鳳鳴居

营业中

休息中

🙋🏼‍♀️今日去左上水名店鳳嗚居食午飯，同事非常推介所以就黎食晏打卡。🙋🏼‍♀️衰鬼又真係幾好味🤭🙋🏼‍♀️同事叫左個芫茜既，都算爆茜，食到返公司打噶都係芫茜味🤭有料到，望落個湯底都好清，應該係普通清雞湯，都夠味啦芫茜咁大陣味🤭食到同事都好滿足，成隻雞脾俾左佢，正❤️🙋🏼‍♀️我自己第一次食就緊係食d original 野啦，醉香雞米線🍜一黎到飲啖湯先！喂，好味喎！係甜甜地既黃酒味，結果我飲左3,4啖我先開始食野🤭 我既雞就係雞脾2舊，少少雞胸，一隻雞翼，都幾多雞。雞都有用酒煮，入味，好唔錯。米線就幾爽滑，幾大碗，好飽🤣🙋🏼‍♀️所有麵食都有隻碟仔同一小碟辣椒甜豉油，用黎點雞又幾正🫰🏻 🙋🏼‍♀️餐廳既員工好fun，自己一路播歌一路大聲唱，好有士氣同親切感。🙋🏼‍♀️整體黎講，我覺得幾唔錯，店舖細細，位置唔算逼，但就真係要等位，好多人食

🍜醉香雞米線（$50）湯底好足料，飲落口好鮮甜；雞件數目唔算少同埋大件，食落口都算嫩滑同夠味；配有雲耳同紅棗👍🏻上菜嘅時候會俾埋辣椒豉油同放雞骨嘅碟，好貼心嘅服務值得一讚

醉雞湯麵來講，佢真係算世一。佢嘅醉雞湯係清甜為主，酒味濃郁。由於佢嘅湯比較清甜，配搭公仔麵食係天衣無縫。湯底有好多木耳，令愛食木耳人士唔使叫多個餸都好似有多一個餸咁。佢嘅雞唔算好滑或者入味，但係佢嘅豉油係另一令人讚嘆，補足到雞唔夠味。

特登去上水試呢間嘢，果然冇令我失望。.鳳鳴居招牌菜醉香雞米線，果然係招牌菜，某程度上呢本嘢係完美，除咗個湯底比較鹹之外。雞肉好滑，配上佢嘅醬汁真係一流。入邊嗰個菇都好好食，感覺成碗野都好健康。.食到一半特登加咗少少辣椒油落去睇吓有冇變化。原來都有少少唔同嘅，辣有辣嘅好，唔辣有唔辣嘅好，我自己就比較鍾意唔辣。可能因為我鍾意原汁原味。.餐廳仲有好多唔同湯底同肉類選擇，下次去上水會再去多一次，再次試真佢個味

122325082022，平時行過呢間店好多人，今日剛剛打完風冇咩人就一於入去試下佢。一入去由於得一個人，所以選左個單人面壁位坐，係飯同麵之間我選左個蔥油雞飯，同凍柚子蜜。大幾兩三分鐘就送到枱面，好快速啊！蔥油雞賣相不錯，先夾開蔥試一試隻雞先，入口都相當嫰滑，唯獨是味道偏淡。再試一試個蔥油，d蔥就相當之咸，我開始明白原來蔥油同雞係不可分開，我夾雜蔥油與雞一齊送入口咁就會好好多，而且喜歡蔥油既朋友就有福，我食晒啲蔥同雞後還有很多油，多到有半碗咁多，物超所值。至於凍柚子蜜同樣比較淡，同剩飲凍水差不多

講起上水既話 @fengminghouse 呢間就一定係必試(๑❛ꆚ❛๑)次次去親都好多人要等位(´･Д･)」===============👅 醉香雞湯麵 $48次次去都係離唔開叫呢個！湯底一聞落已經好香 好重醉雞陣酒味(￣∇￣)飲落仲正 雖然有少少肥但好濃雞湯味仲好甜～麵底可以揀米粉米線公仔麵etc 而我每次都係揀米線 吸左啲湯食落好正(｀▽´)雞件份量都多！又大舊～點埋少少辣既辣椒豉油(但有朋友話好辣😂) 就仲正٩(ˊᗜˋ*)و===============⭕️份量多 食完成碗真係好飽⭕️湯底好飲 試過其他都離唔開醉雞湯～總結 黎上水既話必試之一ʕ•̀ω•́ʔ✧▫️味道：4.5/5服務：4/5環境：3/5回頭率：5/5人均：$50▫️📍鳳鳴居 (上水)上水馬會道154號地下

