鳴橋燒肉料理 (已結業)

好嘅料理好嘅放題， 唔易搵坐落仲要慢慢去享受，慢慢去嚐試，兩個人坐低，放題午餐，叫咗個，刀馬貝帶子餃子，野天婦羅，野菌天婦羅，南瓜天婦羅，海鮮和食，我哋就叫咗啲虎蝦，凡立貝，多春魚，法式香草龍利柳，牛油蒜蓉青口，同埋鹽燒牛脷，地獄牛脷，秘製牛柳，牛舌，一口牛，七味豚貝肋， 鹽燒豚貝肋，重有個香草雞翼，飲品就可樂，柚子茶，甜品就，綠茶同埋胡麻雪糕。埋單唔貴一人兩舊水有找。刀馬貝帶子餃子，野天婦羅，野菌天婦羅，南瓜天婦羅，海鮮和食，虎蝦，凡立貝多春魚，燒完食極都唔厭嘅，但係好易飽， 都食咗 6，7條。法式香草龍利柳，呢個香草味好味，再加埋龍利柳，燒烤完之後鎖住啲肉汁外脆內軟。好。牛油蒜蓉青口，可以接受。鹽燒牛脷，地獄牛脷，兩款牛脷都係厚咗的，可能薄的效果會更加好。秘製牛柳，果然係秘製 ，一啲都唔同一般牛柳，即係牛柳，爽呀一口牛，好味在一口，入口即溶，香濃味唔需要再落汁， 原美都咁好味。七味豚貝肋， 比想像中好好，多因為佢切得夠薄， 通常我係好少叫豚肉嘅，但係試過只要切得薄，燒烤得好，一樣係咁好味。鹽燒豚貝肋，香草雞翼，飲品就可樂，柚子茶，甜品就，綠茶同埋胡麻雪糕。

上星期經過這兒，看見鳴橋燒肉料理門口排長龍，原來是有放題食嘅，價錢也不貴呢！當然好想去嘗試啦，原來中午都有放題食，太好啦！於是就嚟試下，地方舒適，佈置也很柔和 小小黑暗都幾有情調㗎！我哋首選嘅就嚟過刺身做前菜開開胃先~~有三文魚 北寄貝 章魚 甜蝦 鮑片。刺身款式不算多也算新鮮，食落有鮮味唔錯。肉類有~~我同朋友都好鍾意食牛肉，當然唔少得叫佢嘅一口和牛，肉質鮮嫩入口溶化，哈哈！細細粒容易食，重有秘制牛柳肉，地獄牛舌和鹽燒牛舌，就分不清楚兩者分別，七味豚背肋口感不錯，不過小心有軟骨是不可食的，鹽燒豚背肋很大塊，勁多肉呀！香草雞翼是開邊嘅，咁就燒得快和熟啦，不得不講個爐原來係用牛油紙放上面嚟燒，感覺唔會覺得熱氣呢！而且仲唔會令到個爐有陣燶嘅感覺添，BBQ都可以好健康呀！而且我哋只係用咗二張牛油紙。海鮮類~~我哋就叫咗多春魚 法式香草龍利柳 牛油蒜蓉青口，可能有蒜蓉所以啲魚好香蒜蓉味添。仲有啲炸物~~餃子 蝦天婦羅 野菌天婦羅和南瓜天婦羅。當然唔少得叫飲品啦，我哋叫咗兩杯柚子茶清清地，最後仲有甜品綠茶雪糕芝麻雪糕。午餐的放題食到飽曬又滿足。

在今夜滂沱大雨的晚上，跟三五知己打算開懷大吃一餐，隨意地在朗豪坊走到砵蘭街，找到這間裝飾成日式居酒屋的燒肉店，大家二話不說就進店試試！內籠裝修簡約，位置不算多，倒有置身日本的感覺。放題形式的燒肉，選擇有八頁之多！先來一客三文魚，魚生新鮮甜美，芥辣是獨立包裝，保證新鮮。燒肉方面推薦鹽燒牛舌、香草燒雞腿、七味豚背肋、地獄豬頸肉；牛舌燒香之後更有口感，厚度適中；香草燒雞腿更有化學作用，香草令到雞腿的鮮味更突出；燒香後的豬頸肉油香而不膩；七味豚背肋更是市面少見。飲品亦是任叫任飲，有竹蓆茅根水，韓式碳酸飲品，還有天婦羅拉麵烏冬唔好及四款雪糕任點任食，以每位$208的價錢實在超值！

幾位三五知己成日見面食飯，已經達到諗唔到食咩既境界！係旺角行到晚飯時間，剛考經過有大量選擇既放題，加上唔使等位，大家二話不說就決定試下。 進店後發現原來已經座無虛席，遲多一步就要等位了！店舖雖小，樓面得2位員工，出菜落單執枱，無停過，但並無黑面，招呼亦殷勤，服務到位，值得一讚！ 每位$208，可以加$40升級多6款食品，大家一致認同$250可以於晚市時間食到放題是超級抵食！先來刺身，甜蝦真係好甜！再來海鮮，大大粒帶子，物超所值，鮮味的小墨魚是本人至愛， 還有食肉獸的豬牛雞，意想不到有牛舌。每樣先來一份，好食的再點！牛肋肉，牛舌，一口牛被大家無限輪迴。 食肉獸溫馨提示可以點一份沙律，用沙律菜包著肉食會無咁油，咁就就可以瘋狂地食肉！地瓜天婦羅同一口芋超甜，好食！大家手一邊燒，口一邊食一邊傾，嘩啦嘩啦地完成2小時愉快的晚餐！

