鮨德

营业中

休息中

Happen to be in the neighbourhood and saw this resturant so gave it a try. They offer relative good Japanese food and we ordered a variety of different Dishes . The quality of the dishes are generally good. There was a small queue but we only waited 10minutes. The resturant is packed with people inside during the weekend so its a hint of the popularity it is among the locals. Heard from the chef that they aldo provide a omasake menu so I am actually interested give it a try next time.

2018年下半年開業，極速成為曼坊商場内最好食的餐廳！我同家人，差不多每星期都來，有時1次、有時2次(總有不想煮飯的時候！)午市供應定食套餐，定價是街坊價，可以用平、靚、正，概括！晚餐我們一般單點，菜單的選擇不算多！但我們都找到各自的最愛：我：火炙三文魚壽司、火炙帆立貝壽司、鹽燒三文魚頭媽咪：牛油果軟殼蟹卷、湯烏冬家姐：海膽軍艦壽司、牡丹蝦壽司姐夫：泡菜豬肉鍋、北海丼最近發現，有期間限定1人前套餐：野菜沙律、味噌湯、迷你丼、烏冬(有冷、熱可選)、燒魚或天婦羅(２選1)、迷你泡芙，定價148/份，食得飽飽的！我們吃日本料理，佳之選！

朋友說這間不錯，就一齊去幫襯。午市都幾乎爆場，附近辦公室的人都嚟幫襯，仲以為只做屋苑生意。好彩有3個位。點了蔬菜牛肉火鍋和10件壽司的套餐，壽司等的時間比較長，質素尚算新鮮，價錢只是140左右（未計加一），數量算大件夾抵食，每位都會送蒸蛋，抵食。牛肉火鍋沒有跟火鍋，是煮好送上，牛肉有點過熟，肉質並不特別，但味道不差，可惜係蔬菜的數量及款式都較出面少，有點孤寒的感覺。如果下次再嚟幫襯應該淨係會點壽司。

突然好想食壽司，又唔想次次都簡元氣，加上元氣午餐又加左價。差不多的價錢不如食哩間啦。餐廳設計係好和風，食物都好新鮮。見到評論好多話服務好差，我哋最多係舉手嗌餐果時舉到手軟，未叫埋單，甜品未上張單就上左...好趕住要我哋走。但嘢食係好食嘅～

很久沒寫食評，一寫就是負皮！上星期和友人到此食晚飯，到達時店外已有人等候，我們見沒有職員派籌，向門口的一位長髮黑衣女職員查詢，她不耐煩兼黑著臉的著我們在店外等，有位會叫我們入座！其實其他等候的人也感不滿，因為這樣頗混亂，難分先後！不過，周邊食店選擇少，縱然不太滿意還是留下輪候。本來整晚的感覺尚可，食物質素不錯，環境舒服，邊吃邊傾，突然在我附近有人大聲吆喝，大嚇一跳！原來是剛才的黑臉女責罵她的同事！這不是茶餐廳呀，需要大庭廣眾訓斥嗎？我接受不了，明明可以開心歡度一頓晚餐，被破壞了！這間餐廳的服務真需要好好改善！(心情破壞了，只記得影了一張食物照...）

在家附近開了這間日式餐廳，門面非常高檔，看到中午有午餐餐牌而價錢都合理，所以便帶屋企人試一試每一個午餐都附有茶碗蒸和味噌湯茶碗蒸 - 蒸蛋很滑，但不是很足料，有冬菇，雞粒和日式魚蛋，但都很小塊味噌湯 - 是用粉沖出來，喝了一口便沒喝日替便當三段 - 三段是指煮物，刺身和天婦羅。煮物是豬軟骨，不是很入味但肉質算腍。刺身有甜蝦，帶子和三文魚，但每樣只有一塊，而且不是很新鮮。天婦羅比較好，炸得香脆可口！份量不算多，所以白飯是一大碗，要吃多點白飯才夠飽鮨德和食便當 - 這個份量比較多一點，原條秋刀魚，但沒有魚肉味和很多骨。炸豬排比較乾身，肉亦不是很厚。魚生則有廉價的三文魚，蟹柳和玉子。三文魚有三塊，而且是厚切，但蟹柳味道很假，不好吃最後午餐附有的甜品是泡芙，有雲呢拿雪糕在內，都算不錯這餐廳如果以街坊日式小店質素來說是合格的，但千萬不要給很高期望。唯一可取是環境舒適乾淨

