魚米 (麗港城商場)

营业中

休息中

Order 左佢個魚皮同埋兩碗米線，魚皮好似一舊磚頭咁，用筷子篤極都篤唔開，於是叫佢哋同事處理，點知佢哋淨係用鉸剪剪幾下就算，仲要係剪唔開既，，，，依然係一塊剪唔開既磚頭咁，完全唔夠膽食，唔知用咩物料做，好奇怪既一舊野。員工服務又hea到爆炸，反映完佢地都無心幫你解決問題，剪完我都係食唔到既。個米線又極之普通，一啲魚味都無，就係一個白色湯咸咸地既米線，有其他選擇真係唔好揀呢間！唔怪之得星期六都咁靜。

麗港城有好多唔同嘢食可以揀，粉麵都有唔少選擇，嗰日就決定去食吓魚米。餐廳係主打食魚湯底嘅米線，配料有好多唔同選擇，而嗰日我就揀咗牛腩，整體質素都唔錯，而價錢亦都親民，係抵食嘅選擇之一。

有一段時間無來食早餐，今日有時間就來一回！兩老撐下枱腳！一個落佢個公司通粉，一個落個雞扒餐，質素有進步！量都十足有餘！但如果可加些菜或加有沙律菜在伴碟就更加好！雞蛋有濃邊，雞扒夠乾身、肉地夠嫰，哎呀！上唔到雞扒嗰張相添！會再有下次！

常常看到的魚米今天還是第一次光顧事實上朋友也向在下推介過好幾次或許是緣份未到吧本日有幸一試南瓜🎃難得一見的配搭也剛好是在下喜歡的食物之一加大根兩餸配米粉不知道夠不夠飽因為工作到現在還未吃過東西確實感到肌餓一於再加份糖水 熱的木瓜雪耳 $11糖水先到可是持有貓舌的在下吃不了結果還是放到最後米粉超柔軟 入晒味魚湯底同是極之濃厚突然間覺得日本野輸了😅南瓜軟硬合到好處大根大大件清甜又多汁好滿足把湯都要喝光光後就到糖水環節沒那麼熱 能吃了🤣最慘的只是高估了自己的食量現在有點硬塞的感覺..沒想到 一個$45的下午茶係可以好飽的❤️充完電就要繼續努力工作了💪🏻💪🏻

今晚上運動堂之前，去咗魚米食晚餐，點咗呢個蘿蔔牛腩刀削烏冬，白蘿蔔清甜無榨，牛腩炆得好入味，牛筋入口即融，烏冬好彈牙，配上腩汁，真係好正！😋仲有送餐機械人幾特別！👍🏻

難食到一個點，見屋企樓下無咩餐廳可以揀，魚米又無咩人就行左入去，點知就中曬伏，重要係大伏😕😭首先叫個酸辣米線，係有一大堆酸菜，不過湯係無味嘅第二，米線係糊到一pat嘅，我唔知應該點放入口第三，最重要一點係，個肉燕餃超唔新鮮，係臭嘅🤢成個餐收左＄49，得杯凍檸茶係正常嘅結論，食唔到一半，走左，無下次

平時喺屋企諗唔到食啲咩第一時間就會諗到魚米，最鍾意嘅就係佢有種住家飯嘅感覺。通常晚餐嘅時候我哋都會點 豬扒 胡椒豬肚 同埋蒸魚或者煎魚 先講一下胡椒豬肚煲 平時來講我哋都會點胡椒排骨煲 可惜排骨今日賣晒所以就食豬肚 胡椒豬肚煲嘅湯底係魚湯 加上有好多娃娃菜 感覺都幾健康。另外豬扒來講簡直係每次嘅必食之選 除咗味道好食之外 佢嘅份量真係超級大份我諗每次都有七到八塊 啱晒一家大細食 平日我哋都會食蒸魚但係要成20分鐘 所以今次就試咗佢嘅煎魚 感覺比較乾身

今日經過麗港城魚米買外賣返屋企食返到去見到咁真係唔知笑好定嬲好 邊可能張單會放係食物入面 我唔知係特色定唔小心希望注意下依d問題！食物唔差既 叫咗魚湯米線 ！份量正常 。