社會雖亂，但飯都要食，朋友都係要見既。 今日同朋友相約在旺角，想好好食一餐。食物選擇唔算太多，但想食既都有。每樣都想試下。店員都會為客人奉上特製醬汁，配燒肉都好唔錯。呢度燒野會有張牛油紙隔一隔，唔會好易燒焦，亦唔會感到好熱氣。 牛肉好滑好香，唔會太重既味，烏冬也很滑。刺身方面也任叫，朋友仲試左將三文魚放在鍋上燒 。天婦羅醬亦是即製的，奉上時熱辣辣，不過頗厭味道有點淡。雞翼有香草味同鹽味 ，單骨雞翼也較為客易食。隔左張紙，油可以用小點，感覺都健康點。

燒肉cross over 刺生，我本人就第一次食，平時都是吃日本放題多。去到店鋪，雖然不是好大，小店一間，夠溫暖，又不會太嘈。首先介紹下個爐先，通常大家食燒肉都是直接放上面燒，但那裡是有張牛油紙鋪在面，還可以不停叫侍應換紙。呢張紙很重要，因為個人認為有吸油的作用，還有沒那麼容易燒焦。輪到食物方面，又好多款肉類，主打雞牛豚，但會提供有些肉的部位，都幾特別，例如豚拖羅、豚背肋，好少有機會出面食到。至於調味，我最愛就是鹽燒喇😍😍燒完味道不錯👍入味不會太鹹。一定要推介的是三文魚頭湯，是真的有個魚頭👍👍刺身方面，甜蝦很正，我都叫了不少，鮑片也不錯，我仲發現了一個新食法，自製火炙刺身，放在爐上燒一燒，味道更不錯！適合不吃生野的朋友仔👍

N年無黎，今日路過，決定回味重前。這兒座滿了8成，以這個時候來說已經很不錯。優質服務應該佔了很大原因。店員工作勤快，還很貼心主動換爐紙。客人離開時又會題客人記得拿傘子。服務好得沒話說。燒肉放題 $208加$40升級可以任食6款食物。刺身最愛馬刀貝，超鮮爽，帆立貝渾圓肉厚又新鮮，最緊要係落20隻上20隻，超足數。天婦羅屬水準之作，熱辣香脆。尤其愛天婦羅蝦，大大隻，炸粉一啲都唔厚。我見隔離枱班年青人, order左個天婦羅蝦山，認真誇張。肉類方面，款式不算多，但醃製得很入味。豬脛肉很爽口，雞翼單骨易入口，牛舌厚切有質感，豚拖羅半肥瘦，口感極佳，羊架燒時陣陣香噴噴羊羶味👍，未食已經口水直流😆😆食材整體質素都不錯啊！海鮮，燒蝦和帆立貝係我至愛。蝦肉彈牙，蝦頭有膏，推介之選帆立貝大大隻又厚身，冇沙，好乾淨

今次食燒肉刺身放題，$208。加$40升級任食6款食物。刺身馬刀貝超鮮爽，羊架燒時陣陣的香噴噴羊羶味👍，帆立貝渾圓肉厚又新鮮，就這三款已值得加$40去品嚐了。這裏較有特色的是有各種口味的醃製肉類，個名有地獄、七味字眼就知比較重口味。豬脛肉很爽口，牛舌厚切有質感，食材本身質素都不錯啊！天婦羅也是水準之作，熱辣香脆。各款野菜都不能錯過，特別是翠肉瓜和野菌深得我心。肉類放在一碟一起上的。但放置得井然有序👍。其實很久之前來吃過，今次是第二次。食物選擇不算多，但保持了水準。而服務好得沒話說。座滿了8成的小店裏，兩個店員很勤快主動有禮地為大家服務👍，令這一餐吃得安心開懷。

旺角同朋友行完街超級好肚餓，一於過黎叫左lunch放題!Lunch放題menu選擇非常多，海鮮刺身也可以落order!我和朋友係非常飢餓狀態下叫了很多食物，由小食，主菜到甜品幾乎也試了我個人推介一口和牛，牛柳，雞軟骨，海蝦，帆立貝，墨魚，牛油青口刺身和炸物方面食物也不錯，我吃了很多！飲品也有很多選擇，汽水和涼茶也有！總結：落單後食物約5-10分鐘已經上枱，速度很快！漏單情況不多，建議落單時寫真實想叫的數量！職員態度很好，呼叫時很快回應和上前詢問！

