鳥語 (已結業)

看過這餐廳的圖片後，一直也很想去，因為實在太美了🤣。這次碰巧約了港女朋友，可以一起打卡做港女！富士山黑豚肉咖喱飯 $118賣相真的與圖片相符，四四方方的富士山，就像從咖喱泥土中鑽出來一樣。味道方面，我會承認這確實是一個只供打卡的料理。咖喱辣中帶甜，就是普通的味道，不會說很美味，但又未至於難吃。柚子胡椒雞翼 $58這個好吃！柚子及胡椒的組合，甜酸及微辣的配搭令人精神為之一振。雞翼皮亦很好咬口，正！一瞬間明白為甚麼$58只有三隻🤣。薯條配雙色醬牛油果松露蛋黃 $58薯條給我第一個印象就是非常大份，如果一早知道的話，或許我們並不會點雞翼。雖然應該是即叫即做，但薯條很快就變得淋身，味道還好，醬汁並沒有特別點睛。總括而言，這間餐廳主要是為了打卡，味道追不上可愛的賣相，來一次就滿足了。

話說上網睇到呢間烏語啲嘢食都唔錯， 咁就膽粗粗衝上去試下啦, 廿零位地方裝修比較普通， 做齊曬基本進入食肆的規矩後， 便搵個位坐低啦， 太太又比較多心揀下位姐， 店員誰不知二話不說便黑我面囉，之後 個餐牌仲掉落張枱度 ，拍一聲好大聲， 咁我哋覺得食嘢啫，唔係離睇你面色受你氣吖， 揀個位啫你都唔使咁嘅態度呀！！ 其實間店咩顏色我哋都唔在乎，在乎係服務態度囉！！ 嘢食都未嗌，啲態度就咁啦！仲邊度夠膽食呀！！咪起身走人囉！！ 家下咁嘅環境諗住純粹支持下啫！ 唔使掟嘢又黑面咁嘅態度囉！真係有啲不知所謂囉 ， 好在未嗌嘢食啫，唔係就背脊骨落啦！ 店員態度好一些都食得順氣啲， 煩請有關店員自我檢討下。

#懲罰黃店💛 之前去石垣島食過類似嘅taco rice，竟然喺香港可以食到😮佢係肉醬飯上加咗nachos同牛油果，每食一啖都脆脆地好有口感，加埋d沙律菜就可以消除番個飯嘅油膩感，好細心！大大隻軟殼蟹已經冇得輸，青醬味啱啱好唔會太鹹，兩個飯食完好滿足呀🤤

終於嚟到啦！差不多一點左右到 唔洗等位 我哋揀咗坐塌塌米😚2個人嗌左一個雪糕意粉🍦一個富士山咖喱飯🗻飲品點咗一杯Oreo Latte，朋友就點咗百香果茶。個人覺得咖哩飯好食過意粉，唔知係咖喱汁定係飯有陣椰香😋豚肉加埋咖喱，味道不錯!! 而意粉啲海鮮都幾多幾足料，不過可能因為用柏士圖青醬會比較淡，而且食得多就有少少膩，但打卡絕對的確一流📸真係有朋友以為係雪糕撈意粉🤣至於飲品味道就普普通通，價錢少貴🤭。

