鳳鳴居

营业中

休息中

呢間餐廳係朋友推介 睇落平平無奇 一食不得了我食開蟲草花米線 湯底好正 感覺無乜味精好好飲 我係會飲好多 而且唔口渴 d 雞配佢個辣椒豉油好正 小食都不錯 特別係蜂巢春卷 幾十蚊有甘既質素 我覺得無野可以挑剔拉

外賣自取雞完全無特別，同街市買果啲唔乜分別......牛腩瘦過出面無啖好食嘅流浪狗......白米飯可唔可以換個品質？硬得黎無飯味，白飯都可以咁難食？！特登出去買個外賣，無一樣可以食得落口，唔想浪費，硬食，食完仲唔飽，仲要再煮麵食，真係好孬！

山長水遠嚟到上水，梗係想試吓啲好嘢啦🥶喺朋友強烈推薦下，我哋去咗間專食雞湯米線嘅餐廳——鳳嗚居🐥🐥醉香雞湯米線 ($48)碗米一擺上枱面，浸浸花雕酒味已經撲鼻而來🥶首先試下個湯底，果然冇令我失望😝個醉香雞湯好濃好足料，好似倒咗成支花雕酒落去咁濃🥃雖然有雞，但湯底都唔算好油，所以一路食就會忍唔住一路飲🤗呢個價錢嘅雞件就一定唔係新鮮雞，但口感都算嫩滑，唔柴🤤而且每碗米線都會等一碟自家製辣椒豉油，用嚟沾雞食一流🥰米線口感彈牙，索哂啲湯汁👍🏻配菜仲有紅棗、雲耳，幾足料🤩🐥黃金魚皮 ($38)原本想點春卷，但嗰日兩點幾已經售罄🥲所以最後轉左點黃金魚皮🐟即叫即炸，賣相唔錯🥶熱辣辣口感好脆口，炸完都有索哂啲油先上碟👍🏻但唯一挑剔嘅地方係鹹蛋黃味較淡，食落同普通炸魚皮冇乜好大分別，建議加多啲鹹蛋黃令整體感覺更加惹味🤩整體質素好唔錯，好適合近排咁凍嘅天氣食👍🏻熱辣辣十分暖胃，而且好抵食💛會再訪試其他湯底😚

見到咁多人都推薦呢度嘅醉香雞湯米線，以為一定穩陣，點知伏到🙊🙊個湯不單止無酒香而且甜得好奇怪！個湯不單止無酒香而且甜得好奇怪！個湯不單止無酒香而且甜得好奇怪！因為個甜味實在太衝擊所以要講三次🤮佢嗰種甜並唔係鮮甜而係死甜，一碗甜到糖水咁嘅米線粉碎咗我三觀。點解咁多人會話好食㗎？我嚴重懷疑讚好嘅人係抱住咁伏嘅食物不能只有我吃到嘅心情去讚😂未食過嘅朋友請相信我，個醉香雞湯真係好伏！BTW芫荽雞湯米線相比之下叫正常啲，因為係鹹嘅。但如果淨係飲個湯，我覺得太鹹，鹹到覺得虐待緊自己個腎。

黎到上水食野，行到天平邨附近，見到呢間麵店好多人等外賣，雖然要等位，都決定要試一試首先要讚既係店裡面的麵出到黎真係同餐牌既圖一樣😆😆😆點左一碗花膠雞湯麵同埋醉香雞湯麵，兩碗麵的質素非常之高，真係十個讚花膠雞湯麵雖然唔平，但物超所值👍🏻好有驚喜，雞湯味好濃郁，咸味適中，啲雞勁滑溜，揀左油麵。另一碗醉香雞湯麵，雞一樣滑溜，但醉雞湯味道偏甜，配上油麵感覺怪怪的，所以我個人不太推薦，但不排除有人鐘意呢種味道

