魚眾不同酸菜魚 (紫荊樓)

营业中

休息中

朋友帶我穿梭元朗國，行行下發現有好多特色小店，間間都好吸引😆✨ 最近簡直係無辣不歡，加上又濕又焗嘅天氣，食一碗辣野沖沖佢簡直爽啊🥵所以就決定食你啦❗️ 酸菜魚🐟‼️可以揀選唔同口味嘅湯底，🐟方面可選龍利柳/加錢轉生魚片，然後再揀2款配菜，同主食。(Ps.我係一個鐘意食辣，但又食唔到太辣嘅人🙈)🍽青花椒酸菜魚🌶🌶🐟(生魚片、豆腐皮、芽菜、手打薯粉)上餐後見到有一串青花椒放係面做點綴，係幾美觀 但由於驚令湯底太辣，都係拿拿臨夾走佢🙈 湯底較老壇 辣，但撈埋薯粉味道變得啱啱好👍🏻唔會話辣到耳嗚。薯粉非常之滑而且好煙韌彈牙😆但掛湯力就一般，所以我就揀左豆腐皮做配菜，豆腐皮似扁身嘅麵，而且加上豆皮本身就好吸湯。另外，生魚片份量多，而且又滑又冇骨，食得出係新鮮魚👍🏻值得加錢轉。(點餐時 店員有提醒生魚片會有骨，慶祝食晒咁多塊都冇食到骨🙈)🍽老壇酸菜魚🌶🐟(龍利柳、萵荀、金菇、白飯)試左幾啖湯底，酸辣適中帶點鮮甜，唔太食得辣嘅，可以揀呢隻湯👍🏻龍利柳係粟米斑塊嘅果隻口感。朋友話食酸菜魚 識食嘅肯定係叫白飯，朋友係細食之人，而餐廳嘅白飯係壓到實 滿滿嘅一碗🍚 但朋友都食得晒，可想而知係有幾下飯🤩餐廳門面雖

酸菜魚係近期最熱門的菜式，亦係年輕人最愛的食物之一，而魚眾不同酸菜魚是一人份量，有時酸菜魚癮興起時，一人都可以獨自去偷歡。老壇酸菜魚 (HK$58)餐廳最多人叫的招牌老壇酸菜魚，以陳年老缸酸菜配上特製濃湯，再加鮮甜美味嘅魚片，酸酸辣辣口味，一食上癮。而每碗酸菜魚更可選擇兩款餸菜，揀了豆卜及萵筍，豆卜索晒酸菜湯汁，惹味！金湯酸菜魚 (HK$58)金湯是用18種香料淆成的湯底，充分與濃湯結合。面頭放滿了辣椒和花椒等，香而帶點辣味，適合想要重口味的朋友。魚片份量頗多，雪白滑嫩。每款酸菜魚都會贈送主食一碗，可以選擇米飯🍚，米線🍜，手打薯粉。一大碗酸菜魚及一大碗煮食，飽到捧住個肚走！如果突然想食酸菜魚，魚眾不同是一個不錯的選擇。

#酸菜魚達人🐟我係一個食唔到辣，而又好鍾意食酸菜魚嘅人，有時食酸菜魚我可以配兩碗飯，對於我嚟講，酸菜魚就係一種幾時都好開胃嘅菜式。🤣呢間位於元朗嘅酸菜魚店非常平民化，一入餐廳就見到有好多學生哥行出嚟，當我點完就知道其中一個原因啦，因為真係超級大份啦！我諗我全盛時期嘅食量先可以食到。佢嘅酸菜魚鋪滿一大碗，我諗碗白飯係我平時食嘅兩倍份量，壓到實一實！🍚🍚價錢都係五十幾蚊，仲要係味道非常之高質，因為酸菜魚嘅味係有啲難去拿捏㗎，剛好店長喺度同佢傾咗幾句，佢當初為咗研究呢一碗酸菜魚嘅味道都研究咗幾個月，係好有心嘅靚哥哥‼️魚肉要滑，唔可以整到太老，酸菜份量唔可以過多，配料要入味，湯底要有魚鮮味，的確唔容易♥️可惜我今日食嘅冇得完全走辣啦，聽講兩個星期後就會有新嘅唔辣酸菜魚呀，搞到我都好期待。另外一款係蕃茄魚，你睇佢個顏色好似超級麻辣咁樣，其實係一啲都唔辣㗎，我哋見到附近啲人食麻辣食到標晒汗，都覺得佢哋好犀利🤣唔知道三個辣椒究竟有幾辣呢，我諗我呢世人應該都食唔到㗎啦哈哈

