魚川居 (已搬遷) 新店位置

聽朋友推介lunch黎呢度食酸菜魚米線，黎試下晚餐，原來夜晚以火鍋、雞煲、烤魚為主。店員介紹完餐牌，我地決定揀《當酸菜遇上火鍋》。當日收費每位$198食兩小時，雖然唔係任食，不過分量好足！ 湯底有6款，一心黎食酸菜魚緊係揀老壇酸菜魚做魚底啦！ 明火滾住食，食材滾滾燙燙入口最正！ 先黎湯底，酸菜味道好好，唔太酸，先飲為快，仲有d菊花幽香氣味。 魚肉係分開上，仲係砌到好似刺身咁，魚片晶瑩一睇就知新鮮，片片紋理好清晰有光澤。烚一烚質感滑溜，掛湯汁。鮮魚味加上花椒麻酸菜香味道，跟水煮、紅油食法比較，有著另一種舌尖上享受。除左魚之外，跟餐仲配多款海鲜，揀左肉蟹係一人一只，另外仲有爽口蟶子，肉厚鮑魚，大大粒帆立貝，鮮甜蟮片肉，厚身又脆鯇魚腩，一個海鮮盆大大份食完已飽肚。肉類揀左黑豚肉同鮮雞件，黑豚肉不含太多脂肪，色澤夠紅潤，薄薄地5大切片，肉味濃厚口質好嫩滑。雞件唔會太瘦同多皮下脂，帶黃油，入口鮮香肉嫩啖啖肉，雞皮都幾夠油香。花膠呢個湯底配花膠又係冇得頂，好快煮得淋唔硬身，尤其吸湯，酸酸麻麻過足口癮！魚皮餃外皮有嚼勁，餡料充滿咸香氣味，慢慢咀嚼爽爽地唔錯。鴨血橫切夠厚身，冇血腥味吸埋湯汁麻香度極高

聽日放假，咁今晚梗係去搵好野食，呢間酸菜魚火鍋嘅魚川居係朋友介紹，位於觀塘工廈裡面，北角搭船行過黎好快，去觀塘地鐵站又快捷方便，位置唔錯！我地點了酸菜魚火鍋餐（$198/位），配料包埋有魚片、自選海鮮、時令海鮮、肉類同蔬果，係個List度選了幾款喜歡吃的海鮮同配料。首先黎左魚片，可以見到魚片排得好靚，色澤唔錯，應該幾新鮮，試試個味道，真係幾好食，爽口嫩滑，而且係無骨架！正，岩哂我，配埋個酸菜湯底真係一流，又冇腥味！ 至於海鮮，我地點左鮑魚、蟶子、蝦、大蜆、廣島蠔同花蟹，全部都好鮮味，好味道，特別喜歡個蟶子，口感好好，其他配料我地點左肥牛、鴨血、豬肚、花膠、菜，全部都幾好食。酸菜魚平時都會食到，但酸菜魚湯打邊爐係第一次，原來係咁夾，呢間火鍋店值得一來再來❤️，下次要帶家人來試試。

一向都幾中意食酸菜魚既我，最近俾呢間嘅「當酸菜魚與上海鮮火鍋」套餐吸引住呢個套餐以$168-198不等，視乎入座時間同日子可以先選鍋底，其後有三選一既自選海鮮，再响時令海鮮入面揀五款，最後仲可以揀六款火鍋配料先黎酸菜魚鍋湯底，過來當然有唔少酸菜，山椒滕椒都當然唔少得啦仲可以自己灼熟啲魚片～無骨嘅魚片又自己焯，唔使擔心食食下啲魚片會過熟而變鞋口自選嘅海鮮拼盤非常豐富點解仲好貼心咁準備咗張海鮮教學時間表俾我哋咁就唔使擔心新鮮嘅海鮮會因為煮耐咗而變得冇咁好食平均下先嘅質素都唔錯特別推薦鱔片同象拔蚌淋嫩爽彈彈嘅鮑魚都係必點㗎跟住自選嘅火鍋配料份量都唔少～二人份份魚皮餃已經有八粒！！！既可以食到好味嘅酸菜魚又可以打邊爐呢個配搭真係好爽

今日去咗觀塘搵朋友聚舊 朋友提議去工業大廈嘅呢間魚川居到食飯 佢話呢度嘅酸菜魚好出名 而且我自己都好鍾意食酸菜魚 所以就諗都唔使諗決定入去食飯啦呢個酸菜魚唔太辣 啱曬我呢個唔食得辣嘅人 但係魚亦都有佢本身嘅鮮甜味道 肉質好爽口彈牙 唔似有啲舖頭用鯰魚嚟做酸菜魚 而且酸菜亦都幾鹹香 鮮味十足 值得一讚之後朋友就叫咗一個炸雞翼 呢個雞翼同埋譚仔嘅土匪雞翼有異曲同工之妙 佢只係冇譚仔嘅土匪雞翼咁濃味 但係佢亦都炸得外脆內軟 惹味得嚟又冇味精 食落啖啖肉 令到我都食上癮