忙了一整個星期，到星期五跟友人來個 Happy Friday!!!油麻地食肆臨笠，多不勝數，鳴橋燒肉放題店位處於砵蘭街中心，油麻地站A出口行3分鐘即可到達。店內面積不算很大，但有大細枱之分，可謂適合大伙人或情侶撐枱腳每位$208的價錢，可享數十款日式燒物任食，包括有青口、魷魚、龍利柳等海鮮；還有三文魚、帆立貝等刺身。特別推介牛舌、一口和牛粒，肉質鮮嫩之餘還有十分高的性價比！一定再有下次

日式燒肉料理向來都係香港人最愛之一，但大多質素平平，沒有出色之處，今次呢間嗚橋燒肉料理係朋友向我大力推介，所以佢就拉埋我一齊試試。小店的店舖面積通常不算大，這裏大約可坐二十多人左右，雖然面積不大，但坐位與坐位間的空間都大，坐得幾舒服。這邊的食物感覺是貴精不貴多，店員主推的食物有虎蝦虎蝦都幾大隻，解涷的工夫做得幾好，沒有冷藏的味道，而且肉質彈牙，係推介食物之一。帆立貝亦是著名的海鮮，由於成本較高，所以不多店舖提供，同樣地都幾大隻，燒熟後更不失鮮味，淡淡肉，幾高質。炸天婦羅通常是放題店必備，但亦是易製難精的食物之一，呢間做得好的位是在於，炸衣較薄，蝦肉彈牙，配上特調的天婦羅汁，一流。午市埋單人均$200左右，不貴，值得推介。

瘋狂燒肉總想到這裡，不知會不會碰到那位再教教我們特別的燒肉技巧呢！依舊的日本風裝潢，熟悉的環境，熟練的必點牛舌！超爽但又軟軟的口感，真的很魔性。這裡的牛肉也很特別，不像一般的那麼多脂肪，牛味重，又不硬。雞翼也不能少。這超需要技巧才可以燒得不乾又不生。牛粒，這個也要回味，用上那旋風炒的方法，保存肉汁。多春魚也要點，要燒得外皮脆脆的。燒的時候，那些「春」也許太興奮，突然爆炸，要吃了！刺身，三文魚必點，那紋理就是好吃的憑證。

今日放假去旺角行吓街，砵蘭街有間鳴橋，主打燒肉放題，食飽之後再去購物。餐廳外觀都幾和風，內部裝修簡潔。先來罐冰凍汽水消暑，食些刺身和天婦羅炸物打底。三文魚刺身必叫，油香分佈均匀，夠晒肥美，點些wasabi更鲜味。北寄貝夠晒爽脆，鲜甜帶海水味，呢D都係我嘅喜好。炸蕃薯仔一口裝，入口鬆化清甜。南瓜片天婦羅炸得香脆，脆漿薄而不太甜，趁熱食就更好味。鹽燒雞翼燒得香脆，雞肉嫩滑，多吃也不會肥膩。牛柳很有質感，燒數分鐘已足夠，入口牛味濃郁，肉汁豐富，點燒汁更突出肉質鲜味，幾啱食嘅燒肉放题。

雖然天時暑熱，在冷氣足夠嘅食肆一樣可以食燒肉放題嘅，旺角嘅鳴橋係一個好選擇，店內裝修颇有東瀛居酒屋風味。三文魚刺身層次分明，油脂豐富，入口融化，新鲜肥美，必然嘅選擇。章魚刺身 特别好食，薄切得嚟非常爽脆，海水味亦濃厚，食完再點過。燒肉以鹽燒牛舌最啱口味，牛舌已浸過鹽水，咸度足夠，慢燒香口爽脆，回味無窮。一口和牛粒牛味濃郁，在熱鍋中兜炒，散發油香，入口鬆化，油而不腻。鹽燒多春魚燒到金黃，入口肉質嫩滑，魚春更香口卜脆，食落特别甘香。加上有冰凍汽水，可以悠閒地品嚐燒肉放題。

其實呢度既野食正常價錢合理 但入座安排好差我同朋友一行9人 一早book左8點位 食店要求我地先落訂 其實講真呢個年頭都好少要落訂 除非係訂大額既酒席 不過anyway我地都落左$500訂 而食店前後兩次都call過我地係咪confirm會黎 而我地兩次都有confirm 當日我地7點9就報到 我地都預左8點先有得食 但無諗過店員竟然要我地等到8點半 原因係前一張6點半入座既食客未走 所以我地要等佢地走左先入得 我地覺得十分唔合理 因為我地係book左8點 book左但無得準時食 咁book黎做咩呢? 店員就再解釋話 因為佢地時段與時段之間係無緩衝時間 所以前面客人唔走食店都無辦法 而店員話佢只可以同我地道歉 更哀求我地幫幫手 我地就更加覺得不合理 因為呢個係食店安排入座既問題 而且佢地有限制用餐時間為兩小時 佢地有責任提醒食客咩時候要交檯 而唔係一味淨係識講對唔住 同埋苦苦哀求其他食客去遷就 而任何實則既緩和/改善方法都無 如果係咁book位落訂就變得毫無意義 長久落黎又點會比到信心食客? 當然可能係我唔好彩預著咁既情況 不過都好想share比大家知 去呢間餐廳可能會受到店員既不公平