魚心日本料理 (已結業)

呢一日同朋友行街行過mk，黎到西洋菜街附近，係d排檔後面，忽然發現呢一間魚心日本料理，見到舊舊地既裝修，而根據我既經驗，舊舊地但仲未執既，通常都有佢既過人之處，令佢可以繼續生存，仲有源源不絕既客人。好啦，入去try一try la！我唔係好餓，就叫左個蟹子青gua沙律，一上枱，估唔到咁大碟wo！！女仔黎講，已經可以唔洗叫其他lu！我朋友就叫左個三文魚刺身，話係宵夜時段特價，幾十蚊就有咁多，真係好抵食。

我有常常光顧魚心，雖然食物質素一般，但真的抵食，通常我會叫三文魚頭豆腐煱定食，但不是每次都有的。12月5日中午我去到，打開餐牌，指著三文魚頭豆腐鍋定食，問店員今天有嗎？店員回答說有，並替我落單等了大約15分鐘，卻來了煎三文魚頭，白飯和湯，不是豆腐鍋我問另一個店員說做錯了，但她竟然說是我講錯，我告訴她我是指著餐牌問的，餐牌的字很大，（去過的客人都應該同意餐牌的字是很大很清楚的）不應該是我講錯，於是她又指責我只是指著餐牌，沒有出聲講明是鍋！我覺得很無理，所以問店員是否指著餐牌落單是不對，一定要講才對，她竟然話係明明是店員下錯單，但竟然怪罪客人，我都係頭一次遇到這樣過份的店員。我雖然生氣，因為趕時間，所以都是被迫接受了！

呢間餐廳位置比較偏僻，餐廳環境都只係一般，但勝在夠抵食，中午亦有好多學生。六舊火炙三文魚細加州卷，配咖喱飯，都只係40蚊，壽司上的三文魚有火炙味道，飯包住沙律汁，青瓜，好好味。日式咖哩汁少少辣，夠香濃。我朋友叫左個壽司手卷套餐，份量頗多，望上去已經覺得好滿足，食落味道都唔錯，就係稍嫌多飯，叫呢個set如果跟拉麵或者八爪魚丸就會好啲。見到menu上面有其他午市定食，都幾吸引，我諗下次可以再過來再試試。

魚心位於旺角最多餐廳既街道，同行競爭非常激烈。 見佢外表裝修殘殘舊舊但仍然經常滿座，便入去一試。 晚市四十幾五十蚊有一個足料湯烏冬，惠顧滿$50仲可以用特惠價，例如$10兩串炸雞軟骨等小食，唔怪得咁多學生熱襯。呢度既炸物係即炸，唔會炸定。食物無乜味精呢樣好重要。 不過呢度始終係旺角，租金應該有返咁上下貴，因此檯非常細，檯與檯之間太窄感覺唔太舒服，而且裝修實在太殘舊，唔介意既可以一試。好好彩我地入座時二樓未滿座，店員安排四人位比我地兩個人，令我地座得鬆動d。

今天和朋友在旺角，爲了省錢我們想吃得便宜些，於是我們就選了這家平價日本料理。我們是看到$40蚊就有8-12件三文魚刺身，似乎都幾抵，可是坐下來才知道，要消費滿100才能用這個優惠。於是我和朋友追加了小食，凑夠$100，可是店員說，追加的優惠小食不算...我們就迫於無奈又叫多了一個正佳雞腎串燒。先説説雜錦烏冬，包括天婦羅、炸鷄和肥牛，味道都很一般，不過不失，雖然價錢不貴但是分量偏少。另外還叫了個炸豬排拉麵，炸豬排炸粉和肉的比例一比一，但由於也炸得幾脆，所以味道還好，就是粉味重了一點點，但絕對能接受。三文魚刺身正常，雖然不會話好新鮮肥美，但呢個價錢同爭鮮的質素差5多。牛油金針菇很重牛油味，只是實在太鹹，需要浸入麵裏衝淡下...總括而言，這餐飯不能説很平，而質素確實普通到不能再普通

對上一次食魚心應該是十年前，那時覺得間野好抵食，都好新鮮。時常要坐樓上， 因為每次都好多人。今次再去， 人少左好多，我第一次坐下層，價錢都算是平價。十年前的一蚊一隻甜蝦， 現在都仲做緊呢個價錢。真係好抵食。我主打都是叫壽司刺身，燒物，叫到一枱都是，亦只是二百零蚊，味道是一分錢一分貨， 我可以接受的。下次有機會會再去。

難忘嘅用餐經歷。。。。一入到去已經有油煙味，唔同食串燒，正常日式餐廳都唔會太有油煙味，明顯呢間餐廳抽風系統不濟。🤧🤧先點咗個炒雜菜，嚴重圖文不符🤯🤯🤯$35食碟咁嘅菜，重要好細碟😅味道勉勉強強啦。消費滿80蚊加$25有6件特色加洲卷，配料好薄，飯過多都算，味道亦唔討好🤮啲蛋好嚡，成舊食係完全無三文魚味可言。火炙三文魚番薯卷，睇圖已知難食🤢🤢成餐就係食飯飽，啲位好逼，完全俾門口嘅display呃咗。。。下不為例。順帶一提，店員操唔鹹唔淡廣東話，重要講極唔明，下單多次才成功😅

38蚊一碗拉麵，6件壽司,1支汽水。餐牌仲有其它定食、麵食、炒飯、咖喱飯......叫左個雜錦雜司拉麵，有三文魚卷，蝦卷同八爪魚卷，拉麵爽身不重鹼水味。呢間比起女人街的其他食肆價格便宜點。服務同環境有好大進步空間。

