鳴橋燒肉料理 (已結業)

Book左8點 比埋訂金Booking當日打左2次電話黎確認係米book左8點7點57分到 但居然要求我地8點半入座餐廳限制2小時用餐 我地前一個booking係6點半 姐係人地完全合理地食到8點半如果餐廳係有咁嘅限制 明知前一枱booking 6點半 點解又會容許我地book 8點仲要double confirm?不知所謂 連做生意最基本既態度都無無論入邊有咩野食 幾好食都好連最基本既態度都無既話我作為一個有期待既食客未入到去都已經一肚火

地方窄，一早訂位也要坐門口位，非常不舒服。詢問可否調位時，侍應態度非常不友善。經常漏單，上唔齊食物！刺身寫親都漏，份量極少又細塊。肉類選擇得好少，加一完要$240，完全不值。

遊客都會黎食既鳴橋燒肉，特色係在牛油紙上的鐵板燒，又有刺身日本料理。肉分左好多款，最好食係牛柳粒，牛排，牛利同豬五花肉，非常新鮮又唔會太肥牛柳粒建議先燒，會有油出黎俾之後燒得靚d。牛油紙燒肉既好處係唔會燒得太乾，唔易燒燶，肉汁可以保存較多。牛油紙開始變黑就要請職員換張新喇燒肉一定要配枝豆同啤酒牛油紙燒蔬菜效果非常好，唔會燶或煮乾刺身非常新鮮，不會比放題差推薦加錢升級燒海鮮，因為有非常多海鮮種類，抵食甜品最欣賞芝士蛋糕，似starbucks食開既味道仲有得揀雪糕和雪米糍，都係任食的

朋友好耐之前已經介紹過我食呢間燒肉放題 但一直冇左回事 前排係旺角時 比佢個好日式既燈籠吸引左 就醒起有朋友推介過一於試試啦！佢有得單點或者放題咁食 見佢放題又唔係好貴 就試試啦 重加埋星級 可以試更加多添🤣佢其實有好多種類既食品 燒肉本身已經有好多種 重要有埋刺身熟食 我同朋友都幾驚喜😳我地叫左甜蝦 帶子 三文魚 佢既刺身好新鮮 同好鮮甜 不過要留肚食其他 所以就每樣嗌少少先！熟食好多都唔錯 但我最中意係蕃薯仔 好甜好香 外脆內軟 正！我地都叫左好多款肉試下 佢燒肉個爐同平時日式燒肉唔同 佢唔係用網既 係用鐵板上面鋪左牛油紙 雖然燒點肉個時冇左個網紋 但係就唔怕燒得好焦 熱力分佈好平均 蔬菜同海鮮都容易燒左🤣肉類方面有豬牛雞 啲肉會用唔同既腌製方法 可以跟自己喜好去揀👍我就比較中意揀鹽燒 因為原汁原味啲😎為免太熱氣 我地嗌左涼茶 今日係羅漢果茶 飲落好甘甜 唔係稀釋左或者加好多糖水個種 真材實料👍最後食到好飽 要多個雪米糍同胡麻蛋糕就棒住個肚走了🤰🏻

對上一次食燒肉料理都可能係幾年前，今日女朋友突然話想食，咁就陪下佢啦😝行過旺角發現有一間相當抵食既嗚橋燒肉料理，餐廳如果六點半前入座就只需188就可享有刺身同燒肉兩種放題。入座後梗係先點一啲刺身黎食下啦，本身期望唔係太大，但食落都幾驚喜，刺身都算厚身而且都算新鮮，尤其三文魚我都點左幾輪😂而燒肉方面，我點左一口牛，牛舌，豚背，牛柳等等最好食既都係一口牛同牛柳，牛味好重而且肉汁好豐富👍🏻另外加錢仲可以燒虎蝦，元貝，燒過既海鮮都非常香，好正😋除此之外，仲可以點熟食例如炒雜菜，烏冬。最後仲有雪糕任點，真係食得非常滿意🥰

好耐冇食燒肉啦，今次揀嘅呢間舖面唔算大，但每張枱都好大，張枱有好多空位俾我地放食物。我地6點半前到只係$188，好抵食，我地加左$40升級放題，有大虎蝦、帆立貝、牛肋肉等等任食。我地首先嗌左刺身先，有三文魚、帶子同鮑片，唔算厚切，但都幾新鮮嫁，我地都嗌左兩次。肉類方面我地主要揀左一口和牛、鹽燒牛舌、秘製牛柳條等。一口和牛幾濃牛味，而且幾稔，我地encore左幾次👍因為升級左，我地都嗌左幾次大虎蝦、帶子同青口，有牛油喺上面嫁，燒起上黎好香。虎蝦同帶子都幾大隻，好食。食得肉多，我地都嗌左蔬菜消一消滯，特別要提嘅係粟米，粟米好甜好爽，超好味。

