鳥山名

营业中

休息中

鳥山名位於愉景新城的一隅～玩具反斗城旁邊，我去了愉景新城那麼多年，竟然從未發現它，它真的很隱蔽！午市有超優惠刺身飯及每日超優惠定食各一，我今次很開心，發掘到它的午市特價刺身飯（$102），當日得到的是三文魚海赤蝦芥辣章魚飯（原價 $145），還附沙律，前菜（螺肉）、茶碗蒸蛋，味噌湯及甜品（雪糕大福），真的很豐富！份量都幾足 ，食材新鮮正常，赤海老仲幾多膏Tim，三文魚肥腴，套餐有多款飲品選擇，我選的是熱蜂蜜薑茶，味道偏甜適合冬日 。那天我還點了料理長特別推介的北海道海膽手卷（$88），海膽味道正常冇苦澀味👏🏼紫菜夠脆，特別一讚個手卷食到去尾入邊都仲有海膽的！最後我還外帶了一杯特價飲料黑糖奶（$12），竟然都幫我做咗掛杯，唔太甜，抵飲。總結吃完覺得這個特價午餐物超所值，可以回頭～午市套餐還不用加一，環境新淨舒適，是一個食豐盛日本菜午餐的好地方，我發現除咗我之外，都仲有幾枱都係一個女人食呢👏🏼PS. 呢度正價午餐四位送一位，一班同事黎食嘅話都抵 。

難得喺商場可以食到環境唔錯又抵食嘅日本菜 尤其係呢排做特價鍋物同飲品 仲平過吉邊同埋廢水店 所以一定要同大家分享下😎🥘安格斯牛肉火鍋($66)呢個鍋一定係最震撼價 平過吉邊 平過美心 有大約6-8片牛 超多菜 金菇同埋豆腐等等 牛肉質素亦都好過一般快餐邊爐 仲要有類似冬粉粉絲混合體 飽肚🤓🧋手炒黑糖鮮奶($12)第二震撼價就係$12黑糖鮮奶 奶係好味嘅 仲有啲啫喱喺底 雖然黑糖味唔夠香濃 但已經夠曬物超所值😆🐠鹽燒三文魚頭定食($119)定食有沙律 麵豉湯 漬物 飯同甜品 係爭咁個蒸蛋 不過呢個價黎講都好豐富 而且我都試過唔少地方嘅魚頭 好多都好少肉食 呢度嘅魚頭係最多肉食嘅頭三位 調味亦都剛剛好 大推介🤤🤤🍣壽司三點大盛($250)太想食拖羅 呢個大盛係有大拖 中拖 赤身 每樣2舊除番開一舊大約$40🤭🤭任性之選 但夠曬滿足

大家都知愉景新城又大又多食肆， 呢間日本料理就開正喺一樓電梯下面，都算幾易搵🤣原條島根池魚 $198一整條池魚上枱真係夠哂Iɢᴀʙʟᴇ，Sɪᴢᴇ中規中矩，食落肉甜而鮮味，仲帶啲啲爽口，食完仲想叫多條😚北海道海膽壽司 $68唔好睇佢壽司細細，但比嘅海膽份量一啲都唔少，仲要好鮮甜🤩北海道大甜蝦壽司 $33Sɪᴢᴇ的確比坊間嘅大隻少少，食落係好鮮甜，個黏度都相當唔錯😽三文魚腩壽司 $18厚度適中，食落油脂味都幾香濃，三文魚味都幾香，最正係飯嘅Sɪᴢᴇ比較細🫶🏻芝士吉列蝦反卷 $38個吉烈蝦炸到脆卜卜，蝦味都唔錯嘅，佢哋再用上櫻花蝦，令到食個卷更重蝦味之外，仲有櫻花蝦本身嘅香味，非常好味❤️厚切牛脷心 $80呢個真係必點！首先個𠝹花已經贏咗，牛舌好厚身，咬落彈牙又有肉汁🤤因為擺得係愉景新城嘅日本料理都屬中高價位，而佢嘅價錢相對親民，而且味道唔錯，係一個幾好性價比嘅選擇👍🏻

