魔膳廚房 (已結業)

兩母子間唔中會相約撐下枱腳食飯，今晚就食個放題，又可以聽聽了解下靚仔工作上困難和感受，有時都要借呢啲平台都係一個好好嘅溝通方式和好感恩，一路食一路講真係幾舒服呢！而且好近地鐵只係行幾分鐘就到非常方便。環境佈置得非常之色彩繽紛！地方都算幾大，冷氣又好足夠，侍應生非常有禮貌招呼呢！介紹主菜有三款~~係可以任食任叫嘅！龍蝦汁海鮮扁意粉，黑松露雜菌意大利飯(素)，香辣忌廉雞絲意粉，起初唔知道嗰份量有幾多，就叫咗頭兩款先。而且都好快送到嚟，份量就比想像中較少，之後總共各款叫多一碟。哈哈！無肉食阿仔都係差啲啲喎！於是便試下menu有介紹只加$50 烤肉拼盤~~ BBQ豬肋骨，豬手和燒春雞。份量好滿意！二人好夠食，但味道一般般，豬手肉比較香口嫩滑感，只可惜得3小舊。湯飲有二款~~黑松露雜菌忌廉湯和意式雜菜湯我哋都鍾意黑松露雜菌忌廉湯，每人一碗。前菜~~沙律吧都有好幾款沙律選擇呢！飲品種類都好特別~~咖啡奶茶檸檬茶或者係花茶等等...都係要自己沖㗎，多少隨意，我就沖咗杯胎菊茉莉花茶，清清地！甜品雪糕生果等等雖然種類不算多，不過款式都幾吸引㗎！仲有一個幾特別嘅就係自製棉花糖了，咁啱見有人整！幾好玩幾特別

新買的氣炸鍋送到來發現是壞機超唔開心，所以有一個藉口唔煮飯。於是就同Honey提議出街食飯，在網上搵半自助餐嘅餐廳，原來觀塘都有好多間，於是我地就揸車出咗觀塘搵食。又要就返泊車方便，於是就選擇咗魔膳廚房，泊喺APM再行過去都係幾分鐘。嚟到發現個門口設計好庭園feel，幾靚。入到餐廳見到排列整齊，感覺幾舒服。近門口位置先見到飲品&甜品區，估唔到款式比想像中算多職員安排好位置比我地都有講解價格收費，清楚哂收費後就出去拎野食。沙律吧除咗平時普通食開嘅沙律菜之餘，仲有泰式嘅木瓜沙律，牛肉整到好嫩好好味小食方面有咖哩角、春卷、芝士、火腿及一D蔬果餐湯有兩款，一款係雜菜湯，另一款係忌廉蘑菇湯，我同Honey都係鍾意蘑菇湯多D另外任食嘅意粉&飯就有三款，包括巴瑪火腿卡邦尼意粉、黑松露雜菌意大利飯、芝士肉醬意粉；三款黎講我比較鍾意巴瑪火腿卡邦尼意粉。另外我地再追加咗收費主菜，包括香煎西冷10oz配薯菜 & 龍蝦拼羊架 西冷煎到幾好味；羊架又唔會太羶。埋單$535@2

之前生日來過這裡食午餐，覺得抵食，食物都幾好，週年記念都再來，知道禮拜日要198加一，諗住自助餐這個價錢都可以接受，但黎到現場先知道食物種類比午餐還要小，好多食物都要加錢先有得食，飯前都唔算太肚餓，所以只點了其中兩款無需加錢的意粉，味道只是不過不失，但我見其他食客大部份都有加錢點食物，發現追加的食物份量和賣相都好吸引，價錢都只是20-70，不過我已太飽無力再加了。估不倒最後食店送上週年小驚喜，加了好多分。

