鮮魚湯 (河傍街)

营业中

休息中

今次黎到屯門呢間特式茶仔 食野，因為聽聞佢呢度既野食係比普通茶仔特別少少，可能同佢個名一樣，更符合香港人既口味。叫左個煎釀四寶墨魚麵，入面幾得意，墨魚麵係黑色, 喺出面應該都好難食到.魚湯湯底 好香好滑，好夠鮮味麵線亦好有驚喜，就咁食已經好好味，如果湯可以濃味少少就更加好。四寶好香，呢個係正宗四寶做法，以一間茶餐廳黎講算係咁唔會hea比你，好味，值回票價。星級西多士,以一間唔係西多士專門店黎講都總算唔錯, 多士香脆，最出色既地方係勁多牛油，入面仲有火腿，少少乾身口感岩晒我,值得可以一試呢間茶餐廳都有全日早餐食！ 最鍾意食係因為佢唔會太肥膩，多士夠晒香脆，味度岩岩好；炒蛋味道濃郁，但又唔會覺得太厚太多，個人會更加鍾意腸仔

一直都有幫趁，以前個名叫鱻，鬼叫難讀，改名咪好地地，唔使成日同同事講完要解釋一輪😂而家開宗明義叫鮮魚湯，當然係叫啲魷魚湯嘅嘢啦。今次同啲同事來，其實都係食返果啲嘢。特色嘅墨魚麵，其實你叫白麵黑丸定黑麵白丸，恰埋眼食都係食緊墨魚滑咁成碗肉😂黑丸粒丸係細粒啲架，咁又實過白丸少少）麵就以魚片質地。另一個同事就醒，識叫多蔥。多青啲未爭好遠㗎。佢呢碗係三寶湯飯都係食個魚湯，佢哋個炸蝦條係幾好味既。講到食飯好食麵好，其實個精粹都係喺個辣菜甫度。呢度啲菜甫好細湯匙就已經好夠，辣味唔係死咸，配返個正氣溫和既魚湯又唔同左感覺。價錢唔貴不過lunch time黎就好迫🙈飲品加少少錢好大杯但無乜味😅

今日第一次去試,叫咗皮蛋魚皮湯飯,紫菜四寶米線,蜆蚧鯪魚球,炸鮮蝦水餃;魚湯米線及湯飯熱辣辣,味道鮮味,份量多相當抵食;炸水餃亦足料(木耳。筍。蝦。甘筍等等);相比起,鯪魚球就比較失色,因為唔夠彈牙;食物幾好但可惜環境方面一般,亦較多烏蠅。

好耐之前已經食開呢間舖，距主打鮮魚湯，亦都有唔同既煎/蒸魚配主食。我就食開距既四寶，炸五寶同捲捲四寶。呢日同朋友黎，我就叫左四寶，朋友叫左炸五寶河。四寶呢就有黑色墨魚丸，魚蛋，魚卷同魚腐各兩件。我最鍾意墨魚丸同魚腐，真係好出色，應該係我係香港食過最好食既😋😋，另外個魚蛋同魚卷都ok。四寶河會有埋紫菜，我好鍾意距d紫菜，送河粉好正，有口感！朋友既五寶河都有魚卷魚腐，不過仲有墨魚卷！個墨魚卷係最好食既卷！黎到記得試～但係五寶河就無紫菜既，想食紫菜就要留意返喇。

我用咁耐OPENRICE，係第一次寫食評，我寫完呢篇食評之後，亦會同步報俾食環署。我今次係第二次來鮮魚湯，重帶埋爸爸媽咪來試，亦都打算下次再來試未食過既菜式，當差不多食完個陣，係廚房走了隻米奇爬左係D碗上面，我咁大個女最驚最驚就係米奇，我當時驚到冇辦法拎電話出來影證據，亦只可以立即拉埋爸爸媽咪離開，冷靜左兩日先可以慢慢打呢篇野出來俾大家知道，希望來食之前可以再三考慮！！！我係唔會再來鮮魚湯！！！