聽朋友推薦大讚呢間居酒屋CP值好高😋今日晚市黎仲見到做緊限時優惠，超級抵玩！可惜肚仔裝唔到咁多野，下次先再黎食過🙈❥海七色一碗丼飯就可以滿足七個願望✨集合七款時令食材，刺身每塊好厚切，啖啖鮮味啖啖肉😋尤其係中間嘅海膽刺身好甘香，配軟綿吞拿魚蓉撈飯超開心😳識食嘅加葱仲正！❥串燒美國牛肉粒牛肉粒外層掃上薄薄燒汁，入口口腔瀰漫炭燒嘅氣味，配芥末籽醬亦都幾特別🐮❥壽司三點 大盛 呢款係料理長特別推介📝可以試齊三款滋味口感嘅藍鰭吞拿魚🍣呈鮮紅色嘅赤身肉質結實，魚味最為濃烈。中腹粉紅粉紅💓魚油比例平均且帶甘香。大拖羅最為肥美🙈入口即化❥水蜜桃乳酪沙冰沙冰打得好細膩，飲落係水蜜桃嘅蜜甜夾雜乳酪嘅奶香🍑❥牛油果軟殼蟹反卷牛油果軟潤溫和🥑軟殼蟹炸得香脆，兩物製成卷卷，層次豐富而且一D都唔膩

今日同男朋友慶祝生日，男朋友好鍾意食日本菜，上網搵過喺愉景新城有一間評價好高嘅餐廳，於是就去試吓。餐廳比想像之中更加寬敞，除咗有板前位置，仲有幾間包廂房間，下次可以約成班朋友過嚟食。估唔到呢間餐廳有長崎縣藍鰭吞拿魚可以食，以前喺日本食過，真係一試難忘。我哋點左藍鰭吞拿魚壽司三點 大盛 $250分別有大拖羅、中拖羅、赤身，壽司三點（大拖羅、中拖羅、赤身）大拖羅油分充足、筋位比較多，所以相對地有咬口同埋食到魚油香，而中拖羅油分適中無筋，入口即溶而魚味濃郁，赤身即係瘦肉部份，油分相對比較少，可以真正食到魚香，同我喺日本食味道嘅一模一樣👍🏻另外餐廳做緊晚市大放送優惠，指定刺身有半價優惠，所以我哋點咗三文魚、帆立貝、北寄貝4切、赤海老2只） 日本直運嘅食材，食得出好新鮮，完全無急凍雪藏味，而且刺身都係厚切，一啲都唔吝嗇。除咗刺身壽司之外，仲有鍋物可以點我哋揀咗安格斯牛肉火鍋，湯底係壽喜燒汁，呢個鍋物一啲都唔可以睇小，餸菜多到幾乎滿瀉，裏面有各式各樣嘅蔬菜，例如金菇、粉絲、娃娃菜等等，外面鋪咗好多塊頂級安格斯牛肉，牛肉既味道好香，咬落去牛肉既奶香出晒嚟，非常正，大推。

🔸厚燒玉子壽司   $12看起來厚厚一磚玉子，用一條紫菜綑住，其實玉子唔係厚，是兩件玉子中間夾住一啲壽司飯，玉子的甜蛋味配上壽司米嘅微酸飯味原來好夾，幾好食。$12一件唔夠喉，再要多一件。味道：7/10性價比：7/10🔸壽司三點大盛   $250用長碟盛上三款壽司，每款2件，都喺吞拿魚，像東京築地嗰種大大塊魚片蓋過飯嘅壽司。三點喺指魚嘅三嗰部位，依魚油分佈喺赤身、中拖羅（魚腩）及大拖羅。建議先食赤身（即紅肉），魚背不含油脂嘅瘦肉，喺魚肌裏面含有大量肌紅蛋白，脂量少，肉質實，有咬口。跟住食中拖羅，魚肉呈粉紅色，脂肪較高，魚油脂嘅魚香恰到好處，非常之甘香。最後食件大拖羅，喺魚腹較前方，色偏白，魚脂分佈像雪花和牛，魚油味甘香，入口即溶，味道濃郁，口感肥美。味道：7/10性價比：6/10🔸鹽燒油甘魚頭定食   $193   （餐飲柚子茶）這嗰喺日式標準定食，有飯有湯，燒魚頭特別大件，平時食開三文魚頭沒有這件那麼大，還以為會燒得老魚肉會柴，不過食落魚質仍然鮮嫩多汁，鹽燒控制火喉剛好，表面魚面骨已燒得焦脆，咸咸哋，幾滋味，下次都要燒 油甘魚頭😚味道：8/10性價比：6/10▪️🔹環境：這家日本料理就