午餐時間同同事經過此餐廳，決定入去試一試，點知食到一肚火⋯我們點了三個刺身 壽司便當($95)，一客呑拿魚腩蓉飯($88)。食物味道尚可，不過不失。埋單的時候發現總數變成$553, 嚇了一跳！原來服務員點了呑拿魚腩魚生飯($268)，而非魚腩蓉飯。上菜的時候我們沒有特別為意來錯了。雖然端上枱的「呑拿魚飯」有一片片的呑拿魚，但也有呑拿魚蓉，所以我們沒有格外留意或詢問服務員上的餐是否正確（而根據餐廳餐牌圖片所示，呑拿魚腩魚生飯是沒有魚蓉的）由於當時店裡有頗多客人，所以我們決定照埋單，於稍後非繁忙時間再致電餐廳了解。接電話的正是幫我們下單的服務員，她表示當時我們「指住餐牌上呑拿魚腩魚生飯張相落單」無可能錯，亦表示服務員應該有跟我們confirm才落單. 我們回應話: 「當時我們指著呑拿魚腩蓉的圖片 ，而服務員亦沒有再confirm」也補了一句話：「大家各持己見，繼續傾都唔會有結果」，只係覺得呢餐食得唔愉快⋯她繼續說，上菜嘅時候服務員應該有話：「呑拿魚（魚生）飯，係邊位叫？係咪？」我們承認當時服務員有問誰叫了呑拿魚，但因為其他三人點的是壽司，所以叫呑拿魚蓉飯的一聽到「呑拿魚」便舉手示意。她說，

同家人去瑪嘉烈醫院探完病，成晚上七點半，就近近地揾地方食野，又要方便拍車，家姐就提意去曼克頓山商場，原來佢話想試食開嘅日本餐廳好耐，於事就直接過去，餐廳好 Grand咁，門口似高級日本餐廳裝修好有 style, 入內時途經小巷，之後就有長長壽司吧枱，廚師整理刺身壽司。menu有好多選擇，除刺身壽司外，還有很多定食架，要左銀雪魚西京燒定食 $148銀雪魚肉質香滑燒得金黃夠惹味，醮定蛋黃醬更好味， 定食包括咗白飯沙律麵豉湯，價錢合理的還有安格斯牛扒定食$148份量唔少，牛肉軟淋切開條狀方便客人食用，尤其個汁用濃郁，還有薯蓉伴碟同樣好味。另外還有串燒，揀左我最愛的免治雞肉棒 $28 要左x2 , 口感豐富脆脆軟骨又有雞肉，醮定蛋黃汁，十分喜歡！ 鐵板燒牛舌 洋蔥多過牛舌而且比較薄，味道還可，有改善。Menu其實壽司同卷物都好好好味，重點係夠新鮮！

套餐包左沙律、麵豉湯、茶碗蒸、主菜、甜品！唔算貴之餘，lunch仲係免加一！order左「燒三文魚魚生飯」👍🏻三文魚吾會少！最少3、4片！又厚！燒到半生熟～好好好味！讚！完美的午餐🥰

真係後悔到不得了！食物方面：諗住正正常常食餐lunch，叫個滑蛋豬扒飯實冇死，點豬扒飯d豬扒又凍，甚至有酸味，一定係豬扒變質。當時因為趕時間就冇同餐廳講叫佢換多份（or同一批豬扒，換完應該都係一樣），最後食左幾啖滑蛋就算。宜家諗翻好後悔，真係驚佢同一批豬扒炸比人食分分鐘搞到食物中毒，因為真係變質！服務態度：其實真係麻麻，某d女侍應聲大大，面西西。小弟真係第一次食日式料理食到咁唔滿意！接受唔到中等價位的餐廳竟然連最基本的食物品質保證都做唔好，以後一定唔會再來。