Bookmark左呢間鳥語一段時間，咁岩朋友生日，夾到多啲人黎，可以一次過試多啲款式。以文青Café做主打，多為木系家私，陪襯著多盆綠色植物和搶眼的「Floom as you born to be」粉紅色霓虹燈。《大啡菇薯條 $68》身為大啡菇Fans無理由唔試，佢地將原隻大啡菇切條，切到好似「薯條」咁再攞去炸，新鮮熱辣，每條都好厚肉好多汁，炸漿一啲都唔油膩，襯埋牛油果醬同黑松露蛋黃醬真係堅好食（其實有心思思想叫多份）。《牛油果煙三文魚春卷 $68》想試多樣小食，見無乜人食呢款，但店員熱情推介就試試吧~果然味道無失望！春卷口感香脆，牛油果蓉加埋煙三文魚非常夾，散發雙重香氣，大家可以一試。《蜜糖柚子雞翼 $58》柚子味夠曬濃，酸酸甜甜，雞翼大大隻夠肥美，仲有少許黑白芝麻作點綴，味道醒胃。《富士山黑豚肉咖哩飯 $118》藍白色金字塔賣相已經好吸睛，藍色飯係由蝶豆花製成，不過蝶豆花本身係無咩味的。日式咖喱用上黑豚肉，口感嫩滑，份量亦不少，反而咖喱可以再濃稠同濃郁啲，食個賣相。《柏士圖青醬雪糕海鮮意粉 $138》倒轉的雪糕筒其實係青醬，撈勻黎食口感好幼滑，真係有啲似食緊「雪糕」嗰種Creamy

「鳥語floomfloom」 <尖沙咀>-富士山 上🇯🇵🗻食物既賣相同擺設絕對係滿分 打卡一流 📷 再加上店面既裝橫設計 好IGable味道很多人評價一般 我又唔會話佢好好食 但有時掛住影相 又想等D食物到齊再影 食得黎都凍咗😅-⇒　富士山黑豚肉咖哩飯 $118 🗻🍛起初很好奇藍色既飯係咩味 原來都係一樣😅⇒　粉紅鳥海鮮忌廉意粉 $138 🍦 🍝我覺得創意度滿分 完全滿足咗細個咩時候 包括食飯都要食雪糕既幻想 🙂見到隔離枱食 完全想像唔到係咩味 同埋覺得會好伏 不過食落又ok 好味過富士山⇒　柚子蜜糖雞翼 $58雞翼永遠無得輸👍🏻⇒　牛油果香蕉抹茶奶昔 $58比起牛油果 我更喜歡牛油果飲料～另外 呢度有很多牛油果既食品同飲料 岩曬牛油果愛好者🥑 不過兩個人真係吃不下這麼多⇒　榛子朱古力配🐻棉花糖唔捨得摧毀佢🥲坐位有分normal 同tatami 我就坐到腳俾🙃 有興趣記得book枱！

今日同朋友黎尖沙咀食lunch，之前見好多人都黎呢到打卡，不過就聽聞味道一般。唔知係咪已經有呢個念頭，食嘅時候又覺得出奇地正常12點左右黎到唔算多人，都算坐得幾舒服，同朋友黎傾下計飲下野都係一個唔錯嘅選擇，好有日系感覺。富士山黑豚肉咖哩飯：呢個飯打卡真係好靚，藍色係冇特別味道，外表成座富士山咁，非常吸引。豚肉唔算好多，咖哩味較啖同稀，如果再咸番啲會好好多，飯都好多，反而食唔晒蒜香磨菇牛柳粒飯：個名類似係咁，唔太記得，亦都唔記得影餐牌。呢個個味都算正常，不過就唔太抵食，如果唔計外觀，同茶餐廳啲味差唔多，唔特別推介另外午餐跟餐仲可以加$40有幾款小食可以揀，我地就揀左蘑菇薯條，本身以為係菇同薯條兩樣都有，點知黎到係菇切成一條條再炸，如果係餐牌寫清楚會好好多蘑菇薯條：味道都幾好，炸得好香同加左芝士碎係面，配埋黑松露同牛油果醬幾好食烘焙榛子&牛油果胚芽白朱古力配懸浮綿花糖：呢到最大特色亦都係呢杯飲品，每款飲品加$10就有懸浮綿花糖，款式隨機，非常可愛，飲品味道就一般兩個人每人大概175左右，午餐黎講都偏貴，而且唔係特別好食，呢個價錢有更好選擇

