鳳鳴居

营业中

休息中

[ #caloriefoodie上水 ]• 鳳 鳴 居 •位置比較偏遠少少><不過想去影大水管或者係上水踩單車既就bookmark左先😽多謝住粉嶺既朋友介紹💋-🦦醉香雞湯麵 💰$48食落口第一啖已經醉醉地😵講笑🤣🤣好香酒味 略帶少少甜味雞肉都算大舊又唔鞋😗而且份量都幾多 唔洗驚唔夠飽~性價比幾高 遲啲會再去幫襯🤤-📍上水馬會道154號地下-#caloriefoodie #caloriefoodie💛

試左咁多隻湯底，個人認為醉雞湯超正，味道濃郁，有小小酒味，微微帶甜，女士們當補補身不過火氣重唔補得朋友亦可以選擇芫荽湯底一樣咁正， 睇張相以為只係一碗芫茜，但其實佢係碗芫茜雞湯麵，芫茜多到見唔到D麵,食完仲唔下火咩！雞件多肉少骨， 啖啖肉，正！鵝腸好爽依個大三兄弟，有款叫爆炸丸，咬開個陣，唔該坐隔離個位小心D，真係爆出黎， 彈到就唔好意思拉蜂巢春捲，岩岩炸起超熱外脆炸魚皮炸到有D 硬，而且唔係隻隻都有蛋黃

去上水大水管前食個 lunch, 揾到黃店，不過唔理顏色，都係一間值得去的小店☺.🟥黃金魚皮🟧顧明思義鹹蛋黃魚皮，係脆，唔太油，但略嫌蛋黃味唔重唔夠香，呢個普通~.🟨蟲草花雞湯米線🟩一上菜成堆蟲草花😆真材實料又多雞，但雞湯底比較淡，好在伴有辣椒豉油可調味。.✨✨!! 必食推介!! ✨✨🟦醉雞腎🟪一黎到見份量咁小(只有4件) 有 d 突然，但一放入口~驚❗為❗天❗人❗雞腎夠稔夠爽，非常入味，每咬一口都爆出甜甜花雕酒，又唔貴($23) 真係全餐飯最好食的♥念念不忘😍.⬛醉香雞湯飯⬜(太肚餓唔記得影😫)招牌菜一定要試啦！一上菜，花雕味鑽入個鼻，湯底超濃酒味帶淡淡藥材味，加上好多紅棗木耳，所以好香甜。配上飯索哂汁好好味😍(結果蟲草花 d米線我哋都放哂入醉雞湯度食😂) .

來過兩次, 第一次試了醉雞湯麵, 我覺得有少少偏甜。 看到隔離枱的女生吃了芫茜湯麵, 家人下次來的時候立刻點了~ 因為那些芫茜是生放上去的, 家人說芫茜的梗有少少硬, 但係整碗湯麵都很香。 而我在第二次吃的時候, 試了蟲草花雞湯麵, 我覺得那些湯很好喝, 雞也很滑很好吃~~不過點他們提供的豉油就更好吃, 有少少辣椒辣辣地很好味! 唯一有少少意見, 就是音樂好像大聲了一點... 不過因為是年輕人經營的店~這麼有活力也是正常的呢~~

上水不嬲都係美食荒漠，但如果朋友問我上水有咩好食，我一定會諗起鳳鳴居。特別推介佢地既喇沙！真心出色！👍🏻👍🏻呢度主打唔同湯底或配料既雞麵，麻辣、喇沙、蟲草花等等…如果唔想食雞麵，仲有車仔麵同清湯腩飯等既其他選擇～講返喇沙，平時食麵我真係好少飲湯（除左拉麵），但呢度既喇沙好香好濃郁，多種香料加上椰汁同少少辣，惹味到一個點！😋😋😋麻辣湯雞麵都唔差，雞既份量都幾多，雞肉嫩滑～知道上水比較偏僻，但多左上水至元朗既單車徑，如果踩單車經開上水，不妨黎試試～不過如果黎試，最好預多少少時間等位，事關個人經驗係次次都要等陣位～但值架～😎

其實已經食咗好多次,佢嘅醉雞，蟲草花我都試過，不過最鍾意都係姬松茸🤤我覺得姫松茸嘅味同雞最夾😍佢嘅湯底我每次都會飲，雞又夠多件喎，配埋佢地辣椒豉油真係冇得頂輸，佢哋keep住都好多人食㗎，Lunch一定要喺門口等位，所以我通常都外賣返屋企慢慢嘆😮‍💨

太多人等位啦只好轉外賣，個個都叫醉雞米線就試下佢咩料冇咩酒香味，而且偏甜.醉雞件唔滑，湯係濃的，斬雞唔斷，而且食到碎骨雞件數量係算小，唔夠飽的只係剛好不過食完唔口渴，應該冇味精，可以一戰

久久不能忘懷之黃店鳳鳴居事緣我之前搵fd食個飯好耐冇見佢又住上水我問佢有咩好食佢話跟我嚟唔嚟由自可一嚟不得了個湯有濃濃嘅雞香同足夠嘅藥材味雞滑又再驚喜啲個湯冇味精飲得舒服又再驚喜啲個米線冇過硬又再驚喜啲一路食一路讚話咁快就食完跟住嗰一個月都掛住佢有緣快啲去試！👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