又去試醉雞嘅粉麵店。今次嚟到上水呢一間鳳鳴居。舖頭出邊條人龍真係源源不絕，買外賣嘅人仲多過食堂食嘅人。個名就改得好有特色啦，但係內在嘅環境呢就好似茶餐廳咁樣，比較狹窄。呢度嘅粉面都有好多選擇，可以食蟲草花雞湯面、花膠雞湯面、又有車仔麵湯底，仲有喇沙、麻辣風味添。不過既然佢主打醉湯底，今次就叫咗一個醉香雞湯米線！第一啖入口已經覺得自己醉醉地（講笑），但個酒味都真係幾濃，同時都兼帶左小小藥材味！連醉雞件都好入味！不過佢嘅米線煮得有少少過龍，所以發脹左而且比較淋身。

近排天氣凍凍地，之前食過一間位於上水嘅醉雞面小店-鳳鳴居，所以我地今晚就決定再去食！之前食過蟲草花雞湯米線，個湯底好清甜👍今次我哋兩個人都叫咗醉香雞湯米線，另外再叫咗個辣椒油爽脆鵝腸。醉雞米線好足料雞件份量多又好滑，湯底係好濃郁嘅酒香味，飲得多都覺得醉醉地，醉雞湯底可以話係重口味...湯底偏甜同酒味偏濃嘅....但冬天食完真係暖粒粒呢！個鵝腸就普通，食落冇咩特別。另外一提，爆丸最好成粒食，因為你咬一半佢啲肉汁真係會射出嚟，射到朋友什至對面枱就唔好啦🙈整體黎講野食質素唔錯，價錢好親民，下次會再試下佢其他湯底米線！

近排天氣開始乾燥，想食啲養生啲嘅野食，記得朋友話過「鳳鳴居」嘅醉雞麵唔錯，去開上水諗住快快地食餐飯，就決定去試下！🐔醉香雞湯米線（$48）一嚟就聞到酒香，飲落滋潤暖胃，加上有紅棗同埋木耳，食落就更加養生，而且食完亦唔覺得口渴，雞湯一流👍👍👍一碗差不多有6件雞件，不同部位都有啲，好似係雞胸、雞髀、雞鎚咁，都算大大件，雞肉就正正常常、冇咩特別，建議大家食嘅時候點一點個辣椒豉油，加少少辣味提升層次🌶

為之驚豔既湯底🍜/The soup base is really out of my expectation. The drunken chicken soup is so so sweet, and at the same time the strong soup base (wine flavor) is not just kidding./ 🥃之前已經知道呢間好出名醉香雞湯十年唔上一次水 今次一上水 一定要黎試下啦🤣同朋友各嗌左一個湯底配油麵試下😎喇沙雞湯麵($48) 市面上比較少見喇沙雞湯底配油麵又幾夾 油麵掛湯吸收左喇沙湯味 仲有少少椰香味🥥 但相比起某啲東南亞餐廳 呢道既喇沙湯底唔算好濃好辣 算係微辣 平時唔太食得辣嘅人都可以食到 一路食落 覺得幾開胃😋醉香雞湯麵($48)酒味好濃 真係好濃 要講兩次可想而之係幾濃(三次啦)🤣仲有好甜 成個湯底非常之真材實料🥳伴隨住湯同雞嘅係 黑木耳同紅棗成個感覺非常養生健康💪雞肉嫩滑 唔鞋 份量亦都好多 即炸爆漿肉丸($30)想睇下點爆漿法 就試下嗌呢個肉丸啦好重豬肉味 咬到中間真係爆汁🤩所以要小心辣到個嘴 點埋啲甜酸醬食好味😍總之覺得呢

難得入黎上水，特登搵定有咩好食，鎖定左呢間米線，黎到同想像中一樣人頭湧湧，排左一陣先入座。醉香雞湯麵 ($48)二話不說叫左招牌米線，但估唔到有朝一日我係會嫌d野食太足料。 其實平時比較少食酒香類既野，最多食上海野會叫醉雞，所以湯底一入口我嫌佢太醉喇，直頭好似將醉雞汁直接做湯底咁，平時唔飲酒既我表示太濃。 但要讚d雞件真係好新鮮，似乎每個人都肯定會分到脾位，嫩滑有雞味，叫埋辣椒豉油好正。 可惜我真係叫錯左個唔岩口味既湯底，但以呢個水平我會再黎多次，叫其他款既雞湯麵。蘿蔔清湯腩麵 ($49)呢個清湯底反而好岩我口味，清淡得黎帶點豬骨湯既濃郁，所以其實我係搶左呢碗麵黎食。  牛腩大大塊好足料，分到既位唔算好靚但都腍滑，蘿蔔清甜冇渣。瑞士雞翼好入味，春卷新鮮炸起唔油膩，點埋喼汁好開胃，好滿足既一餐。

