魔膳廚房 (已結業)

今晚同朋友去 o左魔膳廚房食飯o係樓梯行上二樓, 沿途都放滿好多藝術畫, 好靚 ar~依度晚市套餐有好多款選擇我 o地嗌 o左兩個 Set Dinner, 加 o左$38 任食沙律吧除 o左有多款沙律水果之外仲有啫哩糖食, 可以當甜品 hahaDinner Set 入面 o既餐包同紅白湯微辣 o既羅宋湯酸中帶甜, 好好飲呢忌廉湯好 Creamy仲有粒粒鮮味蜆肉 估唔到餐湯都幾高質素!主菜係自家製海膽汁海鮮意粉海鮮料都算多, 賣相幾好意粉好均勻 o甘吸滿海膽汁 口感軟硬適中大蝦肉質超級彈牙爽口, 燒得好香 另一個主菜係墨西哥香辣豬肋骨配芝士焗瘋薯用 o左扮報紙 o既餐紙墊住, 好有美國 feel 呢沾滿 BBQ 醬 o既豬肋骨一咬就骨肉分離食到 “lam” 手指, haha襯熱食埋個芝士焗瘋薯炸得酥脆, 芝士好 rich, 非常香口惹味!餐飲點 o左杯熱檸水同藍柑檸檬梳打個樣好夢幻, 解渴好飲

今次又到👦🏻出動帶大家食好西，今次要介紹既係觀塘工廈一間西餐廳，餐廳正正係地鐵站同大型商場附近，交通非常方便，今次早到左，侍應就推薦我地叫當日限定得五份既慢燒斧頭牛肋骨試試，我地見個價錢都ok，$488連餐包、西湯、前菜(可以揀青口或沙律)以及餐飲，咁就試一試佢地既推薦。另外再叫左一份卡邦尼意粉，同埋都每人加左$38既任食沙律吧。🤤我見餐牌上面寫住斧頭牛肋骨要早一日預訂同埋要等30分鐘，好彩我地個日早到先有得食，如果你地睇完都好想試既就記住早一日打電話去預訂。☎️首先講下沙律吧，款式唔算好多，但係你一般諗到既都應該有齊。例如雜果薯仔沙律、帶子裙邊、粟米粒、中華沙律、西瓜、菠蘿、啫喱糖、車厘茄、沙律菜......我個人就好鐘意呢一類任食沙律吧，尤其有我最愛❤️既薯仔沙律同啫喱糖。🤤食到咁上下，餐湯、餐包同小食都送左上黎。個餐包都幾鬆軟。餐湯(忌廉湯)就係西餐廳正常水準，小食部分既青口淋上微辣既汁，味道都幾夾。然後就到個卡邦尼意粉，上面鋪左幾塊巴馬火腿，味道黎講唔算好鹹，夾埋啲溫室豆苗一齊食，都係一個幾好既配搭，可以一試。😉最後到戲肉啦，侍應遞上一盤慢燒既牛肋骨以及一堆配菜，如蒜頭、蕃茄、煙肉

係觀塘食飯，經常都會試下唔同工廈嘅樓上餐廳，今次試嘅呢一間幾唔錯。一上到黎，發現餐廳好大，可以容納好多人，就算星期五黎，都應該唔難搵位。同朋友揀左兩個set，一齊share。跟餐湯嘅面包，熱辣辣又軟綿綿，已經好驚喜。然後salad吧，可以自由隨意拎沙律食。主菜一樣冇令人失望。「西班牙火腿卡邦尼意粉」特別係個意粉，普通嘅野食要煮得好食一d都唔容易「墨西哥香辣豬肋骨配芝士焗瘋薯」好大份，除左豬肋骨，芝士焗瘋薯都好令人難忘埋單平均每位$200幾，物有所值，食物有質素，服務到位（個個waiter都有對講機，就算客多，有咩要求都快速達到）， 用餐環境舒適（唯一覺得冷氣太凍），呢間值得encore 同朋友再黎食飯。

次次放工經過都好想入去試下，覺得餐廳嘅環境設計好用心，只睇係一入門口個植物墻就知！趁happy friday就搵個借口入去大食一餐，我地一行四人！入去見到個＄88午市自餐助，諗都唔諗就決定揀尼個！原來尼度嘅午市自餐助係揀一個主菜，再加出面嘅沙律吧任食，加$10就有餐湯同餐包！講真，個MENU好多野揀，搞到我心大心細，諗左大輪，竟然4個人都叫埋同一樣野，B12「香煎美國西冷8oz配薯菜跟黑椒汁」，因此我地望到隔離枱果份太正，哈哈！！沙律吧入面款式唔算多，不過樣樣都好岩我口味！有沙律前菜，栗米粒，西瓜 同菠蘿，餐前開胃小菜！順便讚下餐廳，因為個menu寫明係黑椒汁，不過有個同行朋友仔佢係唔食黑椒汁，餐廳好貼心咁幫佢換左做燒汁！尼個要讚！西冷七成熟，肉質厚，味濃，外層微焦薄脆，內層肉質香滑，而且脂肪均勻，配菜薯角一流！開開心心又一個lunch，下次要叫多d人齊先得！！

