魚川居 (已搬遷) 新店位置

已經係第二次食依間新開既餐廳，第一次係lunch, 今次係晚餐，上次lunch食手絲雞撈面，再加招牌魚川居辣醬，已經好有驚喜，十分喜歡辣得黎帶啲花生醬既口味！ 今次晚餐就試左酸菜魚，真心覺得係我喺香港食過最最最好味既酸菜魚，最重要既湯，真係好出色，夠味、鮮得黎酸，又唔會太辣，十分暖胃，加埋好滑既桂花魚，啖啖肉👍🏻用魚湯繼續打邊爐，另外叫左牛肉同響鈴，牛肉份量多價錢平，響鈴就好有驚喜，原來係老闆買腐皮自制，難怪咁香口、咁脆，好味過自己買現成既好多！推薦推薦👍🏻😋另外值得一提既係好友善既店員😋好味之餘又食得開心

今次發現咗一間好高質又抵食嘅酸菜魚店🤟🏿雖然位於工廠大廈但中午時間都好多人幫襯!〰️酸菜魚麵酸菜魚嘅湯底辣度係固定左嘅對於唔係好食得辣嘅我來講就啱啱好 嗜辣嘅朋友就可能會嫌佢唔夠辣但不得不讚佢嘅湯底真係調校得好好 裏面嘅魚片好滑 份量仲要好多而且每一片都好入味 真心出色酸菜嘅分量都好多 食落好爽口而佢本身嘅麵條係配淮山麵個人就覺得淮山麵嘅口感同酸菜魚好夾！不過亦都可以加錢轉白飯/米線/烏冬/薯粉🤟🏿呢碗酸菜魚真係好啱我口味 食到最後係連酸菜都清光🤣〰️嫩滑手撕雞飯除咗主打嘅酸菜魚 水煮魚外 佢哋仲有手撕雞手撕雞可以自選醬汁 原味/蔥油/沙薑/口水/麻醬/魚川醬/混醬我哋就叫咗混醬(魚川醬x麻醬)好推薦俾食得辣嘅朋友！ 夠辣之餘又惹味 食到最後仲添左碗飯繼續食🤣唔怪得知坐低之後見到好多個都叫佢哋嘅手撕雞午餐仲會附送當日嘅飲品我嗰日就係玫瑰花茶同羅漢果茶真心幾推介佢哋嘅午市 價錢平之餘又好食如果喺附近返工一定會成日幫襯🤣遲啲晚市開返 有機會想再試埋佢哋嘅酸菜魚火鍋🤭

今日喺觀塘，想食四川菜，上網Google一下，就見到呢間口碑幾好不過唔係好多人講嘅樓上川菜館，仲有粉麵同米線食，睇落幾啱我今日嘅胃口，咁就去試吓😁呢度有「酸菜魚系列」，又有「水煮魚系列」，兩樣我都想食，揀來揀去，三心兩意，最終就選擇咗$58嘅「水煮魚」，配料有芹菜、芽菜、香蔥、芫荽、木耳、萵筍；有麵、白飯、米線、烏冬、紅薯粉可以揀，我揀咗米線😁；仲包一杯羅漢果茶😁「水煮魚米線」好快就嚟到，熱辣辣大大碗，幾好味，食得我飽飽😁

雖然鴻圖道係荒謬，但觀塘區仍然有佢嘅吸引之處。就好似開源道豐利樓上就有間川菜，唔止酸菜魚、水煮魚，仲有唔辣之選，例如滋補花膠雞湯🤤🍜🐟酸菜魚麵$58✨好味指數：🌕🌕🌕🌕🌗見係廚師推介就試試佢，湯底酸辣味十足，非常醒胃，魚片入味，麵底是淮山麵，也可以加錢轉其他，成碗麵都好惹味！諗起都想再encore🤤🍲🐥濃湯花膠手撕雞泡飯$108✨好味指數：🌕🌕🌕🌕🌑食之前一定要飲個湯底先！雞湯濃郁鮮味，花膠亦煮得夠腍，非常滋補暖胃！❤️🐖醉豬手粒$15（跟餐價）✨好味指數：🌕🌕🌕🌕🌑豬手一啲腥味/雪味都無，酒味浸晒入豬手，充滿醉香。返觀塘嘅朋友唔好再呻慘啦，放飯咁多選擇，又唔貴，仲想點🥺

