鳳城美食 (已結業)

今日黎食lunch, 等左一陣伙記安排位比我地，都預左係坐出面街位，但今日真係好多人！坐低左成10分鐘都未有人得閒落單，未有人得閒執頭先啲人既碗碟！仲有勁多人叫外賣！伙記個樣仲有啲唔耐煩！但我見到佢好忙既時候都不忘係度飲啤酒！不過黎得呢啲街邊都唔預佢有咩高質！至在佢啲粉麵飯抵食！上次試左個牛腩河，今日就試個牛丸米！好采食物上得好快！如果唔係就遲到返公司！佢個牛丸稱係手打！果然係同平時啲牛丸有分別！咬落去係特別爽口，而且有一陣味係平時啲牛丸冇架！一食就知唔係粉整出黎！仲要有5粒大大粒！米粉份量好多！$30真係好抵食！

午膳時間有點私事要辦，隨便選了一間粉麵店快食。雖說不能對一般街坊粉麵店的裝潢有甚麼要求，但也不用背貼背這樣擺位吧！一碗牛腩墨丸河，牛腩不算十分腍，但仍在合理範圍，而肉香則頗濃，份量足夠。墨丸彈度一般，墨魚味道對辦。至於魚蛋魚餃河，魚蛋魚餃加在一起亦只有五粒，在大碗中顯得很少。魚蛋和墨丸一樣，不見得很彈牙，魚餃亦無乜特別。腐乳通菜選材嫩度 OK ，但多吃腐乳始終略重口味，建議分開上處理上可彈性一點。

已經來過數次食晏佢D 牛雜真係好味, 係堅好味果隻仲要係金錢肚喎潮興D 牛雜同佢差好遠午時牛雜飯連魚片湯+凍飲 $44 算合理但係.... 真係坐得好迫好迫呀有時一張圓既摺枱, 佢可以安排成六個人一齊 -__-!唉, 唔係睇在D 牛雜份上, 都唔會來不過最多都只係可以間唔中來下, 因為實在坐得太迫了

Thanks to Jamel or I would not have known about this grubby restaurant.I have walked past it so many times but it is always crowded with people that I did not bother to look.Anyway, they specialize in noodles but most people order the pork chops with egg.While I was sitting there, one of the tables got bird droppings on them because they were sitting beneath a tree.Ordered spam and egg which came with soup and a drink.★☆★☆★☆★☆★☆★☆★☆★☆★☆★soup:It was quite nice getting the fish soup that they serv

這裡是一間毫不起眼的小店，但每天接近一時正就有大量食客聚集。更有大量枱放在食肆門口，連對面鋪也不放過！究竟是何方神聖？於是我去探討一下吧！這裡除有潮州粉麵(單併$24)外，也會供應飯餐($39)包魚片湯一碗、熱飲或可以＋$1把熱飲轉支裝大可樂。通常這些粉麵都是靠飲品賺錢，有一次我想要魚片河加可樂。阿姐即時提到另一方案：「片頭河廿四蚊加細可樂都要加八蚊喎，加埋都三十二蚊但係無咩嘢食。你一係要飯餐，一樣有魚片食架！四十蚊有牛腩或者餐蛋，多好多嘢食喎！你要粉麵就唔好飲嘢喇，唔抵喎！」可見其生意手法也相當老實。除了點了飯餐，他們從來不會主動問客人是否需要飲品。我已經來過數次，今次又把食評合併了。片頭河：其中一個人氣食品，輕食之選。湯底挺清淡，份量足夠，有一點魚的味道（當然有中等的味精）片頭很爽和彈牙。河粉沒有驚喜，正正常常。牛腩飯餐：魚片湯有味精但人口算清淡，魚味也可以。（我想這該是片頭河的湯來的嗎？不再重複了！）牛腩約有七至八小塊，那牛味當然不可和主攻牛腩的店子比較，這實在不太公平了！牛味不是太濃，也不太腍，但絕對收貨的！可樂亦雪得夠凍！當阿姐發現點了的食品未到時，大家沒有問她，阿姐都會說：

汕頭街在一百年前, 未有莊士敦道電車路之前, 是碼頭和倉庫, 當時運貨到南中國的有名碼頭.這店外表是一間賣魚蛋粉店, 實際也是一間賣魚蛋粉的店, 絕非攪爛Gag, 其中最特別的是, 這店表面只供應魚蛋粉, 但也供應餐牌上沒有寫的煎蛋豬排飯, 白飯以魚蛋粉的大碗裝上, 豬排是即叫即生炸的, 熱爆燙口, 再放兩隻煎蛋鋪面, 煎蛋半生熟, 微微脆邊和漏黃, 加點甜醬油, 攪爛後混入白飯, 人間極品. 同場加送魚蛋菜湯一碗, 兩片魚蛋, 彈口爽滑, 生菜尚算新鮮, 味精水就不提也吧. 連一杯奶茶, 收三十五, 午餐優惠之選.

