鳴虎

营业中

休息中

《抵食高質拉麵🍜》———————————————-#鳴虎 🐯-將軍澳街坊必食，前排同屋企人去食呢間價錢親民又高質嘅拉麵店🇯🇵喺新都城三期裡面，位置方便，餐廳以開放式設計，環境開揚，坐得幾舒服，走木系日式風格🪵拉麵嘅款式選擇都唔少，都唔錯👍🏻-🦐 蝦味噌豬骨湯拉麵麵上鋪滿櫻花蝦，香味突出，湯底鮮甜，略帶鹹香，大大塊叉燒肉質香滑軟腍，配埋流心蛋同紫菜，十分足料🧡-💚 四國香蔥油拉麵好濃蔥油味，配搭超香濃湯底精華，超級滋味，啱哂重口味人仕😛麵質軟硬度適中，麵量都唔少，食得好飽🤣-⭐價錢參考：（另收加一）蝦味噌豬骨湯拉麵： $88四國香蔥油拉麵： $88🍌抵deal 指數：7/10💰人均消費：$150

🍽 鳴虎~~~~~~~~~~~~~~~~~~~~~~~~~~~~~~ 放工又無煮飯就走圍去覓食，商場內有唔少野食，最後揀左拉麵😁🥢🟠 鳴虎拉麵套餐（$128）🍜👉 包拉麵 - 鳴虎，小食 - 芝士魚餅，飲品 - 橙汁👉 先講豬骨湯湯底，豬骨味都算濃郁，帶有些少清甜味👉 麵質揀左普通，食落麵條亦帶咬口👉 叉燒亦算厚身，肥瘦均勻，帶有些少焦香👉 芝士魚餅，爽口中間夾住左啲芝士🧀👉 額外加$18有章魚小丸子一份🐙 🟠 大阪風咖哩豬扒丼（$58）🐷👉 飯量十足👉 咖哩味層次分明，起初食到陣陣咖哩甜味，其後咖哩既辣味會浮現起黎👉 炸豬扒亦炸得香脆，但內裡肉質稍為乾身，如果能夠保持嫩滑，就更完美味道唔錯，而且大大碗份量十足，唔夠拉麵仲可以免費追加一次添😋~~~~~~~~~~~~~~~~~~~~~~~~~~~~~~ 🍽 餐廳：鳴虎 @nakitoraramen📌 地址：將軍澳貿業路8號新都城中心三期1樓161-162, 169, 171-172, 173&174號舖📍 位置：將軍澳🏠其他分店：土瓜灣馬頭圍道63號啟岸地下6-9號舖 土瓜灣北帝街61號東裕

✏️ 黑鳴虎拉麵🍜拉麵係食幾多次都唔會厭嘅，日本餐嘅吸引性🩶黑鳴虎顧名思義係用黑蒜油做基底。黑蒜油味香噴噴，湯底濃郁惹味，但不算太厚身嘅湯識落唔會太油膩拉麵掛滿黑蒜油味道，麵條彈牙爽口，粗身黃拉麵配上大大塊嘅炙燒叉燒口感軟腍，配料仲有木耳、溫泉蛋，一整個溫泉蛋，冇揸流攤呀🤙🏻✏️ 綠鳴虎拉麵🍜配料都係同上一個拉麵嘅配料一樣，但湯底就較清香。加埋四個香蔥油係呢個碗麵嘅特色，食落就唔覺得太油膩平衡完美🩶每款主食可以追加小菜及汽水嘢飲作為一個套餐🤙🏻✏️鰹魚汁菠菜菠菜放入滾水川燙一下就撈起，好容易過老，整凍咗之後，加上日式和風醬油及鰹魚汁，呢個用來做前菜特別開胃舒服😌食咗咁多嘢都有啲口渴，就不如加埋汽水芬達，我見係用玻璃樽嘅感覺特別懷舊，大家有冇覺得玻璃樽嘅汽水都特別有氣，好飲啲呀？😜舔舔脷指數：🌟🌟🌟🌟/6環境指數: 🌟🌟🌟🌟/6服務指數：🌟🌟🌟/6性價比指數：🌟🌟🌟🌟🌟/6回頭指數：🌟🌟🌟🌟/6＜滿分🌟🌟🌟🌟🌟🌟>以上屬小編主觀（非專業）食評，所有意見只供參考#拉麺 #將軍澳美食 #拉麵控 #將軍澳#支持小店 #foodguide

