魚川居 (已搬遷) 新店位置

觀塘一天遊，這天整天都在觀塘，行街前都要食過飯的，找到這間在工廈內的餐廳，Lunch時間是食粉麵飯的，晚上時間是打邊爐的!午市時段的選擇都算幾多，來到這裡當然要試試他們的酸菜魚!酸菜魚淮山麵，一碗湯麵的份量都幾多，而酸菜魚的味道非常正，湯底味道很夠酸味，魚片的份量都好多，而且魚片沒有骨，食落有點爽身!湯內亦有大量酸菜，淮山麵都幾掛湯，整碗非常開胃，令人吃過不停!混醬手撕雞冷麵，冷麵和手撕雞是分開的!手撕雞的醬汁帶有花生醬味，微辣，而雞肉亦不會很鞋口，味道不錯!冷麵亦落有醬汁，也是麻醬，炎炎夏日食個冷麵胃口即開!凍檸茶，凍檸茶跟餐只需加$6，茶底夠澀味，而且不會好甜!

呢間觀塘工廈飯堂，夠平民！價錢唔貴，午餐幾十蚊有交易。餐廳夠闊，坐得ok～～餐牌有酸菜系列、水煮系列、鮮魚湯系列、泡飯、手撕雞系列等等。如果平時返工食價格都唔錯！！見到有老彈酸菜系列，揀咗酸菜魚薯粉$58，份量都算幾多。魚幾林幾多，薯粉粗身，湯底酸酸地少少辣。而且仲有好多芫荽調味。另一個都係揀咗酸菜魚，但係就配淮山麵。淮山麵幾林身，麵嘅份量多一定夠飽！加錢可加配飲品～平平哋幾十蚊一個餐，算不錯！！

我本身勁鐘意食酸菜魚，有一日接過傳單，得知觀塘開咗間新川菜，所以急不及待lunch就要去食我其實喺短短個半月嚟左5次，仲記得第一次嚟，叫酸菜魚，等左40分鐘，同事食晒，我都未有，原來佢地比錯枱，點知又要煮過，再等，最後嚟左碗水煮牛，真係o晒咀😅因為遲到啦，所以我照要，同事話呢個好食，但食落真係唔錯喎，好有風味58蚊可以食到個正宗水煮牛😋，好多牛肉，水煮湯好多配料， 辣椒萵筍海帶絲簡值超值啦。雖然錯單又慢，但真心好食又抵食，所以隔咗幾日我又再嚟過，要食返我想食既酸菜魚😜第二次姐姐竟然記得我話唔好意思，仲請咗我地飲野話就得上次錯單。今次我終於食到酸菜魚啦，配淮山麵$58好足料勁多魚，魚好滑，麵煮得啱啱好彈唔會淋，湯熱辣辣味唔太酸，份量都多架，所以夠晒飽之後再我地會叫埋小食，涼拌皮蛋$14 ，2人 share 啱啱好，個汁好好食，簡直想用黎撈麵食呀土匪雞翼$25/3隻，味道都ok勝在夠熱，但我覺得x仔果d香D好食D佢呢度lunch 有多款套餐嘅，水煮麻辣，酸菜都有,價錢都係$58起，加野飲4至8蚊左右，好抵食。其實張menu係有寫明係即煮要等15分鐘既！但之後去果幾次，佢地係有改進既，有快到

#觀塘工廈酸菜米線觀塘區樓上食肆款式多多 即使簡簡單單食碗米線 我照樣上樓揾 價錢實惠 冷氣涼浸浸 食完hea多陣都得 唔使儘快起身俾位下枱食客-🐙🍜酸菜墨魚片淮山麵 $68喺小店主打嘅老壇酸菜系列裏面 揀咗呢款人氣推介 厚切墨魚片非常耐嚼 但我更加鍾意墨魚鬚 圓碌碌爽口彈牙 碗中好多酸菜 酸味自然 加埋芹菜芫荽一齊食 勁醒胃 留意個湯底屬於麻酸 越食雙唇越麻 叫杯凍飲降温最穏陣😇-🍖🍚無骨豬手飯 $60即係切片燻蹄 配飯食最啱 (可另配烏冬 米線 淮山麵或薯粉) 醬汁有四款: 蔥油 沙薑 口水汁 朋友揀醉汁 豬手連皮帶淡淡酒香 表面見到類似紅椒碎嘅醃料 食落唔辣-📍魚川居觀塘開源道54號豐利中心5樓507室

其實觀塘一向都多嘢食，今次就去咗魚川居打邊爐，佢依度湯底選擇亦多，食物種類亦都好足夠 ，而且又有烤魚及雞煲。因為今次一心嚟打邊爐就揀咗酸菜胡椒豬肚湯底，稻庭烏冬、脆鯇魚腩、美國肥牛。每樣食材都好新鮮，脆鯇魚腩鮮味同埋肉身爽口，牛肉就好足牛味而且脂肪分佈平均，稻庭烏冬夠彈牙，最值得一提係個湯底，超多酸菜及新鮮豬肚係入面，而且胡椒味適到好處，啱曬香港人口味。值得一提既係呢度服務周到，員工每位都好有禮貌而且地方寬敞夠曬大，同朋友聚會一齊打邊爐都唔使怕逼。