2018年9月15日。觀塘。晴。呢日喺觀塘行下，區內好多工廠大廈都有好多間咖啡店、餐廳咁業發大廈離地鐵站好近，決定午餐時間上去見到停車場隔離有個獨立嘅樓梯口，一直上見到兩邊牆掛咗好多畫行行下就見到啲餐牌上到一樓就見到餐廳門口裝修幾靚喎～入到餐廳入面好闊落午餐時間原來有自助餐食，仲要超抵！只需$88飲品選擇亦唔少坐低嗌咗嘢飲就出去睇下有咩食啦其中一邊靠牆位擺晒熱食有瑞士雞翼、紅酒燴牛肉、意粉、炒飯咁最鍾意呢個拿破崙牛肉波波，牛肉味濃，醬汁入味食咗好多粒～～另外有個黑松露忌廉焗魚柳都好味魚肉嫩滑，黑松露味濃，入面仲有薯蓉，唔鍾意食飯或者意粉嘅話仲有呢個飽肚選擇對面擺咗啲冷盤沙律有雜果薯仔沙律同埋蟹籽生菜沙律隔離仲有泡芙同啫喱再隔離張枱有水果～然後就係甜品啦～有各種唔同嘅酥餅仲有麵包布甸同焦糖燉蛋選擇多，味道都唔錯～飲品賣相極佳，綠色杯嘅係焦糖咖啡，紫色杯係荔枝玫瑰梳打飲品造型同埋餐廳裝修打卡效果唔錯～～

魔膳廚房-觀塘係觀塘附近返工返學既人平時飯野冇幾可有菜食，呢間餐廳叫野食加20蚊就有自助沙津吧，啱哂啲鍾意食菜既人🤩🥗菜同配料有好多款式，例如有沙律菜，中華沙律，車厘茄，薯仔沙律等。最surprise 係佢有啫哩糖！醬汁方面我最推介黑醋汁！酸酸地好開胃！Lunch set 包左餐湯（圖中係雜菜湯）同餐飽。湯好夠蕃茄味，餐飽上黎仲暖暖地燒春雞配薯角，醬汁好味，雞肉都入味啖啖肉，薯角分量啱啱好肉眼扒（5成熟）配薯角，牛扒唔會un，叫左5成熟切開真係好靚既粉紅色唔會好似街有機餐廳叫5成但上到黎變左8-9成。配黑椒汁一流餐飲揀左熱檸水，想提一下隻杯好靚😂係雲石紋呀

呢間唔係一間嘅西餐廳，一入到去第一個感覺就係，好大呀～可能因為係工廠𥚃面，座位好闊落。佢嘅晚餐自助餐可以任食沙律吧，雖然選擇唔多，但勝在都幾新鮮，尤其是係紅黃椒最好食。主菜要左德國烤原隻豬手配薯角跟黑椒汁，份量好足，豬皮非常厚身，亦都夠腍，肉味超濃，同埋一定要配酸菜，成件事更加融為一體。由於實在太多肉，另一個主菜揀返啲清淡啲，就係呢個扒蘑菇牛肝菌闊條麵，都有驚喜喎，估唔到將金菇炸左會咁好食，雞髀菇就啖啖肉，闊條麵一食係瑞士汁味，中西fusion好特別

今日黎到觀塘起附近食lunch 唔想每次都食連鎖餐廳一於試下新野！最後決定試呢間西餐廳😋一開始我哋起等後上菜嘅期間去左沙律吧揀選前菜沙律吧亦會提供一啲日本嘅前菜例如中華沙律 辣味螺肉我都拎咗我最鍾意食嘅椰絲啫喱糖今日飲嘅餐湯係黑松露忌廉什菌湯濃濃既黑松露味加埋切好咗嘅粒粒什菌真係令我好驚喜我地之後叫左美國醬燒BBQ豬肋骨配薯角🇺🇸豬肋骨好細心咁切開左兩份 方便我地食肉質嫩滑多汁 輕輕一切已經可以骨肉分離燒烤醬好惹味令人食唔停口 亦唔會燒到太乾薯哥亦都好脆夠味 另外亦都叫左香煎美國西冷配薯菜西冷扒好厚身而且係用咗炭火去烤焗所以食落牛味重而且可以鎖住肉汁牛肉香煎過後亦都保持到鮮嫩嘅粉紅色

