鳴門魚湯麵亭 (已結業)

朋友推介呢間拉麵店啲麵好好味，咁我就去左試一試係咪真係咁好味我去到2點鐘，見到有午時set, 咁我就叫左個北海道蟹捧拉麵，個拉麵唔算話好大，一般小女生食都夠，但如果係男士們未必夠，好彩佢可以加$15再叫小食，免費飲品：可樂或雪碧食落去第一口，啲麵都幾彈牙，但個湯底就唔係好夠味，所以加左好多七味粉同碎芝麻調一調個味，整體都算ok

鳴門店面不大，一張大長檯在正中間，可坐十二人，一邊是一排排的可移動二人桌，另一邊則是面壁 bar檯。以日本食物來說，價錢都算幾吸引。最平的蟹棒拉麵只是 $48. 於是我就叫了一客：北海道牛油蟹棒拉麵，加小食套餐：A日本帶子柚子沙律及 B鱆魚八爪魚燒，飲熱生薑蜜。湯麵大大的一碗，牛油雖然份量不多，但也能嗅到點點油香，半邊蛋有點乾，蟹棒仔有三條，有一點點蟹味。麵條較軟身，越食越淋，湯底頗濃，亦有香氣，但味道偏鹹，吃完要喝很多水。小食份量很足，八爪魚丸熱辣辣，外脆內軟。帶子沙律：帶子很少，淡淡的沒有鮮味也實在沒甚麼味道，完全唔覺有柚子，蔬菜是碎濕濕的，醬汁鹹鹹酸酸，倒也開胃。至於那杯薑蜜則是太甜了。拉麵連小食倒算豐富，不過要加一，埋單要$75

本來，我對這一間連鎖的日式麵店/烏東店是沒有什麼特別感覺的，但配上了鳴門這一個令我記憶猶新的名字，令我想起當日的海邊食過的鄉土料理同烏東麵。所以，吸引到我每一次路過都會看看究竟。因為這《鳴門魚湯麵亭》有一分店位於銅鑼灣，所以我一直都沒有急著去試，然而就是有一天，行走在銅鑼灣想試下新野，又唔想貴，我才想起來這兒試一試。這店，其實一早已給我一個感覺，這是本地人開的日本料理，但他們標榜著魚湯，而且又有日本平民食店的小風格，銅鑼灣店給我的感覺絕對是良好。中午來，食套餐是最經濟的，日本套餐定食，在香港，好多時都會食到前菜的日式沙律。這沙律，其實好講沙律菜新唔新鮮，一旦夠新鮮夠甜，加上了日式的醋酸沙律醬，就已經是一種美味食品。然而，是日我食到的，雖鮮甜，但感覺上，菜像是雪了一段長時間。餃子，輕輕口的三件，皮薄肉香，不需要點太多的醬油，因為單是餡料，已經夠好味。主角是烏東，是魚湯加豚肉片的烏東。絕白色的魚湯，入口是鮮甜的，而且此店，也可以說此品牌，很著重他們的魚湯，說明用的是帔稱喻為人間極品的鮟鱇魚來煮湯。我雖不知這兒是否每日以新鮮(或冰鮮)的鮟鱇魚煮湯，但無可口非的是，這魚湯，令我覺得滿足。加上天

對港島人來說，銅鑼灣有嗚門是一大喜訊！但試了招牌鮟康魚烏冬、黑豚拉麵、牛仔骨飯及沙律後，感覺係大失所望！鮟康魚有腥味，黑豚唔入味湯底成層油淡而無味，飯就大大碗但牛仔骨切成幼條，得五六條吋許長烏冬麵咁上下粗，極鹹，加少許紫菜條，個汁極稀又少，三份二碗白飯可以攞返入去包壽司！沙律不過不失。整體來說服務差，食物味道係唔合格！不能跟勝利道嗚門相提並論！無下次！

我太大意了，由於以前已試過何文田店的，竟然一張都無影……鮟康魚湯的鮮甜依然，唯一是稍為放多了少許胡椒，可能係怕有食客不喜歡魚湯，怕有腥味。說實在的大家點這道招牌烏冬都是想吃到鮟康魚的鮮味吧？落得太多胡椒反而味覺上滿足不到……烏冬的咬口和七味燒雞翼都keep住水準，OK! 下次再食過p.s. 店員都好有禮貌，座位都幾闊落，係坐得舒服嘅