近排去愉景新城Namco夾完公園，見到有間類似居酒居嘅餐廳，就試下呢間☺️呢度都幾闊落，好啱同朋友食野傾偈🥰凱撒十五 $90/3隻角落評分：🌕🌕🌕🌕🌑呢款法國生蠔海水味幾重，幾有肉感🥳而且$90/3隻好抵，不過呢款係季節限定，所以每次去未必一樣款㗎！漣川 $90/3隻角落評分：🌕🌕🌕🌕🌑估唔到幾大嚿，不過食落唔太Creamy☺️反而加埋個柚子汁食落幾好味，令度生蠔鮮味突出啲🥰牛油果軟殼蟹反卷(4件) $55角落評分：🌕🌕🌕🌕🌑軟殼蟹喺啱啱炸出嚟，配埋淋淋嘅牛油果一齊食真係好味👍🏻同埋份量都幾大嚿，一啖都食唔晒😆安格斯牛肉火鍋 $132角落評分：🌕🌕🌕🌕🌑呢個好似吉邊咁，係牛肉高質啲同埋係日式嘅shabushabu🤩鍋入面包埋粉絲同估唔到嚿豆腐好好食～牛肉就剛剛好，好啱依家呢啲天氣食😆吉列黑豚豬扒定食 $92角落評分：🌕🌕🌕🌕🌗呢個定食好抵食，豬扒份量都算大塊而且炸得剛好，所以食落係唔錯🥰定食有齊沙律、前菜、漬物、湯同甜品，一個人食就啱晒🤩水蜜桃乳酪沙冰 $32角落評分：🌕🌕🌕🌕🌗呢杯係季節限定，飲落水蜜桃味好香，配埋乳酪一齊真係好好飲😋

今日同個frd去左荃灣ikea度行下 行完見愉景新城有間好似幾靚嘅日本野 我哋就入咗去啦🤪我地就叫左4樣野料理長特別推介壽司三點(大拖羅，中拖羅，赤身) 大盛壽司好新鮮 魚生夠厚身 大拖羅入口即溶 正 中拖羅嘅油脂比例都好好 赤身食落肉質都好滑 又冇筋 舊飯都唔會話好大舊 唔會食飯就已經食濟左🤣芝士吉列蝦反卷哩個係我今次覺得最好食嘅嘢😍再加上飯卷同入面嘅炸蝦再加芝士個味道已經好夾 再加埋啲rolls上面嘅toppings夠曬脆口 食落層次好豐富 下次去可以再叫🤪安格斯牛肉火鍋壽喜燒有驚喜 個湯底好鮮味 又唔會太鹹 入面都有勁多料 仲有食到平時好少有嘅皇帝菜 啱哂鐘意食濃味菜嘅人🤣明太子芝士焗薯面嗰層芝士焗得啱啱好 唔會太乾 入面嘅焗薯口感 加埋明太子 唔腥不特止 都唔會太鹹夾埋仲好香添🤩

鳥山名 (荃灣)荃灣青山公路荃灣段398號愉景新城1樓1025-1026號舖辛辣肉醬黑豚叉燒石頭鍋飯定食$136石鍋飯熱辣辣香噴噴，肉醬辣得來仲好香添，再加埋黑豚叉燒，肉質嫩滑，加埋石頭鍋飯同醬汁一齊食，完全係天作之合吉列黑豚豬扒$76豬扒脆卜卜，豬扒嘅口感都係十分之滑，唔會嚡颯颯，值得一試啊雪花牛肋條地獄火鍋$165呢個質素絕對對得住價錢，牛嘅味道十分之重，個鍋入邊仲有唔同嘅配菜，兩個人食都可以啊😝🐂網燒安格斯牛扒$170牛扒大大塊，同埋佢哋舖頭嘅醬汁，令人一食再食，肉質都係偏嫰，一試無妨👄長崎小長井真蠔🦪$220雖然睇落價錢真係貴，但係絕對物超所值，三隻生蠔都非常之大隻，而且肉質十分鮮甜，我食多10隻都仲得呀😆#美食 #香港美食 #美食介紹 #美食博主 #飲食 #飲食推介 #香港 #內地 #澳門#foodporn#foodpics#foodiegram#snapshot#discoverhongkong#delicious#yummy#instafood#foodphotography#eat#eating#香港美食#香港#美食#吃貨人生 #吃貨 #吃貨日常 #吃 #吃吃吃 #吃