話說當日我同朋友book咗位食夜晚7點，但搵路都已經搵到遲到；我地跟住openrice個地址去搵相應既工業大廈，係觀塘站出 沿住近消防局既行人路直行，見到一期但個閘鎖咗，於是我地就等一陣，等到有人出黎。我地一入到閘已經覺得有啲怪，心諗點解咁冷清，行樓梯上到二樓就覺得格局有啲奇怪，見到餐廳牌名 硬住頭皮入去之際，原來我地去咗後門入一入到去我地都一臉迷惘，隨即就有個店員行近，帶我地去正門睇番訂座名單，佢地店員多 態度都好友善我同朋友一坐低，都一致評論 覺得呢到好多位，唔洗book位都得，但點知就越夜越多人，吃貨貨如果8點後食最好就book位喇我地嗌咗兩個dinner set + salad bar，其實我本身就對salad冇咩興趣，但因為朋友崇尚健康人生，最後都係加咗$38跟salad bar！佢既沙津Bar都係一啲大路野，羅馬生菜、火箭菜、三色椒、切件蕃茄，亦包括一啲調味，例如沙律醋。而另一邊則有冷盤，有螺肉、中華沙律、帶子邊等生冷食物。也有車厘茄及啫喱糖等伴碟小食，大部分都很夠凍，因為都皆放在冰上冷凍著呢間餐廳食物選擇多，有沙律、有飯、有意粉、有扒類，花多眼亂，最後就揀咗一個魚同一個飯

今日放工難得同男朋友慶祝2周年拍拖紀念日，想搵返間好啲嘅餐廳食個浪漫嘅晚餐就記得前排同事介紹過觀塘呢間樓上嘅餐廳，魔膳廚房個名夠晒特別，而且佢環境都好靚，打卡真係一流呀燈光暗得黎有種浪漫既感覺侍應一見我地坐低，就即刻送上檸檬水，但係服侍周到侍應介紹，我哋可以自己出去拎沙律感覺真係好新穎，出面沙律配菜都唔少，而且乾淨又新鮮仲有我最鍾意食嘅日式螺肉添，真係忍唔住呀已經係主菜之前食第二碟啦個餐包嚟到嘅時候，仲好熱主菜方面，我叫咗一個香煎三文魚柳配藜麥沙律塊三文魚柳又大又香，加埋佢嘅配菜，就更加帶出佢嘅鮮味男朋友叫咗一個墨西哥香辣豬肋骨配芝士焗瘋薯，佢嘅豬肋骨夠晒彈牙，而且芝士配埋瘋薯，真係人生一大享受真係唔可以唔稱讚一下佢呢個醬汁，香濃有味，用嚟點下薯條同買菠蘿簡直一流最近天氣開始涼，我哋都叫咗兩杯熱飲，一杯係茉莉蜜花茶，另一杯係桂花蜜花茶，入口甘甜、香味撲鼻呢一餐埋單只係大約400蚊，就享受到高質美食同靚景，抵曬

打風前除左做足防風操施, 仲要善待自己, 去搵間唔錯既餐廳再坐低慢慢歎返餐lunch set有好多選擇,我揀左美國西冷配薯菜同黑椒汁。 8安士幾大塊, 見人地食我又試下。 唔錯。 因為喉嚨痛, 我就叫左檸檬蜜糖。 唔錯 好潤喉我朋友就叫左玫瑰蜜花茶。 佢話幾好飲中午仲可追加小食。 雞翼同青口好吸引。 但個扒太大。。所以我地食唔落。。 哈哈。。下次再試喇餐前小菜我地加錢要左沙律吧。 另一個主菜就係黑松露飯。 好香口好好味。 服務都好周到。盡心盡力。lunch time真係好忙呀。。。 最好1點前黎拎位。。

是日午餐去了觀塘探望好友，我哋去了“魔膳廚房”食個靚Lunch。餐廳地點很方便，觀塘地鐵站B2出口行1分鐘就到，一入到餐廳後就聞到陣陣的香薰精油嘅味道， 好似置身於喺spa嘅舒適環境中。午餐都好多選擇，每逢星期一，三同五同埋星期二&四，有不同套餐，套餐包飲品，加＄20蚊仲有沙律吧任食添。好友叫了龍蝦汁海鮮意大利飯，他表示很滿意，味道不錯👍🏻👍🏻。我就叫了香煎連魚皮鯰魚柳薯蓉配沙律，魚煎得好香仲好肥美。😋😋餐茶老友飲焦糖咖啡，我就飲玫瑰花咖啡，都算ok。在觀塘返工嘅朋友仔同我講嚟“魔膳廚房”食lunch都係一個不錯好選擇，有時仲會食埋晚餐架😉😉放工肚餓都可以落去食個靚飯先回家😁😁，唔怕冇飯開啦～