朋友話lunch 想encore 呢間 所以又來試下囉～ 上次d米飯好濕 好難食， 今次試淮山麵， 真系好好多。 今次試羊肉， 一般般， 好硬 同好肥 下次都系食返魚先。 小食叫左雲耳同皮蛋。 正常，沒有驚喜。

一直好鍾意食酸菜魚，朋友都係酸菜魚迷，所以我地就約左一齊食酸菜魚啦☺️超美味大盤既桂花酸菜魚，其實佢咁大盤真係一盤就夠曬啦😋原來諗住睇下佢個份量先再考慮加唔加火鍋，點知佢太大盤太抵食😂差啲食唔晒酸菜魚超滑無骨！無骨真係重點，因為好怕食魚食到骨。酸菜魚份量好多☺️超多片，仲有好多酸菜配埋白飯一齊食都一流，雖然我都鍾意食寛粉，但個人好中意酸菜汁撈落啲白飯到一啖一啖咁食，個酸菜魚仲有菊花配番個清香口感☺️佢個汁唔會好辣我連佢啲湯都飲埋😬好開心搵到一間高質份量又多既川菜 誠意推介

呢間位於觀塘嘅川菜餐廳主打酸菜魚、水煮魚、雞煲及火鍋之前見到fb香港米線關注組有人介紹都係第一次嚟試吓喔！-🍜酸菜肥牛薯粉（$58）麵底可揀准山麵/米線/烏冬/薯粉，甚至轉白飯🍚湯底用咗雞及鮮魚熬製加埋酸菜，酸香惹味呢😋薯粉同肥牛份量都算多薯粉口感煙韌，掛湯力強👍🏻不過肥牛質素麻麻地，無乜牛味下次會考慮食酸菜魚喔🤪🍜沙薑手撕雞冷麵（$58）手撕雞系列可配搭魚川醬、蔥油、沙薑、口水汁、醉汁，配搭非常多元化呀！沙薑雞肉質嫩滑，醬汁甜甜哋個人覺得沙薑味可以再濃郁d值得一讚嘅係...雞肉份量好多，足以撈勻成碟冷麵一齊食呀💯

【酸菜魚】酸度剛剛好， 本身朋友不太喜歡吃酸的 也可以接受到。 辣度不太夠， 如可以俾客人選更好。魚肉很滑， 而且沒有骨， 適合唔識去骨的朋友。 唯魚的份量比較少， 不夠送飯也不夠飽。 飯麻麻地， 太濕。下次如再叫， 最好不要叫飯， 叫米線之類會夾d.【酸菜牛肉米線🍜】牛肉煮的太耐， 有點硬， 但好在切得夠薄。 整體味道ok. 【凍零茶】檸檬不夠味道， 而且冰太少， 變成暖零茶， 怪怪的。 價格正常， 不算特別便宜。 魚好食， 可以encore.

今日去觀塘睇睇波鞋outlet, 之後就喺附近食個酸菜魚, 依間餐廳喺工廈上面嘅樓上舖, 價錢都算實惠, 一個午餐, 酸菜魚, 五十八蚊, 再加少少錢, 可以配嘢飲。個地方多幾整齊, 乾淨, 空間感到幾大, 除左酸菜魚, 仲有水煮魚, 泡飯, 等等。四川酸菜、泡辣椒、花椒和辣椒滾湯而成，味道又酸又辣，惹味開胃第一口喝湯，先酸後有餘辣，不麻，整體清爽而開胃，口感溫潤舒服。再吃魚肉，入口滑溜啖啖肉，魚塊厚薄岩岩好, 唔腥、肉嫩，亦不易散開，啖啖肉的口感, 不錯不錯，米線就吸收晒湯頭既味菜, 滋味。

原來想食酸菜魚唔一定要一大鍋, 觀塘有間工廈樓上的川菜餐廳-魚川居, 有一碗碗麵叫的, 叫了酸菜魚配紅薯粉$58，有大量又滑又嫩的魚片, 又有咸酸菜, 芽菜作配料, 湯底好夠酸味, 又唔會太辣。朋友叫了水煮魚, 呢個超級辣, 但好刺激, 辛辣但好味, 同樣, 大量魚片, 好抵食, 配了淮山麵，麵質較有質感, 有嚼口, 諗住冇咁重澱粉質咋。飲品加$6可以有凍飲, 叫了凍檸茶, 另外加了個冷盤小食$16，醉豬手粒, 酒味夠香, 豬皮彈牙, 爽口。

