鳳城酒家 (已結業)

來鳳城想食點心，但忽然見到有片皮鴨，那就點了半隻鴨了。師傅是在我們面前片鴨皮的，三兩下就片出了鴨片，鴨不算太肥，但鴨皮烤得很香脆，鴨味也不錯。配料有青瓜，葱，醬，用餅皮包著一起吃，味道很好呢！！

上星期五約左舊同學食生日飯，朋友話鳳城的蝦多士好好味，我都係第一次嚟呢度食晚飯，係openrice度睇定食咩好先，我地五個人叫左：生炒排骨好味喎，唔會太肥，好香呀!排骨大細適中，唔會有根，醬汁酸酸甜甜好開胃!海浙海浙几爽口，唔會整到碎晒，good!下面有些青瓜絲，切到好幼身好味!片皮鴨我們還叫左半隻片皮鴨添呀，係我們面前即刻片，包些青瓜，葱，醬包住一齊食，好好美呀!隻鴨唔會好肥，正呀！鳳城小炒皇這個係朋友睇到個圖好想試，所以就叫嚟試下，原來几多料的，有韮菜花，蝦干同炸芋頭片，好味，尤其芋頭片，好脆及香口，蝦干都好香白灼菜芯普普通通啦!鳳城特式炒飯這個飯好多料，好味，炒得好乾身，仲要好大碟好多的，我地好飽都食唔晒！甜品叫左好出名的蓮蓉焗奶黃布甸同高力豆沙，細的蓮蓉焗奶黃布甸原來都好大盤架！我以為好漏添，原來只係得好少蓮蓉的，好味呀!好香奶皇味又唔會好漏，正呀!高力豆沙軟綿綿都好好食！

呢間酒樓個feel 幾正,加上d服務員有親切既笑容,感覺很好....之後幫我們落單既服務員好有耐性介紹吾同既招牌菜同菜式比我地選擇.....我地左選又選....左改又改....佢都比左吾小意見.....不會有一d 吾耐煩既感覺,仲有講有笑.....今餐最好味既係"片皮鴨".....有師傅係我地面前片鴨皮,三兩下就片出了脆皮鴨片,鴨皮烤得很香很脆,用餅皮包著蔥花&甜醬吃,真係齒頰留香~!!勁好味^^

一向都鐘意食鳳城嘅炸子雞, 蝦多士同西米局布甸.試過去禮頓道, 北角同黃埔都好好食, 服務亦冇問題. 點知昨晚因為陪左呀囝去尖沙咀, 所以就去左尖東南洋中心店. 呢間有做日本團, 又竟然又係全聚德. 兩張menu一齊比晒你. 由於訂位時已預留細西米布甸, 所以只叫了一隻炸子雞, 一碟招牌炒飯同干扁四季豆. 等左20幾分鐘先來碟四季豆, 隔籬枱同我地同步點菜, 人地成枱都係嘢. 於是便追問, 個waitress攞張單望下, 目無表情,又冇話同我跟. 隔一會再問男waiter, 佢好少少, 但都仲未來 呀仔已經好肚餓, 於是又再問追, 提佢人地隔籬枱都食左一半, 有個waitress竟然答我炸子雞係要半個鐘, 我老公好興話即刻走, 出去食麥記冇咁嬲. 係呢個時候, 碟招牌炒飯終於來. 個飯有好多唔知蠶豆/毛豆, 我仔有蠶豆病, 即刻問個waitress, 佢話係青豆. 我話唔係青豆, 你問清楚厨房, 我仔有蠶豆病. 佢黑晒面咁走開, 然後轉頭話係毛豆. (極嬲) 當然炸子雞仲要等. 咕唔到隻炸子雞又鞋又冇味, 連呀仔都唔食, 炒鈑完全冇水準, 老公即刻cancel個布甸走人, 是日老公係

在公在私也經常有機會到鳳城飲茶食飯，之前寫過禮頓、銅鑼灣、黃埔、荃灣等分店的食評，今次就輪到尖東這一家。來到鳳城，點菜這粗重功夫當然不用我做了，靜靜坐低等食好了。來了些點心、幾款涼菜，還有甜品，多豐富。兩條友食，一定捧腹而回。蒸類點心，先不論味道，起碼溫度足，上檯時有煙冒出，感覺新鮮。蒸排骨，肉質不算鮮，好彩也不是雪得死實實；棉花雞，魚肚唔靚，但雞肉尚算嫩滑，還有一粒我喜歡吃的蟹柳；灌湯餃是鳳城其中一樣招牌菜色，但未知是否因為在做特價，水準不及以前。雖然上湯是藏於餃內，幾豐盈，亦夠熱，皮卻偏厚，餡料也有點令人失望。另外，也點了腸粉，是荳荳叉燒腸。腸粉皮同樣是略厚，好在仍夠滑，荳荳原來即是粟米粒，再加上爽口既叉燒粒，中規中矩吧；還有蘿蔔絲酥餅，外層千絲酥香口，裡頭是熱得燙口的，滿意。涼菜則有黃瓜，是刀切而不是手拍的，勝在爽口，大熱天時吃這味，感覺清爽；鹵水鴨下巴是我最欣賞的，下巴位連鴨舌，肉質相當嫩滑，又入味，用手拿著吃，真的好食，佐酒更是一流。誇張的我們，飲茶都要點兩款甜品，還要是拔絲香蕉及高力豆沙，鄰檯客人看見也覺得驚訝。其實，兩款甜品均做得出色，前者的拔絲效果做得很好，既香甜亦軟糯

