魚泉日本料理鐵板燒 (已結業)

個日同好耐冇見ga朋友出去dinner ! 一直想試下呢間店就帶左佢去 我地叫左天婦羅烏冬,鱈場蟹腳湯飯同埋海鮮茶壺湯：天婦羅烏冬粉漿好薄、烏冬好彈牙。鱈場蟹腳湯飯蟹腳幾好 好多蟹腳 多蟹肉又fresh, 仲要d粥好軟 ,味道亦鮮甜; 飯粒則軟綿綿加上蛋花的香滑 真係好正 好好味 . 海鮮茶壺湯, 鮮甜得厲害.味道not bad!最後本想試埋個cheese cake~~~不過sold out 曬 ,有d失望 .希望next time可以try到啦 !

二十四號個日上左去食飯，其實之前已經黎過，order支八海山saka，then order左客池魚王薄切,一片片鋪滿係碟,再中間砌左朵花，魚味好重好鮮，黑毛和牛刺身值得推介入口溶化，洋蔥係底上面係和牛成左山咁。再黎客magic susie。食完生野，食和牛火堝，另外有一大碟豆腐菜個d,好大碟.飽唒走人....

知道食評一向也不錯, 所以一直很想試試, 剛與再來香港的Bejing朋友逛銅鑼灣,朋友話只可用40分鐘內的時間用膳(因要shopping),見到街邊有人派傳單,知道時代廣場後面有間日本料理, 就同朋友去試試,在天時地利之下, 作出了不錯的選擇.我叫了什錦魚生粒飯定食,幾新鮮, 也非頭頭尾尾的什錦碎,蒸蛋也很滑 .朋友叫了蝦天婦羅定食 份量真係幾多下，炸漿唔厚無乜油，材料食得出係新鮮，連果兜天婦羅汁都熱辣辣出煙架，推介 ~ 麵豉湯味道不算差,很夠料,但就不夠熱總括來說, 店內環境整潔乾淨,不焗促, 服務亦殷勤週到, 價錢合理, Bejing朋友很滿意啊!

最近外出午飯, 我同秘書都想試未到過的餐廳,當然要選有口碑的來試。見魚泉這 間日本餐廳d口碑都唔錯 就決定一試。去到坐低 環境給人感覺幾舒服午餐共有二十多三十款的選擇,我點了份刺身便當,同事點了迷你刺身飯。刺身便當有:刺身,鰻魚,天婿羅+白飯,的的式式,睇得右食得迷你刺身有:吞拿,三文,油甘等...餐前會送上麵鼓湯,蒸蛋及前菜,湯很美味,餐後右有甜品送 唔錯!

今日去左下午茶 兩條友上去。個場爆哂，好多人。好平好抵食叫左兩個set燒秋刀魚定食同蚧子沙律拼三文魚壽司 。total五十五元正。食品質素非常高賣相上非常好。當過左三點之後d ol開始走,個場就開始小人d.,靜d。傾計一流

　　光顧魚泉是今年6月的事啦，當時魚泉不知還是在試業還是剛開幕。先申報利益，這一頓晚飯是東主甄先生請客的，所以在評價食物方面會較少有價錢上的考慮。但我略看過價錢牌，大部分食物都不貴，甚至可以說幾平(以這種環境格局來說)，一般大眾可以負擔得起。看來並非主打非常高檔，動輒可花千元的客人，而是有正常經濟能力的普羅大眾。　　這裡的地點說差不差，說好也不好，位於銅鑼灣地標時代廣場的正後方，但那條街人流卻比想像中稀少，經過的人不多。上方則是快捷假日酒店，坐電梯到一樓就見到。　　雖然我們一行只有兩人，但全場客人不多，所以我們坐在榻榻米私人包廂裡面，要除鞋。　　甄生任我們點野食，我們也不好意思點太多，也不知道他們有什麼出色的，所以交給他和經理決定。大蝦天婦羅 是最先來的一道菜，蝦的size特別大，比筷子還要長。外層的炸漿幾薄，咬落有些碎，裡面包裹既大蝦就非常正啦。口感彈牙、內質鮮甜，看看價錢也意想不到的低。要知道這樣的大細在其他有名的日本餐廳動輒過百元。經理說他們故意調低價錢，希望以此作賣點吸引客人。第二道上的是清酒煮蜆。我本身非常喜歡食蜆，所以幾乎整碗都被我清光。湯底幾清，但酒味我倒是嚐不出來，幾好

