鮮芋仙 (東港城)

营业中

休息中

琴日行到身水身汗 想食啲凍嘢就去咗鮮芋仙 外賣勁多刨冰底覺得同以前食第一次差好遠份量越嚟越少，冰底越來越多芋圓都係彈口好食嘅不過呢個份量就覺得佢好貴琴日行過見到有杯嘢飲$9但係要三點前買 大家行過可以試吓

牛奶冰個價錢睇落去好似偏貴，之後一上到枱份量嚇咗一跳🫨！！！如果當飯後甜品黎講，一個人係食唔到嘅份量，勁大部份， 我諗如果係女真係食嘅話，要2個人先至可以食得曬。而且佢個款式有好多，我覺得佢個餐牌入面呢一個牛奶冰嘅性價比係最高！！！！ 如果唔介意share食嘅話好值得推薦，兩個人一齊嗌一份！芋薯圓Q麻薯牛奶冰佢啲芋圓同麻薯好好食，而且芋圓同麻薯就算掂到啲牛奶冰，都無比牛奶冰嘅影響而變得硬身，佢最面嗰度再加多一球雪糕，成件事勁邪惡又滿足！！甜度適中！環境裝潢有九份既感覺唯一扣份位係清潔方面可再做好啲

將軍澳 📌 鮮芋仙 Meet Fresh (East Point City)將軍澳坑口重華路8號東港城1樓128A號舖話說同豬隊友入將軍澳食飯，食完飯口淡淡，想外賣買杯嘢飲下，我又搭單買碗飯後甜品，點知.......⚫ 芒果椰奶西米仙草凍 $48我想講個芒果肉係偏酸，但糖水又好甜 Mix 酸芒果肉... 🙂‍↕️ 而椰奶唔係椰奶味，總之Mixed 芒果嘅酸味.... 🙂‍↕️伏~到一個點 ⚫⚫ 芒果綿綿冰球 $48呢個芒果綿綿冰球，絕對係無［芒果椰奶西米仙草凍］咁伏，因為入面有雲呢拿雪糕 (雪糕係好難難食的)，而且芒果肉亦都冇咁酸，可惜入面加了硬屈屈嘅白玉，唔知係咪未熟？ 定係已經雪硬咗 😑唉~真係......😑粒粒白玉都係硬掘掘，係得一粒比較軟糯一點 🌚 總括而言，冇諗過仙芋圓咁多間分店，出品完全冇乜質素，咁嘅價錢，完全對唔住應該要有嘅質素，我諗我都唔會再幫襯了。

之前經過見佢推出期間限定既芒果系列，見佢呢間咁出名平時咁多人排隊食所以特登買黎試下🤔今次叫左杯芒果QQ綠茶，本身都幾期待點知一飲落去令我好失望，佢係成杯都係芒果糖漿味勁甜，綠茶味勁少你要抽起支飲筒特登飲最高果啲先會飲到少少綠茶味，不過入面啲少粉條味道正常我略嫌多左少少，有時淨係想飲綠茶都飲唔到，同埋入面啲芒果果肉味道唔似係真正芒果果肉😢所以我對成杯野飲評價偏低🫣

屋企附近有鮮芋仙，我同男朋友好鐘意食甜品，所以成日嚟食，基本上一個月都會嚟幾次😝鮮芋仙大部分款式都試過，而我地最鐘意嘅款式一定係呢款！布丁Q麻糬牛奶冰$58首先，好好好好大份！第一次食真係嚇親，份量係痴咗線咁多🤣啱晒貪心嘅我😝牛奶冰甜度適中，幾香奶味，上面仲淋咗少少黑糖，食晒成份都唔會有膩嘅感覺，配料有雪糕、小芋圓、兩個布丁、冬瓜凍、麻糬等等，真係一d都唔馬虎架，包你食得飽🤣小芋圓細細粒，煙煙靭靭咁，好有咬口，唔會好似咬緊一團麵粉咁；布丁有兩款口味，我個人偏好杏仁味，食落好滑溜，而且淡淡杏仁香，慢慢散發出嚟，好正！冬瓜凍好似啫喱咁，幾特別，食到少少冬瓜味，好清新！麻糬份量都唔少，同樣地有兩隻味，不過我覺得食落分別唔大，兩款都好食，麻糬有嚼勁，QQ彈彈，越食越想食，好鐘意！

