鳳鳴居

营业中

休息中

醉雞專門店真係呢間呢間餐廳主打就係醉雞下午2-3點食 門口都有一堆人係度等緊外賣/堂食醉香雞湯麵個湯係勁濃既醉雞湯 每食一啖都懷疑緊會唔會太多酒精雞都有5-6件 雞有鮮肉 佢個醉雞湯偏甜仲有個醬加辣椒 用黎點雞食 好好味

一段時間會食一次, 好耐以前岩岩開o估陣真係好好食, 門口經常等一個鐘先有位, 唔知係咪餐廳通病, 出佐名之後, 質素就會下降, 上一次食係大約半年前, 已經覺得藥材味淡佐好多。尋日再食醉雞米線, 極失望, 等得又耐, 又唔好食, 一碗米線來講又唔係平, 唔會再幫襯,。

山長水遠黎到依頭🤔緊係黎依間人氣餐廳試下😆同朋友2個人分別嗌左喇沙湯雞同醉香雞湯麵😜😜d雞幾滑👍👍朋友係華僑都話喇沙湯底幾好味😋😋湯底濃而不膩🤤值得再黎食！

今日同朋友一行二人抵達上水搵食。行下行下，都未諗到食咩，就見到鳳嗚居呢到坐無虛席，加上budget岩便決定下坐食米線。朋友點了個姬松茸雞湯米線🍜$58，自己就叫左個醉香雞湯米線。先講湯底，好夠香甜！有紅棗架甜同雞架香味濃郁。份量亦足夠飽肚。但朋友仔就覺得D姬松茸唔係一貫食開架味道，最後都冇食晒D菇喇。至於主角呢，而家講返D雞啦，雞肉都夠滑但有小小位係熟左D，煮耐左少少。醬汁方面，店舖提供一隻甜甜地架醬油加辣椒🌶️，用黎點雞肉都唔錯既！米線🍜就冇咩好講啦 普普通通。今日同朋友一行二人抵達上水搵食。行下行下，都未諗到食咩，就見到鳳嗚居呢到坐無虛席，加上budget岩便決定下坐食米線。朋友點了個姬松茸雞湯米線🍜$58，自己就叫左個醉香雞湯米線。先講湯底，好夠香甜！有紅棗架甜同雞架香味濃郁。份量亦足夠飽肚。但朋友仔就覺得D姬松茸唔係一貫食開架味道，最後都冇食晒D菇喇。

有啲事要去上水處理，平時少機會黎呢邊所以就把握機會去覓食啦揀左鳳鳴居，佢12點開門，我地12點零幾分去到已經坐到7成滿所以未食都知味道一定好我點左醉香雞湯米線，放上檯已經聞到香噴噴既酒香，雞肉份量足，個人幾鍾意佢啲零耳朋友點左喇沙雞米線，試左一啖，都幾香，唔好見個湯咁紅以為會好辣，但唔怕呀～不過比較起上黎我會鍾意醉香雞多啲另外叫左個香卷～夠香口夠脆！個人建議如果大家想去試既話就盡量12點去到，如果唔係就要過左lunch hour先去～

D服務員好似唔想做咁，無禮貌，語氣差，入去食嘢仲要受佢氣，咩道理。做得服務性行業，連基本禮貌都無。仲要當住d客面前講我唔啱，我都係其中一個客，點解入去食嘢都要有咁嘅待遇？！一入去就用手指指去坐邊，行到一半又又話要睇安心出行，要個客由坐位行返出去門口比佢睇。 都唔緊要，但連基本應有嘅態度同禮貌都無，點解仲要比錢喺到食嘢？

位於 上水馬會道154號地下 嘅鳳鳴居， 港鐵站行去10分鐘（有啲遠）。 朋友力推醉雞湯米線。一放低就聞到好香酒味，湯底有紅棗甜味 同雞味，雖然係雞湯，但一D都唔會油淋淋，雞肉無煮過龍，點埋少少辣椒豉油好吊 味。飲晒成碗湯，成個人暖笠笠。😊😊

醉雞湯底個餐比較濃味🤍價錢好合理，不過距離火車站有啲遠大概行10分鐘到 可能要預多少少時間 星期三12點去到 大概等10分鐘有位不過食完之後出嚟就見到大排長龍味道: 🌕🌕🌕 🌕🌖份量: 🌕🌕🌕🌕🌑環境: 🌕🌕🌕🌑🌑服務: 🌕🌕🌕🌕 🌖

呢間餐廳經常係上水都排長龍，已經食過佢多次，真心好好味，非常推介！✨清雞湯麵（$50），蟲華花雞湯麵（$58）&醉香雞湯麵（$50）呢三款都好好味，啲雞好滑嫁！餐廳好有良心唔洗額外加錢都會俾部分雞髀❤️