嗚虎🐯拉麵(將軍澳店）Nakitora Ramen最近我去咗嗚虎🐯拉麵食飯，試咗佢哋嘅蝦味拉麵🍤🍜、吉列豬扒咖哩飯🍛、章魚小丸子🐙同芝士魚餅。整體嚟講，我覺得味道真係好好。🍤🍜先講蝦味拉麵啦，個湯底香濃，有蝦嘅鮮味，麵條又有彈性，配料又豐富，有叉燒、蔥等等，好好味。🍛再嚟講吉列豬扒咖哩飯，呢個真係有驚喜。個咖哩汁好濃郁，豬扒煎得啱啱好，口感又脆，同飯一齊食真係好好食。🐙章魚小丸子都係我好鍾意嘅一款菜式，外皮炸得好酥，內裡嘅章魚肉質又好，蘸住個醬汁食更加美味。🧀最後講芝士魚餅，呢個菜真係好出色。魚餅外皮煎得好香口，魚肉質地都好好，加埋芝士味真係好好味，令人回味無窮。總括嚟講，嗚虎🐯拉麵嘅菜式真係好好味，而且價錢都唔貴。如果你鍾意食日式料理，我一定會推介你嚟到試下佢哋嘅菜。

無意中見到商場開左間新嘅拉麵舖頭，中意食日本野嘅我自然要會一會佢。麵個樣好正，香味都幾勁。食嘅時候，第一啖就要飲返一口湯，湯底濃郁。😋😋我揀咗嘅係黑鳴虎- 博多黑蒜油麵，麵條啱啱好，唔算太細，掛湯都好啱，黑蒜油味唔錯，冇蓋過湯底嘅味道。👍🏼👍🏼叉燒肉有三件，肉厚切好肥正，微微煎過表面，味道好香。🐷🐷另外，重試左佢地嘅蟹肉撈麵，麵條加左柚子醋，食落酸酸爽爽，有一種清新嘅感覺，好啱夏天嘅時候食。🤤🤤食完都係唔夠喉，所以我又加左個替玉（姐係拉麵舖頭嘅加麵😂），麵入面加左麻油，零舍香，即叫即製，就咁食已經好正！鳴虎拉麵真係湯底選擇多，食材又高質，新都城就多咗一個好地方啦！😳😳😳

新都城依家真係愈開愈多新食店，拉麵都好有幾間選擇～三期都變咗係一個小美食廣場咁🫣想試啲字食過嘅餐廳，就揀咗鳴虎☺️😍四國香葱油拉麵 $88✨超級適合鍾意食葱嘅朋友仔！！（即係我🤣🤣）唔知大家會唔會接受到葱嘅青味，我自己就ok嘅～連埋啲麵食仲可以fresh啲，冇咁膩🫡叉燒有炙燒過，入口幾香，軟腍嘅～最鍾意佢個溏心蛋，出色🤩😍特濃辛口拉麵 $98✨睇圖片以為會好辣，嚟到嘅顏色唔會好紅，飲一啖第一口係冇乜辣味，但停留多一陣，陣辛辣味會慢慢滲出嚟（唔係辣到噴火個種，但愈食愈過癮）2款都幾好食😋