最近老公愛上觀塘購物， 所以多咗觀塘 覓食， 今次搵到係觀塘廣場對面嘅魔膳廚房食返個溫馨晚餐。 獨立樓梯上二樓， 沿住樓梯上去除咗大大個餐牌外， 仲有好得意又特別嘅壁畫。 上到去就係一個森林入口喇。 走入森林裝修細緻， 坐低後因為好肚餓， 所以睇餐牌叫野食. 魔膳廚房有個小型沙律吧， Dinner Set可以加$38 就任食沙律吧， 沙律吧款式都唔少， 而且都新鮮， 仲有生果㖭。 餐湯我地各叫一款， 最愛呢個餐包， 暖暖的， 軟軟的， 很好食。紅湯白湯2款都好味， 但我地覺得白湯茹味濃郁香滑， 更勝一籌。 主菜選擇了 跟 。大大條豬肋骨煮到啱啱好， 骨肉容易分離， 醬汁濃郁帶少少辣， 但個人覺得略為偏酸。 薯角配上芝士煙肉好香口， 最後食埋燒菠蘿就可以解膩。 意大利飯一向都係我至愛，呢個金菇天婦羅好味呀， 加上蟹子黑松露味道更特出。 最後餐飲就選了玫瑰蜜花茶同冰檸茶， 粒粒玫瑰花芳香順喉， 飯後飲好舒服。 滿足嘅一餐。

觀塘工廈一直都有好多優質抵食既西餐，今日收工就同男朋友去左試其中一間，見openrice咁多好評，令我期待感都好高呢間餐廳雖然位於工廈，但係唔需要搭工廈的升降梯，而係大路邊就直接有一條樓梯可以直接上餐廳條樓梯裝飾得好靚，穿過條掛滿畫既樓梯就會見到花花牆既門口，好有魔幻感覺！入到去發現餐廳是工業風設計，空間比想像大好多，而且有唔同組合既檯，無論係一大班人聚會定係兩個人既約會，都好適合。（下面張相係餐廳其中一個角落咋）菜品款式選擇繁多，叫主菜包餐包餐湯同飲品，加38蚊仲有自助沙律吧，抵沙律吧選擇唔算多，但係應該有既都會有。西瓜、薯仔沙律、沙律菜、三款沙律醬、番茄沙律、帶子裙邊沙律等。其中我最鍾意食西瓜同沙律菜，好新鮮好食食完沙律吧就上左餐湯同餐包。餐包熱辣辣，外面烘過所以有dd脆，而入面又係超軟熟，加上核桃碎同提子乾提升口感，一流我地兩款餐湯都揀左,兩款都令人驚喜雜菜湯非常濃郁，連平時唔飲紅湯既我都忍唔住飲多幾口海鮮忌廉湯入面有好多料，而且口感軟滑，正墨西哥香辣豬肋骨配芝士焗薯$178首先佢既賣相好吸引！而且份量十足，足足有十條咁多！味道都出色，肋骨亦入味，肉質都唔會乾。不過肉同骨未可以輕

魔膳廚房位於工廠大廈內，很近觀塘地鐵站，位置方便，通過樓梯入來別有洞天，裝修有格調，座位舒適寬敞。另設有兩間VIP房，適合 6－8人 及 8－12人，午餐包房只需 $780 及 $980 便可以擁有私人空間了。 午餐以 Set Lunch 為主，主菜加飲品，價格以同區計有競爭力，還可以優惠價錢添加小食或精選蛋糕。套餐加$10 可享用餐湯及餐包，今天是南瓜濃湯，另加 $20 可享用任食沙律吧，薯仔雜果沙律、沙律菜、粟米、蕃茄、彩椒，還有螺肉、中華沙律、帶子邊等，西瓜也很新鮮呀。厚切豬扒配白咖喱汁跟意粉$68，份量十足，白咖哩椰子味濃。香煎美國西冷8oz配薯菜跟黑椒汁$138，賣相吸引，五成比預期熟了點，肉質帶點嚼勁，肉味不重，配黑椒汁或幼鹽也不錯。魔膳廚房全場可容納近二百人，除了提供午市及晚市外，還有包場服務，可用作party或者商務活動如產品發佈會，設備齊全，提供投影器及咪等音響設備。