魚眾不同酸菜魚 (冠美樓)

营业中

休息中

酸菜魚一人鍋 $78呢度嘅酸菜魚好抵食，晚飯時間都只係$70幾，鱸魚片超嫩滑！揀左最經典嘅老壇酸菜湯，唔算好辣啱啱好，餸就揀左萵筍同豆腐，主食當然是手打薯粉！煙煙韌韌配酸菜魚最夾👍🏻另外，仲加咗肥腸 $20但係得幾嚿唔建議加🤣窩蛋免牛煲仔飯 $69要等25分鐘先有，所以一早就落咗了，熱辣辣有飯焦好吸引，煲仔飯真係好配生蛋黃，豉油係結結地，有啲似日式鰻魚汁，都同煲仔飯好夾，牛肉都好有牛味脂肪均勻好食😋利賓納梳打特飲 $12晚飯時間都有優惠價，加特飲真係幾抵，利賓納好耐冇飲，唔太甜幾fresh!凍鹹檸七 $12朋友叫嘅鹹檸七，好似都幾好飲

今日終於可以入到黎試到呢間「魚眾不同」有咩與眾不同喇🤣🤣第一款 老壇酸菜湯鱸魚片1x$78.00美食萵筍黑木耳主食手打薯粉老壇酸菜湯 口味少辣椒第二款(唔辣)老壇酸菜湯鯛魚片1x$78.00美食薯仔黑木耳主食軟滑米線(唔辣)老壇酸菜湯 口味第三款 蕃茄濃湯龍利柳1x$60.00美食薯仔金針菇主食絲苗白飯蕃茄濃湯 口味第四款 海鮮炒飯整體黎講算唔錯，同事們都非常滿意，下次可以試吓佢d煲仔飯😋冬天凍冰冰暖下個身😋

無意中發現係灣仔經過見到呢間主打食酸菜魚米線🍜除左酸菜魚外，仲有川式口味 & 養生湯底‼️香港人真係好鍾意食酸菜魚午飯時間呢間特別多人～今次第一次探店，當然要食招牌酸菜魚「酸菜金湯」辣度達2粒辣椒🌶️🌶️ (餐牌上顯示)不過食落唔算好辣，金湯味道勁正再加埋酸菜味道，非常開胃❤️呢度有唔同嘅魚片可以選擇，我揀咗鯛魚片，佢哋介紹話呢款肉質比較爽脆‼️不過食嘅時候feel到有啲滑潺潺，感覺不太好下次都係揀「鱸魚片」，最穩陣不過

📍#老屎忽係灣仔#oldszefood #老屎忽 #老屎忽食飯 #老屎忽搵食 #老屎忽都要OT #灣仔🐔胡椒豬肚雞煲 (1人份) ($76)天氣咁凍梗係要食下啲湯暖下胃 呢度有一人份量嘅胡椒豬肚雞煲 正🥰 煲入面起碼有六七舊雞 亦有唔少豬肚 送飯一流 最尾仲可以飲埋啲湯😙跟餐加配: 青蘋果梳打特飲 ($12)唔會好甜 幾清新🤪🐟老壇酸菜湯鱸魚片 ($78)舖頭有幾種魚揀 店員話鱸魚係最少骨 所以就叫咗嚟試嚇 果然無揀錯 本身係食魚嘅我都食得津津有味 酸菜湯可以揀辣度 唔會太辣 酸味味 好開胃🤪配兩款配料 萵筍+娃娃菜仲有12款配料比大家免費配兩個 大家可以隨自己喜好自己揀😙跟餐加配: 凍檸七 ($12)魚眾不同酸菜魚 (冠美樓) (灣仔)📍灣仔駱克道127號冠美樓地下

• • 魚眾不同酸菜魚（灣仔）• •今日同閨蜜🍯過開港島，最近天寒地凍，上次食過呢間已經幾想推薦畀酷愛酸菜魚嘅🐢🍯決定要齊齊令氣溫急升返🔥＜青花椒酸菜湯，鱸魚片🌶️🌶️ ($70)>今次識嗌，一定揀呢款湯底，係膽😎 配菜揀左豆腐皮同娃娃菜，配手打薯粉（+$20）青花椒湯一貫嘅麻香撲鼻😻 麻得過癮🌶️ 不過都要小心咪咬到粒粒嘅青花椒同辣椒🔥 可見湯底嘅足料程度。喵怕多骨，哥哥推介冬天可試鱸魚，冇介紹錯，滑而富有魚嘅鮮甜，🐢🍯都大讚！娃娃菜索晒汁，塊塊過癮🤪 豆腐皮份量不少唔講仲以為係有一箸闊麵🍜 食到暖粒粒。喵今次挑戰成功，真係清左成碗。唔太食得辣，但又心思思想尋求小刺激嘅朋友真係都可以一試✨ < 花膠濃湯雞煲($80) >你睇下塊花膠先啦👀 雞塊大大件，啖啖肉💛 湯底的確濃郁，唔見底你就知咩事，一啖米線一啖湯，暖在心頭。建議唔好食太慢/ 可以索性成碗麵落晒湯，因為麵本身偏硬，要趁湯熱浸淋返啲。濃湯偏咸，🐢🍯prefer 淡返幾度。