鳴虎日式拉麵店的環境非常溫馨，感覺放鬆舒適，光線充足💡店員也非常有禮貌😇令人感受到熱情的招待🥰博多黑蒜🧄拉麵🍜店家用左厚切叉燒肉，脂肪比例平均，微微煎香左表皮，食落味道都好正。湯底係黑蒜味，味道好濃郁，忍唔住都飲咗幾啖😆拉麵軟硬度適中，口感爽口彈牙。蝦味噌豬骨湯拉麵豬骨湯底加咗櫻花蝦粉，增加味噌湯底嘅鮮味，如果鍾意濃郁的湯頭，可以試下。飲完都唔會覺得好口渴。拉麵偏幼身，彈牙有韌性。碗麵仲包一隻溏心蛋、兩片厚切叉燒、黑木耳、香葱同紫菜。七味粉炸雞軟骨雞軟骨炸到外酥內嫩，軟骨仲連左少少肉，口感好有嚼勁，而且份量都唔算少，加咗七味粉更加香口。難怪鳴虎咁多分店，湯底多選擇而且用料都好高質，價錢又唔貴，非常唔錯既體驗。自己一個人或者同朋友聚會過嚟食都得，從此我係新都城有多一間食堂😚😚😚

#BEAN食日本嘢 #BEAN食寶琳原來以前嘅冒險樂園已經換咗做幾間餐廳(༎ຶ⌑༎ຶ) 細個嘅回憶-•日本魚乾豬骨湯拉麵• $88 [👅7/10]湯頭唔會死鹹同油膩 除咗原本豬骨湯嘅味之外仲有浸柴魚味🐟上面極多木耳絲同蔥(愛蔥人狂喜！)木耳絲可以幫到解膩 幾爽脆麵質夠掛湯 唔會太淋-•蝦味增豬骨湯拉麵• $88 [👅8.2/10]呢個蝦味好濃郁🦐整體湯底更香濃 蔥相對少啲 咁就唔會蓋過蝦味👍🏻麵質 叉燒 溫泉蛋都同前面嗰碗差唔多🍜下次會再食呢碗🤤

剛剛去完日本返嚟，太過掛住啲拉麵，經過將軍澳新都城新開拉麵店，諗都無諗就行左入去🤤餐廳裝潢非常有日本風日本魚乾豬骨湯拉麵豬骨湯底非常濃厚，係真材實料嘅豬骨湯精華，香港都食到真係好難得，難怪開咗咁多間分店😁有魚乾既海鮮香味，令湯底層次更上一層樓！蝦味噌豬骨湯拉麵蝦味濃郁，精華所在，麵質爽口彈牙叉燒都做得唔錯，脂肪煮到入口即溶嘅感覺有啲黑木耳，夠健康仲有一隻完隻濃厚嘅糖心蛋🥚加多$10追加一支冰凍玻璃樽可樂食完拉麵飲啖可樂 Chur 曬😆

鳴虎拉麵聽過好幾間分店，第一次食來到將軍澳新都城！店舖位置不太顯眼，但平日中午光顧都有坐滿8成呢！餐牌拉麵套餐$128包括一款小食和飲品。此外也有幾款日式丼飯和小食選擇。綠虎四國香蔥油拉麵：香蔥份量相當大方，配濃厚湯底，幼身麵條掛湯，而且做到個人選擇的硬麵度👍叉燒片帶有火炙的焦香味。仲要唔使加錢都有溏心蛋食！大滿足啊！芝士魚餅：上枱時熱辣辣，少許油膩，芝士半溶好邪惡！鰻魚丼：不是主打的丼飯也相當不錯，鰻魚肉質不會太軟腍。同行友人都算滿意呢！玫瑰花茶：玫瑰份量好有誠意，飲落帶點甜香果味。

星期三晚同屋企人去寶琳買嘢，順便食埋晚餐，今次就嚟到鳴虎食拉麵。拉麵有多種口味選擇，更有丼飯同小食，亦有套餐。四國香蔥油拉麵(套餐$128，單點$88)湯底可以揀濃、普通同淡，我揀左濃，味道咸香，唔食得太濃既朋友建議都係揀返普通好啲，有大量既蔥，幾香。叉燒薄切，肥瘦分明，食到火炙過既香味，肉質腍。麵係幼身個隻，可以揀軟硬程度，硬麵有咬口，都算掛湯。肉餃子(跟餐)餃子外皮厚薄適中，幾脆，餡料都飽滿而且入味。大阪風咖喱吉列豬扒丼($58)份量多，咖喱汁同個飯分開上，唔怕整腍d豬扒，幾細心。咖喱汁質地濃稠，味道濃郁，少少辣。吉列豬扒外皮脆，肉質有咬口，唔會太乾。白飯面頭灑上飯素，味道幾香。

