鯉魚門紹香園合桃果子專門店

营业中

休息中

7月29日去鯉魚門門市買蛋卷，7月30日打開想食時，見到此日期前最佳：19/07/23過期10日照賣俾人？咁做生意，好老實喎感到極度失望，第一次買就係最後一次啦。

X mas 天氣好最啱郊遊，鯉魚門好細個嘅時候嚟過一次，自從疫情後都想嚟放空一下。原來村都幾大，海鮮外仲有好多小店賣蛋卷，合桃…, 街邊又有賣茶粿，感覺有啲似澳門，但當然無堂皇嘅裝修同唔收信用卡，假日嘅三家村好熱鬧，肉乾同合桃都有得試食，價錢都好公道。我買咗一包蜜汁豬肉乾同一包合桃，共95蚊，全都係試啱先買，攞上手仲暖暖地好新鮮, 豬肉乾好juicy , 又唔會太薄身，合桃好脆，面有啲芝麻所以好香口，全部heat seal

和同事一起起去鯉魚門食海鮮順便買手信，舖店簡單，很這裡有很多兒童時期玩耍地方，現在成長了有點錢就會用錢買這些當零食。少不了買虎柏合桃，脆口香甜，而且甜度不太甜，很好食，走嘅時候店員還讚我靚仔，非常開心，還送了一少撮合桃在街上吃。炭燒咖啡蛋捲，平時吃開原味，今次試吓炭燒咖啡，超好食，炭燒咖啡味非常濃郁，脆卜卜口感，非常讚。蜜味豬肉乾，不會太乾太硬，肉乾味道很好，香甜蜜味，口感軟嫰，不加熱也很好吃，放在氣炸鍋翻熱，超讚！

可能今年有消費卷，又或者想多支持本地企業，以前最多一年買一盒月餅，仲要和其他人一起share，今年哩個已經系第三款啦！超曬標。以前從未考慮過買紹香園月餅，一來佢無promote，二來以前食過其他餅也普普通通，有日經過荃灣千色匯見到其中兩款買一送一，以為有特別promotion, 中伏啦！-問店員個餅系大餅定迷你，佢話系中間，都幾大，點知道返屋企才知道只有一款黑松露金腿五仁比較大，另一款黑芝麻留心奶皇是迷你，-比較其他名店一盒8個迷你，紹香園價錢其實吾便。-說味道真系吾到班嘍。黑松露金腿五仁（1分）-係見到一點一點黑色，但真系食吾到有松露味道；金腿食到最後有一條好硬紅紅地的東西，咬吾開，但都系好無金腿味：成個餅食落口感很油膩，無餅香。黑芝麻留心奶皇（2分）-賣相系OK，切開亦有流心，但意D芝麻香味都無，食落亦食吾到奶皇味。

入到黎鯉魚門食飯，順便行下啦，都好耐無黎過，最後去了紹香園買左芫茜蛋卷，因為我都好鐘意食芫茜的，不過回到家一試，我覺得配落蛋卷到真係唔夾，唔好食既！😑😑😑食左兩件就無再食了🤣🤣🤣另外買了豬肉乾，熱辣辣呀，是薄身的，好多汁，都幾好食。😃😃😃

今日去行鯉魚門燈塔 ，本來仲想入礦場， 未入到去已經見到兩隻流浪狗， 過咗窄路仲見多幾隻係度守住，佢地🐕多蝦我哋人少(2個)， 都咪話唔驚😮 跟住扮鎮定掉頭走。 行返回頭路出大街 ，經過唔少海鮮酒家。但係當中有幾間食品店 ，仲有呢間，屹立逾半個世紀嘅總店 ，要幫襯下有好多嘢食擺喺度試食， 梗係要買番呢度最出名嘅合桃啦， 香口鬆脆， 甜甜地， 一開咗 ，大家都忍唔住口，一食再食 。蜜汁豬肉乾，軟硬適中， 香甜，又係一個停唔到口嘅小食 。仲買咗雞仔餅 ，佢哋話有分硬同軟嘅， 我哋都係買咗隻軟嘅， 好香南乳味 ，$10有6個 ，超抵。

昨天去鯉魚門紹香園買豬肉乾和合桃，當時伯伯正在推銷我買合桃，試食完後見佢自己鋪另外一邊都有放合桃，我就問是否一樣，他就黑住面不耐煩和負罵語氣答"""自己看喇！一樣呀~~要試食自己拿喇，洗唔我要拿到你面前俾你呀！！！我已經夠忙喇！"""🙄🙄🙄🙄🙄最後我同佢講要一包，他完全沒有理會我，沒有看我一眼，之後佢鋪旁邊有張細枱放些產品和站著一位伯伯，那位伯伯就給我一包合桃，我以為隔離鋪見佢唔理我立即向我推銷，沒有禮貌的呀伯又聲罵我"人地俾你就拿喇！一齊架！仲有邊間呀！！"而家食住合桃都覺得唔開心😡😡😡😡😡😡😡😡😡😡😡

成日晌啲展銷場發現紹香園嘅蹤影,估唔到佢嘅總店原來就晌呢度,門面懷舊但又冇老土嘅感覺,反而令我覺得踏實得多,就好似澳門嘅老餅家咁.正宗南乳雞仔餅,十蚊就可以買到六個.佢嘅大小比坊間嘅出品大同埋厚身少少.我自己覺得佢嘅外型好似某某快餐店嘅炸雞塊.雞仔餅食落質感唔硬,外酥脆內鬆化,入面仲加咗唔少肥豬肉,咬起嚟煙韌同有嚼勁,但就冇乜膩感,當中仲夾雜咗南乳嘅鹹香同甜味,食落比平時士多超市買到嗰啲放咗好耐嗰種貨色惹味得多.

10-4-2015 (Fri)男友公司請佢o地去鯉魚門食海鮮餞行飯,男友經過呢o度,於是又忍唔住手買零食,佢買o左兩包同樣係$40.00o既合桃同豬肉乾o黎,我o係屋企鎊吓,每包重半磅.先食合桃,呢個係脆口,蜜糖夠,但可能仍有啲衣,所以仍食到微苦.之後食豬肉乾,開頭食唔覺得好甜,o岩o岩好好味,又唔會好乾好硬好難咬,但食o左食塊就覺得太甜,要搵水飲.兩樣o既味道分都係4.8分,抵食係2.5分