魔膳廚房 (已結業)

和朋友去食生日飯，我地有2個小朋友，bb椅擺位放第2個位，感覺很貼心，地方不大，但自助餐種類算不錯，熱食,湯,生果,飲品,每樣都有d，個人推薦牛魔王，另外有一盤海鮮拼盤，所以很足夠食，佢果度有綿花糖機，第一次整失敗了，第2次先成功，職員姐姐仲送了小玩具比我地d小朋友，真的很感謝，愉快的生日飯。

朋友生日就佢收工，黎左觀塘食自助餐，呢間魔膳廚房，佢就食過幾次，我就第一次黎，既然係壽星推薦禁無理由拒絕架？！魔膳廚房位於業發大廈，裝潢文青，完全唔覺係工業大廈，比較新潮，好岩打卡影相呀！食物種類唔係好多，基本上熱葷、冷盤、沙律、飲品、甜品都齊全！食物refill 速度係好有效率，見就快食哂就會refill番一盤出黎！我個人會推薦以下呢啲甜品有多款甜品供選擇，雖然無話有非常有特色既甜品，不過都算中規中矩，無論係味道同賣相上。而且可自制綿花糖，岩哂愛甜既朋友，食得又玩得海鲜拼盤常見海鮮都有，味道上都算鮮甜，唔需要太多調味都好味，只要兩個人黎食都會送上呢個拼盤呀！牛魔盛宴值得一試既熟食，炒得幾香幾和味！包括牛小排、牛仔骨、牛舌等，充滿牛味既熱葷，我同朋友都大讚呢個熱葷好出色沙律🥗自己配搭既沙拉，新鮮生果配上沙律菜，酸酸甜甜可以消下滯，可以話係非常健康有益！

見到咁多正評，一定有佢嘅過人之處！觀塘可以食自助餐的地方實在太少！呢個廚房就正正在APM隔離，觀塘廣場對面，彷彿是apm的一部分！地理位置非常方便！二百幾蚊有自助餐食真係幾抵！難怪有咁多人嚟食！有好多唔同既芝士！沙律吧選擇都好多！牛魔王!食物refill得好快!大家都有禮貌地排隊拎!各式小食拼盤，大路野有齊！每台一份的海鮮拼盤，鮑魚青口帶子都好好味！甜品都好多選擇！當中最重要係有得食有得玩嘅棉花糖機！小朋友至愛！抵食！食物選擇款式多！被魔法迷到了！

同事生日想食西餐, 見openrice有得book位就試下呢間餐廳。午市選擇頗多, 而且價錢親民, 仲免加一添! 揀咗「三色芝士菠蘿焗雞扒跟飯」, 再加$10配餐湯餐包。忌廉蘑菇湯好香濃, 而提子餐包微温幾好食可能因為星期五午市關係, 餐廳好full, 所以上菜速度幾慢。值得一讚嘅係食物真係即叫即做, 好熱辣辣, 扒嘅size都幾大可惜芝士味唔濃, 雞扒少少韌同事就order咗豬扒同西冷。豬扒整體質素唔錯。西冷配嘅即炸薯條好好食, 但扒同樣有少韌嘅情況

官塘食自助餐，OPENRICE BOOK位仲有平,當然要BOOK!!BOOK位有海鮮拼盤送，有鮑魚、青口、帶子、魷魚、蝦，全部都係龍蝦汁煮，好入味，仲有Ｄ配菜。有沙律都幾款。豬手係重點，成隻豬手切件俾你食，仲有德國腸，一D都唔UN, 好似平時叫既原隻豬手咁，有誠意。仲有Ribs都推介!! 因為係勁多條!仲要入晒味，食到你唔食為止！仲有牛扒牛舌，都係上等。仲有海鮮炒飯。飲品既有果汁，咖啡、花茶，有凍有熱。甜品都幾正,有自製爆谷機同棉花糖機,仲有自家製既芋圓!幾IN UN!整體幾好,仲可以食到10點,慢慢坐。

觀塘呢間西餐廳開咗好耐，而家原來轉左buffet，見到Openrice有六折優惠，$238咁抵咪一於過嚟食下！平日夜晚尼到唔係好多人。一坐低餐廳送咗一份海鮮俾我哋，有鮑魚、蜆肉、蝦、魷魚、青口、帶子。樣樣野都唔錯，鮮味十足。冷盤區唔同種類嘅沙律、芝士、生果，凍腸。由於店員安排左我哋坐係熱食隔離，所以拎嘢食都好方便，意粉、炒飯、炸物你哋唔使講啦。重點有牛魔王盛宴同埋侏羅紀公園，鍾意食肉嘅朋友就唔好放過啦。另外豉椒炒蜆炒得唔錯每日會有一款是日精選，今日就係螺肉蒜蓉，幾滑身黑松露忌廉湯都整得唔錯，smooth甜品區方面都好多選擇，但係因為太飽所以淨係食咗芋圓，有好多涼粉、小丸子等等嘅配料被客人任意mix and match。總括而言，二百幾蚊又有咁多嘢食真係幾抵