個日係度食完個夜晚今日過黎試下佢d lunch.... 我地四個人食。上餐速度都ok快.....分別叫左和風牛肉定食，便堂,燒青魚同石碢慢魚飯。和風牛肉定食開頭以為係牛肉飯個類出到黎原來係原塊牛排,個沒汁又好正。不錯不錯。便堂又有慢魚有刺身有天婦羅,燒青魚都燒得不錯但係耐左小小...石碢慢魚份好香...係你面前倒慢魚汁落去好正，如果慢魚再多一塊就perfect喇。最後飲番杯熱咖啡。整體既味道都ok....個場都ok多人上黎食。

果日係我同我老公結婚5周年紀念平時佢做野做到都無咩放假果日竟然抽左成日黎陪我,真係好開心廢話少講同老公去OP玩完出番銅鑼灣諗住食野啦行下行下行左去時代果邊見到有一個魚泉既員工派緊傳單咁岩老公又想食日本野咁就上左去啦行到門口見到都幾多人響入面食野心諗應該OK啦跟住個帶位就帶左我地入去一間房仔我地簡左個石頭白松露鰻魚炒飯西京銀鱈魚 立魚湯同埋一客魚泉卷講左個鰻魚炒飯先佢用左個石鍋裝D飯上去熱辣辣,個侍應幫我淋左D鰻魚汁上去個侍應話我知個汁係師父自己整既令到個炒飯更加香,食落去真係好好味差唔多食完仲有D飯焦,YUMMY^^ !!跟住到果個銀鱈魚好食就好食啦但係100蚊得果兩舊仔又真係有點兒那個囉立魚湯夠熱幾濃幾好味啦到果個魚泉卷佢地特別推介果款咁咪試下囉佢地一上台我望埋去,心諗好普通姐...有好多唔同既餡既反卷囉入面有D軟殼蟹啊...三文魚呀海贍呀吞拿呀蟹糕等等食落其實真係唔錯既D野幾新鮮嫁,D飯又唔會好似出面果D飯壓到實哂硬咯咯都真係幾值得推介總括黎講,價錢雖然貴左D,但勝在D野真係好食D侍應又幾好禮貌,尢其係帶眼鏡既果個侍應,真係好好笑容^^結婚周年食貴少少,無所謂啦=]

今日同朋友去行時代七點幾肚餓食飯,見佢有生蠔食所以入去試下。環境都ok，個酒櫃幾靚。叫左一打蠔...揀左幾款...個部長都介紹得幾好好有禮貌。d蠔都好新鮮好肥。食完蚝食魚生,叫左條池魚同針魚,非常新鮮、價錢適中。跟住加個汁煮油甘魚頭。話要等二十分鐘因為個醬汁係自己煮，見咁巴屎閉就試下....出到黎又真係ok wo.....個汁好正..好好味.....食完魚頭加多個白松露慢魚抄飯。出到黎好鬼香...個飯值得推介.。