經過上次食鳴門石鍋既經驗後 決定今次試下佢既拉麵 睇下係咪一樣咁有水準叫左個set lunch 牛油蟹棒拉麵（$48）同熱薑茶（餐飲）先講拉麵 個樣都幾靚 可惜得幾條小蟹柳  牛油係原片上 等佢自己溶喺個湯底度 飲落係幾香 但係當你望住啲牛油慢慢變做液態就知佢有幾肥拉麵面頭有啲疑似辣椒絲既嘢 個人唔太鐘意 口感太似鐵絲而且冇咩味整體拉麵普通 同一般拉麵鋪食到既冇分別驚喜在於薑茶好香薑味 甜度適中 喺底仲有啲薑片總結：以後嚟鳴門只會食石鍋系列既食品

There are some days I want to eat something super unhealthy and fattening. And that day was today.Naruto Ramen Shop is a small shop that serves udon and rice in a stone pot. I tried the udon a while back and thought it was way too salty and full of MSG. So, this time I had this weird craving to come back and try again. But this time I tried the rice.They have lunch sets that include a drink of pomelo honey tea, ginger tea or soft drink. Lunch menu is in English and Chinese though they have a che

我很喜歡魚湯，又超愛吃烏冬，所以最近鳴門魚湯麵亭就成為我的口袋餐廳。這家麵亭在銅鑼灣開業已經有一段時間，不過由於它藏身在二樓，因此我一直都沒有發現它的蹤影，至到前陣子才有時間去嚐嚐。溫馨提醒一下，餐廳的座位不算多，晚餐時段可能要等位，可以的話就早一點到，免得在店外乾等。在翻滾的湯中看到點點紅辣椒碎。地獄湯底海鮮烏冬頗大碗，用料也非常豐盛，只是略嫌湯底辣度不足，要自己再加辣椒油和辣粉；而烏冬口感比想像中軟綿，可能是在石鍋中煮太久的關係，不過個人喜歡吃偏軟的麵條，所以不會扣分。這鍋是我的鮟鱇魚湯雞肉烏冬鍋，上桌時完全不滾，很可能是在廚房放久了才端出來。雖然沒有在我面前翻滾並不影響味道，但視覺效果就不好啦，害我悶悶不樂。鮟鱇魚湯呈奶白色，喝起來蠻香濃，也不會有很重的腥味。由於沒有一直翻滾的關係，烏冬仍能保持應有的彈性，加上麵條吸收了魚湯的鮮味，所以感覺特別好吃。雞肉非常嫩滑，不過滑到不太像雞肉的口感，反正就是很嫩的肉，幾乎不太知道自己在吃什麼。

鳴門魚湯麵亭是本土品牌，由西廚及日廚一起創立的餐廳!上年度到訪一次，選了鮟鱇魚拉麵，最特別是魚湯底以石鍋奉上，熱騰騰的。除此之外，另有手打烏冬、咖喱豬扒飯及日式小食供應。今次一於試一下鰻魚飯($75)吧!鰻魚飯的鰻魚軟軟滑滑，香甜，入口是新鮮的。飯是珍珠米，還有熟雞蛋半隻!簡簡單單的，已經令人心滿意足!我以紫菜及鰻魚伴飯，一口一口的，令我十分溫暖!店內的坐位不是很寬闊，但由於光顧當日不多人，因此不會很吵耳。只是明明Christmas檔期，播放的竟然是「電視劇中主角吐血」的憂鬱音樂，太奇怪吧!令我和朋友都既驚訝，同時無奈!簡單的醬油及牙簽在桌上，可以自助服務。服務員勤快，值得一讚!

