縮晒水😝整體來講 講唔停覺得呢間韓式燒肉質素幾好同埋價錢都算合理👍🏻 小食更加係有驚喜 大家如果黎嘅話一定要點蛋包蝦同埋帶子🥰

新式韓式放題就食得多,今次朋友就帶左我去呢開位於尖沙咀既傳統老牌韓國燒肉餐廳.入左去好有韓國感覺,大枱中間放住金黃色圓盤燒烤爐.肉類主要分為牛,豬,海鮮或其他肉類等.除左生食材外亦加入左其他韓式熟食可以選擇而且種類亦好多元化.牛類有唔同部位可以選擇,牛肉解凍得夠燒起黎亦更容易！牛肋骨肉醃得最入味,醃完燒香後牛肉仲保持到彈性有嚼口得黎又唔韌,味道香甜配肉汁更香.其他部位牛肉肥瘦分佈平均,有肉香之餘亦唔會過肥膩.沾上少少韓式烤肉汁已經夠味.牛舌肉彈彈牙爽口,充滿牛脂香.豆腐辣湯豆腐辣湯內加入一顆生雞蛋靠熱鍋既餘溫變熟,令辣湯共住泡菜辣香之餘亦共住一陣蛋香.熱湯內豆腐香滑,辣湯滲透係豆腐間,令味道更香更入味.牛肉石鍋飯石鍋上枱既時候熱辣辣,石鍋充滿熱力將飯粒變成飯焦.飯焦香脆帶咬脆卜卜口感.石鍋飯配料多而豐富,除左牛肉外亦充滿蔬菜,平衡返整體肉膩感.加上拌飯醬令味道更有層次增加甜辣感.最後再拌上生雞蛋將飯粒沾滿蛋漿令蛋香更重.蛋包蝦將蝦沾上蛋漿係再以半煎炸方式煮,入口先食到薄脆既蛋皮後有蝦肉爽彈.

點樣食推介✨⭐️抵食韓燒放題⭐️⭐️尖沙咀韓燒⭐️高麗軒韓國料理 地址：尖沙咀金巴利道46-48號地庫🍖平日晚市90分鐘放題 $278 (7/10)好耐冇食過韓燒放題，真心覺得依度幾抵食同埋食物質素都算係咁(⊙ω⊙)，好啱家庭同朋友聚會黎食🍖泡菜豆腐湯 (7.8/10)本人超級無敵爆鍾意飲泡菜湯😗，依度個湯好正宗好重口好好飲🤩，仲要有個生蛋係面，你可以慢慢浸熟佢或者生啪都得😗，d蛋花索曬d湯汁一齊食勁正，成碗湯唔會辣但勁濃大醬嘅味，仲有好多舊豆腐，少量牛肉同蜆去吊味，所以飲落真係勁鮮甜🤩，我一個人ko曬成碗，如果胃大d好想飲多碗😗🍖Prime雪花牛 $68 (7.3/10)如果想食靚d嘅牛就可以加68蚊upgrade，雪花牛嘅油脂分佈比較靚，但我個人食韓燒係比較偏愛醃肉🤣，如果你口味同我差唔多嘅朋友可以唔洗upgrade，但想食埋帆立貝、羊架就可以諗諗佢🍖法式羊架 $68 (7.5/10)都係upgrade完之後可以任食嘅選項，佢本身都係用韓國醃肉方式醃過黎🤣，所以食落1d都唔騷，仲好juicy嫩滑💕🍖牛舌 (7.2/10)夠曬厚切，燒完食落口好有口感，夠曬爽口彈牙🍖辣汁五花腩 (7.2/10