訂位時, 訂埋蟹鉗, 同問左dbs, 單點有八五折遲左半個鐘去酒家, 初初仲驚會無位, 因為openrice的食評話鳳城的食物非常好, 平日都好爆, 訂左位都要等半個鐘, 所以都諗應該無去錯掛. 但一生人第一次食飯食到一肚氣.去到睇到連埋我地得三枱客, 心諗經濟真係咁差.?開始落單前問女侍應, 全部都八五折? 佢答係呀.1, 早一日訂的蟹鉗@48/隻, 超好味, 都係因為佢而去.2, ,鍋貼大蝦(蝦多士)一人一隻@12/隻, 加埋沙律醬又係好好味, 3,鳳城炒飯, 都ok, ,@88 不過個menue, 第一頁寫98, 中間又寫88, 問同一女侍應有乜唔同, 佢話一樣. 食完呢三樣, 傾下偈, 等左成半個鐘, 叫左的啫啫菜煲同炸子雞(半隻),都未來, 問一問女侍應佢話好快再等多幾個字, 問女侍應, 佢話我無落單, 我地四個都嚇一嚇, 係佢落單架0咼, ok, 你話無, 又話好快, 咁再等4, 啫啫通菜煲,,@68 幾好食, 普通炒通菜味. 個啫啫煲有少少無聊5, 炸子雞(半隻, 超少, 不過都好好味.6, 北京豬肉餃子(10隻, ok7, 高力蛋白豆沙(4粒) , 好味酸菜:@15

所有都比較鹹，蝦餃好大粒，不過皮好厚，腸粉蝦都唔新鮮，腸粉皮超厚！烤鴨好多肉，都幾好味。碟炒雜菜超鹹！Bad List...下次唔會再食啦！

今天和一眾友人去尖東鳳城食飯；叫部長寫幾個鳳城特色小菜，完全老點。所有食物水準完全不合格，唔知廚房師傅係咪掛住賭馬？所有菜式都偏咸，連西米布甸都偏甜；最慘就係食個芝士焗龍蝦，芝士味重到嘔，遠比係禮頓鳳城所食既一餐全部鳳城特色小菜，天與地比。我以後都唔會再去尖東鳳城酒家！

要招待一眾親友，訂了一張17人大。真開心，又可發揮我任點本色。當然不少得是鳳城名菜，有桂魚卷、大良炒鮮奶、野雞卷、窩貼明蝦、鴿鬆生菜包、蒸/炸粉、鳳城炒飯、西米布甸......以上菜食在各間鳳城已食過無數次，食評亦寫過，但今次要招待外地親友，例牌上要食一些中國的特色菜。野雞卷經油炸過，當然非常油膩。窩貼明蝦的多士底鬆化香口。炒鮮奶不夠軟滑，而且欠缺奶香。桂魚卷-是我較欣賞，魚肉結實。鳳城炒飯材料十足，部長說是較特別的，其他地方食不到，我就認為與楊州炒飯差不多。甜品的西米布甸是多家鳳城中水準較差的一間，蛋香、牛油香及蓮蓉香以上三香也欠奉，而且內裡有點不夠熟透感覺。另外再叫了幾款家常菜式，有砂鍋雲吞雞、生菜豆腐鯪魚球煲、炒桂花翅、咕嚕肉、薑汁芥蘭、豉椒鱔球、八寶鴨......食過多間鳳城的咕嚕肉是非常有水準，但這裡是非常失敗，味道過甜，炸得不夠脆，豬肉是腍腍霉霉的，完全沒有口感。薑汁芥蘭欠缺薑汁的惹味，但芥蘭爽嫩。八寶鴨是談論的對象，大家數有蓮子、粟子、糯米......，好像欠缺了鹹蛋黃，但仍然香味濃烈，鴨肉酥香，還有大大粿的嫩綠生菜作周邊點綴。幸好大家對菜式尚算滿意，只可惜服務一環就不能

佢地午市有半價..好低食!!份量同質數都算ok琴日我上午去食完..而家新整左自助餐..食物種類都唔ok..仲有片皮鴨食..值回票價..!!平時二百蚊幾一隻..而家任食..仲有個呀姐幫你包!是次消費:大約70$

諗住去試吓啲舊式點心，所以昨日專登去食午餐，不過後尾見到佢有啲午巿套餐都幾抵食，所以叫咗一個６人套餐．嗰餐$248：包括有６個點心，一個三式拼盤，半隻片皮鴨，一個炒拉麵，一個咸肉炒津白，一個桂花糕．啲碟頭都好大碟，唯一唔好就係啲點心只有１０式，選擇唔係太多．服務方面，可能待應比較小，所以有時要叫多幾聲先有人彩你．