鬼佬小廚 (已搬遷) 新店位置

今日自己一個入赤柱,見海灘有Cafe一入去問坐露天位Ok嗎?店員已告知:好大風架喎(真係好大風,haha)問有咩好食,店員便介紹Pizza啦,而家唔試無得試架喇,據說原來今年約滿,然後我就點了一個風亁火腿mini pizza 9"全程負責人都同我傾計,介紹佢地背景,原來已做了九年。講返食物先izza coppa di parma,整個Pizza鋪滿火腿,三種芝士,濃郁蕃茄汁,Basil香葉,再配薄批餅底。火腿鹹香味濃,芝士食得出係靚野,而且睇住師父整,仲介紹埋係咩芝士,不過我唔記得咩名,茄醬很出色,聽說沒茄膏沒罐頭沒味精,感覺好清新，因為食過香港第二啲Pizza絕對係得茄膏味...批底薄但不是死脆那種,煙煙韌韌又不軟,加埋Basil配合,我好喜歡!但太可惜喇,做埋呢個月!我一定再來!

今年是第二年與老公到鬼佬小廚賞月過中秋，不知是否星期日的關係晚上客人不算太多，我倆喜歡坐室外看著月光吹吹海風，十分寫意！這裡點食必先到水吧付款後奉上，看過餐牌後決定要枱枱都有的PIZZA～口味選擇是火腿蘑菇芝士薄餅！我先將付上的芝士碎灑上，面層香噴噴鹹味芝士很香濃，中間芝士煙韌好吃，火烤香脆可口餅底不比連鎖美式餐廳遜色，其實我最喜歡自己灑上美味cheese這個動作 自家製Pomodoro spaghetti是用鮮蕃茄粒賣相豐富，茄汁味甜酸平均，沒有放過多茄膏情況，很fresh，意粉註明是用oliver oil，再配上百里香多吃也不覺膩胃！今晚風輕雲淨，大部份時間都能看見月光，在輕鬆的氣氛下令人想喝點酒，由於老公駕車關係我們還是喝有汽礦泉水吧！小巧燒春雞燒得皮脆香口，咬上烤味十足滑雞肉好極了，唯一美中不足是燒春雞太迷你！中秋節怎可缺少燈籠？特意帶來免仔和麥兜燈籠一同賞月，月光下我和老公渡過了一個快樂晚上！

同女友黎之前, 係度 check 過有咩好食, 發現赤柱灣果邊比較貴, 而且好多人都話佢邊 d 服務態度好唔掂甘... 於是就黎呢間鬼佬廚房啦~!除左價錢比果邊相宜之外, 我同女友都覺得正灘個景仲好個赤柱灣~ 而且呢間服務態度仲合哂格~! 讚~!紅蘿白燴紅酒牛肉螺絲粉 ($77) - 牛柳都嫩, 唔會成舊香口膠甘, ok 啦~ 而且比左好多 cheese, 如果夠熱熔埋 d cheese 更好~ 有進步空間~吞拿魚洋蔥芝士 + 火腿菠蘿芝士 Pizza ($88) - 推薦~! 批底夠脆而且味道都好到位~ 夠熱~! 最正就係可以一次過揀兩款口味而價錢一樣~ Like~仲有醉人既海灘景, 陣陣微風吹過~ 加分~!

八月上旬‧晴雨不定時常覺得，我是由水裡來的。很小就無師自通的懂游水，游水對我來說，是不費力的活動。喜歡水，喜歡海，所以，也喜歡夏天。大腿受傷了，不能跑。說得對，時間不會停下來，我也不應停下來。本來周日會作長跑訓練的，跑不了，不如去游水。果然，在海裡，人是無比舒暢，雖然是日沒有什麼陽光，有時還有雨的，但真的很舒服。游完水，總想喝喝啤酒，解解渴。來了這裡，只有樽啤，要支青島，加包薯片。坐了好一會，什麼也不想，就讓時間就此靜靜的過去。還記得，小時候時常去海邊蒲，當天氣轉涼時，總會不開心，因為又要等到明年才可再落水了。我愛夏天，不走，行不行？

芝士、火腿炒蛋配多士 $45炒蛋都算滑，蛋入面仲有蛋汁流出，配上火腿芝士好味多士夠熱，當然冇咩特別啦，牛油係另上。其實起呢D地方食嘢都知係貴，冇計啦見佢地仲有好多食物選擇，下次人多可以試其他嘢凍檸茶$24蒸餾水$15

今天早上去了赤柱游泳，10時半去到，游完12時左右。記得雜誌介紹過這裡，便上來吃披薩。我們兩人叫了一個Chicken Bianca，$91。我們找了一個望海灘的位子坐，披薩上桌熱辣辣，雞肉幾好味，係連皮上有少少怪怪地。但係真係幾好食。另外我買了一罐凍雪碧，嘩要收$16一罐！真係好好賺！其他幫襯的都係鬼佬居多，好多都帶小朋友來。

俾人強迫黎沙灘同陽光玩遊戲, 當日熱到可以係頭頂煎蛋!! 男朋友自己去游水, 醒目o既我一直同係隔離bbq既spanish family 傾下偈睇下書咁過日晨, 等到太陽都番屋企我先離開樹蔭, 臨走前成班人一齊去飲啤酒, 冇興致飲酒, 叫左杯banana chocolate, 一飲: 嘩!! 好好味, 香蕉味好濃, 絕對足料!! 辛苦完一日飲番杯真係好refreshing!!