愉景新城野食好多，行天橋已經見到大大個招牌被吸引咗😳 終於氹氹轉去到了🤣呢間餐廳夠哂大，仲有得包房嫁，環境夠哂日系🇯🇵而且整體用咗木色，令人感覺好舒服好ʀᴇʟᴇx🙊1️⃣ 燒豆腐 🍢一份有兩串嘅燒豆腐好吸引😍 內裏嘅豆腐香滑細膩，外層就好似俾張被包住咁，同事可以享受兩個口感😆2️⃣ 燒菠蘿 🍍食開嘅都係就咁燒，呢度嘅菠蘿除咗無皮可以一啖放入口外，仲附有話梅粉，配搭菠蘿蘸嚟食，食更增添咗一份風味🫣3️⃣ 一口炸走地雞 🐥呢個份量都幾多㗎🙊 每件雞都係大大件，肉質唔會鞋烚烚，我就中意蘸住沙律牆一齊食啦😋4️⃣ 時令壽司 🍣餐廳特登整咗個推薦嘅ᴍᴇɴᴜ好貼心✨ 除咗刺身仲有壽司嫁，我就揀咗海鰻、秋刀魚同埋竹籤魚😳 海鰻壽司用咗兩件厚身鰻魚啖啖肉；當造嘅秋刀魚肥美飽滿，肉質彈牙；竹籤魚加上薑同蔥，味道甘香甜美🙊5️⃣ 吉列黑豚豬扒定食 🍱呢個sᴇᴛ有齊頭盤、小食、麵豉湯、主食、甜品… 爽口嘅醃蘿蔔配上彩色芝麻、麵豉湯唔會太鹹、炸豬扒好ᴊᴜɪᴄʏ 🙊 用珍珠米煲出嚟嘅飯粒粒都圓潤飽滿，嚼起上嚟有黏性又唔痴牙👍🏻6️⃣ 飲品 🥤嗌咗兩杯飲品😛秋之戀人超多氣🫧水蜜桃乳酪沙冰🍑 飲落就細膩啲，愈飲愈多好快就飲哂了🤨7️⃣ 甜品

三文魚腩赤海老芥辣章魚飯 $145芝士吉列蝦反卷 $38/6件炸日本魷魚咀 $70呢個幾特別，第一次係居酒屋見到有另外佢有張特別推介嘅餐牌啲野食較為好食啲，難怪好多都缺貨冇得嗌～海鰻壽司 $32/件新鮮海鰻，肉質豐厚，魚肉嫩滑，鰻魚汁係精粹😆原條秋刀魚壽司 $30/件秋刀魚的季節，$30件CP值可以喔～日本赤崎真蠔 $78/隻 $210/3隻6粒星推介果然不錯，creamy重海水味，估唔到都有2/3隻手掌咁大

見到Openrice咁多好評，一直都想試，適逢今日喺附近有活動，於是就順理成章嚟開餐。餐廳都幾大，有好多位，但卡位就full哂，不過sofa位都舒服。餐枱之間又有足夠距離，唔會好擠迫。點咗兩個定食：松葉蟹膏蟹肉飯+鮭魚漬飯+牛肉稻庭烏冬定食（$120）前菜：螺肉，有啲辣。沙律：唔特別新鮮，但可接受。蒸物：蒸蛋最好味，夠滑又唔過鹹。松葉蟹肉蟹肉膏飯：細細碗嘅飯，但鋪滿蟹肉，不過，對鍾意食蟹嘅我嚟講，其實唔夠，希望可以再多啲。鮭魚漬飯：雖然知道漬物係偏鹹，但個三文魚真係鹹到喊，撈埋飯食都搞唔掂呀。牛肉稻庭烏冬：只有一兩片薄牛肉，不過都預咗嘅。整體味道就係普普通通，正正常常咁，湯底偏鹹。甜品：個朱古力蛋糕偏甜，但口感好好，可惜份量少得可憐。吉列黑豚豬扒定食 （$83）：老公之選，食咗件豬扒，偏乾。薑茶：好辣。咖啡：走甜都係好甜。總評：可以一試

