魚米家魚湯米線 (已搬遷) 新店位置

好! There is very crowd but the food is guiet good in there. I love the 魚腐米線!!!

魚米家竟然有一條例，如付多過一元的毫子，會另收一元的付加費。上次有人去食野比4個5毫子，佢竟然話要收多一蚊...賤!野又唔係好好食

今晚同媽咪家姐黎食晚飯. 雖然隔離檯檯都係叫餐(米線+小食) 我地就散叫. 叫左個皇子炒飯,咕嚕順德魚腐,金銀蛋竹笙時蔬,同魚湯浸通菜. 最impressing o既係咕嚕順德魚腐,又香口又惹味!個皇子炒飯有瑤柱,帶子同蝦(不過唔係好多),唔係好鹹,亦唔油,不過當然無"鳳城"咁掂啦!兩碟菜都係魚湯浸o既,清清地,都幾好!埋單先至百幾蚊, 幾抵! 唯一要改善o既就係散叫要等o既時間太耐! 眼見隔離檯檯都有野食(遲過我地黎o既d米線都黎先), 我地仲等緊!

除左米線之外...仲有好多套餐...全部都好抵食.....例如大碗飯...女仔一定食唔哂一碗....仲有好多炒飯呀炒麵呀....大大碟...都只係三十幾蚊一set.....仲有飲品同小食....之不過佢D 油菜就唔好食囉....

食左個餐,一款米線+自選小食+飲品=$37魚腐米線- 魚腐好淋冇咩味道,個魚湯仲好鬼好"醒"添,碗米線都幾細碗!自選小食- 選左餃子,炸� 隻,麻麻地!好耐之前係食過,都係一樣咁差,都冇咩改善過,仲質數下跌添.下次都唔會再幫襯佢.

$40個set，魚腐米線，唔算大碗，但夠我食。湯帶少許鯊魚骨味，普通甜，飲完冇口渴，米線彈牙。d魚腐似淋淋地魚蛋，ok啦，比較喜歡肥肥火鍋個種，類似豆卜，不過入邊係魚肉，皮硬身，裹面porous，吸滿湯食一流。小食豆沙香蕉酥，冇香蕉，有d膩。

米綫幾滑.魚湯好清.無味精.魚滑米綫.d魚滑都幾好.古老魚腐.其實係古魯魚腐.酸酸甜甜幾好食.魚腐幾滑.見到佢d炒粉炒飯都好似幾好.仲有少量套餐可以揀.下次都會再去試下其實食物.

我同男友第一次去魚米家食...我叫o左間o野最出名o既魚湯魚腐米線，我覺得勁正，魚湯o既味道好鮮甜，而魚腐又夠爽滑，一流！！！至於我男友就叫o左個豬扒炒一丁，佢話o個度o既豬扒夠鬆軟，味道唔錯，但係o的麵就超鹹，佢平時勁鍾意食出前一丁，鍾意到從來都未試過食唔哂，但係今次竟然食唔哂...

聽就聽過好多次, 食就係第一次, 見叫了一個炸菜魚肉炒米, 唔錯喎, 米粉爽口又幼, 炒得唔油, 味道調得岩岩好, 好!另外叫了一個咖哩豬頸肉飯, 唔掂, 飯太腍,咖哩唔辣又唔香,隨餐送的蟹子salad好少, 鼓油碟size, 又唔好味,生菜好梅,我寧願佢唔好送見佢唔駛等先入去, 不過入面真係好嘈,客嘈就無野好講, 但係個廚房都好嘈

尋晩晩飯買外賣+煮餸, 爸爸o係度買左個金菇肥牛魚湯米線. 一打開時全家即刻鬧爸爸, 因為佢要減肥...下次唔俾佢話事...呢個肥牛米線比魚腐米線大堆頭, d金菇同肥牛堆滿左個發泡膠腕. 但係賣相麻麻...d肥牛唔係好好味...而且今次d菇有少少酸味下次都係食番魚腐米線...

今晚屋企煮飯黎呢度加"送" . 想叫魚腐, 佢有三個選擇, 蜆芥炸魚腐(即係炸魚腐配蜆芥醬), 咕嚕魚腐, 金莎魚腐(+鹹蛋黃). 爸爸膽固醇過高, 所以即刻否左last one. 最後覺得要忠於原著, 就要蜆芥炸魚腐.$25有八粒. 無落魚湯o既炸魚腐更香脆,而且本身夠味,唔點蜆芥仲正!

魚腐味道吾錯,魚湯清甜,但要等位.

招牌魚腐真係幾好味，出面食唔到。套餐碗麵好細，有少少唔抵咁。試過又一次食砂窩翅，七十蚊好細，仲要勁多水又唔好味，所以去哩度都係食麵好d

麻麻...btw, editor, 我想講呢, 荃灣愉景新城都開左間呀, 係以前大家樂個位... 　　

不愧係招牌菜口感幾得意,味道都唔錯.不過其他野冇驚喜