最近瘋狂地食酸菜魚，發現有間平靚正之選幾不錯，推介一下先。魚眾不同提供酸菜魚同牛肉系列，足足有七款湯底咁多，酸菜、檸檬味、金湯、老壇、麻辣、香辣和蕃茄味任君選擇，有少少想試晒佢。酸菜魚套裝可以揀選配飯、薯粉或米線，啱晒我呢啲鍾意食飯嘅人。老壇酸菜魚套餐 $56陳年老乾酸菜配上秘製濃湯，帶出傳統酸菜魚味道，酸菜味非常十足，湯底極鮮甜。金湯酸菜魚套餐 $56特別的味道，十八種香料造成的辣油，充分與濃湯融合，湯底非常濃郁，食落去由於辣度勁，味道好有層次，有別於一般酸菜魚，好吃。兩個人share，一個叫薯粉一個叫飯就啱晒，薯粉都幾掛汁，好食。我發現唔單止我哋仲有隔離枱，都會唔小心越飲越多湯，魚眾不同確實係人少少想食酸菜魚嘅平價之選 。

元朗少有既平價酸菜魚，唔食魚唔緊要！仲有牛肉可以揀🤪餐廳提供多款不同口味既湯底比客人選擇，仲要贈送多兩個配菜比你揀👍🏻並配有飯/米線/薯粉可選擇。✨老壇酸菜魚尼間既魚用咗龍脷柳，如果想食生魚片就要加錢🤣配菜方面嗌咗萵荀同娃娃菜，份量一D都唔細👍🏻性價比係幾高。龍脷柳肉質結實，食落啖啖肉，而且無骨，其實配酸菜魚真係唔錯，懶人之選！湯底方面我覺得酸味唔太突出，淨係有D 辣同蒜蓉香味，對比出面既酸菜魚湯底係有啲失望🥲✨青花椒酸菜牛肉以新鮮青椒花和秘製汁製作成既湯底煮非常濃郁，清香帶點微辣微麻，我覺得比起老壇酸菜魚湯底更美味，愈食愈上癮。不過食到一半之後覺得有D鹹，要餸飯食先中和返個感覺，而且牛肉唔算太靚食落有D 筋🥲

他們的小店只買酸菜魚類別的食物其實以單一的店舖來說，他們都算是專家，在味道方面亦都很出色，本身我同我男朋友都好鍾意食酸菜魚，都嚟試吓，點知食落又真係好好味喎.💁‍♀️見餐牌好多湯底選擇, 有牛又有魚, 決定各來一客! 🤤 老壇酸菜魚, 可以另選2款配菜,  就來一個最索湯的豆腐卜 + 🥬生菜, 再配薯粉 $56 ~ 滿滿一大碗, 份量超級多, 魚肉又白又滑, 完全無腥味, 🐟魚肉厚身份量多, 湯底酸酸辣辣🌶, 惹味非常! 薯粉是另上的, 為免湯浸腍, 貼心的! 薯粉煙靭, 好飽呢.... .飲品就一定要加錢, 冷熱飲同價! .店員會喺席間表明如覺太辣可加上湯, 又關心會唔會太辣, 讚! .📍魚眾不同酸菜魚🚦元朗教育路61號紫荊樓地下K號舖.