今日要去新墟恆生整啲嘢，但又唔想喺V city食lunch，喺openrice發現附近有一間鮮魚湯，想食得清清地所以去試下。一坐低便點了，四寶有2粒魚蛋，2粒墨汁墨魚丸，2嚿魚腐，2條魚肉春卷，紫菜，生菜，先飲了一啖魚湯，鮮甜魚味，感覺唔似有味精，當中炸魚腐及魚肉春卷比較出色，炸魚腐大大粒很有空氣感，白魚蛋爽口，墨汁墨魚丸我自己覺得還可以吧。他們還有辣菜脯，而辣椒油味道也不錯。蟹籽墨魚燒蟹籽不是很多，墨魚味是挺香的，但我覺得外皮比較韌，不夠香脆。👌他們除了湯麵，還有很多選擇，我看見其他客人食蒸魚，也有套餐的。喜歡吃魚的朋友不妨來試下。

本身想食魚河米線，見有得揀河粉諗住試下河粉，可惜有少少失望，個河粉唔係好滑。而且個湯係熱的，河粉是暖的，感覺似分開煮。不過湯底味道是很清甜。五寶有蝦卷魚卷墨魚卷炸魚腐魚片頭全部都好好味，尤其係墨魚卷最讚。整體都係好食的，下次會試其他。

一直都是這店的粉絲，由最早期未改名前叫鱻湯的時期已經有幫襯～此店水準一向保持到，因為是小店，坐位不會太多而且比較迫，它的飯餐也大大碟又抵食；是次點了墨魚蝦卷魚蛋米粉，但這次的湯底不知為何很重胡椒粉味，吃了不下三十次，今次湯底很奇怪😅不過墨魚蝦卷和魚腐是皇牌，米粉也很滑，保持到水準另外點了蠔仔黃金蛋飯，超大碟，蠔仔份量也不少，好味墨魚蟹籽燒 - 好食及熱氣之選魚湯豆苗 - 附送雲耳，好味凍洛神花茶 - 大大杯，不過如果可以少甜會更好當然會繼續支持此店啦，不過會選非繁忙時間 😆

今日就到屯門做嘢，行到邊食到邊，就走入咗一間鮮魚湯店，下午茶去冇乜人，兩個人唔使等位！佢哋叫得鮮魚湯店，主打一定係魚湯啦梗係要叫返一碗！我叫左墨魚丸魚麵，墨魚丸充滿墨魚味魚湯好正，真係好鮮味，不過我覺得份量太少同事叫了魚湯九肚魚魚魚麵，佢就話唔太好食，九肚魚都可能係炸嘅比較好，口感滑潺潺，啲面有滑潺潺，整碗麵口感麻麻我哋仲叫咗個奶油脆豬包一齊分享，食呢個包我覺得牛油同奶一定要夠多，食落去先夠味，呢間做得到兩個人有埋餐飲埋單每人都係＄60，的確10分平民價錢，不過當然質量都比較平民

今晚去屯門巴黎倫敦紐約睇戲.....未夠鐘就走咗去對面間魚湯店食晚飯.....入到去啲座位就比較逼....不過求求其其食一餐就冇所謂裏面嘅餐牌又有好多唔同嘅選擇好似都相當吸引不過嚟得呢度一定要食佢嘅魚湯最新奇係可以喺魚湯裏邊加鹹蛋....不過有啲失色係我唔鍾意食佢呢隻米粉....比較粗身同有欠滑口不過勝在魚湯夠清甜佢嘅蝦卷都幾得彈牙下次你要試佢嘅蠔仔湯飯另外佢仲可以有唔同嘅配料搭拼....仲會有蒸魚飯添🤣🤣🤣

喺屯門諗住早啲食飯先番屋企，平時都有幫襯開呢間嘅魚湯、泡飯啊、麵，價錢唔算好貴，所以早少少黎。未夠6點我地就黎到，有四、五枱客人，平時黎夜少少黎都爆哂啊，搭枱係基本，同埋都唔會好闊落，但我地當快餐咁食，所以冇乜所謂。今日早左，人冇咁多，坐得舒服啲。我地點左個泡飯，另外點左個梅菜扣肉飯餐，兩杯凍檸茶，埋單100蚊唔洗，算係咁。梅菜扣肉飯：類似碟頭飯啦，一邊餸一邊飯，呢個做法都幾好，起碼唔係鋪上面，啲汁唔會俾飯索哂，唔洗怕飯太鹹。梅菜扣肉味道都算幾濃，扣肉有四、五件，個人就鐘意啲扣肉半肥瘦兼有皮，呢度合格，又唔會太瘦。梅菜較粗身，唔會好鹹，甜甜地，色水都對辦，味道唔差。唯一可惜係啲飯…太硬，好似落唔夠水咁，我隔硬撈左女朋友碗湯飯啲湯，先哽得落。凍檸茶都有點失手，茶味唔濃，又唔夠甜，又唔係酸，唔知點形容。