放工後和朋友在觀塘找吃的。上OpenRice 找到這間在工業大廈的魔膳廚房，環境很舒適。每檯送的海鮮拼盆：有帶子，鮑魚，青口，蝦，蜆。海鮮下層有些鮮菜：蘿蔔，翠肉瓜和粟米。海鮮很新鮮，清甜，加有少少海鮮醬汁，但不會搶去海鮮的鮮味。鮑魚很厚肉!周打海鮮忌廉湯：和平時吃的有點不同，不是忌廉味很重或很濃的那一種，而是有點像中式的青紅蘿蔔湯，加入海鮮配料，好喝的👍🏼豉椒煮蜆：鮮味十足！魚肉雞肉串：配沙嗲醬一流，肉質夠嫩滑。沙律雜錦：沙律醬配搭剛，清清地，帶適中的甜甜品：選擇蠻多的，款式精緻好吃，特別是牛奶布丁，不會太甜。（還有自制棉花糖機呢）總評：$238 有新鮮的海鮮 是不錯的！款式選擇適中，基本有齊湯，前菜，小食，主菜，飯/麵類，甜品，水果。

很喜歡這裡自助餐的價錢商宜，食品質素不錯!這裡的自助餐擺設很吸腈，因為很難得是有黑檻欖及紫薯圓都係我特別鐘意食，而且自助餐既甜品: 士多啤梨奶凍既奶質拍得住北海道牛奶既味道同質感我朋友同佢個囡囡都食得好開心，最主要係小朋友見到甜品既選擇加埋有得自己去整綿花糖係可以加添小朋友對呢度service既滿意程度。呢間餐廳岩晒一家大細食餐好，朋友一路食商宜價錢既自助餐加食景傾計既好地方

好耐冇食過自助餐，前幾日近近地喺屋企附近搵咗一間，由餐廳轉做自助餐嘅餐廳。係全部都係有豬肉製成嘅拼盤，當中表現最出色嘅係肋骨！同外面食百幾蚊一碟嘅豬肋骨味道不相伯仲！然後係菠蘿炒飯同埋海鮮意粉。 表現不過不失值得一讚嘅係佢嘅炒飯同意粉都唔會只有餸夠鹹，飯同意粉過淡。呢個牛肉碎肉汁真係啱晒鍾意食肉嘅我！酸酸甜甜可以送一碗飯！隔離嘅手找餅可以配雞絲同鴨胸食！各款炒菜都表現出色，有住家飯嘅味道，當中四季豆更加係我嘅最愛！炒得非常入味！牛魔王盛宴即係由牛肉做主角。酸菜魚嘅味道雖然有些少唔夠酸，但勝在酸菜煮得夠林。三杯雞一打開蓋已經香氣撲鼻， 做到台灣三杯雞嘅效果！最後係每台都會送嘅龍蝦汁海鮮拼盤。材料全部都好新鮮各款海鮮都有。而且仲有鮑魚添！食到濟濟地去沙律吧整返碗專屬自己嘅沙律。仲有港女最愛嘅芋圓地瓜圓！最令我印象深刻嘅事佢有得自己整棉花糖！

餐廳位置方便，容易搵，晚市自助餐成人才200多元。食物菜式豐富，沙律，湯，熱盤，甜品齊備。飲品選擇都好多，除特飲外，還可以自制茶包，健康又養生。甜品多元化，小朋友還可以自制棉花糖。還有芋圓仙草，質素高，比美台式甜品店。熱盤方面，我喜歡泰式菠蘿炒飯，好香惹味。每檯還有一盤海鮮，新鮮又豐富，吃得開心又飽飽。

一早起身就有一種好想食自助餐嘅心情，返到公司開始同同事研究附近有啲咩自助餐好食，發現處於工廈地方工作嘅我哋，好嘢食係絕對冇我哋份嘅！直至到午餐嘅時候經過左一個裝修特別嘅出入口，好奇心驅使我哋行入去睇吓，就見到魔膳廚房，反正觀塘附近都冇咩好食，就乾脆試吓呢間啦，夜晚入到去首先基本上已經滿座，喺門口唔遠嘅附近有一項係甜品區，裏面嘅甜品款式多元化，就連台灣出名嘅芋圓都有，呢度仲唔止一兩款添，跟住就有一個沙律吧，裏面嘅款式非常多，亦都好啱香港人嘅口味，仲有兩種餐湯選擇，最令我深刻印象嘅就係黑松露蘑菇湯，另外一邊有大量嘅高質牛扒，肉質鮮甜不特止，仲要無限量供應，絕對唔會孤寒，大大話話都食咗兩個鐘，絕對係抵食夾大件

