魚米家魚湯米線 (已搬遷) 新店位置

今晚同朋友打完波, 見時間都幾夜為免體形持續增長之下,就清清地食碗米線算數,去到唔使等位一坐低就各自叫想食o既野,我就叫左個豬軟骨米線,碗米線黎到我面前見到碗面d所謂豬軟骨得兩舊咁大把,其他o既就好似豬肉碎咁,完全覺得好似貨尾買淨見係你平d比埋你喇,心諗算啦又唔係太肚餓食少d當減肥,首先豬軟骨味道都幾入,但食落覺得似一舊豬肉條多,完完全全係一條豬肉條,另外米線o既麵質好鬼淋,唔得!!!另外湯方面都比較咸,食飽有d口渴!!另外叫左個魚湯小籠飽,本來估係飽內係魚湯,點知原來係魚湯浸小籠飽,哈哈有趣有趣...味道都只係普普通通!!!其他朋友食左自己碗麵之後都話普普通通,有幾碗有d菜蟲同頭髮tim,低比喊面喇!!!

昨晚同太太去食米線，叫了魚皮餃米線及腐皮魚肉米線，見有套餐，多１４元，有小食及飲品，故其中一個改套餐．點知原來套餐除了飲品外，米線及小食均為迷你版！只得三粒魚皮餃，小食的魚湯豆腐亦只得三小塊．魚皮餃唔得，有質感．腐皮魚肉則很香口，魚湯亦幾好味，不鯹．

雖然黎過幾次..但係並唔係自願..只係d fd話黎間好好味但食過第1次就覺得黎間d野好普通..毫無特色..味道偏淡..d所謂既魚湯又係1d都唔濃既!!叫左個金菇肥牛加羅白米線..普普通通魚腐米線唔錯..魚腐幾香口!!"葉"鴨胸米線..d鴨胸麻麻地..太油啦!!始終黎間d野普通左d..只係多款簡套餐碗面又好細碗..幾唔抵食!!食1次就真係夠哂數啦!!d位又逼喎,服務態度又真係差左d!!

這間魚米家的食物蠻不錯, lunch time常滿...那些魚湯幾入味, 招牌食品魚腐米線固然不錯, 都只是$25. 腐皮卷米線都幾好, $22. 近期我愛吃他的紅燒豬軟骨米線, 貴少少, 都是$28. 其他食品如炒公仔麵, 皇子海鮮炒飯, 賽螃蟹都幾好吃, 不過就貴少少, 好像$40元左右.

上上個星期六，中午去咗沙田個间，叫咗個無錫骨米線套餐，有小食送，有杯嘢飲凍飲加2元一共38元，無錫骨够淋好入味D米線好淋唔係咁得，小食是鮮竹卷酥炸的都幾香口。不過D招呼就唔得啦趕頭趕命咁，未食完都想收咗你隻碗咁，D位都幾窄吓同埋係搭枱囉。

我上次行開奧海城..見到d間貼左好多報紙雜誌..岩岩又要食野..所以就入左去試下有幾好味...叫左佢個魚腐米線...佢個湯好白..係用魚煲..但唔係好夠味...又唔算香..d魚腐又唔算好特別唔算好味..普通啦

同朋友昨晚6:30去食魚腐米線套餐魚腐米線- 都係普普通通, 細碗魚湯唔係好夠味..生菜- 好細碟炸墨魚丸- 得兩粒..d汁都幾salty..唔好食喎!幫我地落單個男人無乜禮貌,好似好趕時間咁..唉~$36一個餐..唔係好值喎...

我聽了你們很多的評語後. 其實我最認同的是她們的服務.十分之差. 就算我們廚師做了十分好的食物.但她們不給了食客不好的印象.做什麼都是沒用的.

佢話魚腐米線係招牌，叫了一碗來試。實無甚特別，魚腐太稔，魚湯又唔夠濃，米線唔夠彈。下午茶會比較抵食。環境很嘈吵，電視開得太大聲，不適宜聊天。

俾BF叫左好多次，都因為唔鍾意店內環境而唔想去~ 今夜去奧海城食飯，我又冇心水，佢又重提魚腐，咁就就佢一次啦~ 我要左一碗魚腐米線，終於試到魚腐係咩味lu：講真味道都okay o既，似係魚肉又似玉子豆腐，夠滑夠味~ 不過我都係唔太鍾意間餐廳環境喎，冇乜incentive retry~

今晚想媽咪抖一抖,唔駛煮飯,落樓下魚米家開餐.叫左:1) 金銀蛋魚湯浸竹笙莧菜-- 魚湯好鹹, 金銀蛋多但菜少.2) 蝦子蘿蔔魚腐-- 有魚腐5-6件, 好濃味, 淨食會幾口渴.3) 田園炒什菌-- 較上次叫少左成半! 炒得幾清唔油.4) 蝦子大蝦炒公仔麵-- 公仔麵炒得幾香口, 都幾重味, 大蝦上有七味粉, 微辣.5) 清炒菜心-- 由於每碟菜都好細份而且都味濃, 所以加多一個炒菜清清口. 點知上桌菜心唔夠10條! 超細份!埋單$185, 唔貴, 但係太細份, 以前抵食d!

食唔到車品品,就走返過黎食野,唔駛等位,但就要搭,坐位同坐位之間都幾迫.叫左炒飯同雞翼米線,一般,無需多講炸鮮奶---幾好,炸粉剛剛好,唔會太厚,亦唔會過火,入面d鮮奶都好滑炸白飯魚---幾好,亦都剛剛好,點醋更加野味總括,炸野好食,飯麵一般

呢度d招牌貨魚腐米線味道麻麻,魚湯冇乜魚味,又要等得耐,又貴,仲冇非吸煙區,搞到食埋好多二手煙.....以後都唔幫襯!

今晚去左魚米家買餸加料. 上次黎食見到隔離檯o既帶子菜甫炒蛋幾靚, 所以今次就嗌左呢樣. 呢度o既炒蛋好有住家風味, 蛋係一層層, 份量十足, 配料亦好豐富. 我地估佢落左上湯(或者雞粉溝水, 上湯成本貴嘛!)去煮, 所以完全唔油, 而且夠晒味. 菜甫係甜菜甫, 中和左炒蛋o既鹹味. 帶子雖然係急凍貨, 都仲有d鮮味. 整體唔錯, 會翻炒!

同意Ｂｌｕｅｍｏｏｎ所講，以前ｄ魚湯真係飲得到有魚味，但現在不提也罷．