鳳鳴居

营业中

休息中

是日放假，一早返咗上水媽媽家，梗係要去鳳鳴居朝聖，想食好耐，成日都就唔到時間，媽媽話有時太晏去會賣晒，今日星期六大約1點到，門口企門哂人，我哋拎左飛大約等左30分鐘左右就有位，期間外賣人流不斷，太好生意了😋店舖唔大，但流量都算快，驚喜嘅係全部店員都係後生仔，做事快手快腳，超有禮貌，👍🏻👍🏻▪️🍲醉香雞湯米線 $ 50 湯頭濃香洒味，因為配料有雲耳和紅棗，所以湯帶甜味，好好飲，好滋陰，雞件大大件而且雞肉嫩滑，米線煮得剛好又彈牙，果然係最強嘅雞米線，成碗連湯都清哂▪️🍲番茄濃湯雞米線 $ 50來自8歲姪女的食評，我好鍾意食，因為番茄湯好甜，好多蕃茄，雞肉好好味，米線又好滑，我次次都一定要食呢個🤩🤩🤩▪️🐠黃金魚皮 $40鹹蛋黃包圍住炸魚皮，超級邪惡，熱辣辣剛炸起好脆口，超級好味👍🏻▪️🐙炸墨魚丸 $20外脆內軟，仍然食到有粒粒墨魚口感，點埋個酸甜汁一齊食，正

好好食好濃嘅雞湯麵，一入口甜到超有驚喜，係花鵰又有蜜棗啲甜味，十分養生嘅感強啲雞件都好滑身有雞味仲要$50碗都咁足料嘅感強，難怪聽到人地話係一種會令人掛住嘅味道！

之前係舊舖一直有幫襯，地方少少，但醉雞米真係好香。搬咗出九龍都成日心思思想返入上水食！係其他地方都食唔返呢個味道！原來搬咗新舖地方大好多，醉雞米都係一上枱就好香好吸引！紅棗好甜，所以湯底都甜。雲耳比以前好似少咗，我個人鐘意多啲。(櫻)花碗幾靚🤣希望唔好用木筷子，可用返膠筷🥢，環保啲又健康啲。

去開上水都會特登食一次鳳鳴居！最出色就係個醉雞湯米線！湯底夠香，長年食都無失過準！最重點係連啲雞都特別好食！！鳳鳴居既雞以我所知係生滾雞，出米線既時候會非常滑同靚仔！另外朋友亦都推介叻沙湯雞米線，同樣出色！但未食過既我就唔講咁多呢到既蜂巢春卷都好好食，少少可惜係經常賣曬食唔到不過最值得留意既係，千奇唔好嗌外賣，如果唔係就會少左好多食鳳鳴居既樂趣鳳鳴居既其中一大賣點係非常多靚仔（或者係大隻仔！！！）如果嗌外賣就無得近距離欣賞佢地（啲雞因為浸湯耐左都會有少少老左），不過外賣都做得幾好，會幫客人分埋湯！Btw鳳鳴居係醉雞米線黎講真係無得輸！（同埋其實都可以轉型做仔仔陪食鋪，一定好多生意）

朋友介紹下來試呢間係上水頗出名嘅米線🍜 幸運地比較晏去食下午茶少人啲😂😂難得來食梗係要試下佢地招牌🤤醉香雞米線必食推介🥰湯底有淡淡酒香 唔會好濃味 對於唔好酒嘅我覺得啱啱好 飲落好暖胃😆 仲有紅棗木耳 食米線都可以好養生🤤 雞件份量足 啖啖肉 新鮮嫩滑☺️高質👍🏻麻辣雞米線麻辣湯底 唔會死辣或者好油 好香😋😋雖然配料唔多 但係都有大雞髀斬件😝 同樣肉質嫩滑 加埋辣湯 好似食緊口水雞🤪雞翼雞翼入味 燜左好耐 入口即可拆骨 最鍾意呢種口感😋朋友真係好推介😆😆令我之後多左動力山長水遠入上水

過咗午餐，又就嚟食晚餐唔想食咁飽，就諗吓有咩食見到呢一間主打食雞湯麵嘅舖頭就打算食碗麵都好醉香雞湯麵面底我要左米粉，食落無咁滯湯底好香嘅酒味飲落亦都好甜不過飲完個湯，略嫌有少少苦如果再煮多一陣啲酒揮發多少少會較好雞肉就好嫩滑老公就嗌咗個蟲草花雞湯麵呢碗個湯好飲好多飲落係濃濃嘅雞湯味，好甜蟲草花亦都幾好食雞肉就一樣，好滑好嫩呢間小店嘅湯底其實都做得幾好睇得出係有心機煮嘅而且雞肉大部份都係冇骨唔算太肥，但亦都好嫩滑值得一試👍🏻

夜晚食嘅話 就需要等下位又係一張枱駁一張枱 所以都好快下啲麵全部都大大碗 食飽你🍜呢到啲雞真係啖啖都係肉🐥🐥仲要係無肥肉個隻加上啲雞好嫩滑*❣️醉香雞湯麵 $50招牌菜必食 必食如果真係一啲都唔食辣嘅朋友仔可以選擇揀佢👍🏼👀個湯底真心好香醉酒味🍶食完之後個口都仲會留下酒味當中仲有紅棗 木耳加紅棗令到個湯帶甜 木耳都好入味下😋😋*❣️喇沙雞湯麵 $50喇沙湯底都好濃郁啲雞都好入味話辣又唔係太辣🌶唔太食得辣嘅朋友仔都可以試下鍾意食濃味嘅話 呢個喇沙湯應該都幾岩下*❣️沙薑雞飯 $50本身諗住叫油雞飯可惜賣曬 唯有試沙薑雞頂一頂先🥺沙薑汁啲味就淡左啲配飯食簡直係食唔停🍚🍚🍚如果汁味再重多少少會再正*❣️辣豉油爽脆鵝腸 $50始終都係雞最好食鵝腸再入味啲 會更好食不過個量就真係少左啲芽菜就好夠曬多😂