第一次食魚米的酸辣米線是在寶琳店，當時酸辣味足，叫人一試難忘。今次來到藍田店，同樣的酸辣米線，卻淡得很，沒有什麼酸辣味，建議可提供辣度讓客人選擇。其價錢也稍稍貴了一點。

今日特登喺公司遲啲先出去，因為想去上次嗰間食唔到嘅魚米餐廳食米線。 去到魚米餐廳門口見到冇位， 所以行咗去萬寧嗰度睇一睇有冇其他嘢想買。 大約五分鐘返到去， 我見有一兩個空位，所以入咗去坐低。 我見侍應在隔離， 就叫咗個多春魚米線同埋一杯凍檸茶。大約五分鐘到，多春魚米線同埋杯檸茶走已經放在我座台那。 多春魚同埋線是分開上的, 色相都ok。 多於多春魚炸得都都幾脆同埋入味， 算係幾好食。 米線入面就有一些炸菜同埋有魚味嘅湯， 食落去都好味。 凍檸茶就一般。最後就去埋單， 就發現自己冇帶現金。 因為這裏只收現金 ，十分尷尬! 跟住就同侍應講我要去撳錢， 侍應就叫我留低一樣嘢， 我就留低了我的免堤耳機。 我算是十分的幸運了，跟住好快就上咗二樓撳完錢之後立即落下面找數。 如果呢度唔係淨係畀現金嘅話，其實我係有八達通嘅。所以下次嚟呢間餐廳嘅時候記得睇睇自己銀包有冇現金先好落單。

當日做完運動就諗住去附近睇吓啲咩好食睇來睇去就見到魚米有下午茶就入去試試啦。我叫咗一個蜆肉飯立貝原本係配米線嘅但係我加咗$4便淮山麵，仲有佢會配上一杯嘢飲嗰陣叫咗熱檸水蜆肉嘅份量好多好多好多食極都仲有呢一樣野係值得讚嘅不過當然呢一個價錢就唔好期望佢質素好過啦佢全部都係一啲好細隻嘅蜆肉。帆立貝就比較少啦，味道都唔係太好好un上面鋪左好大堆榨菜所以配埋啲淮山麵食嘅時候都幾惹味。而淮山麵嘅份量亦都好多。不過我略嫌個湯底有啲鹹所以食完之後好頸渴呢一個價錢食一餐咁嘅下午茶叫做可以接受啦

比多次機會但又更失望，米線痴埋一舊，好似一“住”膠咁(如圖), 究竟成份係乜呀仲要係連鎖米線專門店😓... 湯底中辣就一般ok, 餸試過蘿蔔同餃都可以，但首要可唔可以搞掂最基本嘅米線質素先呀

今日食肉碎黃花魚飯+奶茶紅豆冰($70)😍終於有魚食😍😍😍成日見有魚都未試過好耐無食過黃花魚條魚細細條1個人都食得晒可惜用油炸好油同埋好淡肉碎鹹送到飯食杯奶茶紅豆冰幾好飲紅豆夠甜同煮得淋

今日lunch食豬膶牛肉蛋娃娃菜泡飯+奶茶紅豆冰($58)我幾鐘意佢地啲泡飯大大碗😍幾好味的呢碗食落有少少辣師傅落左胡椒粉個湯幾好味的牛肉食落好嫩滑，唔會好老同唔韌豬膶份量仲少過牛肉🤔細細塊無煮得好老最近好似好少食菜，呢碗有好多條菜食😂奶茶紅豆冰我第1次飲幾好味喎😍原來奶茶同紅豆係咁夾😮奶茶味好香滑紅豆煮得好淋同甜甜地湯飯我食唔晒😑最後飽到上心口唔格硬食晒佢了😶趁未開始午市多人食野係坐得舒服的

晨咁早起身陪屋企人覆完診去左«魚米»食呢個胡椒味菜豬肚飯+凍柚子蜜$52呢間開咁耐未試過好耐無食過胡椒豬肚辣死寶寶了😑差啲想噴火食到飽到上心口飲湯都飽😳Lunch time都好多人食呢間