鮑有魚 (已結業)

本來行過黎係想食THAI既, 點知開左間鮑有魚, 見佢下午茶都係廿多元所以就入去啦.我叫了鮑魚云吞面,鮑魚云吞有一粒小鮑魚 云吞味有點淡不過係好食的, 面是上海面來的, SOUP是真的有點淡. 希望佢努力D把水準提升.朋友叫了西多士+chicken ring, 西多士是切得四四方方的, 入面有好多peanut butter的, 見到姐姐在kitchen即叫即煮, 好用心甘wor, 味道幾好架. 攪甘多野都係$28, 真係唔錯.

晚上7點幾, 同老公唔知食咩好, 經過呢間新開既餐廳, 好啦, 就試下啦..酸辣湯 $12 : 都預左佢細碗, 但冇諗到佢真係細成咁! 一人4啖啦, ko咗...鮑魚荷葉飯+3隻雞翼 $60 : 一心諗住佢會好好味, 好期待, 點知一上枱, 荷葉飯個size好似出邊d糯米雞咁啦... 一打開, 嘩! 有粒野! 唔講都唔知佢就係主角阿鮑魚仔! 真係細過粒蠔屎... (唔該啦, 出去d凍舖睇下啦.. $25已經可以食到一隻半個手掌大既鮑魚啦, 仲可以好好味添!) 飯既味道ok, 但就冇乜荷葉既香味... $60, 可唔可以比個至少碟頭飯既size我呀...雞翼味道都ok, 但係應該擺左好耐, d肉林到筷子一篤就散(未試過用"散"黎形容雞翼呀!)上海雞絲冷麵 $25 : 唔駛多講.. 都知個麵細到呢... 我同老公一人一啖, ko... 味道ok~ 但唔知關上海咩事...熱0茶(跟冷麵) : 哈!! 唔問個待應都唔知有得飲.. 杯野黎到唔跟糖.. 服務好到呢... 真係唔該晒..總結: 唔駛講, 我老公梗係唔會飽啦! 估唔到我呢個女人仔個肚仔都填唔飽.. 真攪笑~!! 事後我地即轉場再去整多

好心你啦，唔值又去第二次? 我本人係鮑有魚常客，初初去食，勁好食，但後來水準真係跌左，我當時話比同個留面知，佢就換個一個比我，不不過都無乜分別，咁佢就話唔收錢，同他談下先知他們的師父走左。今日去到，d野唔同咗，雖然唔同初時的，但加插了其他原數，個荷葉飯有番水準，個friend 食冷面，好過以前，有多個汁勞，炸野又多咗。 人末察紙都叫試業吖，你比好多錢咩，d鮑魚扣咗好似隻蛋咁大好唔好。

無水準、無份量、無服務這間食肆試業差不多一、兩個月，紅色招紙仍然遮著大招牌每次經過這店，往內看都是小貓三四隻本人在它剛開業時就試過一道竹筒鮑魚雞飯份量小得根本不能作晚餐，價錢卻五、六十大元所謂的鮑魚只有手指公般大小，我心諗「真係當香港人未食過鮑魚咩？俾D咁既野我食？」價錢跟質素完全不成正比。就算佢收費約三至四十元我都覺得不值沒有好吃之處。今日見佢下午茶只需18蚊(唔加野飲)又好似幾多選擇所以揀左野菜火鴨湯烏冬一打開見到份量好小，不過下午茶我唔計較得三塊鴨胸肉，十八蚊我都唔同你計較烏冬冇咬口，一夾就散所謂野菜只不過加條菜心俾我，仲要硬到樹枝咁款湯，一般味精湯兩次慘痛經歷，我唔會再上當了。

一間食店有幾多食客多少反映佢既食物質素，呢間野都唔例外。開左唔夠一個月，但入座率星期日唔過5成，可以想像佢既水準如何。但我又被佢既鮑魚荷葉飯個名吸引住，想入去一試，點知後悔。1. 瑞士雞翼 - 是硬硬的，涷涷的，又唔夠甜，唔好食!2. 鮑魚荷葉飯 - 無荷葉香，亦無鮑汁味，覺得係蠔油! 上面粒鮑魚，細到要用顯微鏡睇咁濟，但一D鮮味都冇，只覺好咸! "筆"左兩匙，發覺已見底食完，原來佢地既包法，下面紥左好厚的荷葉(請見圖)，係食唔鮑人的!食D咁既野駛左60蚊，我覺得完全唔值! 可能人太少，店員吹水既現象十分普遍

招牌貼著試業，見到是新店，反正想不到去那，決定一試。 環境昏昏暗暗，燈很黃，感覺很殘舊。客人不多，但傳菜速度非常慢，還出現漏單，服務仍待提升。 點了一碟脆皮鮑汁牛河 $48，連3隻餃子及1杯熱飲脆皮鮑汁牛河所謂「脆皮」就是上面那塊炸了的春卷皮!河粉實在太鹹!! 如果是鮑汁的緣故，那怕鮑汁的質素實在太低吧。碟只有大約7吋直徑，牛肉只有4塊，可想份量真的很少，不過因為太鹹，再多也吃不下!3隻炸餃子大概是幾個小時前準備好吧?! 冷冷的。熱檸茶 ok，不澀。 只此一次，不再見。 ------------------------------------------ 酸辣湯 $12：~ 叫試食價，拎出黎係細飯碗~ 酸辣味道尚可，但好稀，無乜料 腐乳通菜 $10：~ 腐乳非常之鹹，通菜索晒汁，鹹到實!! 古法扣鮑魚 + 冬菇鴨肉麵 $48：~ 隻鮑魚真係細到睇唔到!! 我明白一份錢一份貨，但實在好唔得體，或者考慮下點 present 啦!~ 鮑魚酸酸地，唔敢肯定係咪佢講既古法，不過坦白講咁細隻都試唔清楚...~ 之前去隔離新星食過鮑魚撈飯，都係幾廿蚊，隻鮑魚靚好多、好食好多!~ 麵湯完全無味，同個

和4個朋友在豉油街新開的餐廳 --- 鮑有魚吃晚餐叫左鮑魚瑤柱荷葉飯, 鮑魚螺頭炖竹絲雞, 鮑魚雞粒竹筒飯, 宮廷骨三色飯.好好味啊！平均只是$60元鮑魚餐荔枝可樂也好好喝哦

見有新店，BF建議來試試。眼見場內只有一檯客，但服務員有五六人。六點未夠，見有下午茶餐，有五款麵食可選，都不太吸引，BF點了XO醬撈麵，我點了上湯鴨絲烏冬。等了很久，大約15-20分鐘，食物才到！當時就只有我們一檯客（另一檯的食物已上檯），煮個極普通的麵要多久呢？XO醬撈麵：麵是普通幼麵，尚爽口，但XO醬明顯只是樽裝醬，還有兩隻小蝦仁，很爽口，但黑色腸臟外露。味道OK，但份量少，十分不抵食。本來我點的是D餐上湯鴨絲烏冬，點知來了C餐的冬菇鴨胸麵，只是點兩個餐都落錯單，又不是繁忙時間，眼見侍應都是坐著很悠閒。麵尚爽口，有三小片鴨胸，和三塊切開一半的冬菇，份量很吝嗇，湯底淡而無味，屋企自己煮會更好食。於是就叫侍應給我辣椒油，結果給了辣椒醬。一個下午茶餐$28，凍飲加兩蚊，十分不抵食。味道只屬普通，份量又少。附近好食又抵食的店何其多，有特價酸辣粉、泰粉等等，在如此競爭下，這間店恐怕難以立足。看到餐牌的晚餐好像較吸引，不過都不會再來了。