朋友係觀塘番工的原因，諗住相約係觀塘食晚飯。突然好想食最近大熱的烤魚！上OpenRice search 下，穩到一間都幾多好評的魚川居，打左電話booking ,7點左右就上左去啦。睇吓餐牌，一眼就睇到烤魚的餐單😂見有三款，有海鱸魚，元朗烏頭，沙巴龍躉，最後同朋友商量好，就點左沙巴龍躉！見到餐牌，其他火鍋配料都吾貴，加多少少少配菜，兩個女仔吾太大食，剛剛好！仔細睇吓，原來仲有雞煲，火鍋可以選擇，可能下次先試吓！等左一陣，好快姐姐將烤魚上枱了，我哋簡左招牌香辣，d香辣味撲鼻而利！好大一盤烤魚！條龍躉係輕微炸過的，味道很香！仲有好多配菜，豆卜，薯粉，炸枝竹，蒿筍，木耳！我哋兩個女仔食份量剛好！最後加多個烏冬吸乾湯底，簡直完美！下次再利試吓雞煲同火鍋！

酸菜魚喺近年已經成為咗一個大趨勢，本身吾中意就咁食酸菜😂酸菜魚我又幾啱食，酸酸mei mei嘅魚片確實系吾同嘅感覺。觀塘原來新開咗間酸菜魚火鍋，野食都好抵食，好啱一班人黎恰吓恰吓😆呢啲最抵食嘅莫過於呢款海鮮郵輪🚢$198/位就可以揀湯底、海鮮、5款時令海鮮同埋8款自選配料，好抵食🤩香港人咩都要方便快捷，如果連食嘢都吾洗點揀就最方便不過～呢度就為客人設計咗懶人火鍋，揀煲底/鍋底，套餐就3揀1，有齊曬好多款配料。我哋叫咗酸菜魚湯底，開頭淨系黎咗個鍋，唔知道系包埋魚片😂一嚟戈陣仲以為黎錯。魚片晶瑩通透，切片切到好似刺身，心思之作。整熟咗之後超期待試一試，勁好食！魚片口感非常實在，唔係平時嗰啲脆魚鯇，反而似系酒樓叫嗰啲貴嘅魚類，好滑溜，吸埋酸菜鍋湯底變成酸菜魚味道啱啱好。炸魚皮都系每次打邊爐都會叫嘅菜式，雖然話系炸物，都吾系度度都整得好食🤔呢度嘅炸魚皮又炸得幾脆👍🏼一路食其他配料一路食炸魚皮好正。餐廳仲好貼心咁有預備海鮮郵輪教學比客人，吾同嘅海鮮擺落火鍋嘅時間都吾一樣，記得系以沸騰時間計算。海鮮拼盤海鮮種類好多，揀咗帆立貝、鮑魚、蟶子、龍蝦、象拔蚌，海鮮控表示好滿意🤩尤其系帆立貝同埋鮑魚，不得

自從入左米線關注組，開始留意公司附近的小店，今日避開了午餐人潮，2:00pm上到去，其實都仲有唔少人，但總算唔洗等位直入。叫左個 ($88) 老壇酸菜桂花魚米線，佢有個平少少嘅 ($58) 酸菜魚，🤭叫完睇下menu 又見到跟餐可以優惠價試小食，咁就一個人叫到成枱都係食物。門口放左個晚市放題都相當吸引。。🤩老壇酸菜桂花魚米線 $88好濃郁嘅魚湯。。好味《必試推介》青芥鮮墨魚鬚 $19呢個跟餐另加，份量都唔少，白灼得剛好，唔會太老，爽脆嫩彈，非常鮮美，正！土匪雞翼 (3隻) $25

觀塘打邊爐或者可以試下呢間😋🥰🙌🏻✅魚川居呢間係位於觀塘工廈既樓上舖見網上寫佢既最著名酸菜魚同水煮魚午餐會有酸菜魚麵等晚餐有唔同既套餐 有二人餐亦都有得散叫我地就叫左海鮮郵輪套餐 啱晒鍾意食海鮮既我地😈🔆水煮魚(+$30轉桂花魚)呢個套餐一開始有得揀食酸菜魚或者水煮魚我哋就揀咗食水煮魚啦食得魚當然要加錢轉桂花魚啦桂花魚係好似魚生咁樣切片上都好大碟下👍🏻咁樣就可以喺想食嘅時候先至淥落去唔會滾到好乾佢水煮湯好重麻辣既香料味佢冇問到我地辣度 不過個人食得辣都覺得佢幾夠辣唔食得辣既朋友可能就要留意下啦不過個湯底的確好惹味 會令人愈食愈多🤣😈🔆沙白硯 配 肉蟹第二層呢就配左沙巴硯同埋肉蟹唔食蟹嘅話呢都可以加錢轉龍蝦肉蟹超有份量 每人有一隻 好足磅！🔆時令海鮮(5款)話明係海鮮郵輪就當然唔少得嘅係海鮮啦我哋就揀咗鮑魚 墨魚 象拔蚌 廣島蠔同花螺感覺花螺擺落水煮辣湯好夾🥰每款海鮮既份量都好多 而且好新鮮👍🏻🔆自選配料(8款)今次呢一層就會俾大家揀下丸類，肉類同菜每樣配菜都唔錯 份量又多以為冇麵類會唔夠飽 但其實食到咁上下就已經好飽😂特別一提佢個韮菜餃係幾好食餃子皮煙韌之如 入面既韮菜餡又幾好食😋味道