#元朗 早幾日路過元朗見到有間新店, 離遠已望到非常光亮😎, 母親大人又表示從未食過酸菜魚🐟, 一於試試, 做囡嘅我本來就超喜愛試新餐廳! 💁‍♀️見餐牌好多湯底選擇, 有牛又有魚, 決定各來一客! 🤤🐟老壇酸菜魚, 可以另選2款配菜,  就來一個最索湯的豆腐卜 + 🥬生菜, 再配薯粉 $56 ~ 滿滿一大碗, 份量超級多, 魚肉又白又滑, 完全無腥味, 🐟魚肉厚身份量多, 湯底酸酸辣辣🌶, 惹味非常! 薯粉是另上的, 為免湯浸腍, 貼心的! 薯粉煙靭, 好飽呢....🍋🐄檸檬味酸菜牛肉, 配菜選豆腐皮 + 蒿荀, 再配米線🍜 $66 ~ 用上鮮檸檬啊...酸酸辣辣的, 湯底幾好飲, 唔嗆喉! 🥩牛肉份量多, 肥牛唔會好肥, 好多肉食...蒿荀同豆腐皮份量都好多, 雖說是配菜, 但份量同主菜一樣多, 🍜米線一大碗, 好似沾麵咁食, 讚! 🍋凍檸茶 +$6, 🍊熱柑橘蜜 +$6, 冷熱飲同價! .💁‍♀️服務超好, 店員會喺席間表明如覺太辣可加上湯, 又關心會唔會太辣, 收集意見, 讚! 👍

這次在教育路覓食，看到有家川菜館，名字挻特別的。餐廳環境不算太大但很光猛的，店舖主要售賣酸菜魚，有多款不同口味選擇，還有套餐加配😆，可選擇白飯/米線/薯粉。💥老壇酸菜魚 HKD$56💥老壇酸菜牛肉 HKD$66酸菜用了陳年老酸菜，所以味道很酸🤤。每一份套餐也可選擇兩款配料，而湯底採用秘製配方，味道濃郁而不咸。味道酸酸辣辣的，既開胃又惹味，較喜歡用薯粉/米線配著吃，因為吸入醬汁味道更佳😍。用魚/牛肉做口感也是嫰滑，口感煙韌入味😆。食物質素不錯，價錢一般，環境光猛涼快，不用擔心吃辣吃到熱的問題🙈。

自疫情2020年很久沒有去元朗教育路dine in。今天因事而經過，攪掂事情已差不多中午，正好搵食。咦...見到一間非常亮麗的餐館，專食 酸菜魚的；好吧！試試佢。我是第一個食客，服務員也在午膳中。內部乾淨，感覺是新開張的。 聊一聊原來已開業大約一年了！餐牌由 1辣椒 →2辣椒→3辣椒，除酸菜 魚還有酸菜牛。 酸菜魚普通版用的是龍利魚柳，亦可+$10升級版食新鮮生魚。今天第一次，試試 一隻辣椒的『檸檬味酸菜魚』普通版配木薯粉+送2款小吃（點了豆腐卜 及萵筍）。 嘩！好大碗呀！魚柳塊挺多，非常滑嫩檸檬味湯底：一隻辣椒有少少辣加上輕酸，很惹味，濃度適中木薯粉煙韌好味，份量也不少$56不含飲品，食飽覺得抵下次必須試試3辣椒的升級版新鮮生魚，再評

早排入元朗見客好肚餓唔知食乜睇OpenRice附近餐廳揀咗佢有多款酸菜魚，仲有其他唔同味.第一次食就揀咗個menu有2隻辣椒嘅［青花椒酸菜魚(鮮魚片)］再免費贈送2款配菜，我就揀咗萵荀＆薯仔主食就梗係要薯粉🤩.等咗陣就有得食，飲下啖湯夠酸夠辣而且非常香濃😏重味精味係幾好食嘅…好中意啲萵荀薯仔切薄片👍🏻.不過真係口味較重，食咗一半開始頂唔順🤣但我好肚餓，所以都全部食哂真係好咸，好重味…...呢個價錢，都算好味又掋食嘅❣️😆不過我覺得太濃味，食完喉嚨kick咗幾粒鐘所以…我應該唔會再食😅..#元朗美食 #ca師奶餐廳_元朗#酸菜魚 #元朗餐廳 #元朗小店#spicy #fish #spicyfood