要在旺角區芸芸的食店中挑選一間突出的放題燒肉店並非容易之事, 今天挑選在這裏的食店位於旺角鬧市中砵蘭街, 無論你從四方八面而來也是很方便的店內的擺設整齊乾淨, 座位寬闊企理值得特別一提的是店內用上了高質的吸油底紙作為烤盤, 細心之作店員耐心介紹講解烤爐的運作和各種醬料的配搭, 我們先點了小份的刺身作為餐前前菜, 魚生質素喜出望外, 想不到在烤肉店會吃到如此高質素的刺身炸物方面, 我們點了雜錦天婦羅, 包括炸蝦和雜菜, 炸得外皮金黃鬆脆, 入口還熱辣辣的, 是新鮮炸起烤肉店當然不少得烤肉, 烤肉有各種類型不同口味和部位的肉類可提供選擇, 包括多人喜歡的雞翼,雞軟骨,法式羊架, 一口和牛, 牛肋肉, 豬頸肉等等,各種肉質色澤光鮮至於海鮮類別, 店內提供的大蝦, 帶子和三文魚扒都大件, 大蝦新鮮, 帶子肉質鮮嫩, 是高品質的海鮮急不及待要起動了, 與此同時店員亦提供了燒烤先後次序的吃法, 十分專業周不時主動更換盤子, 整體服務態度周到

今天工作繁忙需要極多卡路里補充， 日式燒烤 放題正合Ben爺心意。 踏進店舖， 毫無油煙味心裏覺得奇怪。店員招呼坐下， 發現原來燒烤爐是特製的， 在鐵製的燒烤板上鋪了一張吸油紙， 吸油紙一方面能把食物油份吸掉 從而減少油煙。 吸油紙代替Ben爺的西裝吸油， 可以放心吃太好了。雖然Ben爺把羊架燒 過了頭， 但仍然充滿肉汁， 胡椒 和香草 把羊架醃製得 非常好味。升級帶子肥大圓潤， 將帶子燒得兩面金黃， 點上 特製醬汁， 一口吃下鮮甜焦香的帶子， 好吃得要立即加碼 再吃!燒花竹蝦要有技巧， 先燒蝦頭和蝦背， 然後才燒蝦身， 這樣 整隻蝦便一樣熟， 先吃下蝦頭的甜膏， 再吃下爽甜的蝦身， 不用再點任何醬汁來提鮮!人均消費 二百多元， 在旺角旺區， 不帶走半點油煙味地回家， 真的大滿足呢!

之前佢地啲食評，見到好多人讚好，又話多食物選擇又讚啲嘢食好食， 點知一試就完全失望到頂點，入到去有職員介紹可以加40蚊升級，但係討論過之後大家都覺得升級嘅食物唔係特別啱食，所以就決定唔加，個職員就冇表情咁擺低一疊落單紙畀我哋order食物，order完食物之後食物好快就到，但係啲份量係亂咁出，例如我地只係order左2條原味一口腸，點知最後黑椒同原味都分別嚟咗5，6條，另外叫咗三分鹽燒牛舌同一份辣味牛舌，但係居然上枱嘅時候辣味仲多過鹽燒好多 ，魚生食落感覺唔係太新鮮，而且份量又俾隨意俾，明明只係叫咗兩片鮑魚片，落枱嘅時候係有十幾二十片鋪咗喺底，而且職員態度一啲都唔好，特別係個女職員，黑口黑面之餘講野既態度同語氣都好差，想叫佢加茶就用冇咩禮貌嘅語氣講低一句：等等啦，就行開左，雖然明白只有2個人做野，但係由於間舖唔算大，坐滿都唔算多人，而且只係落單出餐慢慢出亦無人投訴，只係佢地做既速度勁快，好快無野忙其實係有時間慢慢傾計，可見整體其實根本唔算忙，轉頭個女仔俾左壺細細壺既茶俾我地，點知原來個水壺蓋同個水壺係唔啱size，斟茶斟到一半就成個蓋跌左落黎，部份熱茶(係出晒煙既茶)都瀉埋出黎，好彩我

鑑於我很早就完sem了，想慶祝一下，但朋友們都還沒考完試，或是在趕deadline，唯有自己去慶祝。我想向麥浚龍的「寂寞就如自己一個吃火鍋」致敬，毅然自己一個走進放題店，開初也比較多是一班人起來吃的，後來則還有兩三位獨自一人來吃飯的中年大叔，心裏頓時覺得自己一個也不算太奇葩。中午時段放題($168)，這裏主要吃燒烤，但也有刺身之類的。主打燒烤，可供選擇的肉類也很多，大概20種，我點了鹽燒牛舌、燒汁牛肋肉、秘製牛柳肉、一口和牛、芝士豚拖羅和法式香草羊件，肉質肥美，啖啖肉，正!!!這店很貼心，爐面會放牛油紙，可以吸收過多的油份，也可以防止肉在過程中黏住爐面，比較容易夾起完整肉塊。此外，還可以烤海鮮，我點了虎蝦、帆立貝、三文魚骨和牛油蒜蓉青口，以放題店來說，體積算是挺大了，還挺新鮮。之後我也點了刺身。因為以燒烤為主打，刺身款式不會太多，但我最想吃的幾個都有，已經很足夠了。我點了三文魚、馬刀貝、北寄貝、甜蝦和帶子。另外還有天婦羅和粉麵，但那些太飽肚了，只點了個烏冬和一口蕃薯。整體來說挺不錯，這個價錢吃放題也不算太貴。

