鮮魚湯 (河傍街)

营业中

休息中

想飲有住家感覺既魚湯，又想搞掂一餐，黎呢到就岩啦魚湯感覺鮮甜又養生，每次食完分量十足既麵，成碗湯直接啪曬都唔會覺得口渴仲要次次意猶未盡，想再黎多碗😍真係好好味lo

好耐之前都有見到呢間餐廳，好早已經想黎試下，想食得清清地，就入黎試下啦！叫左一碗什菌魚腐魚春卷河同一個鯇魚腩湯飯，一黎到試左啖湯，飲吾到魚既鮮味，冇乜驚喜，當中魚腐幾大粒，表面既腐皮好似生根咁，但有少許油益味，魚春卷吾錯，有三條算多！河粉麵量麵算足夠，不過不失！至於鯇魚腩湯飯就較一般啦，鯇魚腩算新鮮，但因為個鮮魚湯吾夠味，所以都覺得普普通通！另外跟餐加4蚊會有熱飲，加6蚊有凍飲，整體價錢都算合理。

巴倫紐對面，方便就腳的魚湯店除左魚湯粉麵仲有好多簡單飯set不過as魚魔，即刻order 呢個有魚腐，黑白魚蛋，魚春卷的黑魚麵魚湯好清，而咁多配料到我最鍾意竟係魚腐，食得出係鮮炸自製，好好味同埋個黑魚麵好彈牙，好喜歡價錢合理，可以經常encore

由於佢係屋企附近，所以都叫過幾次外賣嚟食，一來佢開得好夜，二來佢好快手出到單，收工返嚟食佢就一流。佢的魚湯非常足料，而且仲好好味，食完唔會口渴，證明佢味精唔多。佢嘅魚面超彈牙好好味，仲有墨汁墨魚丸(黑色)，餃子都值得推介大家去試一試。大家如果有機會可以一試。不過佢鋪面有啲細，唔係坐到好多人，唔知係咪因為我去嘅時段係比較多人，所以我多數都係買返屋企食。另外提一提佢會好細心幫你分湯，所以真係推介大家去試吓。

第一次來的時候應該是一年前，當時店員態度不太好，想著應該不會再來，雖然有時會有人排隊，加上友人經常光顧，說他們的湯底很鮮又清，而且炸魚腐、炸墨魚丸、炸墨魚春卷等等都很美味，然後慢慢地在這一年，我都來光顧了不少次，而且店員都有點不同，服務態度有點進步。蠔仔黃金蛋(我們研究了一輪，像是煎過後再蒸，但正常不會這樣做，結論應該是煎好了再蓋住然後關火焗住。為什麼會研究它的做法呢，因為它外表帶點煎香，內裡的質感像蒸蛋，滑溜香嫩，加上蠔味很突出，而且嚐得出沒有放很多調味料，感覺幾健康又美味，極力推薦！)孜然鴨亦䭔($45。要了孜然鴨䭔，來到卻是不同，但份量驚人，4個大大隻的鴨䭔，最後只吃到2個，其餘2個給了友人。肉質帶點韌性，算是挺入味)招財四寶($48。有春卷、魚腐、魚蛋、墨汁丸、紫菜，所有餸都出奇地美味，都很爽口彈牙，由其是墨汁丸，很鮮味和墨汁突出)鮮魚湯自由選(一餸麵只是$32起，覺得這個幾化算。另外可加$15轉墨魚麵，咀嚼前覺得有點滑嘟嘟的膠感，咬下帶點軟與彈之間，個人就不怎樣喜歡那個口感，但友人就覺得沒問題，所以大家可以一試)、鮮魚湯蠔仔肉碎湯飯($49。)、番茄肉碎($33，下午茶時段*

今日有啲唔舒服，想食啲清清地，至少唔係煎炸野啦~~~雖然呢個天氣要食熱野真係好難頂!!!!!但呢個魚湯幾好味，幾鮮喎!!間餐廳雖然好簡陋，冷氣又唔多夠，但係最估唔到全店坐滿，想搵個位都唔係咁容易，我到既時候好好彩，咁啱有人食飽走，所以我先有位咋!!!

少有餐廳12點仲有早餐食，叫左沙爹牛肉公仔面，加煎蛋餐肉多士，熱飲一杯，都係$31咋。不過一黎杯野飲，見到隻杯痴左好多一粒粒既野，好污糟，好似冇洗過咁，真係見到都唔想飲。跟住個早餐黎到，賣相都正常，多士仲脆既。但一食個面，見到有隻蚊滋。真係咩胃口都冇晒。間店衛生情況真係唔係好理想，有d烏蠅飛黎飛去，張枱又立痴痴咁。至於坐位就比較迫，食完都拿拿聲走。落單仲要大聲嗌，真係唔係好習慣。但因為抵食，早餐又去到12點，所以好多人幫襯。

完全吾知想點，食食下d面有1條頭髮，諗住算啦，周不時都會發生，再食，頂！第二條又有。。再撈下個面，第3條都出埋黎，我果下真系想嘔！有無搞錯呀，你煮面定梳頭呀！！真系好想拎落去叫d 職員食比我睇，但系又吾想大住個肚落去勞氣，決定要post上黎投訴下，呢間野無下次！！