最近於家旁看到魚眾不同的圍板，好奇心驅使搜索一下，發現原來有眾多分店，特意走到最近的一家身先士卒餐廳位於灣仔地鐵站出口附近，主打酸菜魚，有辣及走辣選擇，可滿足不同口味的食客，毋須互相遷就小店裝修摩登雅致，環境乾淨闊落一反傳統川菜的風格，改走小清新路綫，以湖水綠作為品牌顏色一人份系列先選主題配搭，再挑風味湯底，會有兩款美食及一款主食贈送麻辣濃湯肥牛鮮嫩爽滑，紅油鋪面的賣相配上麻辣鮮香的味道，色香味俱全湯底有少油選擇！不要主食的話更可享多一款美食！要了萵筍、黑木耳及海帶 一人尊享系列花膠濃湯雞煲可配白飯、米線或薯粉！花膠肥厚爽口，雞肉鮮嫩有雞味雞湯清甜滋補，吃完吸盡湯汁的Q彈薯粉後所有湯一滴不留飲品跟餐有特價，凍鹹檸樂喝起來咸甜微酸的滋味，生津止渴再叫一杯凍檸樂，自製龍鳳檸樂，特別爽快

位於灣仔主打酸菜魚湯的川菜餐館，主打供應一人份量系列的菜式、煲仔飯、小食、小菜，還有供大夥兒分享的大盤水煮系列、酸菜魚、雞煲等等。餐廳裝修新淨，座位舒適。人流也很多，座無虛席。下單的話，只需以手機掃碼，方便快捷。一人份系列：主題配搭：鯛魚片風味湯底：青花椒酸菜湯美食2款：海帶、豆腐皮主食1款：手打薯粉一人份量的酸菜魚湯，車仔麵形式自選湯底、主食、兩款配料，選擇蠻多，自由度高。湯底亦可選辣度，湯底金黃、濃郁，入面有酸菜、辣椒、花椒、蒜粒，味道又麻又辣且帶蒜香，青花椒更加是越浸越辣。鯛魚跟鱸魚的分別是，鱸魚較滑溜，鯛魚的肉質較爽脆彈口，煙韌，不過小心會有細骨。豆腐皮像麵條般，海帶切成一絲絲，整體口感豐富。手打薯粉是另上的，確保麵條不會因浸得太久而變腍。份量也可選擇少或多；這款薯粉是幼身的，不會太靭以至咬到累了。

魚眾不同酸菜魚來到灣仔已好幾個月，今天終於和朋友去食午餐，一人一鍋，選自己喜歡的口味，就是愛這種自由。蕃茄濃湯鱸魚配薯粉+生菜和豆腐皮（$85）朋友不食辣，點了蕃茄濃湯，他說湯底濃厚，蕃茄味香濃卻不會過酸，初時以為鱸魚片不多，原來沉曬底，食極都有，而且鮮甜軟滑。豆腐皮則麻麻地，比較鞋口。我朋友是男士，他認為可以免費加大的薯粉啱曬佢。胡椒豬肚雞煲配米線（$76）秋冬限定滋補之選，上枱時還是滾熱的，並已聞到濃濃的胡椒香味。飲一啖湯，雞湯夠濃，胡椒夠辣，而且少油，好正。想不到雞肉也很嫩滑，不過切得較碎，豬肚厚身軟腍。食完飲埋湯，暖胃又暖身熱柑桔（+$7）利賓納梳打特飲（+$12）兩杯飲品正常發揮，味道足夠。