依間既醉雞米線 由岩岩新開食到宜家都係好好食😋湯底甜甜地 又有啲酒味 次次食完 我塊面都會勁紅😚😚 除咗湯底好味之外 辣椒豉油都係一定要點雞黎食 個味會好夾 🤩🤩🤩

上水有兩間食醉雞面都好出名，一間係酒味較重嘅好煮意，一間就係甜啲嘅鳳鳴居。其實我一向都係食開好煮意，因為本身已經覺得好出色又唔使點排隊，直至有一次佢唔做堂食就轉咗食鳳鳴居，估唔到一試愛上🤣難怪每次去到門口都大排長龍。-🍜醉香雞米線 $50 （冷熱飲品跟餐加$8）無論係雞定米線都好足料，每次飲埋個湯都飽到懷疑係咪唔使食下一餐🤰🏻印象中啱啱開始食嗰陣雞件都幾嫩滑，不過最近幾次去明顯覺得煮得老左少少，男朋友就話唔覺💁🏻‍♀️但係湯底繼續係無敵🤤-總結：去上水開餐must try😋高cp值又好食😋

堂食雞肉與花鵰酒非常夾且入味、大件且份量足。小食款式多、檸茶柚子蜜都好濃好香。雖然等位時間需時可能會較長，但食物質素較高，服務質素同樣唔差。在午市、晚市常常出現爆場情況，可見一班。唯一美中不足之處是外賣的份量比堂食少。

鳳鳴居 ଘ(੭ˊᵕˋ)੭ #米線控出沒啦📍 上水馬會道154號地下💛招牌醉香雞湯米線💸 HKD 50呢個米線店好出名身邊住新界北既朋友都會極力推薦佢所以我就決定一試佢個米線食米線最重要就係佢個湯底呢個醉雞米線 重酒精 巨甜 我覺得好特別米線上面除咗雞件之外 仲有紅棗同雲耳加埋酒 所以咪超甜🐣然後舖頭仲會比一碟仔既辣椒豉油你點雞食下次我想去試佢既火鍋 聽講都好出色～價錢：💛💛💛💛🤍回頭嗎：👁👁👁👁🤍

好多年無去上水，最近聽朋友介紹而專程去上水食。對上一次覺得好食嘅醉雞米線 應該都起碼十年前 仲要唔係香港 今次終於係香港搵到食完會再想食嘅醉雞米線。湯底嘅酒香味 令我成碗連湯都飲晒 加上雞嘅份量夠多 最重要係 超～嫩～滑 （我好怕食鞋口雞）食完個人好㷫烚烚，叫多杯凍啡，絕對飲得出佢杯啡係有落心機，咖啡味濃厚，一凍一熱，都咁有水準 爽呀！工作人員都係後生仔多，快手得黎係有禮貌，個場係有播歌，有時會成班係到唱歌，好有小店嘅風味。

鳳鳴居長期都好多人響門口排長龍，除咗餐廳夠💛之外，當然食物都有返咁上下水準啦！而佢最出名就係佢嘅醉雞湯麵，🐥醉雞係用生滾，所以整嘅時間比較耐，因為要即焗，但係等待嘅時間係有回報嘅，啲雞的確係會滑d 同keep 到個鮮味🥳醉雞湯係我最常食嘅，所以今次試試新口味，叫咗個姬茸菇雞湯麵，菇味都算幾香，雞湯仲好好飲，唔算話太油。係略嫌啲雞多骨咗少少，同埋唔太夠熱（不過d 雞好似可以揀部位的，下次可以試試😉）食完無乜口渴嘅感覺，應該都無乜味精嘅😇順帶一提，是侍應哥哥都非常之幫得手，態度好，有禮貌速度快，見到有 人 抄牌即刻通知大家，抵讚👍🏻

同家人一齊食飯選擇了這間店因為大家想嘗試一下養生好彩一去到就有位唔洗等我地入到去坐定之後就叫左野食我叫左鰻魚飯鰻魚汁香濃蘿蔔爽脆鰻魚肉香甜美味可口辣豉油爽脆鵝腸想像中唔算太辣鵝腸新鮮唔算太老鵝腸下面配芽菜一流估唔到味道都幾夾凍百香果夏天解暑一流

身為米線關注組既成員，之前已經見過有谷友推介呢間鳳嗚居既醉雞米線。加上我之前都係住上水粉嶺呢邊，對呢間餐廳有種特別既親切感。今日襯住返屋企探爸爸媽媽呢個機會，決定約埋我2個家姐同男朋友一齊試試佢。除左較出名既米線，原來仲有好多麵底同飯類揀。平時食得米線陰，今日就叫個花膠醉香雞湯飯試下。呢個花膠醉香雞湯飯真係無得頂，未食剩係聞到陣味都流晒口水啦。個湯底好濃郁既藥材同酒味，雞件肉質都算滑，最正係啲花膠，係真係有花膠既魚味，滿滿既膠質感。我地小食叫左碟辣豉油爽脆鵝腸一齊食，辣味唔算太重，但十分惹味。另外加左啲芽菜都幾爽口，而且份量方面都唔算少。咁我就叫左杯凍百香果飲，飲落酸酸甜甜，岩晒解渴，唯一有小小既缺陷就係唔夠凍。價錢方面唔貴，以後會再黎食，加油💛