餐廳：魚眾不同酸菜魚 地區：元朗地址：元朗教育路61號紫荊樓地下K號舖日期：24/11/2020 時間：2:00p.m.人數：2人 等位： 0mins 價錢： ＄124今日同朋友都想食既酸菜魚，咁啱佢住元朗知道附近有一人份量嘅酸菜魚可以根據自己嘅喜好選擇配菜而且經濟又實惠。我地揀咗唔同嘅湯底，每個湯底可以免費選擇兩個配菜，我既係金湯酸菜魚配豆腐同大芽菜及米線（$56），而另一款係青花椒酸菜魚配金針菇同娃娃菜及白飯（$56），另外加嘢飲要$6，總共$124。湯底好濃厚，淡淡的鹹酸菜酸味，吞嚥後才有少少胡椒和花椒的辣味，是少少辣的級數，不會太辣！適合重口味的我，我連湯也喝掉了。魚肉非常滑嫩，而且無骨，份量非常多，加上濃郁的湯底，如果唔係選擇生魚片唔會有魚腥味，令人垂涎三尺，又經濟，我比較下喜歡金湯酸菜味，好醒胃！姐姐服務態度非常好，親切友善。如果下次自己一個想食酸菜魚嘅話一定會再選擇呢一間👍

終於唔使再特登返上大陸食酸菜魚啦食完呢間餐廳之後發覺原來喺香港都食到大件夾抵食嘅酸菜魚而且調教得適合香港人口味，不會太辣今日食咗酸菜牛肉，金湯魚好大碗，材料好多，飽到捧住個肚走，埋單都係$5x-$6x/位。餐廳環境舒適。平時喺出面啲餐廳食一味酸菜魚都要百幾廿百。最重要係食完唔覺得口渴，證明冇乜味精。推薦！

第一次食無酸菜味嘅酸菜魚心。已經upgrade咗做貴d新鮮生魚片， 但係一啲都唔好食。成碗湯只有辣椒味同埋味精味米線係斷開一條條嘅 已經浸到好冧咁環境係算乾淨衞生, 職員服務態度不錯，落力介紹餸嘅份量算多，賣相都唔錯 但的味道不敢恭維.........唔會有下次....畀門口張poster吸引咗入去坐低咗一陣間聽到隔離食客對話，話呢一間係新開， 希望老闆改善食物來源質數， 湯底要再研發下， 譚仔既魚片好食10倍!!!

第一次食，應該都冇下次。叫咗個蕃茄牛肉同埋酸菜魚。會跟返兩款配菜同埋嘢飲。呢個價錢食呢個質素都真係幾慘。第一啖試咗個蕃茄湯先，蕃茄味幾濃，好香，但係食完個牛肉之後我有啲懷疑個湯底都只係香精嚟。肥牛嘅量係幾多嘅，不過好韌，重點係完全食唔到有咩味，總之就係如果你矇住眼食係唔會知道自己食緊乜，仲差過佳寶啲最cheap嘅肥牛。酸菜魚試咗少少，魚係用最平嘅鯰魚柳，食落冇問題嘅，入味，滑，份量都多，但係酸菜魚用鯰魚就真係太cheap。想試吓嘅朋友真係三思。

有七款湯底，跟住有魚同埋牛揀，啲湯事實味道係幾好，嗰兩個老闆一個肥仔一個四眼仔沾沾自喜係咁周圍問d客，好唔好食啊，其實我想講啲湯咪又係味精食完口渴嘅，後面街個檔真係正呀，但要幾舊水，都唔同檔次，都唔明呢兩個老細做乜沾沾自喜以為自己嗰啲嘢好好食，湯都當OK啦其實味道幾好嘅，但係嗰啲牛好厚好韌，都唔知比啲咩牛我一路食一路吐，點吞得落姐，食完肚餓嘅要再去買外賣，咁你仲執唔執，啲魚有骨，牛又唔知用乜嘢牛，韌到咬得到都吞唔落啦，咁你一係用靚啲嘅牛啦用埋啲牛成張棉胎咁厚，一係就用牛頸脊一係就用滑牛一係就用靚啲嘅肥牛，桌一桌攞上嚟啦，煲到硬晒，再唔係取消個餐牌唔好賣牛啦根本都唔掂。仲有一樣野，我聽到佢話人哋，批評佢嗰啲都係第二啲行家，咁你唔反省下自己啲嘢得唔得就唔好問人哋啲嘢好唔好食啦又唔接受意見