魚米家魚湯米線 (已搬遷) 新店位置

一輪無黎, 上星期再幫趁, 驚見灸腐湯米線既米線腍pat pat, 湯又咸而不鮮. 魚湯蘿蔔雖然依舊好腍, 但好大陣"火農"味, 而個湯亦有同一毛病.唔通又可以幫趁少一間?

叫了一份蜆芥魚府炒米線. 好濕. 肯定倒得成擔油/汁/水..出~ 咸左d. 麻啦

我一向都唔太知魚腐係咩，昨日同男朋友路過，於是入去試下魚腐米線，魚腐又香又軟，湯底都好入味，整體好好味道另外，我地又叫左個大良炸鮮奶，又係另一佳作！呢道甜品即叫即做，所以要等差唔多15分鐘，但外脆內軟，甜味適中，外面的皮又唔會太厚，真係值得一試！

琴晚係魚米家叫左兩個小菜,分別係海鮮賽磅蟹同蝦醬唔知乜魚腐(exact個名唔記得),賽磅蟹好正好好味,蛋白夠多,又有蛋王,魚肉,蟹柳,最岩撈飯食!但係後者就好難食,我本身鍾意食魚腐先叫呢個餸,點知個汁味道好怪,唔係一般蝦醬咁味,d汁又已經索晒入d魚腐度,令到個餸娭得唔好食,早知係咁,就要咕嚕魚腐啦!一個餸好一個餸唔好,打個和啦!

多0左好多款套餐，同男朋友一人叫一個，仲加一個蜆介魚腐。方魚肉碎泡飯湯底明顯好味0左，而且ｄ料都幾好味，男朋友食雞翼米線都話好味0左，不過個魚腐就好似冇以前咁好味咁...

見Cathie食金菠蘿海絴炒飯食得咁開心,我都黎魚米家食下炒飯,我食既係皇子炒飯,琴晚外賣番屋企當「加料」。飯炒得夠乾身,唔會太油,材料有帶子,瑤柱絲,蝦,蛋白,味道幾好,我屋企人都一致好評!

本來想試Cahtie推介既金菠蘿海鮮炒飯,但係去到又唔係好想食飯,於是試左另一樣未食過既野,就係素鮑魚米線喇。我唔知素鮑魚係乜,但係個樣真係好似鮑魚,口感同味道都係喎!唔知佢用乜整既呢?除左素鮑魚,仲有d冬菇,紅蘿蔔等等做配菜,都ok喎!

尋晚又黎呢度開飯. 三個人叫左:1)咕嚕魚腐-- 呢個次次必嗌, 魚腐本身好味, 再加埋冶味o既咕嚕汁, 正!2)金菠蘿海鮮炒飯-- 張相影到d飯好黃, 但係上檯個飯白"sai""sai". 飯炒得唔多油, 而且足料, 有蝦, 帶子, 魚, (當然係急凍貨色啦!) 同埋好多菠蘿, 不過味道淡左d, 我地要猛落鹽!3)雲南炒什菌-- 呢個好好味! 材料有鮮冬菇, 秀珍菇, 白果, 芥蘭片. 雖然懷疑有加"師傅", 但係味道真係調得唔錯!4)魚湯浸通菜-- 呢個都必嗌, 因為$16 有菜又有魚湯, 真係好抵! 個魚湯清清地, 飲埋都不為過!埋單每人先至$35, 超抵!

見到食評話魚米家愈來愈差,我都有一段時間未黎,專登再黎試下睇下係咪咁好…叫番經典既魚腐米線,我又覺得ok喎,米線仍然滑,魚腐都保持水準,魚湯普普通通啦! 同以前分別唔大呀!

嘿...雖然佢地既分店係越開越多，但係...奧城lee間真係越來越唔掂囉。食一次差過一次。總之...一句...差...!!!

魚米家D 魚湯唔係咁好飲仲有D米線又粗糙喎....等野食又耐坐得唔舒服...冇咩格調可言打死都唔再去=-=

嘻嘻!平日通常食魚腐米線,貪得意試左魚腐米線撈,原來無咁好味架!無湯既,有魚腐,有米線,同埋一d醬,撈勻黎食,個人口味,唔鍾意d醬既味,好似好難食咁。唔會再試,下次都係要香經典既招牌菜魚腐米線!提一提,呢度既炒飯都幾好食。

魚腐米線- 魚腐好味, d肉有d入口即溶o既感覺; 魚湯唔油, 味好濃就唔講得; 米線爽, 幾彈牙王子炒飯- 有瑤柱, 蝦仁, 帶子, 但味較淡, 不過飯炒得幾乾身賽旁蟹炆伊麵- 蛋白好多, 幾好味, 但係麵唔合格, 碎都飛起, 要用羹"畢"小食拼盤- 炸蝦肉薯茸, 全檯最愛; 炸九肚魚同炸豆腐一般通菜- 好油服務算係咁, 價錢就好平

呢間係成個商場最抵食既食肆, 我亦都不時有機會幫趁佢. 平時見佢d二人套餐好似好多野食咁, 今次實驗証明係夠四個人食既. 我地一行五人, 叫左個二人套餐, 再加個魚腐米線, 已經好夠飽. 套餐(平d果個) 既幾大碟, 味道ok, 無佢既魚湯米線、小食同王子炒飯咁好. 但每人唔駛四十蚊, 都算抵食.

以前這裡的枱面真是幾污糟，黐黐立立咁,今次來到，已改善了很多,它們的魚腐米線幾好味,鴨胸泡飯就不錯,鴨胸肥瘦適中，很滑,唔"鞋",d飯就硬咗少少，韮菜酥都幾好味。