疫情下新開業現階段試業期～在觀塘工作順路一試🏠環境都闊落~📲電話落單🍵午市會附送多杯羅漢果茶（室溫）/牛蒡茶（熱）🍽 酸菜魚薯粉加手撕雞$16👍🏻魚大概有七至八件，本身睇落好少，但係原來大部份都係比手撕雞擋住👍🏻多款麵可以選擇（薯粉/淮山麵等👍🏻可選小辣，食落去偏甜，但係對於只可以食到bb辣嘅我覺得幾好🤏🏻手撕雞ok普通 但係冇咩特別調味，如果額外加嘅話可能揀其他配菜會更好，都係+10幾蚊

要趕住喺限聚令之前食最後嘅晚餐堂食近呢幾年香港多咗好多四川菜🍽但係想搵一間好食嘅酸菜魚就反而有啲難度😅😅今日試咗呢一間新開嘅川菜餐廳🍽我哋叫咗一個酸菜魚之後可以用來打邊爐🔥為咗🐟可以滑啲 我哋轉左桂花魚🤪（$288）份量好多好抵食🤩滿晒 如果你當佢係一個火鍋湯底嘅話佢真係好抵食☺️☺️因為可以食完再用個湯打邊爐🍲之後再叫咗唔同嘅配料🥬呢度非常之好有好多種類嘅🥩🐑🐟🦐🦀🦪仲有半份叫👍🏻人少少都可以試多幾款最好味嘅有1️⃣脆腩 - 即係脆肉鯇魚腩 切得大大件好好食 🤟🏻2️⃣薯粉 - 吸晒酸菜魚嘅執好入味好煙韌🥰因為今日係同朋友聚會唔記得咗影相但係我一定會再帶多啲朋友嚟

天氣凍左咁多🥶朋友介紹話公司附近開咗間酸菜魚🐟食完仲可以用佢嘅湯底打邊爐！二話不說即刻book左😚招牌酸菜魚 $198上碟時發現份量都幾大😳而且賣相幾靚～聞到果陣酸菜味已經食指大動！魚肉幾滑幾鮮嫩👍🏻酸菜同胡椒粒令到整個湯底酸酸辣辣 最欣賞佢加左幾片桂花瓣 增添一份清香💕食完魚肉就可以同夥計講：「轉打邊爐！😜」然後搖身一變湯底就轉落火鍋✨好鍾意佢呢度嘅配料可以半份咁叫，兩個人又貪心試多d款就啱哂🥳鬼馬油炸鬼 $38呢個就咁食又得，放落湯底滾一滾熱食都得☺️我prefer滾一滾食，d肉好彈牙，好味！手打蝦滑 $45香濃鮮蝦味，而且打到起膠，好彈牙好爽呀😍紐西蘭羊肉片 $38羊肉唔錯，性價比幾高😊鐘意食羊嘅可一試！牛頸脊 $118牛反而相比羊CP值冇咁高，但油脂分布ok，反而牛我會推薦以下呢個！鮮牛胸油 $38超級高質！！！呢個勁好味👅我地encore左兩碟！食落好爽而且油脂部份咬落去會令你口腔充滿脂香～仲要價錢勁吸引！絕對值回票價呀！！！白鱔片 $38魚質都幾滑～唔會有腥味～這個不錯的！最後叫埋油麥菜，即炸響鈴同紅薯粉去完結呢餐🥳響鈴勁脆，輕輕浸一浸即起就食，正👅食酸菜魚梗係要配紅薯粉先夠