#chuchu食在荃灣📍 鳥山名一直都好想試，之前佢裝修左好耐！餐廳係電梯隔離，個間隔真係有啲似個鳥籠！仲有個off menu料理長推介！—————————————————————❣️ 刺身三點 $170料理長推介！有大拖羅、中拖羅、赤身3款！塊塊都厚切，好新鮮！3款都好好味！大拖羅油脂好豐富，超肥美，入口即溶！中拖羅都好正！赤身脂肪比例較少！.❣️ 海鰻壽司 $32灑左小小粉，望落去幾靚！海鰻比平時食嘅鰻魚肉質會滑啲同無咁多骨，配埋店鋪嘅燒汁就冇咁腥！.❣️ 銀雪魚西京燒定食 $189每份定食會有埋沙律、前菜、漬物、味噌湯、珍珠飯仲有甜品，性價比好高！銀雪魚係🐷最愛！燒得好香，啲肉好滑，配埋個白飯好正！最後個甜品係朱古力蛋糕，幾正！.❣️ 泡菜黑豚五花腩辛辣鍋 $158一上枱視覺震撼先，舖到成個山咁嘅豚肉，打卡一流！材料緊係豐富有豚肉、泡菜、大蔥、豆腐、冬菇、金菇、蔬菜仲有啲粉，所以一定飽！🐷仔飲左個湯，佢話好甜！.💬題外話，愉景新城泊車優惠好抵🤑$100就已經有1個鐘免費！—————————————————————不專業評分👅好味指數: 7/10 💰性價比: 7/10👍🏻推薦: 7/10

係愉景新城夾完公仔當然要醫下肚，揀左間日本餐廳食🥰間餐廳夠大同空間感高，唔會覺得好迫👍🏽，最重要都係食材夠新鮮！1️⃣ 原條秋刀魚刺身🐟入秋季節🍁，當然要食當造嘅秋刀魚刺身啦！果然當造魚係特別鮮甜🤩，食落去會感受到外層嘅魚香油脂味😋，再咬落去就食到魚肉嘅鮮甜，配埋秋刀魚汁，鮮味更加出哂黎😍！2️⃣ 海鰻壽司 🍣🐟海鰻壽司同平時鰻魚壽司好唔同，佢肉質再滑同無咩骨，重要係佢可以生食😋，配埋店鋪嘅燒汁，超好食！3️⃣ 壽司定食 🍣🍣壽司定食一份有12件！件件都唔同🤩，師傅絕不馬虎！而且每件都好新鮮，仲要有火炙壽司！配埋隨餐附送嘅湯同沙律小食，呢個價錢真心抵呀😚！4️⃣ 串燒紫蘇雞肉丸 🍡一份兩串，出面好少有🥹，成件事覺得好經濟實惠！而且串燒質素唔錯，個雞肉丸看似平平無奇，但一咬入口就陣陣紫蘇味出哂黎5️⃣ 厚燒牛舌 🐮👅呢個不得不讚！牛舌夠厚夠入味😋！咬入口時係食到牛舌嘅油脂味同牛味🥹，唔會乾淨淨，非常彈牙多汁呀！6️⃣ 串燒辛辣雞腿肉 🐔雞脾肉配上辛辣🌶️醬，將雞脾肉嘅味道再昇華👍🏽，而且雞髀肉燒完仲保持嫩滑可口，好味！今次平日夜晚黎叫嘅野食唔算好多，唯有等放假時再黎食餐勁嘅😋

Ooo日式居酒屋ooO位於愉景新城 日式木系裝潢店內坐位空間廣闊 適合朋友聚餐OooooO🔸日本兵庫縣生蠔 $90/3隻料理長推介 日本空運到港不像法國生蠔大隻 細細的但肉厚鮮甜OooooO🔸活帆立貝刺身 $48/隻活帆立貝切片 口感比平常的爽口加少許檸檬汁 刺身帆立貝是我必食的刺身之一OooooO🔸三文魚花之戀飯 $125滿滿的三文魚 中間放滿蟹籽擺盤成花朵的形狀 大大啖入口很滿足OooooO🔸廣島蠔鍋 $148極大隻的牡蠣給手掌心大共6隻 熟左都仲係大大隻尚有大量蔬菜及日本製豆腐 豆味超香濃 內有粉絲、冬菇等配料 蠔鍋湯底的湯都是精華此蠔鍋是必食之選