嚟上水探朋友，朋友介紹呢間口碑唔錯，食物質素高，所以試吓鍾意芫荽嘅我，見到有芫荽雞湯麵，二話不說就揀咗一上菜見到滿滿的芫荽鋪滿個碗，估唔到會比咁多仲有佢個雞湯好清甜，冇乜味精，飲落好好味佢啲雞都相當嫩滑，唔肥膩，份量啱啱好

離遠就知道 ‼️係呢間喇😏成堆人喺外面等位等外賣熱鬧到呢🥳💛呢間餐廳主打雞湯米線完全係我杯茶啦大佬🍵🙋🏼‍♀️✨姬松茸雞湯米線✨ $58 🍄好正囉😂我本身好鐘意食菇菌類湯底有好濃郁嘅姬松茸味啊😍成個湯好順喉好清甜連d姬松茸都是甜甜的😋大家見唔見到d雞多到🤣(半隻都尼緊）🐔多得尼仲要好食‼️肉質好滑好嫩😍餐廳仲好貼心跟埋碟辣椒豉油一齊上點雞食又是昇華左🥳✨醉香雞湯米線✨ $50 🍶真係好濃酒香味🤤鐘意醉嘅你一定要試☺️(笑了)因為係生滾雞所以湯底會油少少🤏🏻但成個米線真係吸哂d精華🤩好好食‼️

嚟到上水一定係去鳳鳴居食米線，之前嚟過兩次印象就係平靚正，而今次再奔住醉雞米線而去，一排無食真係有啲掛住。醉香雞湯米線雞湯走滋潤路線，超級甜嘅湯頭，就好似用咗無數粒紅棗去煲咁。反而醉嘅部分酒味就未算好出！雞肉有好多舊，咁啱今日呢碗雞髀又有雞翼又有雞胸又有，平時鍾意食雞髀嘅我就偏愛雞髀部分啦！雞肉方面都好嫩滑，蘸下佢地自家製嘅辣椒豉油就啱啱好啦！米線屬於偏粗身及滑個隻，如果追求口感彈性個種就未必啱啦！我個人嚟講就接受到嘅。另外仲有紅棗同木耳，木耳超大一塊，份量作為配料確實量多，真係好佛心嘅店家。如果木耳都入埋雞湯嘅味道就更佳！對比上一次嚟食嘅喇沙湯，我會投喇沙湯一票，惹味又過癮啲。

呢度既醉雞係我日思夜想！！🥲🥲🥲第二度食唔好，超級香甜好味既湯😍😍😍啲雞十分嫩滑，我最鍾意配飯，因為吸晒啲湯，一啖飲埋，勁醉香☺️☺️響聆都必加！！啲響聆係新鮮脆口，唔會林晒，吸晒啲湯再食，超！！正！！朋友話麻辣同喇沙都係超值得試，第一次食麻辣湯，覺得都正，不過醉雞對我嚟講太吸引啦🥺🥺 呢度啲莞茜都係勁新鮮，鍾意食莞茜既就唔好錯過啦～呢度有好多特飲，今日試左菠蘿青檸蜜😋😋正呀，有啲菠蘿肉。不過我可以少甜😛

今日見好肚餓所以一個人都叫左好多嘢食🤣1️⃣喇沙自選系列！油麵&秘掣腩肉&牛柏葉😋 喇沙湯香濃稠身，配油麵簡直係perfect match☺️，腩肉味道ok，唔覺太特別。2️⃣細三兄弟 (爆丸x2, 墨丸x2, 魚片x2)~配上酸甜醬 味道OK😊鍾意香口液嘅朋友可以試😄3️⃣辣豉油爽脆鵝腸-鵝腸唔多地方有，值得一試👍🏻，但美中不足唔夠肥！如果肥d一定更美味☺

🐔鳳鳴居🍜 醉香雞湯米線本人對醉雞菜式都比較鐘情,所以一見到餐牌有醉雞米線二話不說就點了這款😎果然冇令我失望,碗麵一遞上來陣陣撲鼻的花雕酒香味撲入鼻孔,感覺就似倒了成支花雕酒做湯底,只係聞都已經感到醉意😂但當我飲第一啖湯時,反而沒有想像中甘勁酒味,只飲到甜味同藥材味真係夠哂養生👍 飲完應該好補身💪碗麵第二主角🐔真係夠哂足料,但雞件的質感就真係一般般了本人覺得肉質唔夠滑仲有點"鞋"口的感覺🙈不過整體都可以接受。 米線口感都不錯唔會太硬同太林身處理得剛剛好👍 因為本人食過某D餐廳米線煮唔開似食緊鐵線的感覺。

同朋友由天水圍踩單車，估唔到一踩就踩到去上水！大家餓啦🥺需要大量碳水化合物同蛋白質去提升能量！我哋就揀咗鳳鳴居充一充飢😋💛姫松茸雞湯麵湯底清甜，姫松茸味都算清香，雞肉夠嫩滑💛喇沙雞湯麵喇沙味道夠濃👍🏻而且唔會覺得油膩，入口有啲辣，越飲越過癮！雞肉同樣嫩滑，仲要係原隻雞髀肉，勁開心🥳💛醉香雞湯麵聞到陣陣酒香味，湯底尚算清，可惜味道略甜，有啲失望！雞肉依舊嫩滑，整體都算唔錯！🍹凍菊花薑蜜薑味重，入口有啲辛辣，屬於少甜！🍹凍洛神花酸酸甜甜好開胃，亦都好解渴同止辣