咁啱中午過左海。就近搵間黃店食。以為中午時份會多人。點知都幾靜。對個人就好嘅靜靜地。但都希望可以生意好啲。lunch set叫左個pesto linguine.自家製青醬好似幾吸引。pasta我係比較中意pesto sauce。無cream sauce咁漏無tomato sauce咁驚酸。然後出到嚟原來係pesto cream sauce(扶額 笑)其實好食嘅唔算太漏。份量都夠。蘑菇合桃都足料。linguine煮得幾好。只係真係無諗住係cream因為我本身想清清地。如果我食素唔飲奶就會比較尷尬。咁當然自身都應該更加注意落單時問多句保險啲。然後加左$40柚子蜜糖雞翼。的確係唔脆嘅同埋柚子蜜落得都幾多。味道可以。哩個價錢5隻算係咁。餐飲包咖啡或茶。一般諗住寫茶即係檸水檸茶或者奶茶都應該有。我叫奶茶話無喎。咁檸水。小姐姐又好猶疑。咁我唔知我可以叫咩就問。原來係無糖綠茶。咁 不如你一早話我知其實我無咩所謂lol然後中午窗口位會越來越曬。如果係客人進入時未曬到個位但明知之後會好曬。提一句窗邊位會比較曬其實會貼心啲。又唔洗之後要調位又要上晒菜再搬嚟搬去咁。預祝新一年生意興隆。越做越好。

早排見朋友喺社交平台分享左幾張相，見到啲食物好靚，特別係富士山嗰個啲飯，對於而家冇得去旅行又掛住日本嘅人來講係好吸引。所以決定你打下卡📸點左杯朱古力，隻豬仔係幾得意但係呢隻豬仔棉花糖其實幾難食🤭但係杯朱古力OK嘅去到梗係要點行富士山個飯啦，原來佢係咖喱飯，同我想像中嘅味道有啲唔同，唔係話好重咖喱味，味道上唔太特別，但係影相真係好靚，放喺中間同朋友影張合照都幾好。上咗Cafe梗係有叫小食，呢啲薯條又係上品。炸得好脆好好食，雖然真係好熱氣，但係我哋好快食晒。我哋另外嗌左個蟹肉飯，呢個就真係好麻麻，每一樣野都唔係太協調我哋食剩好多。至於個雞翼佢覺得都唔夠趣，係有啲失望，但係味道幾好。

😋味道：7.7/10📸打卡：8.5/10🗣服務：8/10🏡環境：8.5/10💵人均：$100-150💰性價比：7.5/10👍🏻推薦度：7.5/10🏃🏻‍♀️回頭率：30% .🏡呢間絕對係啱晒打卡嘅cafe🥰佢有分店 一間叫鳥語 一間叫花香🌸今次就介紹咗鳥語先！餐廳色調偏粉紅 仲有霓虹燈 加埋啲植物真係好靚😍佢有唔同嘅座位 有普通木凳 有梳化 仲有日式嗰種坐地下😆.🗻富士山黑豚肉咖喱飯 $118 (7.5/10)大家嚟都係食呢個打卡🥳咖哩汁好香 唔太辣 較似係日本風味嘅咖哩😌但豚肉偏少 而且較多肥膏😣飯就正正常常 比較軟身 藍色飯其實都一樣味🤣.🍯柚子蜜糖雞翼 $58 (8.3/10)柚子汁同蜜糖好match😋甜甜哋得嚟又好清新✨酸甜平衡得幾好雞翼都好肥美 外皮香脆 肉質嫩滑🤤. 🥪Floomfloom雙式多士 $88 (7/10)佢有兩款多士 分別係牛油果配煙三文魚cream cheese同士多啤梨cream cheese賣相幾好睇 又紅又綠咁😆但誤會左 以為有三文魚 點知係cream cheese 唔多三文魚味🥺士多啤梨較酸 影響整體感覺🥲多士還好 外脆內軟.🐼呢間cafe好少女心