相信大家呢一年幾都好少食到好食既川式火鍋，由於港女特別鍾意食辣野＋重口味，又心掛掛D麻辣火鍋，朋友就搵左一間新開既店，帶左我去食。港女對辣野要求好高，辣得黎唔係死辣而且仲要個味夠香，先為之合格，最好就係走味精啦～今次黎到觀塘魚川居，由地鐵站出黎都只係7分鐘路程。😆新開關係，姐姐們都好熱心服務，不停介紹食物，雖然見到openrice推薦酸菜魚，但係個日心情想食辣野多過酸野，一於就試試佢，大家如果食開麻辣火鍋，就知道，一個麻辣火鍋好容易變左得個辣而無左其他味😂但呢間就唔會。我地叫左個水煮桂花魚，姐姐話個湯底可以拎黎打埋邊爐，menu上都仲見到有雞煲或者淨邊爐，估計應該都不錯😆一上到黎聞到個味其實好香，好惹味，魚肉唔係我食過最滑既一間，但係味道搭夠，因為魚肉十分入味，而且有辣既香味。利申，港女平時好少食魚，一聞到腥味會即刻唔食，但呢間係一D腥味都無，怕魚之人可以放心入手👍🏻之後打邊爐既料呢間十分特別，除左有唔同內臟，仲有好少見既牛腹油😆真係好岩我呢D唔肥唔食既人😋我地叫左牛腹油，鵝腸，墨魚滑，肥牛，鴨血牛腹油並唔係度度都有得食，今次都係港女第一次西😂上網睇只需要淥8秒就ok，但得驚，所以淥左

個人平時喺屋企煮飯嘅時候都已經好鐘意煮d有酸菜嘅餸，當然係好簡單嗰d啦😂 d難道高少少嗰d都係留番俾出面專業嘅廚師好d😅 今次就黎到呢間係觀塘嘅@deli-fish_hk，呢間餐廳主打酸辣湯底嘅魚，例如招牌酸菜魚，酸菜桂花魚，水煮魚/水煮桂花魚等等。份量方面亦都好貼心，有1-2人同3-4人嘅份量。因為太想食酸菜嘅關係，我叫咗個招牌酸菜魚，但又因為我唔係好食得辣，所以提咗老闆俾好少好少辣就好了🙈招牌酸菜魚 📍$198第一時間就試咗佢個湯底，果然唔算好辣！而且師傅應該滾呢個湯滾咗好耐，酸菜嘅份量非常多😍 魚質又爽口 （如果大家鍾意食滑身啲嘅魚，可以加錢轉桂花魚架）食完之後仲可以攞個湯底嚟打邊爐😱 真係好適合酸菜控。不過今日小妹戰鬥力不足，就無打邊爐了，下次一定會試

餐廳位於工廈五樓。朋友介紹。我本身好少食酸菜魚。品嚐後，桂花魚肉係幾香滑，酸菜湯底鮮甜。水煮龍蝦性價比高，龍蝦肉滑，恰到好處。另外火鍋都叫了鬼馬油炸鬼。油條釀蝦膠。都好味。店主推介烤魚要下次試吓。

今日同鐘意食辣嘅朋友係觀塘搵野食！搵到一間新開嘅食酸辣魚嘅餐廳！正合我哋心意！可能新開嘅關係，裝修好新，好乾淨！餐廳都非常簡單。都係以食酸菜魚同打邊爐為主。因為我地食量唔大，叫左個1-2份嘅酸菜魚。仲叫左碟響鈴試下。酸菜魚都好足料，除咗魚肉量夠多之外，仲有勁多酸菜、芽菜，味道唔錯，好正宗！要讚下個湯底，食得出唔係味精或者好咸嘅味道，非常濃郁，清甜！配埋白飯，簡直一流！1-2人分量都好夠飽！響鈴好明顯係佢地自己即叫即炸，上碟嘅時候仲熱辣辣，用黎吸哂酸辣魚嘅湯黎食最正！最後，叫咗佢地自家製嘅紫貝天葵，濃郁嘅山渣味，酸酸甜甜，非常解膩，又開胃！

餐廳：魚川居 (觀塘)地址：觀塘開源道54號豐利中心5樓507室以前喺觀塘嘅豐利中心做過辦公室工作，今次有機會返到嚟...緊係唔係做野啦😂，係見到有間新開嘅餐廳以超平價就食到酸菜魚，所以就決定去試吓👻呢間魚川居主打川菜同魚類套餐，例如水煮魚、酸菜魚、桂花魚等🐟，午市做平價套餐，晚市就做埋火鍋🍲。你試過食完酸菜魚，再用個鍋底打邊爐未呢？如果無嘅話，呢到就有得你試喇🤪酸菜魚淮山麵 $58用手撕雞骨熬製湯底，再加入自製秘方嘅酸菜魚，食落唔會過酸或者過鹹，湯底有陣陣濃郁雞香😋，真係連湯都可以飲埋！酸菜魚片嫩滑無骨，係一條骨都無😍，同我平時出面食嘅唔同，配埋入味健康嘅淮山麵，確實唔錯👍🏼口水豬耳 (跟餐加$15)口水汁自家配製，麻香得嚟唔會太辣🌶，仲可以揀少辣🤏或者加辣；豬耳好明顯係新鮮自己整嘅，唔似平時出面食果種爽口嘅感覺，唔腥得嚟比教腍身，配埋口水汁都幾香口🤤午市配埋羅漢果茶或者毛峰綠茶🍵，餐廳嘅紫貝天葵仲有解辣清燥熱嘅作用，酸酸甜甜咁，食完呢到嘅辣嘢或者火鍋就啱哂😎