鳴虎主要以拉麵為主打，其中一款拉麵就係以鳴虎命名，另外亦有丼飯。最近去試了他們的招牌鳴虎拉麵和鰻魚飯。首先，鳴虎拉麵湯頭深沉豐富，充滿了魚乾同豬骨香味和味道，讓人一口接一口地吃。拉麵本身也有彈性，配上濃郁的湯頭，讓人感覺十分滿足。另外，配料有叉燒、一隻半熟蛋、木耳絲同紫菜，增加了食物的層次感和口感。尤其是半熟蛋真的很好吃，蛋味濃郁，我們更追加了一隻。蒲燒鰻魚丼的鰻魚烤得恰到好處，香氣四溢，口感鮮嫩多汁。珍珠米也非常鬆軟，加了日本常見的飯素，與鰻魚的香味相得益彰，讓人一試難忘。此外，鰻魚肉非常厚實，每一口都能品嘗到豐富的鰻魚肉味。總括來說，鳴虎叉燒拉麵和鰻魚飯都是非常值得推薦的菜品。此外，餐廳的服務也非常周到，讓人感受到舒適和溫馨的用餐體驗。上菜亦十分快，不用10分鐘就有得食。價格亦非常合理，拉麵大約$88，鰻魚飯只係$68！平時出街吃鰻魚飯起碼$80以上。非常值得一試！

將軍澳抵食拉麵，行完街肚餓就入去試下啦。餐廳入面有電視播住拉麵宣傳片，望落幾吸引。依間拉麵店有成8間分店咁多,總有1間近你,價錢比出面拉麵平,可以一試1️⃣蝦味噌豬骨湯拉麵有2塊叉燒,都幾大塊,肉質都ok,有好多木耳,蔥.仲有原粒溏心蛋,但蛋熟左d。湯底好香好重味,較鹹適合濃味人士，湯汁較潔身。💰HKD$882️⃣魚乾豬骨湯拉麵依個湯都係咁濃味，豬骨味會較出，比蝦湯清d。麵質係幼身麵，軟硬適中。💰HKD$88

諗住收工同同事喺附近食，見到啟岸間嗚虎拉麵店都幾光鮮於是入咗去，點知真係搞唔掂😅點咗佢哋啲日式咖哩飯，食落根本就係平時超市買到嗰啲醬汁包，759阿信屋會見到個種，唔係話唔好難食，不過就一啲都唔值囉😅😅😅仲要加一服務費，不如我去7-11放入微波爐叮好過啦！同事點咗個拉麵，諗住招牌實冇事啦，點知個湯底就好似杯麵個啲味，好唔好食就自己諗下啦😂最最最緊要，係餐廳啲員工個個都大聲講細聲笑，完全唔似返緊工，乜呢間公司唔係都有啲分店㗎咩？點解咁樣嘅主管同員工都請返嚟？今次完全被啲好評伏左，希望大家小心啲！

扮完靚想食下日本野😍拉麵有多種湯底揀 各有特式赤虎、黑虎、綠虎、黑鳴虎等等主要有叉燒、溏心蛋、木耳、紫菜、椰菜人均$300@2經濟實惠緊係要叫鳴虎套餐$128包小食同飲品首次免費加麵 （份量都好多）花茶成壺上 養生之選☕️個人推薦玫瑰口味🌹叉燒肉質幼嫩 唔會太油膩拉麵質感適中 保持住拉麵嘅煙韌黑鳴虎— 充滿黑蒜油香味 比較重口味綠虎—豬骨湯充滿香蔥味 🤤✨肉餃子 🥟（推薦）外皮十分脆口 內裡好juicy ✨吉列大蝦🍤炸粉唔會太多 外表依然脆卜卜蝦隻鮮又甜 加埋沙律醬絕配✨芝士魚餅略嫌有點油膩 但芝士好香濃 做到拉絲效果