入面嘅裝修簡單舒服✨左邊有啲位係日式個種塌塌米，其他就係坐櫈嘅位坐低即刻叫D賣相特別嘅菜式！富士山黑豚肉飯沖繩taco飯三重朱古力香蕉smoothie Hot marshmallow drink全部睇得又好食，份量仲好飽肚😋不過侍應態度就一般🙈見到餐廳入面有一班女仔嘅fds、情侶、一家大細，真係幾適合唔同嘅人去食😁😋

今日去左大名鼎鼎、有好多好西食嘅厚福街入面嘅鳥語 Floom Floom，富士山黑豚肉咖哩飯，打卡影相就好靚，但味道一般，咖哩味好淡，汁唔夠、飯太多，而身為一個中意食青醬嘅人，依個柏士圖青醬雪糕海鮮意大利麵都令我有少少失望，意炒嘅汁一定係太淡，而且青醬唔夠味，太多cream，加埋個雪糕筒，整體有啲唔夾，最後我都點左一杯熱朱古力，面頭有一粒狗仔綿花糖，味道不怎麼樣，略甜，但狗仔綿花糖好可愛，依間餐廳嘅食物打卡影相係幾靚嘅，不過你問我下次會唔會再去食野，我就不了。富士山黑豚肉咖哩飯 $118Fujiyama Curry Kurobuta Pork Rice柏士圖青醬雪糕海鮮意大利麵 $138Pesto Floom Floom Seafood Pasta熱朱古力 $45Hot Chocolate

同朋友係TST偶遇, 即興去飲杯野~本來都係碰碰運氣, 點知真係有位!!!因為有一顆想打卡的心所以叫左hazelnut chocolate with floating marshmallow 甜甜的榛子, 我下次都係飲番原味朱古力啦LOL小食叫左薯條配雙色醬(牛油果,松露蛋黃) 個薯有味粉, 幾有誠意, 份量又多, 我地食哂d醬都未食完個薯條lol又碰碰運氣問下點知真係幫我地FILL多ROUND醬!好開心突然覺得58蚊好抵食下次去花香試下先!!!

星期日想搵個chill既地方食lunch, 一諗就諗起尖沙咀既"鳥語"之前已經打去訂定枱, staff安排左我地坐大窗sofa位富士山黑豚肉咖喱飯賣相一流, 味道都唔錯, 係日式偏甜既咖哩富士山飯有少少糯米既口感, 食完真係會有飽肚感, haha沖繩taco飯脆片加牛油果, 口味出奇地夾仲有沙律加埋一齊食, 完全唔會有膩既感覺, 呢個好快咁俾我地食完, 推介!!炸蘑菇薯條蘑菇大大塊, 有滿足感今次稍為整得鹹左少少, 可能重手左但都唔會好油, 好食既黑糖紅棗茶呢杯有D驚喜, 以為黎到要俾佢焗一陣先會出味, 一開始會味偏淡但原來一飲落就好夠味, 甜甜地又幾香伯爵Latte呢杯就反而冇咩伯爵茶味, 可能落得太多奶既緣故總體食得好開心, 環境舒服, 野食賣相都令令我地正午坐窗邊有D熱, 同staff講佢地都會幫我地開大個冷氣, nice~

同朋友出街梗係揀間可以影到靚相嘅cafe 啦所以就搵左呢間好似食得又影得嘅餐廳，我地兩個人就叫左一個富士山黑豚肉咖哩飯同柏士圖青醬雪糕海鮮意大利麵。個人認為咖哩飯好食過意粉，咖哩有啲似沙爹王嘅白咖哩比較重香茅味道，但肉真係偏少。雖然飯係藍色，都其實只係普通飯嘅味道。另外意粉方面，雪糕球其實就係cream cheese ，雪糕筒似超市買到果啲唔脆嘅雪糕筒，將cream cheese 攪勻就可以食，食落cream 味好濃，但無咩青醬味，偏膩。海鮮唔會過老，意粉偏向食佢個樣多過佢個味，個人推薦富士山咖哩飯，意粉要睇自己對於cream 嘅喜愛程度。