今日同男朋友旺角行街，晚上肚餓就揾野食，之後想去食丼丼屋，點知永久結業咗，行行有個啊姐係咁叫人泥食日本料理仲講好好食，看出面個大牌d野食好似唔錯，於是走入去食，入面環境較迫窄，幾乎搭臺，給2杯水，水面好似有d油，最好笑係我地叫咩冇咩，冇餃子冇提子梳打咩都冇😏最後叫咗自製鐵板燒/鰻魚飯/壽司拉麵餐/明太子雞翼🤔首先泥到係壽司，d壽司泥個時係訓哂低（心想係唔係買剩個d），味道如何?爭鮮好食過佢，材料唔新鮮，晚市定食係比咩人食呢？個拉麵簡直係神級之作，蔬菜拉麵🙄個湯底煮過幾日的💩相反個鰻魚幾好食，可惜價錢貴，鰻魚少💸自製鐵板燒，口味好似食咁意星點心麵（炒麵味）普通貨色，唔係幾獨特，最後呢個勁，食完都味泥雞翼，足足問左3次，個啊姐好嬲講係唔係仲要啊?！這態度真的不行了，我男朋友就罵他了，因為一直都味泥，仲要就泥咁，泥咗咁耐都冇，最最最後我地想走先泥😡舊雞翼完全唔係明太子味道，似辣味粉多d，難食😢$35🍗4件雞翼，其實係2件雞翼砍一半，騙了消費者zzzz相片:20/10/2018

魚心一向係我all time favourite 鬧市中的美食重點係多年來無大加價所以今日我地又去食啦款式都好多架每次必玩的計數遊戲$100 以上就可以叫$40半磅三文魚🍣$20甜🦐抵到爆炸又幾新鮮三文魚腩Ok 火灸三文魚$10件 幾好味滑蛋朱扒飯幾甜朱扒都幾軟只係$48😍😍😍雞軟骨串好味唔會太乾$15/2我地叫左6💪串又係我地推介野菜豬肉腡大件抵食湯底甜甜的 足料每次去都會叫的魚心真係好抵食！不知不覺會越叫越多打完又想再去食過下次再分享

叫左三份餐蜜桃吉列蝦卷+拉麵    蜜桃吉列蝦卷其實幾好食，新鮮做起，熱辣辣壽司手卷套餐+拉麵   手卷,壽司同拉麵味道係無咩特別，唔係特別好食，紫菜係咬唔開既，D魚生唔係太新鮮雜錦魚生飯加野飲要加4蚊壽司飯唔似係珍珠米，係一般既飯甘樣但係價錢好底，份量好多

價錢很平民，大部份午餐都係$38，選擇亦很多。叫左一個火灸三文魚卷配拉面，包汽水。論價錢方面，無可挑剔，當然食物質素也與價錢成正比。拉面沒有太大味道，普通一個面。而壽司有6大件，雖是三文魚，但吃落不覺得吃了三文魚但呢個價五好要求甘多！十分手頭緊時，亦都係一個好選擇。Ps. 見人點拼送便當，好似好食d！

星期日午餐本來想去一間同朋友食開既女人街韓國野，途經呢間野又見到d午餐又幾抵，於是就轉啦😅，1200入去都好多人，心諗大概唔伏得去邊啦掛🤣堅係大件夾食，自覺都算大食，朝早冇食早餐🙈，但食哂真係覺得幾飽，雖然小店壽司質素始終不能同出名店舖比，但真算唔錯，芝士同沙律醬夾埋係幾好食，話係細卷但我覺得都幾大舊吓😂。呢個價錢有6件咁多，都幾有良心，不過佢拉麵係冇其他餸既～個人覺得麵較重麵粉味，但唔算好難食，份量比我食既同區日本野食店都多，而且仲送汽水，仲係樽裝即開添‼️不嬲都唔飲汽水既我都覺得幾吸引，呢個lunch set整體都好抵食👍🏻店舖衛生睇落都👌🏻，只係裝修殘舊，我食果份睇落係乾乾淨淨🤣，舖面唔大，一大班人一齊食應該要分開坐。

係花園街睇完醫生 就周圍搵下有咩野好食喇其實呢間餐廳都唔係第一次食係門口仲考慮緊既時候都見有唔見人入去所以最後都係食呢間喇門口都有啲食物模型架幾得意上次黎係食既時候係中午不過餐牌同晚餐就差別唔大朋友叫左套餐 有拉麵同壽司以咁既價錢有拉麵同壽司確實不錯拉麵湯底唔咸 而且麵都軟硬適中壽司都一啲大路既款式數量唔少啲蝦籽咬落可以卜卜聲不過啲飯比較硬身除左拉麵同壽司仲有魚生飯可供選擇而我就叫左一個三文魚飯因為三文魚係咁多款入面好似最正嘩 好正呀 賣相非常吸引同門口既模型都好似啲三文魚好新鮮唔會切得好厚不過飯量就比較多希望可以叫少飯唔洗咁浪費啦以咁既價錢食到咁既質素既日本食物我覺得算好唔錯唔想用太多錢 呢間係一個平而質素唔錯既日本餐廳

叫了兩個卷物，一個上錯，另一個又遲來。我地追問遲來的卷物，但他們說沒有某些材料，叫我們轉，但當時已經等待超過半個鐘，要我們去問先至話無，咁我地當然好無奈，又唔一早講，要我地白等。到另一個卷物再黎到時，係黎錯既，咁我地當然出聲，佢地又堅持冇錯，態度仲要好串，令個餐飯食度成肚火！！！而且食物一般，再不會光顧！ 如果你覺得自己忍耐力高可以去挑戰一下。個老闆又串串共咁，仲要係大陸人，真心冇理由俾錢買難受架！！