講咗好耐話要入上水食醉雞麵，今次終於了起心肝北上🤣呢間人氣店，男朋友話成日都好多人等位，今次大約七點鬆啲嚟到，等咗大約15分鐘就有位食🤤🤤好多個麵都好吸引，不過我第一次食，都係揀咗最馳名嘅醉香雞湯米粉 ($50)🐔飲咗一啖湯已經覺得真係好啱我口味😳湯頭除咗好濃嘅醉雞同埋藥膳味，仲甜甜地，相信有一部份係因為紅棗，紅棗去咗核，可以成粒食🤣跟湯仲配咗木耳，啲雞都算好多舊，有唔同部份嘅組合，我覺得雞未算好滑，但都唔會係嚡～點埋個特製辣椒豉油仲正🤤我仲加咗$8有四粒小雲吞，正正常常，幾好食～食食吓發現呢碗麵都真係幾多，去到最後真係幾乎飲哂啲湯😂我哋仲叫咗小食，蜂巢春卷 ($30)炸得好脆，入面係有啲芋頭，味道有啲似酒樓嘅芋角feel～我鍾意芋頭嘅就覺得好好食！另一個小食就係醉雞腎 ($25)，呢個份量就真係唔多，得四粒，不過佢酒味好濃好入味，雞腎亦都唔韌，好食😚最後叫咗杯凍柑桔蜜 ($8)，呢杯好濃好正，酸酸甜甜咁🤤終於如願以償～真係冇令我失望，我覺得排隊都值得嘅👍🏻

行完山，在上水覓食，醉雞湯面，特濃酒香，少飲酒的我，食完整個人都熱辣辣，冬天食了必暖苙苙，雞件滑，價錢公道，餐廳侍應大部份是後生仔，有時哼下歌仔，攪攪氣氛，好彩我們早入場，但臨走時，見門外已好多人排隊👍

鳳鳴居📍上水馬會道154號地下呢間小店係上水我一直都有幫襯開，雞湯米線都唔差架，性價比好高，值得一試～✨醉雞米粉湯底開頭食濃郁藥材味，埋尾酒香依然，配埋雲耳紅棗，用料十足，雞肉好嫩滑，好啱黎緊冬天食～✨蟲草花米線湯底好鮮甜，帶哂啲雞肉既味道出黎，飲落口非常舒服，次次都係叫呢個然後忍唔住飲哂啲湯！

自從有次去完同事屋企打邊爐佢外賣左鳳鳴居既醉雞煲黎做湯底真係一試難忘之後就成日好想過黎試下佢啲米線今日咁岩去開上水一於就去試下——————————醉香雞米線（$50）湯底好濃好甜 但酒味唔算太重 易入口有啲紅棗木耳雞件份量足且無碎骨 食落算嫩滑喇沙雞湯米線（$50）湯頭有淡淡椰香味 頗為濃郁雖然面頭成浸紅油 不過食落唔辣雞既份量依然充足兩碗米線質地食落都係偏軟冧 但仍有咬口 米線黎講唔算出色 不過可以辣豉油爽脆鵝腸（$50）鵝腸都幾多 咬落果然爽彈 如果切得唔好咁碎會更好本身無味 要靠豉油調味另外有啲芽菜係底——————————————本身有諗過要唔要早啲去博佢會早啲開鋪好彩無真係好準時十二點先開門做生意我地食完十二點半出面已經唔少人等緊位星期六日唔想等位既話可能真係要早啲黎喇如果下次再黎上水 都會試下其他口味

📍鳳鳴居📍💡上水我諗住上水既一定食過既醉雞米線🤤諗住假期冇乜人就去食一食米線，點知都等左半個鐘🤣🐥醉雞湯米線淨係個碗一上枱，已經會聞到濃濃既花雕酒，湯底金黃色，一飲係真係唔會令人失望，好足料，又有紅棗雲耳😆真係會令人想成碗飲哂。雞既份量好多，至少有6.7件，雞肉肉質好滑，一d都唔鞋架而且每碗麵都會配上一碟仔辣椒豉油，用黎點雞食都好正☺️真係會令人想再返轉頭食既一間米線☺️#上水 #上水美食 #鳳鳴居#美食推介 #香港美食 #北區美食 #hkfoodie #hkfood #hkbreakfast #hkfoodie #hkrestaurant #hkiger #hkfoodstagram #hkfoodlover #hkig #hkfoodshare #globaleats

上水好出名的醉雞米線 今日終於食到🐥 醉香雞湯米線 $50 好香酒香味🥳 飲湯飲落好舒服 😌 啲配料都好足料 有紅棗 雲耳 雞件份量十足 好好食 😋 難怪咁多人叫呢個 同埋外賣啦🥰❤️ - 🐣 雞絲粉皮 $40 雞絲及青瓜份量合適 岩岩好 👍🏻👍🏻麻醬有啲少 而且好水 無咩味😔😔個粉皮 比較爽身 上唔到啲醬汁 😢😢 下次都係食返醉雞系列先😝😝😝-🍽🍽餐廳環境 🍽🍽餐廳岩岩開鋪已經好多人 好多街坊 或者上班族 🙈🙈 我地等左一陣 侍應都好快能安排到座位比我地🙈店員態度好友善 顏值高 😂