和老婆到屯門一田購物，在屯門站附近找地方吃早餐。見到鮮魚湯人氣鼎盛，餐廳內有不少食客，決定入去試一試。我點了這個精選早餐B菠蘿飽菠蘿飽很香脆，大大件，份量十足。餐肉炒蛋餐肉很入味，炒蛋炒得香滑，很有蛋香。沙嗲牛肉公仔麵麵質稍為過淋，沙嗲味略嫌不足，有點失色。鮮蝦水餃河採用新鮮的魚湯底，味道帶清香的魚湯味。水餃大大件，很有咬口，餡料也很足，嚐到陣陣蝦味。熱奶茶奶茶都算香滑，茶味香濃，可加一點點糖，提升其味道。

星期日冇街去，留番喺屯門睇戲同食飯，睇完戲之後已經成八點，成個屯市都人頭湧湧，其實週末要喺呢頭食飯，一係就要好早，一係就九點後啦，於是我地放棄左。行到黎新墟，穩陣啲揀鮮魚湯，因為之前都食過，而且我好專一，覺得佢地個湯飯幾啱食。餐廳就真係逼到無論，如果一抽二袋最好唔好黎喇，實在唔知道你可以放喺邊，搭枱係常識。逼就逼啲，但so far我自己未試過遇到不禮貌對待，最多一食完即刻收野啫我就話例牌要鹹蛋肉片湯飯，鐘意佢呢度嘅湯飯，話就話係鮮魚湯，但配飯可能因為加左薑絲、蔥等，飲落冇咁大陣魚腥味，加上我點嘅鹹蛋肉片，點都會有少少肉味，所以我幾鐘意食。飯嘅份量多，加埋一大碗湯，實夠飽，都唔洗50蚊，我自己覺得幾抵。肉片醃得幾腍，唔係煲湯煲到柴哂果種，而且鹹蛋係明顯幾多（對比其他餐廳更多），仲搭多幾條菜，平時全部都係白菜仔，今日俾多左兩條生菜我身邊人揀左蒸魚餐，因為見到隔離枱食得幾滋味，其實都幾抵食嘅。魚就唔係話好大條，但原碟蒸，魚肉夠哂嫩滑，細骨唔多，加埋豉油，送飯一流。蒸魚餐會另上一碗魚湯，呢碗魚味，比起湯飯入面嘅湯重好多，幾鮮，唔腥兩個人連埋飲品都係百一蚊，其實平時出街食得垃雜野多，偶然食下家常

第一次寫食評，但我真係好嬲，好唔開心！成個過程都係自己用拐杖撐入去，因為見到你地方係窄啲，無斜台上。我唔奢望亦無要求你幫手，但係咩野叫做「 拐杖，輪椅 阻住曬」呀！? 我張輪椅已經放左喺門口。點解你個職員可以咁嘅說話都講得出口嘅?可唔可以積番啲口德呀？好心把口唔好咁卑劣啦！不停喺到單打，呢d說話真係難聽過粗口！將心比己，如果第時有日係你自己嘅屋企人甚至係自己整親嘅時候，人哋咁話你，咁歧視你，你會點呀?無他嘅，我真係衷心祝福你永世都唔會整親，亦都唔會有其他需要幫手嘅一日！真係好差呀！唔止態度差，心地仲差！其實我係一粒星都唔想俾！

來到屯門新墟，想遠離大型連鎖店餐廳尋找一些地道美食，不需華麗裝修，只需食材食物美味又衞生。來到鮮魚湯店，一進店就會聞到陣陣魚腥味，足以證明這店真的用鮮魚製作。招牌墨汁墨魚丸王，配墨汁魚麵，加紫菜 $45墨汁墨丸配清魚湯好好食，口感彈牙，墨汁味濃，而且墨丸裡混有墨魚粒，絕對食得出是足料又新鮮。墨汁魚麵是要另加$10的，個人覺得墨汁魚麵一般，沒有墨汁味，但口感彈牙，下次可以食普通魚麵。吃飽飽之後，見到可以買生料外賣，由於個墨汁墨丸真的有質素，都想買些少回家煮麵時作配料，不過價格有點貴，還是下次路經才再吃吧。生料墨汁墨丸：$88/磅