叫外賣 送貨，要左一個鯇魚腩泡飯，一個豪仔肉碎米線，仲有碗枝竹白菜。無論蠔仔飯魚湯麵定菜， 個湯都係一模一樣...飲落去唔似係鮮魚湯，但幾十蚊算係咁。魚湯同粉面飯會分開上，蠔仔肉碎幾蠔仔幾大隻，但係得好少...肉碎主要係肥肉但係幾香口。鯇魚多骨要小心食。重點黎啦。白菜食到一半，發現其中一條入邊有好大隻烏蠅，有時手指尾指甲咁大隻! 好肯定唔係飛入去，而係喺入邊浸左好耐,因為浸到手腳軟晒以後都唔會返嚟食請店家注意一下

環境不算大，服務及食品質素也不錯。像我喜歡食魚嘅朋友一大喜訊，這裏用鮮魚湯做出很多款式。鲜味滾魚湯，可配雲吞，鲩魚腩，招財四寶丸可選擇泡飯，米缐，米粉及鱼麵，魚麵更是爽滑彈牙。 鱼嘅種類繁多，有盲鰽，馬友，黃花，黃立倉等等， 可選擇甜面醬蒸，梅菜蒸，清蒸，或炸鱼。青菜也是用魚湯上，鮮味唔腥。也有特式飲料，eg 鴛鴦檸七, 雜果賓治, 還有其他炒粉麵飯。滿足曬唔同類型食客要求。

今日食個下午茶就去睇戲😁 本來老公話唔想食哩間，話驚魚腥味，但佢飲了啲湯都話唔腥而且好味，我叫了“魚柳餃子”，其實我唔餓，想配薯條但唔可以，太死板了，餐牌明明就有薯條可以揀😡 算，配了米粉，魚湯確實好香又唔腥，同翠華比佢比較清，翠華對我而言有少少辣，所以比較啱我口味，魚柳多肉都好味嘅不過好多油，餃子普通地難食，雜果賓治意外地用新鮮菠蘿，罐七喜係檸檬口味的。而老公的“牛冧冧撈麵”，佢話好味，我試食了少少，唔，講唔出嘅味道，可能要浸落啲魚湯先好味呱。老公杯野飲叫“鴛鴦檸檬七喜賓治”，我地問鴛鴦指乜，阿姐入廚房問完後答我地：“2種唔同顏色嘅檸檬。”我大笑：“吓？？即係點？？😂”阿姐又答：“一種係舊嘅一種係新嘅。”我頂唔順狂笑：“乜野呀？？？？？😂😂😂”隔離枱位嬸嬸都聽到笑了😂😂😂掌櫃聽到反眼，答：“係咸檸檬同新鮮檸檬呀!!😠”OIC!!😂😂😂 不過飲落都唔錯嘅!

湯底味道都幾濃、好鮮美。白色魚面好彈牙爽囗，叫左個四寶白色魚面差不多$60😑魚面份量太少。感覺唔抵食。四寶是炸的，炸的都幾香口。整體咔道都不錯。希望魚面份量多少少🙏🏻🙏🏻😍🤔

冬天就到又係食濕野既好時機喇！ 話說早兩日落雨，又凍又無帶遮🤧 飢寒交迫既我一見到門口寫又有魚又有湯字就諗都唔諗衝入去啦！ 一向都鐘意飲魚湯既我梗係唔放過佢！ 叫左個魚湯水餃米線，同魚湯菜心。一來到試個湯先..... 嘩！甜到呢！ 好香魚味 又唔咸，又無味精！正啊！仲有水餃諗住佢好普通，點知好彈牙爽口！碗粉有跟生菜，分量都多啊！ 下次留返菜既quota試下炸春捲（見到隔離食好香好吸引）佢每枱都有一樽菜鋪，可惜我不好辣所以無試到以後晏左唔怕無野食喇

老遠由九龍至屯門慕名而來，正好是中午，叫了一个煎黄花鱼，米粉鱼汤，回頭一望，竟然没有一個人叫蒸鱼或煎鱼的，知道中伏，等了二十分钟，問可否改叫其他快的可以做好的食物，回答是好快，好快一條油炸的，不是煎的黄花鱼上桌了，不脆也不香，只是多油，很失望！

唔知有無人同我一樣，間唔中都會想吃炸春卷同魚湯米線，仲要配舊米線舖先有既凍菊蜜。（題外話想飲凍菊蜜仲可以去元朗梁記）第一次去呢間係一個係屯門返工嘅朋友介紹，今次係第二次嚟，魚湯比之前淡左，因為我食好濃嘅胡椒，加左多胡椒，所以覺得個魚湯都還可以，反而第一次叫嗰個酸辣滋味米線，就真係幾惹味唔錯三款炸嘅卷物都好味，炸雲吞一般，見隔離枱大多數都嗌全條嘅蒸魚，下次可以試吓叫，呢間唔算做得出色，但如果有日係屯門，又想食魚湯米線同炸春卷我諗我會再返嚟。