呢間鳳鳴居勁到可以喺旺角開分店都排曬隊，梗係要過嚟上水總店朝吓聖，唔算太近火車站，行過去都要7-10分鐘左右，但隔離左右都起碼7-8間餐廳，似乎附近街坊都係去開呢頭開餐。今日一個人嚟食，好快就等到位，入門前就俾張鳳鳴男隊S嘅相震撼咗，但完全唔知係咩嚟，有人知嘅麻煩留言指教吓。餐牌選擇都唔少，又有得車仔麵咁揀唔同餸，我就嗌咗個最出名嘅醉雞湯麵，今日食油麵，湯底真係好好味，配埋紅棗雲耳，個湯仲帶啲鮮甜酒香味，非常滋味，雞都好嫩滑，有六七件，好豐富，呢個價位嚟講我覺得幾抵食。另外試多個豉油王鵝腸，一嚟到發覺芽菜仲多過鵝腸就覺得唔太抵，同個麵同價，份量少咗啲，但食落都好爽口，希望下次食鵝腸可以多返啲啦。對鳳鳴居整體感覺非常好，嚟緊無論係上水定旺角都一定會經常幫襯，但希望再開分店，唔駛咁耐啦。

去到上水，有一間長期多人排隊的食店，就係鳳鳴居。上水都好出名。地方有啲迫。但員工手腳都好快，上菜快。叫了最出名的醉香雞湯米同麵。即係藥膳雞。米粉正常，配公仔麵唔係太夾。湯底好重紅棗味，反而藥膳味無乜。湯底比較甜。如果鐘意酒味重啲，就會失望。雞係鮮雞，新鮮嫩滑配埋辣豉油仲正。叫左杯凍檸茶，跟餐加八元。粉皮份量好多。雞肉同芝麻醬都好多。味道正常。餐廳仲有其他類型嘅小食，我見都有好多人會點小食。五十元一碗麵，上水嚟講，算係中上。

星期日响龍琛路體育館打完羽毛波，打完波就晚飯時間，但又唔係話好肚餓，咁就去咗對面馬路少少地食碗麵啦。叫咗碗姬松茸雞湯麵，一上枱就即刻試啖湯底先啦，入口鮮甜，濃郁有雞味，忍唔住口會飲多兩啖。雞件份量都唔少，雞肉唔會鞋口，都食到有D雞味，跟配果碟豉油都無點過。姬松茸入口都脆嫩，吸咗雞湯嘅味，多咗一份層次。食晒碗麵，最後D湯都飲咗8成，真係幾好飲。價錢唔算貴，有返一定質素，呢間麵店下次會再幫襯，試埋其他麵。

好食米線1️⃣醉香雞湯米線湯底好濃味,食到淡淡酒味,雞湯味,非常好食😋😋雞質素都ok,不過米線黎講,佢份量冇咁大碗💰HKD$502️⃣瑞士雞翼正常發揮,都入味💰HKD$30 (6隻)

次次經過上水都會食碗醉雞米線。湯底清甜完全唔苦，唔飲酒嘅人都會鍾意食。雞件肉質嫩滑，配埋秘製豉油，簡直一流。配料仲有雲耳木耳紅棗，食完好暖身，感覺滋補。整體食幾多次都唔厭 💓 推介推介

-{上水大熱小鍋米線🍜}真係save左好耐都未有機會黎上水 平日午市唔洗排隊開心😍🤤醉香雞湯麵🤤 ($50)個湯飲左幾啖好濃酒藥材味😂😂配上木耳同紅棗係少有啲嘅米線配搭🥳個湯真心好濃 麵質依淋不過份量好多🥰雞件有5件不過有一半都鞋左啲🥺👖褲評: 7.8/10🤤蘿蔔清湯腩飯🤤 ($51)個湯係牛腩嘅清香味🤩撈飯一流😝蘿蔔清甜冇渣☺️牛腩有肥膏吊住嘅香口又腍身 瘦啲嘅部件就好韌👀👖褲評: 7.5/10🤤黃金魚皮🤤 ($40)炸魚皮好脆同香口🥳🥳🥳唔會好油膩😋啲咸蛋黃粉濃度啱啱好🤟😙好出色🤩👖褲評: 8.5/10都係嗰句 好想試埋喇沙湯底😂😂😂不過第一次就試返招牌菜😚平日黎又係唔洗排隊開心😋性價比: 9/10服務: 7/10環境: 7.5/10🚩 鳳鳴居 🚩地址: 旺角西洋菜南街138號地下2號舖上水馬會道154號地下#fuudjai #fuudjai港式 #fuudjai上水 #fuudjai旺角