我唔鍾意寫人差評，但我真係忍唔住同2位朋友諗住喺百老匯睇戲之前搵間餐廳食嘢，用Openrice睇下附近有咩餐廳介紹，見佢有二百幾個好評，冇諗咁多就入咗去啦。一入去，佢比咗個升級餐牌我哋，sell我哋每位加$40升級話可以多啲選擇，又話枱枱客都加錢食，但我有位朋友細細聲話佢唔食得海鮮，比個呀媽聽到，即反駁話仲有其他更好嘅肉類，最後我哋決定唔升級，即時黑面。個呀媽同仔一直態度極差唔想serve我哋咁。肉已經唔靚，鐵板上仲要隔住塊紙嚟燒，一啲燒嘅味道都冇。刺身我哋唔係叫得多，數量都唔超過佢每次嘅限制，但係我哋喺用餐時間內嘅2個鐘，只係叫倒3細碟，係3細碟！每碟入面講緊嘅係每人2塊三文魚，每人3塊北寄貝，每人幾隻細甜蝦。點解2個鐘內叫得3細碟？因為我哋叫第3碟嗰陣，佢哋拖到差唔多埋單先比我哋！無錯，係第3碟已經開始拖到你想埋單。後尾我哋3個都冇晒mood，唔想食，埋單嗰陣搵散紙搵耐咗少少，個呀媽成張單連簿「撻」落張枱度，堅係勁嬲囉，咩意思？最後出咗門口，睇翻點解！點解有咁多好評，原來我太天真了，希望其他人識睇差評，避免中伏啦

前日約左幾個朋友一齊去食另一間放題，但由7:30 點等到9:30 都未入到閘，朋友就上黎open rice 搵左呢間餐廳，見佢有成200 個like, 又話係優質肉，咁我地就去試一試佢啦話說我地幾個對食都無咩要求，又餓左幾個鐘，諗住肚餓食咩都好味啦，點知佢d 野食勁勁勁難食，全部肉都係同一個味，就係雪味同怪味，加左豉油都唔可以蓋過果浸怪味，嘩，我真係未試過肚餓都會覺得d 野難食，最後大家都食到成肚氣走伏中之伏，畢生難忘， 食到懷疑人生

之前同女朋友講過好想食韓燒，但又想有刺身同海鮮食既餐廳，搵左好耐終於搵到呢間為處於旺角，交通又極之方便既「鳴橋燒肉料理」，啱晒我又想食韓燒、刺身，海鮮咁貪心既人🤪嘢食種類好多，任君選擇😋😋入嚟先叫咗個刺身開開胃，好新鮮🤤每款肉都叫咗少少試吓，完全無失望海鮮夠新鮮！睇見都好想再去食，一路打一路流口水🤤🤤除咗肉類同海鮮之外，仲有啲炸物，叫咗啲炸物！好味👍🏻👍🏻最後叫咗個甜品，值得一讚係唔似其他餐廳只係比你叫一款，呢度俾你任叫！正🤤🤤🤤下次會帶朋友黎試！👍🏻👍🏻👍🏻

中午嚟到旺角經過見到有午市燒肉放題幾抵食 俾佢個價錢吸引左就入咗黎 好彩嚟得早~~一點左右已經係坐滿左客人未食燒肉之前梗係要叫啲前菜開下胃啦刺身想特別推介馬刀貝 唔係所有放題都會有 非常爽脆 而且有口感放題必點至愛蟹子沙律燒烤爐上面會放咗將牛油紙唔使擔心嘢食會濃同埋癡底 非常細心不過隔住張紙就冇咁快熟～肉類方面最正嘅係牛舌 同埋超淋既一口牛沒有雪藏味道 亦都非常有口感食完一舊又一舊 另外牛肋肉亦係必食之選肉質非常嫩

上星期喺油麻地附近行完街咁啱肚餓路經呢一間燒肉放題嘅地舖就諗起自己好似從來冇食過地舖嘅放題店，而且當日係中午時間佢哋嘅午餐放題都唔算貴所以就入去試吓午餐時段嘅價錢係168另外佢亦有星級選擇，本人由於好鍾意食虎蝦嘅關係於是乎就加咗40由於我只係一個人食，所以每一樣野都唔叫得太多，佢哋有刺身供應於是我每樣叫咗幾塊試一試，都係屬於好食嘅質素唔會有差評嘅感覺由於好鍾意食牛嘅關係於是我叫咗佢哋牛舌牛柳粒牛肋肉，另外仲加咗豬頸肉，本身有諗過中午時間食燒肉放題會唔會解唔切凍，但係佢哋都做得非常之好唔會硬繃繃咁攞上枱，比起其他平價嘅燒肉放題做得好好多最後不得不提佢哋嘅虎蝦真係好新鮮！$40升級完全係值得！結果我本人差唔多食咗10隻總括嚟講呢間餐廳地舖而且位於油麻地區呢個價錢真係好吸引，而且食物質素真係好值得再嚟！