上水舊墟附近好多好食嘅特色小店呢間黃店好早之前就已經表哂態💛長期門口都好多人排隊就算撇開顏色分類呢間嘅醉雞湯底都係做得十分出色！-首先湯底酒味好香 好夠濃可以飲晒成碗湯最出色嘅係啲雞全部都係大大舊雞肉好嫩滑咁大舊但係一啲都唔鞋配埋木耳 紅棗等 再點埋個佢俾既辣椒豉油每一啖都好滿足呢個醉雞湯米線真係每次必嗌～我哋仲嗌左啲小食鵝腸好夠味 蒜蓉雞翼尖都好夠辣整體嚟講 呢間嘅米線同小食都好好食唔係住呢度附近既 都值得特登入嚟試下非常推介-整體評分：4.5/5

5星為最伏我會比5星、減分制我會比0分、加分制我會比10分, 5分因為鵝腸還算唔錯, 不過切太碎而且好Q多芽菜係到扮大兜, 5分比炸魚皮, 不過如果炸魚皮可以難食其實可以汁_左佢.留意返上面我淨係有提OK食得落嘅部份. 難食嘅部份原本廢事打, 但因為要200字先可以評咁我冇計. 口水雞啲汁食落完全係酸宿壓臭味, 雞雖滑但浸雞都唔滑間餐廳可以汁_左佢.麻辣雞湯面, 冇雞味, 死咸. 下? 你話可能係係辣到食唔出? 我食開川菜, 哩間野啲辣度連百佳開到嘅辛拉面都冇.醉雞湯飯, 酒香唔錯, 但一入口甜_到糖尿病發作, 依加食甜品? 主食啊大佬, 完全唔簡飲擇食嘅我老豆都淨係食左三份一.總言之我地有食到嘅主食大部份都好_難食, 根本完全唔值哩個價.

今日終於有機會去試下喇。今日點左喇沙湯底自選米線，麻辣湯底自選米線，蒜蓉辣辣雞尖同埋鵝腸喇沙湯底味道唔錯，米線口感都good good. 鵝腸夠爽脆。可惜雞尖唔夠蒜香，影響左少少

上水既朋友知我搬左尼北區 叫我一定要試呢間醉雞麵可惜男朋友唔鍾意食醉雞 唯有我自己一條友去試一個人去食就會安排你坐好似自修室咁既位 好似一蘭咁 哈!面壁思過咁 都好既唔洗望住其他人食咁尷尬醉雞米線都幾大碗 一聞已經聞到好香酒味飲落仲好清甜好好飲 絕對係可以成碗湯飲哂既程度米線軟硬適中 每啖米線連埋湯一齊食真心正雞件有好多 不過略嫌唔係好入味 同埋有少少鞋不過點埋佢比既辣豉油就幾好味本來想試黃金炸魚皮，但佢比錯左魚片頭我不過我都算，照食 當有個遺憾 比個藉口自己下次再尼下次一定要試埋麻辣同喇沙湯底！

上水人氣💛店，主打以🐓雞為主嘅麵館，區內無人不曉，任何時間都需要等位，而家疫情期間仲更加要等😌———————————————————————————🍜蟲草花雞湯米粉💬 雞嘅份量都頗多，但好似味道比較淡，要蘸辣椒🌶️豉油嚟食，湯底亦都可以再濃啲，如有蔥花提供更好🤔.🍜醉香雞湯米線💬醉香呢款係即叫即製，比較熱，出晒煙，而且好濃郁嘅🍶酒香味，如果冬天食會更加窩心😌.🥢辣椒油爽脆鵝腸💬鵝腸堅係爽脆，但實在太碎，淡咗少少🤔