夏天流流我就比較鍾意食刺激辣味食物 四川麻辣菜賣fav😍觀塘都係一個工廈美食 見到一間四川菜館心心眼走咗出嚟 😍😍酸菜魚米線 一定必食😋😋✨酸菜魚米線主角酸菜同魚片☺️用傳統的川菜調味料花椒、辣椒乾😳魚片香滑爽口湯料非常入味酸菜鹹酸味特別重😛加埋辣椒味果然刺激味蕾😝我就揀米線可以索晒啲湯嘅精華味道好香配埋芫荽蔥，香味四射😋✨皮蛋皮蛋清澈通透 😃整體都好結實食落去隔咗川菜辣度適中 😝可以既話加入蒜蓉咁就perfect🙈✨一個餐裏面我仲要order一份小食之外仲有一杯凍飲✨凍奶茶🧋中和辣味係我最鍾意既配搭😙

今日去咗觀塘工廈到做嘢 做完之後就去員工餐廳食飯啦 呢間漁川居係食川菜嘅鋪頭 有辣有唔辣 十分細心餐廳地方幾大 座位都多 下午茶時間冇乜人坐得好舒服 重點係冷氣夠呀 老壇酸菜魚薯粉 酸菜魚片已經去咗骨 不過大家都小心食 魚肉非常嫩滑 索曬酸菜湯底 酸菜湯底味道適中 配埋煙煙韌韌嘅薯粉好夾土匪雞翼鮮魚湯泡飯 湯同飯分開上 鍾意食多湯小湯可以自己調教 魚湯飲落冇味精食完一啲都唔口渴 好有媽媽嘅味道 仲係好靚嘅奶白色 入面仲有酸菜 翠玉瓜 腐皮等既材料 主角土匪雞翼有六隻咁多 外皮香脆上面有滿滿嘅孜然粉 入面仲有雞汁

從此平台訂了位置，但係食完之後，寫左我哋取消訂位？咁麼好笑。不過食都食左，要講下味道點樣先得。有優惠套餐和單點菜色。我哋兩樣都有做，雞煲份量足，味道都幾夠味。我哋叫左大辣，真系夠辣。可以推薦一下。

原來觀塘有間專食酸菜魚的餐廳, 仲可以唔洗叫一大盤,一碗份量, 啱晒, 座位都多，唔會焗束，餐廳都有好多選擇，除了米線，還有泡飯,我叫了一碗酸菜魚米線$58, 魚片有好多塊, 肉質好滑, 湯底夠酸, 帶點麻辣, 也有大量咸酸菜, 湯汁掛上米線, 好好味。 朋友叫了土匪雞翼薯粉$65, 薯粉比較粗身要額外加$5, 好煙韌又飽肚, 湯底係鮮魚湯, 好濃郁, 奶白色, 配菜還有脆肉瓜同腐皮,而土匪雞翼另上, 估唔到有6隻咁多, 香口, 惹味, 因湯底較重口味, 一定要配飲品, 只係加$6, 可以要杯凍檸茶。

曾經好興係深圳食烤魚，但係係香港搵唔到抵食又好味嘅烤魚，通常都貴又唔好食，但係觀塘呢間店開咗唔係好耐，不過質素又真係好唔錯！今次試咗烤魚，連男朋友唔鍾意食魚都話好味，下次可以再食，我地仲好似打邊爐咁仲叫咗超級多嘢食，價錢合理，同埋佢地個薯粉係真心好食嗰隻薯粉，完全會令人上癮。加上枱大大張，唔會坐得好逼好辛苦，而佢地嘅飲品都好好飲，可以幫助埋開胃，員工都nice，有咩即刻幫手。下次會想試埋佢地嘅酸菜魚，話晒係佢地嘅名物，不過真係太愛烤魚，好耐冇食過🥰。

可能香港人很久沒有去旅行，朋友之間大家互相討論各國著名的菜式、轉換一下自己的口味，最近在一個討論區上，看了一個關於觀塘酸菜魚的評論，看完之後今日一於親自嘗試一下.這食店離地鐵站大約5分鐘，十分之方便，加上可能在工廠大廈，環境比較闊落，冷氣也十分之充足.這裏分別有米線淮山麵烏冬白飯等給大家自由地選配，今日當然一定要嘗試一下最有名的酸菜魚.這個酸菜魚無論味道，色澤也十分之高質，入口經已有淡淡酸辣的感覺，但是吃不到辣的人士，也不需要擔心，這個辣大部份人也能夠接受.加上可能會越食越上癮.魚片的份量也十分之充足.今日只是嘗試了酸菜魚下次一於來嘗試一下水煮的味道.