魔膳廚房的魔字給人一種有魔法的吸引力，也令人很有想象力。雖然在工業大廈裡，但裡面的裝修一點也不馬虎，桌子和桌面整齊等我排列，溫馨的燈光，墻上掛著有創意的油畫。今晚晚餐除了主菜外，前菜、飲料和甜品都是自助的，主菜是意式巴瑪火腿卡邦尼意粉，和黑鬆露雜菌意大利飯，兩份主菜雖然份糧不是很大，但是加上前菜和甜品就非常豐足了。前菜也有不少選擇，沙律菜（小番茄，沙律菜，玉米，菠蘿等），還有芝士，豬籠腸，沙拉美腸片等，當然也有餐湯。在這裡除了一般普通的飲料和花茶外，居然有蝶豆花，蝶豆花含有豐富的維他命A、C和E，最基本的功效是可以提高免疫力，促進皮膚的彈力，還可以補腦，防止胃疼和穩定情緒等等。甜品還可以找到小時候經常吃的涼粉和棉花糖。一台洗得很乾淨的棉花機，所以可以放心食用。

我食野第一次比評論，依間太差啦!$168任食沙津巴，甜品，二款意粉，一款飯。但沙津吧得幾款選揀，甜品更加超少選揀，得幾件小蛋糕，2款生果。我唯有加2份$70海鮮拼盤，味道又係一般。食物種類真係太少，相片同佢地既單張係有好多野食，但真實一半種類都無，感覺欺騙成分，2個人埋單$524，每人$262，非常唔值得。真心覺得勁差!

星期日中午黎到呢間官塘工廠區既西餐廳 地點好方便 好近地鐵站同apm 出口當日冇book 位, 但都唔需要排隊原來星期日既semi-buffet menu 同平日一至五既menu 同價錢係一樣, 所以星期日黎食都一樣咁抵 最平$69起叫左一份蜆肉意粉 份量都正常除左main dish, 餐廳仲提供左沙律吧, 餐湯, 餐包, 餐飲, 小量甜品, 雪糕, popcorn 全部都係任食最特別既係 可以自製綿花糖!!! 童年回憶呀!!Lunch buffet 冇限時, 但去到三點夠鐘 一定夠食值得要讚下: 店員個個都好有禮貌!!! 好主動介紹邊度拎野食, 邊隻野飲好飲真係好好服務!

之前係網上留意到觀塘區有好多 lunch 嘅 semi buffet, 評價都特別好，所以打算有時間去試下。。。終於等到放假，就約埋表妹去食！整體的食物質素不錯, 飲品方面算多選擇，去到都全場爆滿，食物都算補得快手，主菜就一般，反而前菜就有驚喜，沙律同水果質素都很好，咁嘅價錢來說，勝價比高湯都有兩款揀，我最喜歡的是他們有爆谷同綿花糖，看到已經高興不過，環境就比較嘈，如果想好好傾嘢，可能要找過其他地方會更合適但整體來說是可以的，也推薦可以一試！因為價格相宜，都多選擇，算是一個不錯的體驗！

今天一行4人進店還有3人未到，黑口黑面員工要求我們到門外等！之後見另一員工容許客人坐著等其他人！沒什麼吃又不好吃之外，付款用咭還要付$10元手續費！第一次來也是最後一次！

魔膳工房轉左晚餐係自助buffet dinner，而家有半價優惠，成人每位$168，出面呢個價錢好難食到自助餐，到於黎幫襯下。沙律bar好多選擇，有蟹棒沙律，大蝦木瓜沙律等，味道都唔錯。重食到炸粉春卷，咖哩角等，香口又唔太膩。湯方面，有忌廉湯同雜菜湯飲，我揀左雜菜湯，味道濃郁。主菜方面，有3款都係免費。黑松露雜菌意大利飯賣相唔錯，不過黑松露味濃d就perfect。芝士肉醬意粉意粉軟硬度剛剛好，菜式幾惹味。甜品都好吸引，除左雪糕之外，奶凍同木槺布甸超推介。飲品除左凍飲有花茶可以自己調較份量自己沖，蝶豆花好似有減肥功效添架。