目標係酸菜魚，決定工廠大廈搵好野食，上去試試先！一坐低，見到隻好得意🐟豉油碟。之後侍應姨姨好熱情咁問飲咩/食咩，仲比自家制既3款野飲我地試下，有紫背天葵/洛神花茶/青檸柑桔。第一次聽到紫背天葵，聽個名好似好健康，飲落又幾好飲，似山楂味👍🏻👍🏻😂到主菜，叫左個酸菜魚（桂花魚）、雞煲、之後用個湯打邊爐！個湯好重魚味，又鮮又甜，重點係夠酸，正呀！桂花魚好滑，難得地食左好多好多魚，原來個湯飲唔晒仲可以打邊爐😂雞煲一上黎，就聞到好香啦！因為唔食得太辣，又個侍應姨姨話辣香d，就大膽咁叫左辣味雞煲（少辣），真係好香，雞夠滑，食完加雞湯打邊爐。打邊爐有半份半份叫，可以試多d唔同既野👍🏻試左蝦滑/墨魚滑/海蝦/黑豚肉/油麥菜/萵荀/蜂巢豆腐/桂妃蚌/百花釀響鈴。強推：- 蝦滑，超足料，食過最好食既蝦滑👍🏻👍🏻- 紅薯粉，放左落雞煲個湯底，好好好正，好吸味！- 百花釀響鈴，響鈴包蝦滑，睇住廚房包、整響鈴，即炸即上，好脆，好足料，好有口感😋😋食完好飽好滿足，要再Encore😍

去觀塘拎野順便搵下食，行到一半見有個叔叔派傳單，話樓上開左新餐廳，見佢介紹得咁熱情，餐牌又幾啱口味就上去試下。工廈中的餐廳，都keep住有人上黎食，好有人氣喎。店內可以用qr code落單，不過店員都會主動走過黎介紹食物同落單，唔識用code都唔怕。店內光猛感覺衞生，枱同枱之間有一定距離，不算迫。初到貴境先試個招牌酸菜魚麵，再叫左好多人點嘅豬肚。午餐送羅漢果茶或綠茶，要左羅漢果，甜甜地幾好味。見你飲完店員仲主動幫你續杯，good呀。點了酸菜魚紅薯粉，賣相不錯，而且好大碗啊！滿滿一盤，唔止個碗大，每樣野都好多㗎。湯酸酸地很鮮味，不油膩，未食已經飲左好多羹。薯粉軟硬適中，吸了湯好好味。點了普通的酸菜魚不是桂花，魚片雖不是很滑，但幾鮮味，唔錯呀。再加左呢份口水豬肚，呢樣勁受歡迎，落完單不久就話賣晒啦。切得size啱啱好，有嚼勁但不會黏呀，個辣汁辣中帶甜很對胃，勁鍾意個辣汁呀。整體味道不俗，價錢親民份量大，是區內的好選擇。

食物在我生命之中真的佔了很重要的位置 ，這天離開了我最愛的港島區，到達了觀塘，當然就是尋找美食之旅 ，這間餐廳位於大廈之內，冷氣十分充足，最重要新的裝橫， 內裏光線充足， 餐廳是家庭式小店，就是帶給人一種家的感覺。酸辣魚麵， 任何時候 也算是川菜的一個 特色小菜， 餐廳做得不錯，自家製的酸菜湯底， 配搭多種任君選擇不同的麵線，也有不同的感覺，而我挑選的就是紅薯麵， 入口煙韌又彈牙， 配搭酸酸辣辣的湯， 更為美味。 另外 ，魚肉煮得滑溜，反映烹調時間剛剛好， 也證明了廚師的技術真的不錯。