鮨德

营业中

休息中

元宵佳節🌕正適合找個借口不用煮飯，懶惰地在附近找間高檔日本菜簡簡單單吃晚餐浪漫一下，還有時間賞月、 吃湯圓和在家追劇'' 懿月傳"。朋友推介茘枝角曼克頓山商場新開的日本居酒屋"鮨德"，門外以為沒人排隊😰入去才知有條長廊等滿人，等了一會，衹能坐吧臺，四佰多元可享用2人套餐。懶惰吃法是點高級壽司拼盤加泡菜豚肉鍋，壽司面上魚生又厚又鮮味，鍋內豚肉很滑豆腐又柔嫩，泡菜湯味適中恰到好處。 坐吧臺欣賞師傅處理新鮮魚生美食又是另種風味，價錢比套餐平，但魚生壽司款式多…扺吃元宵節懶人餐

Office在荔枝角MTR。附近的平價餐廳好麻甩、靚餐廳又好貴，lunch成日諗唔到食乜好。近期發現，曼克頓山開左間日本料理，鮨字頭似乎好專業，於是拉大隊行10分鐘過去試下。第一次去到門口時發現......似乎太靚，酒店式格局，莫非又係D2 place價錢？🙈一睇餐牌有驚喜，原來set lunch人頭$80-$120左右。菜上得快，日式蒸蛋夠滑又夠熱，我食的魚生好新鮮。有同事唔食生嘢，叫左牛肉鍋，好香而且好多牛肉。之後都再黎左幾次，門口越來越多人等位，好受歡迎。我地人多，次次都10個8個，所以想食就要專登早少少去。

美孚開左間新嘅高質日本菜 食lunch set唔洗加一都幾抵食 一行入去有條長長走廊 好似行高級路線 不過其實間鋪咁多位 可以枱同枱中間留多d位 咁會坐得舒服d.每個Lunch set都有沙律 蒸蛋 面豉湯 泡芙一粒， 蒸蛋好滑唔錯👍🏻我地叫左唔同嘅set：牛柳石頭鍋飯 不過不失 北海道魚生飯：有三文魚 帶子 油甘魚 刺生都好新鮮份量足夠 中間仲有隻溫泉蛋 撈飯食好味 便當包括炸蟹餅（食完無影相）三文魚刺身好厚切 仲有生同熟嘅吞拿魚壽司 食哂真係超級飽呢間開左無幾耐 希望可以keep到個質素啦

今日下午 ，中午飯的時候， 因為好多同事去了開會，所以自己一個人靜靜雞走咗去食日本嘢！平日同事都讚這間食店的日本嘢好好味， 所以今日便打算試一試！一入到店內， 非常之寧靜 ，裏面有日本的特色 ，坐低後急不及待叫我最喜歡食的日本當！ 平日一個日本丼都要大約 100元， 今日我叫一個海膽什錦丼都只係92元，非常抵食！本來都擔心 海膽會有腥味，怎知一嚟到， 一口把這個海膽放入口， 已經感受它的海水鮮味及淡淡清甜，現在想起都有指甲留香的感覺！ 他除了有主食外，還有甜品 、前菜、燉蛋 、麵豉湯，因為中午的關係，它不用加一服務費！所以今日的日本餐非常抵食！

星期日唔想再出去，就在家附近找找吃,就試下新開呢間日本菜,門口比較窄看不到內面,可能是星期日，排隊等位都要等咗20分鈡。店內座位都幾舒適，裡面原來都很大， 仲還有獨立房間，下次可以來搞聚會。先看看餐牌，價錢比較中上價，點了三文魚,帶子,左口群邊，魚子壽司，帶子鵝肝卷,油油果軟殼蟹卷,串燒牛舌,香燒銀鱈魚,碗蒸蛋。order一一送上，壽司的魚，最重要新鮮，這點做得很好👍，燒牛舌食完要再叫👍,帶子鵝肝卷要再來一客👍，這家店用料非常優質，服務也很好啊，侍應個個都很有禮貌又親切，又一間勝價比店誕生啦😍😍😍