男朋友媽媽生日，我地揀左間係觀塘既任食buffet,聽閒好多明星都去過嫁！呢日係公眾假期前，收費係$269 per head. 價錢適中，一去到餐廳見到全場爆滿，真係超誇張，好多人都帶埋小朋友黎食！我地三大一小送左一個海鮮拼盤，有蝦，鮑魚，魷魚，青口等海鮮，鮮味十足，份量好大，而且鮑魚係大大隻嫁😻呢到集齊左唔同國家既特色美食包括泰式菠蘿炒飯飯炒得香 加埋酸酸甜甜既菠蘿 好開胃中式酸菜魚 配啖白飯一流魚唔腥 如果再辣d就仲正！其他食物仲有好惹味既台式三杯雞，勁多小朋友鐘意既自製手抓餅，可以隨意係香脆既手抓餅上面放自己鐘意既醬料同配菜，好玩又好食！當然唔少得西式既海鮮扁意粉/肉醬意粉/雞肉/魚餅串等等既熱門小食，同埋仲有岩哂食肉獸既豬羅紀公園（豬肉腸/烤豬肉等）同牛魔王（牛仔骨，牛肉片）！輪到講我最愛既甜品啦！蛋糕正方形細細舊，可以試多幾款口味！最驚喜係有自制芋圓，同小朋友可以試下自己整棉花糖！總括黎講野食有水準，款式都好多

今晚約左同事來到官塘魔膳廚房吃自助餐，因為晚餐有六折優惠😍😍。之前都有來過光顧過，很不錯的，無論環境舒適度和廚藝都很好，二人起就有一個海鮮盆，是熱辣辣盛上的是我最愛的食法🥰鮮味十足的鮑魚、帶子、青口、海蝦、甜粟超新鮮好味，😍熱葷就有好多主食賣相已相當吸引有海鮮大雜燴、牛魔王盛宴、豬羅紀大雜燴整整齊齊排列著，當中牛排好有水準，牛味十足，七成熟配上新鮮水果秘醬好滋味！👍德國烤豬手和三杯雞一樣做得甘有水準，不得不贊糯米釀雞翼，滋味小食連續食左三只😍還有各式甜品大飽眼福和肚福，還有好值得推薦的藍蝶花茶，入口清新怡人消滯醒胃，這是我第一次飲的美味花茶，慢慢品嚐着各種美食真是人生一大樂也！👍🥰

有日食lunch發現呢間餐廳，見到晚飯自助餐有6折，就拉埋同事上來食。由地下上來嘅佈置都好靚！地方好闊落，自助餐分咗3個區域，近門口就放飲品同甜品中間就擺冷盤，例如自製沙律、唔同款式嘅芝士、蒜蓉包、蝦片、仲有風乾火腿可以揀。近牆邊就擺咗好多熱食，例如炒飯、炒蜆、雞翼、豬肋骨、牛排等等。仲有串燒、春卷。多到就算每款食一件都食唔哂。食物質素方面，自助餐好多時食物嘅質素同味道比會比一般餐廳差啲，因為自助餐煮嘅量好多好大份，要做到好食，調製味道分面好花功夫。呢度嘅自助餐食物不單止冇「自助餐就係差啲」呢種感覺，反而睇得到佢哋有心思去整。就好似呢條豬肉腸咁，外面煎得好脆，好有口感。係一大盤食物中整到咁實在唔易。除咗好多嘢食可以自己拎，每一枱都會跟人頭有一盤海鮮。係拎完一輪嘢食，待應就捧住盤海鮮過嚟。海鮮拼盤入面有鮑魚、魷魚圈、帆立貝、蜆、青口、蝦，底部就有青瓜、蘿蔔、栗米。整盤海鮮用咗龍蝦汁調味。趁一上盤仲出緊煙就立即拎咗隻鮑魚，鮑魚係一人一件唔怕唔夠分。鮑魚蒸得好嫩，咬落去一啲都唔韌，仲有嚼勁。甜品方面，我就拎咗椰汁糕、芒果布甸、果撻同埋提拉米蘇。椰汁糕好清，好適合最後清下個口。除

位於工廈中的西餐廳，裝潢有心思，魔法園林感覺，亦有很多壁畫。午餐的價錢比同區的西餐廳便宜一點。地方挺寬敞，有不同款式的座位、沙發，適合一大班人一起來聚餐。午餐包餐飲，另加$10會有餐湯及餐包，挺划算的。餐包蘸餐湯吃。墨西哥雞卷配暖沙律：這個餐挺健康，沙律佔一大半，兩個夾餅卷，雞肉肉質也是瘦瘦的，不多肥肉。夾餅口感像蔥油薄餅，厚厚一塊，不過有點厚，包著雞肉粒不多，而且易跌出來；好奇暖沙律是什麼，其實是常溫而已，沙律菜比例較多、新鮮。法式慢煮牛仔柳配黑椒汁飯：慢煮的方式令牛柳更軟腍，不過還是有一兩片比較煙靭，黑椒味很突出，伴飯及配菜吃很惹味。