作爲北區人，鳳鳴居己經食過幾次。醆香雞湯麵 - 轉左米線最出名一定係佢地嘅醉香雞湯麵，湯底甜甜地，帶有藥膳味，配有雲耳同紅棗，雞件份量適中，米線唔會過軟或過硬，配有辣豉油點雞件。但個人覺得食到後期．整碗湯偏甜。蟲草花雞湯麵 - 轉左米粉鋪滿蟲草花，同樣配有辣豉油點鷄件。辣豉油爽脆鵝腸鵝腸果然好爽脆，低舖滿芽菜，再淋上辣豉油。細三兄弟（爆丸、墨丸、魚片各2)油炸三兄弟，配有甜酸醬，不過不失。

醉雞麵食得多，但就未食過一間令我成日掛住佢嘅。有日咁啱去開上水就去試下總店，門口有人等緊外賣，入面就冇坐滿人所以直接入座。唔洗多講第一時間嗌左個醉香雞湯米線 $50，麵有好多選擇，不過我鐘意食米線所以嗌哩款。成間舖都帶住好香嘅醉雞味。嗌完好快就有得食，想讚下有樣嘢好好，麵一上，就有埋一小碟辣椒豉油同一個俾你放雞骨嘅碟仔，覺得哩樣嘢好抵讚，唔洗自己嗌，好體貼，又唔洗擔心啲雞骨要放邊好！一黎就試下啖湯先，一飲就覺得又香又甜，好鮮，唔係味精嘅味道，酒嘅味道又唔會過濃，係會忍唔住係咁飲湯。雞件方面有雞脾同雞胸嘅部份，雞胸係比較硬，但係可接受範圍，本身就咁食雞就已經好夠味，但掂埋個辣椒豉油就變得惹味，唔食得辣嘅人都唔洗擔心，bb辣黎，吊下個味好好食。除左雞仲有幾塊木耳，都幾大塊，仲好爽下，冇煮到好淋。米線質地好完美，係帶煙韌嘅口感，又吸左少少湯嘅味道，一啖湯一啖米線一齊食真係好好食！哩個價錢，哩個味道，可以encore無限次。

都有一段時間無寫食評，今日入開上水整車，於是就搵吓呢頭有咩好食。老婆知道我在上水，就即刻介紹我嚟呢間雞湯麵。一睇餐牌，有好多唔同款式的雞湯麵，見到有芫荽雞湯麵，諗都唔駛諗一定叫呢個(因為我超鍾意芫荽的味道)。湯麵好快就到，一上到枱，真係名符其實，因為成個湯碗都佈滿芫荽，啲芫荽嘅數量應該仲多過打邊爐的芫荽皮蛋湯。上枱嘅時候已經聞到超濃的芫荽味。首先即刻夾左住芫荽來吃，啲芫荽食落好爽脆，同埋亦都無浸淋，食落口唔錯。然後就入咗啖湯，個雞湯亦都真係好濃，飲落幾鮮甜。而啲雞嘅份量都好多，起碼有成七至八件，而且啲雞肉亦好滑，同埋啲雞本身都好好味(餐廳會有碟豉油俾顧客食雞時用，但相信就咁食已經好正，無豉油都絕對無問題。平時食麵都好少會飲啲湯，但呢個雞湯真係好濃，最後竟然成碗飲晒。整體嚟講，這碗雞麵真係正，唔怪得6點幾都未到晚飯旺嘅時候都已經坐在好多客，而且店外等外賣亦都超多人。如果鐘意食米粉或者米線嘅朋友可以試吓，相信會比麵更加入味。完全值得推介，可以再嚟食過