在上次跟同事行山時，在去赤柱吃晚飯前，其實曾經到過這裡小歇一會，因為這裡的pizza味道實在不錯，值得大家去試。當天我們剛完成了行程，先決定找個地方'hea'一會，最後選了鬼佬小廚。這裡出名的除了是環境，它們的pizza也做得很出色。我們選的是混合味道:夏威夷跟辣肉腸。醬汁比一般的鮮甜，不濃但味道恰到好處。一個十多吋的pizza才$12X，比起其他的選擇來得便宜及更抵食。餅底選用了薄批，一個pizza足夠4個人一起享用，如當天般天氣較熱的話，喝著啤酒吃著pizza，再朋友談天說地，感覺一流~

每年泳季的完結，也會與一眾泳友去玩一天。是年雖然因為事忙，所以少去海灘，但因為有「開季」，所以也會「收季」，是日就一行十多人，扶老攜幼的來赤柱游水/打牌/BBQ。陽光雖猛烈，但四時過後，也有點涼意，就與幾位朋友上水，來這裡喝一杯冰凍啤酒。都說喜歡石澳，那邊有生啤供應，而赤柱這邊，就只得樽啤。要了支青島，摸落也知不夠冰凍，就要多一杯冰，這樣才叫做冰涼順喉，加多包「雞尾蝦」味的薯片，吹著海風，人生樂事。啤酒28蚊，薯片8蚊，不便宜，但感覺絕對是「一級捧」！

首先環境方便因為係佢赤柱正灘，海風吹到呼呼聲，但佢地都好關心到人客既身子，會借D風樓比我地著。如果唔計D風好似三號風球咁吹既話，呢到真係一個好大自然氣色既地方，加上每一張桌都有盞好似油燈既野，真係幾浪漫。叫左一客波羅火腿pizza，係正式既意大利薄身pizza，但沒有濃烈的味道，比較清一點的茄味。比較出色的是那一客紅酒牛柳螺絲粉，食得出螺絲粉是用"尷"欖油炒的，很香、很有彈性，其次是紅酒的汁也是很得出即炒，很稀釋，不像一般的連鎖高級餐廳，煮定好曬既汁再加上半製成的材料，粉只用水煮熱。但這裡最大問題是...風太大了...不出五分鐘就凍曬-.-服務也很好，可能因為人小的關係，老闆是外國人，不時會與客人聊天，服務員也會很欣勤招待客人。

一行7人: BBQ但有人燒埋等吃食物任食: 沙律,蒜溶包,薯溶,雞翼,牛扖,羊扖,Frankfart腸甜品: 朱古力mouss飲品另叫食物需普通,款式不多但勝用料上盛新鮮!另設有對海露天環境, 很好feel!! 服務員態度很親切有禮.但人手不夠. 冬天去記住著多件衫

pizza好夠cheese味,又薄又脆!!2個人可以食一個!!唔同一般pizza hut果d

我都係睇呢度食評先去食.食左個聖誕餐.頭盤唔係幾好食.唔鐘意佢咩都落香草.-_-搞到咩都好苦.牛柳同薯蓉都唔好食..最好食都係朱古力慕絲.....

平安夜, 不想再去尖沙咀/旺角/銅鑼灣/中環, 真的想平靜的, 平安點.看了這裡的兩個comment, 好, 就選這裡. 巴士下車, 不難找, 走5 分鐘便到達.來門外, 看見一個"鬼佬小廚" 4 字. 真的有個外國人在燒烤(不是4 張椅子圍著一個爐的那種, 是長方型的那種).店內光線柔和, 桌子不多, 有2 張大桌子, 3-4 張小桌子, 但外面的露台也有幾張桌子, 正正的對普沙灘呢! 超漂亮! 我選了紅酒燴牛柳螺絲粉($5x, 不包括飲品), 味道不錯, 夠濃.男友選了法式燒烤($128/head, 不包括飲品), 是半自助式的(即不用自己燒, 但不夠可以要多點). 1. 先來個沙拉, 普通雜菜沙拉, 不加沙拉醬, 改用不知甚麼醋, 倒也不錯, 不太酸.2. 再來餐包, 不太行, 有點冷點, 很硬.3. 薯蓉, 加了點薯皮和香料, 很香.4. 不知甚麼腸, 味道很鮮, 也很濃.5. 雞扒, 皮很脆, 味道不錯.6. 牛扒, 男友叫了6 成熟, 不老, 有牛肉味.7. 羊"比", 有羊肉味, 不腥. overall 來說很不錯, 但羊"比" 只能要一次.侍應是兩個可愛的女生. ^^

星期二晚八點左右去食晚飯，叫左個PIZZA同埋白汁芝士螺絲粉。石丸駿可能鐘意食濃味嘅PIZZA，覺得PIZZA HUT比較好食D。但係個PASTA真係好好食，芝士味好濃，蘑菇好好食。三千代話最好係嗰度嘅環境同埋服務。WEEKDAYS通常都有位，我地坐騎樓位，可以睇到成個正灘。D光線幾好，有好似聖誕節嘅閃燈，同埋枱上嘅蠟燭。服務就真係一流啦，幫我地搬埋枱櫈，又好禮貌。個COOK仲好人到怕我地俾蚊咬，俾埋支蚊怕水，叫我地有需要就可以用。食完之後仲可以落去海灘行下~~~