每逢星期五，最喜歡找新地方食lunch作為一星期努力的獎勵🤣今日經朋友介紹來試下位於美孚的鮨德，從外觀一看，頗具日式風格，簡約而帶點優雅。由門口進入餐廳要經過一段灰色地帶，可見這餐廳於裝修方面都頗具心思。這裡的午餐定食選擇頗多，而價錢亦很合理，我選擇了刺身-壽司便當，而同事則選了牛肉烏冬配壽司，兩樣合計也只不過$171。我的刺身-壽司便當包沙律，茶碗蒸蛋及味噌湯。沙律菜新鮮卜卜脆，醬汁味調得恰到好處，絕不太酸。蒸蛋也滑，蛋與水的份量也調得不錯👍🏼而刺身壽司便當更可說是無得挑剔，雖知魚生於午餐時段通常都是隔了一夜，但這便當內的刺身質素仍保存著，很鮮，那件蔥絲拖羅壽司魚容鋪得厚厚的，原本想一口過但都失敗了😆而我平時不太喜歡食熟了的吞拿魚容，這裡卻做得出奇的好味，加入黑胡椒，令魚容帶點香辣味，很好👍🏼便當還有炸物，今日是忌廉蟹肉餅，炸得香脆，但蟹肉不多，甚至乎是食不出有蟹肉，稍遜😐朋友的牛肉烏冬也不錯，牛肉上檯時還是半熟，他說味道不錯，湯頭香甜，烏冬也彈牙。三件壽司超大件，反而不是我杯茶，壽司還是一口過最過癮😆飯後來個泡芙作句號，實在是太滿足了😊以這價錢來說，算是性價比高，最重要是沒有加一服

之前開張嘅時候經過都話咗一定要試試，果然冇失望午餐都好多種類可以選擇，今次我哋叫左一個壽司午餐，另外散叫左一個極上刺身拼盤，白切魚不過不失，牡丹蝦都大隻，海膽鮮甜，拖羅肥美，帶子及赤貝也非常新鮮👍🏻質素真係非常之唔錯的，而且店員都服務細心，不用叫突意佢加茶，自己也會留意隨時過來加，見我想影相亦都細心幫我放妳個位俾我影最好嘅角度真心抵讚下次可以再試試晚餐，我見餐牌上也有很多小食，串燒等，應該也會很出色吧！期待下一次再來

朋友帶我試新野，仲話要早一日訂定位！嘩！估唔到在住宅區周邊午餐都最好要訂定位....門面裝修看似不錯，有心思之作睇完餐牌，午餐價錢十分公道我倆一個北海道三色魚生飯,另一個叫咗壽司定食。壽司定食$86 - 包左一個茶碗蒸、一個細牛肉烏冬及六件壽司！茶碗蒸好熱又滑，內有鷄肉冬菇，就是蛋味不夠濃。細牛肉烏冬夠味，牛肉應該係美國肥牛。六件壽司加甜蛋都好味，三文魚腩滑，帶子都鮮甜，連個吞拿魚蓉都好好味，反而個熟蝦我麻麻地，如果都係刺身便perfect!北海道三色魚生飯 $78 - 魚生夠新鮮彈牙，雖然有隻溫泉蛋好像有點畫蛇添足，但也好味的。午市冇加一，以她的份量，性價比不俗，會再來吃的！

某日發現曼克頓山商場有新舖，就即刻book枱星期五team lunch食好啲！環境唔錯，枱櫈都寬敞濶落，前面有4位壽司師傅現場整壽司！打開menu，種類多元化，有野菜牛肉鍋、熟食、剌身同壽司定食，每個定食都跟沙津、蒸蛋同甜品！而價錢都大眾化，由$68-$138不等！午市係免收加一架！叫左個壽司定食配細牛肉烏冬，壽司有6件+玉子，魚生新鮮，而佢隻熟蝦係勁勁大隻，壽司係好好食嘅！烏冬都彈牙，湯底香！但蒸蛋就老左啲，甜品得泡夫一粒，其實都好滿足！唔中意食太生嘅朋友就叫左燒三文魚魚生飯，跟餐多個味噌湯。同事話口感豐富，因為燒三文魚外，仲有啲三文魚肉碎、魚子同伴菜，有啲汁撈埋，一啲都唔dry！佢上枱同收嘢速度勁快，係有不斷幫你添茶，但無左食日本嘢慢慢細味品嚐嘅感覺！

在老師的介紹下，今次首次到這家日式食肆幫襯。一看門面便喜歡上了：有日式庭園感覺的店堂設計，由門口的滴水漏斗，長長的石春路走廊，到兩張感覺原始的等候長板凳，一則令等待都成為了優差，同時又可以令你在進入餐廳前調整心情，絕對是一級捧的設計👍🏻👍🏻由於今晚頗肚餓的緣故，便決定挑戰二人餐。沙律🥗一大碗份量十足，而且蔬菜超·級·新·鮮！大蜆味噌湯味鮮而不會太咸。大蝦天婦羅是真·的·大·蝦！有平常虎蝦的大小，而且肉質結實，非常新鮮。黃金汁蠔的牛油焗香了簡直是香聞十里。士多啤梨汁煎鵝肝非常大件，令人感到。魚生刺身拼盤每件都有平常的三倍大小，令人非常滿足。簡單如枝豆也加上鹽花調味，而且豆圓大肉厚，是高質的食材。日式炒飯有肥牛，洋蔥，蒜片，粒粒分明。整個套餐彷佛就如為味蕾做了一個spa，非常療癒。