南瓜餅好好食，加埋沙律醬，味道一流三文魚魚腩肥，三文魚子覺博博趣，香菇飯底。石頭鍋飯安格斯，配埋醬汁和熱辣辣嘅石頭囉，味道好香。銀鱈魚，口感彈口和好新鮮一口烏冬，烏冬滑口和肥牛的熟度岩岩好還有壽司定食，每一塊壽司都好新鮮，而且食咗三文魚同吞拿魚嘅味道，吞拿魚壽司除咗吞拿魚係夠肥美之外，還帶一種嘅鮮甜，值得一試最後輪到甜蝦，口感彈牙，好好食其實周圍嘅環境都唔錯，而且價錢好實惠，等候嘅時間都唔算太耐，除咗特別要求嘅食物之外，其他都上得很快，所以係值得一試嘅，通常食平既餐廳會服務態度比較差，但呢一間嘅服務態度都可以接受，因為佢哋都面帶笑容為你服務。

除咗味道之外 性價比都係一直以來我選擇食店嘅一大因素-今次又有同事farewell啦今次book咗位完全唔駛等 一行八個人嚟到即刻入坐門口以日式庭園嘅風格黎裝修好清新 俾人嘅感覺好乾淨-首先每個人都會有一個田園沙律作為頭盤仲會有一個茶碗蒸比我地食住等我叫咗個壽司定食 其中包括六件壽司同埋一碗牛肉細烏冬 啲壽司真係好有質素 遠遠高於佢既收費🥰🥰🥰-我同事就分別叫咗安格斯石鍋飯 和風定食 同埋鱈魚定食 個個都讚不絕口其中有個吞拿魚三文魚籽飯加壽司唔記得左叫咩名啦但係佢個飯底竟然係香菇飯底！我下次一定要食！

2019年3月18日（星期一）食過好味，原班人馬相約再試其他食物。優質食材 色香味全七彩魚生樣樣甜、樣樣鮮、即刻想食！帶子、甜蝦、拖羅，三文魚曬冷冇得輸！唔係講笑，連伴碟嘅甜玉子都超級正！壽司併盆擺碟陣式都十分精緻，好有美感，自然令人有好感！軟殼蟹牛油果可以省靚招牌！啖啖肉，啖啖鮮，食住享受勁開心😃！熟食同樣出色䐁肉姜燒定食個醬汁調得好、唔稀唔杰啱啱好！豬肉又淋又甜，好好食！炸魚骨係極品，香、脆、酥兼而有之！食完一件接一件，停唔到口！溫泉蛋kawaii，香滑軟熟。但係實在太飽啦，有心冇力，最後都係食淨左！三個人樣樣食，樣樣試，埋單每人300，價錢合理，好食又抵食

這一次是我第二次到這問日本舖食東西， 繼上次的魚生飯， 今日有心引，所以又走進這所飯店內食東西！ 今次唔食生嘢，主打食熟嘢 ，我就叫了一個青魚飯 ，鲭魚大大條，無腥味，鱼夠滑，唔多骨， 又香脆，面頭的魚皮煎得剛剛好，不是太乾，有啲Juicy，肉質亦非常之嫩滑， 配合檸檬汁， 更加上這個香口的魚皮, 襯托出滑滑的魚肉， 簡直完美無窮， 再配合日本飯，簡直一口甜一口香， 將整個飯及鱼的香味襯托得完美無窮！最令我回味的事，它一點腥味也沒有，魚骨也不是太多。真的是很好味，我相信我下次一定會再來食這個鲭魚飯， 當然魚生飯亦都係我至愛 ，希望下次再同大家分享！

呢間日式餐廳外面望落俾人一種高價日式料理，入到去睇左餐牌先知原來價錢都唔係好貴，仲要有lunch Set, 大致60-100$，價錢唔算貴之餘，食物質素仲幾高呢個係大Menu菜單入邊點既三文魚腩，好厚肉，有脂肪比例幾好，有少少入口即化既口感，唔會腥，好食！叫左個lunch set 既刺身便當，100$都唔洗好似幾抵食，上菜後完全覺得物超所值！呢個炸南瓜餅有驚喜，炸得好出色，南瓜蓉好棉，甜甜地，又唔會好油膩！呢幾件刺身都好新鮮同壽司都好正，口感軟滑，真係完全唔腥，又好鮮甜，係新鮮魚生先做到呢種味道。總括黎講呢間餐廳大讚，絕對可以黎一試🤤🤤