本人第一次寫食評食壽司既日子無20年都有10幾廿年， 竟然比我發現咗左呢間店，食完後， 實在有感唔寫唔得。這裡環境高雅，仲有VIP房，可惜已被人預定咗lu，下次一定要預早訂番間嘆吓。我覺得d野食真係唔錯架，特別係嗰個芥末醬燒生蠔，好味到呢連汁都飲埋。誠意推介夢幻壽司，入口即溶。當我問經理究竟是什麼壽司，他還故作神秘不肯透露，只回應說呢啲咪就係"夢幻"喎仲有廚師精選嘅魚泉卷﹑什錦天婦羅﹑芥末醬燒秋刀魚同蜜糖清酒煮日本蕃茄都好好味。可惜我唔係咁鍾意食魚所以比我扣咗少少分講到服務呢，待應態度也很好，時常換碟。Sake種類又很多，還有多種紅白酒供選擇。平均每人都係$300左右，水準叫人滿意，真係要encore。

一行四人去慶生，一早訂位，一到餐廳就有位唔洗等，被安排有遮有掩既"廂房"中，夠晒私人空間。 8款刺身併盤：刺身新鮮，但款式就好普通，而且份量超少多數都係兩片到，咁就$300幾加一… 10款壽司併盤：once again... 魚生新鮮，但款式就唔"新鮮"…咁又$300幾加一… 和牛刺身：和牛品種好，有質素，入口即溶… 正 係全晚第一焦點~~ 蝦天婦羅：脆漿ok而已，蝦既size一般，無特別… 燒雞翼串：雖未做到外脆內嫩，但燒到香口算係唔錯！係全晚第二及最後既焦點… 北海道長腳蟹粥：水還水，米還米的，有幾隻好短既"長腳蟹"… 味道一般無驚喜 炸千層黑豚：難食… 肉鞋、無香味、唔知千層二字何解，及對其"黑豚"品種有所懷疑… 而個經理仲要好proud of 呢個dish...無奈 總括而言：食魚生唔洗等登黎食，熟食無需等登黎試…未試過呢度既"鎮店之寶"Magic Sushi…但照今餐計…唔需要再試…因為咁既質素，唔相信有人想試佢同期望佢有幾咁magic....

裝修同食物都好地道同隔離枱之間有可移動0既木屏風隔住.有自己0既空間想點墨魚咀,燒軟骨餃同大海蝦天婦羅,可惜無供應近來換menu,但餐牌內有0的食物無得食師傅幫我地整咗舊menu有0既鱈塲蟹肉湯飯同雞泡魚乾湯飯有薑,足料蟹肉.我平時唔鍾意食薑都覺得好好味!!!!夠juicy,口感一流我唔鍾意食魚.以前食0既秋刀魚,都覺得好腥.呢個秋刀魚,我都覺得正!!!!!侍應服務好好,食材新鮮足料,食物賣相,食具擺設,全部都讚!!!!

同朋友在Times Square睇完戲都成9點幾, 我地都好肚餓, 見到魚泉就在Times對面, 就去試下~環境都算唔錯, 可能我地比較遲, 去到都無乜人!可能太肚餓, 其實唔係好記得食物既味道!不過都應該唔錯~

我上兩個星期去但搵唔到個名，原來一樓個間先叫魚泉（我以為地下間甜品店XD，個banner係隔離）好像只有午市有餐，我叫了$48的拉麵餐再加十幾元拖肥咖啡，好似都係六十蚊度午市個餐好多野食，有湯、前菜、沙律、蒸蛋咁多野食，拉麵仲大大碗（不過…我食唔哂>O<）個麵豉湯居然有蜆蒸蛋好似係最近加個咖啡就麻麻，無乜咖啡味…個味道都ok…不過唔多算咖啡…拉麵個湯底一般，但料都ok，肉稍微焦了點，但醬料都可以

I received a $100 coupon from the restaurant so decided to try it out, as the previous reviews seem to give it a good rating. The setting was quite pleasant, with many semi-hidden tatami cubicles that face the big windows, overlooking Times Square. We were seated at the back near the oyster bar, which suited us well as it was unobtrusive and quieter, but service was still attentive.The food here was above average for the prices they were charging. We had:1) sashimi set with 6 types @$218 (4 fish