天氣轉涼，食下辣野都好呀，收工去左駱克道魚眾不同酸菜魚。餐牌有餐前小食，招牌菜，水煮系列，一人份系列，一人專享，炒飯，煲仔飯，飲品。呢度餐牌有一人份系列，主題配搭7選一，風味湯底8選1，有辣有唔辣。送美食兩款12選2，或者加錢升級。精選主食3選一。都可以加錢追加。番茄濃湯鱸魚片生菜大豆芽 $78一人份系列一大碗，熱辣辣上枱。個番茄濃湯好香，入面仲有番茄，洋蔥。大概有幾片連皮鱸魚片。我叫咗生菜同大豆芽，都算多菜食。花膠濃湯雞煲 $80花膠一大兩小，唔會太薄身。雞件有4件左右，有兩件雞髀肉，肉質嫩滑有雞味，雞皮滑溜。仲有一大條娃娃菜。個湯好濃雞味，又少油，冬天飲好正。手打薯粉我地都揀咗手打薯粉。居然可以揀多薯粉而唔洗加錢。手打薯粉份量大大碗，滑溜又煙煙韌韌，撈雞湯好食。飲品有多款選擇。紅豆冰 跟餐 $12紅豆冰可以揀多奶少甜同少冰，飲落果然係唔甜，味道較淡。餐廳裝修都幾新，今日坐到二人卡位，都好舒服。價錢都唔算貴。

今日同同事一齊出外用膳，每次行過都好想試吓嘅酸菜魚店，好想知佢係咪真係與眾不同🤣🤣因為日日門外都有好多人排隊，所以一直都冇機會以下係我哋分別配搭俾大家參考吓：青花椒酸菜肥牛（小辣）（唔想食魚有另類選擇）配大豆芽、豆腐皮、蘿蔔凍檸茶（少甜少冰）青花椒酸爽鯛魚片（小辣）配豆腐皮、萵筍、海帶利賣納梳打特飲（少冰）酸菜金湯肥牛（夠酸）金針菇、豆卜、娃娃菜蕃茄濃湯鯛魚片（鍾意食蕃茄嘅人可以試吓）配蘿蔔、萵筍凍、金針菇鴛鴦(少甜）我叫咗青花椒酸爽鯛魚片（小辣）鯛魚皮爽口彈牙，肉質鮮嫩，冇骨唔腥，值得推薦因為配埋海帶萵筍呢啲綠色餸菜，搞到成碗湯變成左綠色，不過都好好食，放心享用🤩

今日喺度食咗lunch，呢度有唔同嘅魚同湯底可以揀，另外仲可以揀多兩款配菜，好似食緊酸菜魚版嘅車仔麵😆我揀咗老壇酸菜魚湯底配鯛魚，魚片嫩滑無骨，估唔到一人份量咁大碗，仲可以揀薯粉或者係飯，食完真係勁飽。

可以想像到未解凍直接淥熟嘅魚🥴加味精湯好好奇點解咁都可以咁多分店😆我都好想開返間可以想像到未解凍直接淥熟嘅魚🥴加味精湯好好奇點解咁都可以咁多分店😆我都好想開返間

第一次幫襯，行完美食節搵餐廳食飯，咁啱經過見到呢間餐廳有得食酸菜魚，佢有檸檬酸菜，老壇酸菜魚，香辣，麻辣選擇，佢仲可以特別要求係正常/多/小/份量薯粉，另外仲有米線同白飯提供，仲有小辣椒走辣椒走蔥走蒜之類，飲品仲可以選擇後上，今晚有二人去食，叫了麻辣和老壇酸菜魚，有鯛魚和鱸魚選擇，麻辣夠晒強勁，香氣十足，比較上辣左一點，另外老壇酸菜魚酸度十足，平視我比較少食這些類型菜式，但都覺得有驚喜，我鍾意食老壇酸菜魚加薯粉，一定會再去幫襯。另外仲有加錢鴨血都好好食。

舖頭叫「魚眾不同」,店舖推介酸菜魚。香港有很多食店也有「酸菜魚」,但我見這店很多人排隊,即管一試。我叫了最基本酸菜魚薯粉配豆皮大豆芽菜。很方便的自己電子下單,選好後就好奇待。第一試它的湯底,酸咸辣完全適中,有新鮮蒜蓉肉碎,飲了三啖湯底,就開了胃口,酸菜好新鮮脆卜卜,豆皮及大豆芽菜好爽,主角鯛魚好新鮮,肉質脆嫩,薯粉麵分開另上的,不會令它變糊,整碗面超好味,份量充足,最重要夠熱(不是温),我差不多連湯都飲晒！極推介,做得好正既酸菜魚。一定經常來！

今日個lunch同朋友去咗灣仔度食，我哋揀咗魚眾不同，今日我個朋友比較鍾意食辣，但係我對辣酒一般，所以就揀咗呢間，我朋友揀咗個酸辣水煮魚配米線，而我就揀咗個花膠雞湯配飯，雖然我唔食辣但係我都有試過佢嗰碗嘅味，都真係好香口，而我碗雞湯就覺得好鮮甜，亦好滑，正😍