If you're on a budget and want something simple/down-to-earth, then give this place a try. Definitely one of the better mom and pop shops in HK Not really sure what's so "chiu chow" about this place, maybe I need to come back and try some other things on their menusalty fish soup, but eh, it was complimentary with my rice meal so not gonna complain YUMMY! It's not that I'm easy to please, but sometimes it's the simple things that make life so awesome! Hot dogs... luncheon meat... egggg... the

行到身水身汗, 去到灣仔汕頭街一屈頭巷, 二話不說, 未坐低, 己先叫啤酒, 亞姐話冇酒買, 大失所望之余, 已有兩杯冰凍啤酒放在檯上, 原來是隔離檯的人客無私奉獻, 在小店內就是永遠充斥著人情味!因位處屈頭巷, 所以可以擺放幾張摺抬於門口, 除了方便食煙人仕, 更方便了我等喜歡坐街邊的, 加上隔離檯熱情款待, 把酒言歡, 食物己變得次要了!被這大門鱔海報吸引住熱刺刺的魚片弄得玻璃也濛了魚蛋粉,魚片鬆化, 湯底麻麻, 勝在環境氣氛搭夠

行過這間店外, 看到擺明是食魚蛋粉, 但見有幾位男士食緊碗豬排飯, 幾好樣噃(係碗飯, 唔係個男士), 二話不說便入內坐下, 原來是煎蛋豬排飯午餐, 還有一碗湯和飲品, 叫了奶茶, 湯不是老火湯, 而是菜心魚片湯, 菜心不少噃, 而且軟硬適中, 兩塊魚片, 湯有微微的胡椒味, 不錯吧, 煎蛋豬排飯上枱, 確實無得頂! 兩隻反蛋煎得剛好, 外觀美兼漏黃, 加上豬排炸得金黃色, 加了些少豉油, 實在美味,

落大雨，行到呢到附近，見呢到有位，食個lunch同埋避雨。要碗片頭腩河加個魚皮，夠了。這裡的魚片、魚片頭是不錯的，魚片鬆化，夠香口的，雖然跟山窿謝記還有些距離，不過這裡的也不錯。牛腩頂上有少少軟膠質，食落夠爽脆，河粉薄身的，整體是不錯。炸魚皮入口香脆，阿姐好醒目跟碗湯上，跟湯食，更美味。$21蚊片頭腩河$10蚊炸魚皮，不錯的。

雖然鳳城係麵舖, 不過次次黎都係食飯, 因為佢既豬扒飯實在好味, 久唔久好掛住又會去食一次. 佢既豬扒鬆鬆軟軟, 大大件仲有兩隻蛋, 唔怕生記得叫太陽蛋, 蛋汁加上d飯very good. 不過豉油有時多左d. 最貼心既係佢地跟飯會送一碗湯, 有幾條菜同兩塊魚片, 都幾爽口, 送飯啱啱好. 個餐唔要飲野可以要菜, 女仔怕肥最啱.除左豬扒飯蘿蔔牛腩都好味, 牛腩有筋唔肥, 沙爹牛肉都ok, 不過幾辣吓, 都係豬扒蛋最好.

是日到灣仔交收文件, 我既late lunch, 選擇了這平時令到成條汕頭街坐滿哂人既食店食. 近3點了, 出面街邊檯已經收剩3、4張, 主要是為了煙民顧客而設. 但一入到內堂地方, 雅座位座無虛席, 我只能坐在其中一張圓既位, 算是不迫了, 因為只4個人 share 張檯 (檯擺了6張凳).這裡好食的, 好似是魚蛋粉麵, 不過, 一早忙到呢個鐘數, 係非常之肚餓的. 看看有什麼飯食. 就試下其豬扒飯啦. 果然是主打魚蛋的店, 飯餐包一個湯, 而那個湯, 並非什麼老火湯, 而是魚片湯一碗. 問唔中清清地一個湯, 都唔錯既. 味道都是一貫帶有胡椒味的湯. 魚片呢, 就非常之靚. 皮不韌之餘 魚片肉身打得非常之滑, 魚味好重. 果然有料子.飯, 遲遲才來, 上海式肉排的整法, 再加上蛋同豉油. 蛋可惜的有點熟過龍, 而豬扒, 則未見入味, 而且比較乾. 飯就淋. 勉勉強強都叫做OK既一個飯. 相個吸引人來, 搞到中午要坐街邊既, 應該不是飯, 是麵同魚蛋吸引instead.

自小鍾意食魚，魚旦當然不會放過。食魚一定要新鮮，見佢地日日都打魚旦，知道一定無錯。魚旦 - 很彈牙，有魚香。食的時候就覺得很幸福呢。十幾蚊有7粒魚旦同魚片，好抵呀!豬扒蛋飯 - 平時不大好豬扒，但炸過的豬扒很香... 真係食不停。雲吞很大粒呢... 不過都係首選中環沾仔記 牛腩牛什，都很香。十幾蚊食碗粉有咁大碗，仲要係灣仔，實在是抗通脹首選。不過午飯時間實在實在很多人呢.... 下午茶包包個菜或飲品，都係十幾蚊!

又是另一灣仔區食肆一定多人的明證，一到飯市，這裡的客人就坐到一街都係，相當墟埳的。自己要眼明手快，找了個位子坐下，揚手叫阿姐來執檯，連隨就要落單，如不是，際此形勢，也不知何時才有得吃。瞄一瞄餐牌已經要作決定，就要了個招牌四寶伊。都等左一等，催左一催至有得吃。湯多，料少，伊麵更不見影，賣相很一般。四寶乃魚蛋/魚片、魚餃、魚札、肉丸等，最好吃的是魚蛋，夠鬆軟又有魚肉香，魚片亦然。魚餃魚札也不錯，感覺上，這間潮式麵店的功夫是紮實的。肉丸就差一點，吃起來很實，咬得牙軟，要多兩粒魚蛋好過；湯底不錯，是個淡味的骨湯底，當然是有一點味精，但情況還可以；伊麵雖然結成一團的，但吃起幾有咬口，不會過腍，淥的時間剛剛好。伙記很忙碌，叫得停才有服務。又我要了「多青」，伙記也認真的回應「得！得！得！」，但結果是否多青，大家看圖再自行判斷。埋單25蚊，看樣子，牛腩及牛雜也不錯，就算是腸仔雞翼飯也比這個「招牌」菜吸引，下次來要試試其他的。