無意發現呢間餐廳原來轉咗型做自助餐，夜晚6點至10點供應，無限用餐時間，咁就試吓啦～坐齊人就會送上一盤海鮮雜燴，有鮑魚丶蝦丶蜆丶貴妃蚌丶魷魚丶青囗，份量係按人頭計，每人每款有一件，全場最好味就係呢盤海鮮。前菜：沙律吧，泰式青木瓜沙律，水果盤，芝士拼盤，冷盤，忌廉湯主菜：炸物拼盤丶泰式魚餅丶雞翼丶ribs丶德國豬肉腸丶炒蜆丶意粉丶炒飯丶炒什菜丶咖哩牛肉丶手抓餅，其中一盤是牛魔王，另有一盤係豬羅紀公園，鍾意食嘅朋友就啱哂，一定可以捧住個肚出門口。甜品：唔同種類嘅迷你切餅，芝士蛋糕丶果撻丶奶凍丶椰汁糕丶椰青糕丶芒果布甸，Tiramisu… 芋圓丶地瓜粉圓丶紫薯粉圓丶水晶珠丶椰果丶小丸子丶涼粉，可加桂花蜜糖丶椰奶丶花奶…飲品：蘋果梳打丶荔枝特飲丶檸檬茶，仲有好多種茶包可以俾你自己沖呢個價錢食足4個鐘，一枱朋友吹吓水，都可以接受，如果有更多食物種類選擇會更滿意喇！

細佬生日，食酒店自助餐好似貴左少少，想食平網見到呢間嘅餐廳自助餐勁多嘢食，而且價錢唔貴於是請晒成家人嚟呢度食飯想餐廳條路充滿特色掛滿晒各個名人嘅相合照成人每位238，仲要送海鮮🦞，係呢個價入邊係邊度搵，先睇炸物，有洋蔥圈炸雞照燒雞翼春卷，我就超鍾意食春卷因為真係超級脆，春卷皮又薄炒蜆，蜆肉粒粒飽滿，味道非常濃郁喺呢度仲有幾款芝士俾你揀黎食，我就超鍾意食金畢文芝士，濃郁芝士味徘徊喺口腔入邊，揮之不去呢個就係餐廳送嘅海鮮拼盤，有鮑魚帶子大蝦青口八爪魚仲有食肉獸最鍾意見到嘅牛仔骨，牛肋條，燒牛肉，種類非常多由於之前食到太飽，甜品就冇食到，但係見到咁多款式都非常開心

轉左餐牌唔抵食上個月黎食過一次，嗰時好有驚喜，因為一坐低就有個海鮮拼盤同埋烤肉拼盤送俾你，而且個烤肉拼盤係可以無限添食，點知今次轉左Menu之後，雖然寫住小食雪糕甜品都係任食，但以前小食都會有啲薯蓉串燒肉丸等等小食，點知今次去到，menu上面所謂嘅小食原來只係得返蒜蓉包咖喱角and 炸春卷之前送嘅海鮮拼盤同烤肉拼盤依家要加錢先至可以食到，之前兩個人埋單五百幾蚊食得好滿足而且多選擇，今次兩個人埋單都係五百幾蚊但係食物款式少咗好多都唔知自己食過d乜嘢，真心失望，希望可以轉返之前咁樣

見廣告介紹有好多野食，完全中伏，又話有20幾種熱盤，一個都冇呀，得幾種沙律，甜品，任食只係意粉，西班牙飯，其他海鮮及肉類要加錢，已經208加一，小童128加一，好失望，唔加錢食野好似食齋咁！

今天去吃 中秋節假期， 但沒有介紹那麼多嘢食， 一家人老少很多不合吃爸爸，非常很失望只有飲品， 甜品， 沙律意粉， 意大利飯沒有熟食 (很多款不做，只是空放 )海鮮要另加錢， 全不對圖片啊！ 有部份沒有安排做，須訂位時說一聲給顧客吧！有心理安排嗎？但食物和服務很好

平時一直都喺觀塘返工，食嚟食去都係外賣，偶爾有d膩，今日咁岩星期六都要返工，上網搵咗搵，又搵到呢一間小型自助餐。 呢度嘅食物唔多，但貴在麻雀雖小五藏俱全，嘢食質素都唔差，特別係沙律，蔬菜非常新鮮，甜品都唔錯，特別係西米糕，仲有得自己整花茶，咁嘅價錢喺鬧市之中真係唔錯。