招牌石鍋鮟康魚湯烏冬上菜嘅時候成個石鍋熱辣辣湯有好濃嘅魚味love it!!!!the fish was very fresh但係'lun'魚骨就麻煩DBut I didn't like the 烏冬abit over cooked or somethingmaybe next time I will order 讚崎烏冬Service was ok, not attentive enough though

做完美容好肚餓！去同大廈搵餐廳醫肚！經過望下門口餐牌，仲係午餐！（當時已經1545）另外一邊係下午茶餐牌，但要1600先係下午茶時段（真係未見過咁遲先開始嘅下午茶）呢個時候有個男店員出來講話午餐幾好架！我見午餐都有食物想食就入去坐低！地方光猛乾淨！裝修似日式小食店！不過坐低先覺得門口太開揚，經過嘅人都會望晒食客嘅食相，（如果可以有塊門擋布就會好啲！日式風味又濃啲！）坐低個男店員比餐牌同點餐紙我！放低一杯水！我點咗：石鍋魚湯黑䐁讚崎烏冬--上枱用個紙圈住個石鍋，有木盆架住，啲湯仲滾緊，起緊泡！湯奶白色，唔算好濃，飲一啖湯，無乜魚味，唔會漿口！淡魚味唔係腥！湯面有粟米粒、海帶、黑䐁豬肉片！豬肉片較硬，肉片中間仲有粒軟骨，個鍋好熱，我都不停攪住，但都黏底！烏冬粗身煙韌！夠彈牙！整體味道一般！主要因為個魚湯唔夠濃，味精都重手！食完好口渴！跟餐加了兩款小食$15蟹子沙律--蟹子卜卜脆，青瓜爽口，蟹柳絲正常！配合沙律醬食，好味道！章魚八爪魚--呢個好普通，一來八爪魚好細粒，結果成舊都係粉，雖然即做夠熱，但個醬唔係平時章魚丸醬，似係千島汁，唔難食但普通！餐飲：熱薑茶--普通即沖貨！唔辣！食物一般，裝

成日去老銅第一次食呢間「鳴門」，佢主打嘅就係招牌嘅石鍋鮟康魚湯烏冬 可能我食嘅時候已經九點幾，所以好快有得食。上菜嘅時候見到成個石鍋熱辣辣，啲湯滾咗好耐，證明真係新鮮製造！等個魚湯涼番少少嘅時候，我立即試下個湯，發現個湯真係無得頂，奶白色，鮮甜，有好濃郁嘅魚味，但係唔會好鹹或者有味精味。同時鍋裡面都有幾塊鮟康魚，吮下魚骨，食下魚肉，好好食，彈牙唔鞋口！ 不過可能我攤得太耐先開始食啦，啲烏冬入口嘅時候有少少過腍，不過都係好食嘅，因為索晒啲魚湯丫嘛！佢另外有一款加埋和牛片，不過我估唔加重好啲，因為牛肉味會蓋過魚湯嘅鮮味。鳴門除咗烏冬，重有拉麵食！我朋友就試咗呢個，幾好食，見到一整舊牛油喺湯度，但係食落都唔肥膩，又有大大隻帶子食！下次會再幫襯，因為真心好食，每人$100樓下，但係質素真係good！

以前食開何文田嗰間，味道唔錯，今日經過一試，結果令人失望。點咗最普通嘅牛肉拉麵，味道淡過水，唔好話魚味，豬骨味，麵豉味，根本乜嘢湯麵嘅味都無。顏色都似嘅，可能溝水啦！絕對唔會再試呢間！！

在朋友介紹下試了一間日式麵店，價錢和一般拉麵店差不多，六七十元有交易，再追加$15可享沙律及小食各一客。先來一份日本帶子柚子沙律，沙律菜無乜特別，以柚子汁提味，酸酸的富清新感。日本帶子很細小，還要切碎奉上，鮮甜食味一般。小食七味燒雞翼，雖油膩了少許，但都算香口惹味。主食石鍋魚湯黑豚讚崎烏冬，以燒熱石鍋奉上，煙霧四起，湯中氣泡連連溢出，熱力非凡。魚湯以鮟康魚餚製，奶白清甜味道唔錯。黑豚肉片普通，無乜特別。烏冬滑身及幾煙韌。套餐附送飲品一杯，加$3要了一杯凍柚子蜜，略淡口，水準一般。

放左工同男友搵LUNCH食~~見到間野都幾令咁,又想食拉麵,就入左去~叫左SET LUNCH:北海道牛油蟹棒拉麵 同 吉列豬扒拉麵拉麵麵質都OK,吉列豬扒好脆, 不過個海道牛油湯真係好咸=_____________=本身味道係好,但都唔使咁咸掛=_="之後,飲品就叫左熱柚子蜜~~ 都係超市一樽樽開水果D黎既....我公司都有一樽/_\總括黎講..D野食OK, D湯太咸, 麻麻地, 唔會有第二次了...