太耐冇食鮮芋仙啦，平時之前去開銅鑼灣分店食我哋次次都會叫芋圓4號凍嘅😬😬我哋今日係堂食唔需要排隊上餐都快芋圓4號嘅芋圓一如既往超大牙煙靭QQ 👍🏻👍🏻但我就覺得銅鑼灣分店好味啲，可能佢唔係咁夠甜之後我叫店員再俾多少少糖漿，我味道就可以，不過一份都真係好飽😂😂

個人最愛的仙草甜品，暫時都係鮮芋仙為首選，每次都會叫招牌甜品-招牌仙草沙冰 $48，以仙草凍作為基底，個人最推薦走沙冰，因為可以食更多仙草（仙草愛好者要收藏），大滿足！滑嘟嘟，口感又帶有少許煙韌，非常嫩滑柔軟，而且仙草味濃郁。一上台，仙草未有加入奶，由自己加奶，落奶前可以試下仙草原汁原味，再考慮加唔加奶，亦可以自己決定奶嘅份量，落奶食又有另一種風味。個人口味可以自己調整，不錯不錯。仙草上有超級煙韌既芋圓，粒粒都好有嚼勁， 好Q彈！食落口感彈牙，有淡淡的芋頭，蕃薯香氣。鮮芋鮮奶綠 $38平時較少揀飲品，多數食甜品為主，今次試了凍嘅鮮芋鮮奶綠，完全係衝着「鮮芋」嚟買，雖然今次芋頭比較硬身，但每啖飲到粒粒芋頭，濃芋頭香、奶香。

喺門口撳飛揀堂食，明明裏面冇人，但係都冇人招待。等咗一大段時間，門口個店員（黑衣）明明見到，都唔會講話請先落order後入座，由得你企喺門口，營造到個好似好多人排隊嘅假象。等左一大輪，忍唔住問會唔會有位？，門口個店員就話落完order就可以坐，問佢咁撳飛嚟做乜，佢就話唔使撳。食過幾間鮮芋圓，呢間嘅店員（企門口黑衫攞晒嗰個）態度特別惡劣！😡😡😡😡落單後，由於同一個5歲小朋友同行，於是一開始坐咗去4人坐梳化位，但門口嗰位店員就諸多留難，都明白可能會多人，於是要求換位到2人梳化位，為免阻人做生意，結果用勁不滿嘅語氣問：你係咪一定要坐梳化位？我就答：由於同小朋友一齊，怕佢坐啲矮凳會跌倒，而且而家都冇乜客人，應該唔影響啩？！結果位店員個樣勁不情願咁幫我換位。之後等咗勁耐都未有嘢食，連遲入嚟嘅之後幾台都已經上晒，我哋都未有，於是就問另一位店員（紅衫姐姐），呢位姐姐就好有禮貌咁幫我哋處理問題，佢問返嗰位黑衫嘅女店員，黑衫女店員先講同佢講我哋換咗位，原來我哋轉位一直都冇通知店內職員，搞到我哋等咗好耐都未有😡😡😡😡😡😤😤😤😤其實店內職員態度都好好，唯獨是黑衫門口職員係咁，好心啲態度咁差嘅職員就唔好擺喺門

今日咁啱經過，見冇人排隊，就試吓買佢杯手搖黎飲吓～～因為未食嘢嘅關係，所以叫咗呢杯大滿貫！外賣一出，就知出事🤣🤣🤣杯野好重好聚手😂入面啲料超多，全部都好好食🤤我真係成杯清唒。正❤️

芋薯圓Q麻糬牛奶冰 $62醬料嘅牛奶味濃郁，食到底都keep到好有味👍🏻但略嫌有啲過甜😣刨冰質感無ShariShari嘅咁幼滑，會粗糙啲🥲但佢份量都幾多，堆到成座山咁，兩個人share都好夠，食得過癮😋配料方面有芋圓、芋薯、麻薯等，口感煙韌q彈☺️味道😋 6.5/10性價比💰 7.5/10環境🔎 6/10服務🫶🏻 6/10打卡指數📸 7/10٩(˃̶͈̀௰˂̶͈́)و 推薦指數🥰 6.5/10