美孚新開的日式餐廳，今日中午慕名而來。十二點半門口已排哂隊，好彩訂咗位，如果唔係就有排等⋯⋯因為上菜真係幾慢午餐時間都係套餐，我點咗海膽魚生雑錦飯。沙律係一坐低便上咗的，然後係蒸蛋，跟住係湯，但湯唔够熱。飯係一批批整好上的，我哋等咗好耐先有海膽魚生飯，下次要點d popular的飯先得飯要讚，因為魚生和蟹籽的份量都好足, 而且肉質甘甜。飯後有份小泡芙作甜點，大概100元一set，值得

海膽新鲜……全無異味、入口即溶！天婦羅炸蝦……外脆內熱！帶子……鮮甜味足！鱆紅魚、拖羅、刺身寿司……好有質感！牡丹蝦……新鲜、粘口、弹牙！牛油果軟殼蟹卷……正！腐皮餃子……必吃！😋😋😋

撞啱今日開張...場面真係好虛撼...睇下啲花籃多到😱😱😱諗住一早嚟食唔洗排隊...點知原來今日正式開張延遲到12點半先開始營業...但係我繼續等呢30分鐘係好值得㗎💪🏻💪🏻💪🏻由於肚餓得滯...相都唔記得影就已經食咗個沙律🙈🙈🙈個蒸蛋超好食...蒸得個面好靚...食落口又順滑一啲都唔嚡口...正😋😋😋麵豉湯味道啱啱好...唔會太咸又唔會淡到無味...好多時係出面飲都會發生過咸或過淡嘅問題🤔🤔🤔唔記得叫停屋企人比我相機食先...佢已經急不及待夾咗件嚟食...今次嘅腐皮餃子好食過上次...唔會煎得太燶...依然香脆可口👍🏻👍🏻👍🏻每個lunch set 包括有沙律...蒸蛋...麵豉湯...我就叫咗呢個壽司定食配牛肉細烏冬$86免加一...係呀...你地冇睇錯呀...咁多野食加埋先$86蚊咋...啲壽司大大件又新鮮...玉子依然係我至愛嘅口味唔會過甜...個吞拿魚蓉壽司大件到又係一啖塞唔落個口到㗎...隻蝦壽司勁大隻...而個三文魚壽司好鮮甜...啲份量真係大得誇張...唔知邊到可以再搵到間平靚正嘅日本餐...真係超級抵食😋😋😋我一定會繼續做回頭客...因為實在太抵食...我已經好耐冇寫

曼坊開咗呢間新日本餐廳，雖然係試業中， 但都急不及待去試下。去到門口，好似冇乜人。但走完一條長走廊後就別有洞天，原來已經排曬隊。 都等咗成幾個字先有位。三色魚生飯啲蟹籽多到阿媽都唔認得，魚生都好新鮮。如果知道魚生飯已經有咁多蟹籽，咁我就唔會再叫呢個蟹籽壽司。牛油果軟殼蟹壽司， 一樣有咁多蟹籽，牛油果 都有好多片。野菜牛肉鍋，加多20蚊有烏冬。本來碗烏冬是沒有鳴門卷的，但是侍應聽到小女話想食鳴門卷，就走嚟氹下我個女， 叫廚房設幾片鳴門卷落啲烏冬到， 咁喎心嘅服務，真係值得一讚。燒雞軟骨 同燒雞神都唔錯，不過份量少咗啲。另外呢度坐嘅空間都幾寬敞，而且新裝修完，環境都好企理。 買單都係食咗四百蚊，唔算貴喇。

很久沒有寫食評但這兒不得不讚食物很有質素，就算lunch特價亦不馬乎賣相好，份量夠，食材新鮮我個人不喜歡吃玉子但這裏的玉子是我吃過最好吃的香甜而有蛋味，口感鬆軟唯一有意見的，就是當天我吃鮨德刺身壽司便當圖片是蔬菜天婦羅，最後來了炸雞因為炸雞比較合胃口，所以沒有刻意問但如果菜單內容轉了，好像預先通知客人較好