本身非常嗜辣， 但身邊人大多不好， 所以偶爾特別想辣一回時， 就會去找有提供一人份的辣味餐廳。今午就找到了這家在觀塘的川味餐廳。特式是中午也能吃到水煮魚/酸菜魚這些菜式， 而且還是很相宜的午市套餐。我豪不猶豫點了水煮魚配飯，加了杯紫貝天葵。紫貝天葵本身能解燥熱， 吃辣時喝很適合。而且這是餐廳自家製， 味道非常濃厚但不會過甜， 很推薦。水煮魚份量適中，魚片很嫩滑，碗裡還有其他配料如蒿荀等，很下飯。本來還想點個小吃， 不過又怕吃太飽， 只好作罷。

聽朋友講魚川居星期一至五日日坐無虛席，尤其係午飯時段，一個酸菜魚湯麵只係$58，價錢嚟講真係非常吸引。雖然我唔係喺觀塘返工或居住，不過作為酸菜魚狂熱分子既我魚川居位於工業大廈，裝修普通，不過勝在面積大，枱同椅子唔會排得密密麻麻，燈光十足。- 酸菜魚淮山麵湯底係我食過最酸既酸菜魚湯👍🏻，而且香味十足。魚片份量非常多，肉質偏向結實。麵條方面揀左幼身淮山麵，掛湯能力高，就算浸係湯太耐依然保持彈牙嘅口感。其他麵條分別係米線、烏冬同薯粉。- 魚川醬手撕雞冷麵冷麵幾爽口，配上甜甜辣辣既魚川醬，非常惹口，啱晒熱辣辣既夏天！魚川居真係好抵食，份量好多👍🏻另外溫馨提示，餐廳逢星期六開十二點半，平日就係十一點半🥰

今日lunch約咗朋友喺觀塘食飯，因為佢喺觀塘返工，所以佢知邊度有好野食，我話想食四川野，佢就帶咗我黎呢間食，睇睇餐牌，午餐都幾多選擇，價錢都唔算貴，好大眾化。水煮魚配飯，佢其實可以配淮山麵，薯粉，米線或者烏東，因為驚d湯太辣吸晒入d麵果度食唔到，最終配飯穩陣d,佢地d水煮魚份量都幾多，有好多魚肉片，d魚片食落好嫩滑，個水煮汁好惹味，仲有好多配菜喺入面，包括木耳，萵筍，芽菜，芹菜，呢個餐都幾抵食。魚川醬手撕雞冷麵，原來魚川醬係雙色醬，分別有麻辣醬同麻醬，原來呢2隻醬撈埋都好夾，佢地嘅雞絲份量都幾多，而且d雞肉一d都唔鞋，而個冷麵都好大份，撈埋佢地嘅芝麻醬，好好味，呢個芝麻醬係帶有甜味，真係越食越想食。

同事知道我喜歡吃酸菜魚，於是介紹我嚟觀塘呢間標榜可能係觀塘最好吃的酸菜魚，大膽的宣傳口號，品質應該有返咁上下中午時段到達，座無虛席，大部份應該是這裏工作的上班一族，套餐有很多選擇，不單單是酸菜系列，還有水煮系列，鮮魚湯系列，可配白，淮山麵，烏冬，米線，薯粉點了酸菜魚淮山麵，未食已感覺很好味，魚肉大大片，冇骨，雖然魚味比較淡，但肉質滑溜，一點魚腥味也沒有，酸菜醃得味道剛剛好，不太咸和酸，加上微酸的湯底，開胃醒神，淮山麵質感偏柔軟，配合酸菜的湯底，非常夾，健康又清新好友不喜歡吃魚，選了手撕雞，天氣太熱，於是揀了麻酸辣系列的撈手撕雞米線，手撕雞上鋪滿麻辣醬，起初擔心不太吃辣的朋友會受不了，原來不是太辣，反而麻香辣味適中，米線撈埋麻辣汁更加惹味，雞肉有口感不太韌，酸菜魚外的另一好選擇

餐廳0係工商夏入邊唔算好難搵上到去唔多人可能平日啦見呢度好似出名食魚但我地唔知點解又揀左其他鍋底有四個湯底(醉花甲+麻辣湯+花膠雞+胡椒豬肚)意想不到地四個湯底都好味WOR花膠雞湯幾濃郁有幾舊唔細既花膠胡椒豬肚好香胡椒味辣得好過隱麻辣湯唔會一味得個辣會令你想繼續食咁醉花甲幾香酒味呀再點左~墨魚蘇呢個好爽好有咬口同埋比較少見有淨蘇~炸響鈴雖然個樣好平凡但咬落去好鬆可能即炸關係等左一段時間但慢工出細貨呀推介~鴨血為左個麻辣湯而叫索晒麻辣味好正質感叫正常都滑既