期間限定刨冰😞@ 鮮芋仙這款期間限定抺茶紅豆刨冰雖然份量之大令大家喺佢上枱時都嘩了一聲，食落真係麻麻哋….淡淡嘅綠色已暗示出刨冰冇乜抺茶味，中間嘅冰係帶黑糖味，但食到一半抺茶味及黑糖味都冇了，要靠紅豆🫘帶出味道。丸子趁熱熱地食夠軟糯，但黑白麻薯比較死甜，食慣雞蛋布甸，所以呢重只有糖甜味嘅布甸我會覺得好人工味….唔知佢另外一款芒果刨冰味道會唔會會好啲。但穩陣起見， 下次去鮮味仙都係食返佢嘅仙草芋圓比較好。

為了振興香港經濟出一分力，食完晚飯，就去食糖水，點知未食已經一肚氣去到舖頭，已經發現一個態度惡劣的員工，我問他為何不派籌，他的答案是9:30pm後不能入座當時只係9:25pm, 我問他還未夠鐘, 只說一句, 我們隨時可以更改入座時間, 餐廳內還有空位, 難道不做生意, 佢哋喜歡什麼時候唔準入座，就由他們自行決定，這樣制度，香港的經濟就由他們去振興？？？

飯後甜品的選擇之中 總會有鮮芋仙呢一個選項 煙韌有咬口的芋圓同嫩滑的仙草令人念念不忘 加上現在開多了分店 更加方便 晚餐後同朋友見到同一商場有分店 就決定好飯後甜品芋圓4號 $48是經常選擇的組合 集齊喜歡的配料 有芋圓 蜜芋頭 紅豆 珍珠芋圓同珍珠保持一貫水準 有咬口 煙煙韌韌 可以食到食材味道 兩塊蜜芋頭口感出色 綿密軟糯 芋頭味香濃紅豆粒粒分明 保留食材原始味道 香而不膩 加上冰底 十分消暑招牌仙草冰沙 (去冰) $48鮮芋仙不二之選 仙草凍味濃而不苦 不會奇怪薄荷味道 口感與一般港式涼粉不一樣 比涼粉更軟身更滑 加上鮮奶球 是幸福香甜的味道 朋友選擇去冰後 仙草增量取代冰沙 份量十足 白玉湯圓紅豆湯 $45注重養生的朋友選擇了白玉湯圓紅豆湯 甜度較低 煙韌白玉湯圓同微甜的紅豆湯 同中式紅豆沙不同 紅豆湯保留紅豆香氣的同時 相對比較清爽每次回訪都十分滿足 分店擴張的同時 保持到食物水準 令人回訪又回訪

最近我發現了一家令人驚艷的台式甜品店，特別要和你分享他們的一款絕對讓人上癮的招牌甜點！這家店的「布丁Q麻糬牛奶冰」真的是夏日甜品的極致享受！首先，讓我來描繪一下這道甜點的美妙。這碗牛奶冰配有兩個布丁，每一口都帶來絲絲奶香在口中綻放。布丁的口感綿密細膩，入口即化，絕對是奶香愛好者的夢幻滋味。但這還不是全部！這碗牛奶冰的旁邊則擁有一顆顆Q彈可口的麻糬球。這些麻糬球有著嚼勁十足的口感，每一口都帶來令人愉悅的咀嚼體驗。麻糬的彈性與布丁的柔順相互輝映，讓整個口感更加豐富有趣。除了布丁和麻糬，這碗牛奶冰還有一層清涼的牛奶冰沙。這冰沙口感綿密細緻，帶有濃厚的牛奶香氣，讓人彷彿置身於一片清涼的甜蜜天堂。將布丁、麻糬和冰沙一同享用，絕對是一種口感和味覺的完美結合。總結來說，這家台式甜品店的「布丁Q麻糬牛奶冰」絕對是一道讓人難以忘懷的甜點體驗。濃郁的鮮奶布丁、Q彈可口的麻糬球和清涼的牛奶冰沙完美結合，味道和口感的層次豐富多樣。如果你是甜品愛好者，絕對不能錯過這家台式甜品店的「布丁Q麻糬牛奶冰」。快來一趟甜蜜的口味之旅，讓你的味蕾享受無限驚喜！

我今次叫嘅係芋薯圓Q麻糬牛奶冰食落去份量超足，叫一份簡直系兩人份😂😂😂，而食落去每個料都唔洗hea，所有都好好食，同d牛奶冰都好夾，環境都好舒適，服務都唔差，推薦👍🏻