鴻星中菜 (已結業)

今年係爸爸的70大壽,爸爸係低調的人,我地想擺多幾圍都唔想。所以唯有一家人去食飯。上次同過爸爸媽媽去鴻星飲茶,佢地好中意地方夠寧靜,服務不錯,食物水準又高。雖然比一般酒樓貴少,感覺依然物有所值。所以我地都去返鴻星海鮮酒家。鴻星海鮮酒家係九龍區都有不少分店, 觀塘,九龍灣也有, 最後我地揀了九龍灣。因為在觀塘分店放工時間十分多人,行路過去都好擠擁。九龍灣的鴻星海鮮酒家位於淘大商場, 坐港鐵在九龍灣站A出口, 過了天橋去到商場地下便到, 大約8分鐘。我地一家人數不多, 點了一個6人餐 剛剛足夠。價錢$1498, 包茶芥,加一,脆脆銀魚配花生。共有11款菜式, 有鮑魚,帶子,花膠翅,花斑…呢個價錢真係唔貴。鴻運乳豬五式拼盤最入味係叉燒, 夠腍又入味, 乳豬唔係比骨頭, 而係真係啖啖肉。上湯焗龍蝦伊麵上枱時都覺得唔止6人分量,龍蝦比伊麵還要多, 龍蝦肉多夠大,好滋味。不過伊麵就過濕, 能夠乾身一點更好XO醬翡翠炒帶子帶子真係很大隻, 翠玉瓜炒得好爽,加埋XO醬一齊炒,真係好惹味濃雞湯元貝浸青蔬當晚青蔬係菜心,濃湯唔會鹹, 清清地, 真的唔錯。海皇花膠絲繪翅花膠唔係一片片, 比較碎 ! 味道亦不

每年九、十這兩個月份一向是食大閘蟹最佳季節。今年就唔同沒有內地供應，台灣大閘蟹又有二噁英;日本價格貴，所以很多酒樓和食肆皆以阿拉斯加蟹為噱頭來吸引食客。今次行完山我們六人正好想揾間酒樓食晚餐，最重要的是補充水份嘆下茶吹吹水。剛好見到鴻星有新噱頭，凡惠顧古都烤鴨宴即送鮮活阿拉斯加蟹。六人份量只售$1488的確幾吸引。 潮式阿拉斯加蟹(送)大大隻的凍蟹看來足4斤重。肉質鮮甜，無論那個部分皆啖啖肉;蟹膏又多，總之食得很滿足。 古都烤鴨一隻 熱騰騰的烤鴨，皮脆肉嫩正正反映廚師烤工巧到好處;夾以哈蜜瓜、大蔥和青瓜條吃落惹味 清甜不覺油膩。 津白年糕鴨架湯 烤鴨起了肉後鴨架通常用來炆凉瓜作另一欵菜式的。但今次是我第一次品嘗以津白年糕鴨架 嚟拗湯，因鴨本身惹味所以令整個湯味道提升。 白酒煮花蛤 大大隻的花蛤以白酒煮仍不減它的鮮甜味道，肥美的肉散發出酒的微香是唔錯的煮法。 金抽皇中蝦 首先將中蝦油炸後加上豉油烹調，食落一般無新意。 紅青蔬鮮腐竹 蔬菜配腐竹可清清腸胃，令味蕾得以抒緩。 鮑汁章魚雞粒飯 紅棗糕

昨天晚上與家人及朋友一行六人到九龍灣閒逛，卻無意中到了陶大花園的鴻星海鲜酒家，更意外地發現這裏新近出了一個美味又低食的套餐，叫古都烤鴨宴，這個套餐特別之處就是你叫這個餐，就送你一隻啊拉斯加蟹。這個啊拉斯加蟹，除斤両十足外，有四斤重，這還有蟹膏，只看這蟹的外形已極討好了，加上我們凍食，不加任何調味料，保留蟹的鲜味，加上肉質厚而清甜，鐘意食蟹的朋友該满足了。除蟹外主角當然是烤鴨， 不肥不膩，皮脆肉香。一鴨二食，片皮外，鴨肉則用年糕津白淆湯，平常的酒樓大都用凉瓜燘鴨架，今次我都是第一次飲片皮鴨湯了白酒煮蛤蜊，蛤蜊大大隻，白酒香甜。其餘還有金抽皇中蝦，肉爽。紅杞青蔬鲜腐竹，是用杞子和腐竹配以小棠菜，當吃完啖啖肉的蝦，蟹，鴨之後，這道菜就仿如遇到一度清泉。吾夠飽，重有壓軸登場的鮑汁章魚雞粒飯，最後還有生果及甜品奉上。以上的套餐只不過是一仟四百多元，超值。還有這裏的待應服務都很好，還是那一句，絕不含糊

端午節到咗，其實本身都已經買咗隻粽喺屋企， 拎到返屋企先發現原來隻粽一早留咗氣，唯有拿拿聲食咗佢啦， 點知食落味道好普通，上年出息好多，今年好似成口味精咁， 真係好普通，價錢又唔見佢咁大眾化。

本月的家庭聚餐在九龍灣鴻星舉行。酒家裝潢普通，因主要大廳被包場舉行宴會，剩下的位置難免有限，感覺略擠擁。 餐單由家人訂定，每席約 $5400 的自選全包餐單足夠供 15 人享用。相比傳統中式餐宴，自選餐單既有新鮮感，亦更合大家心意。是晚餐單如下： 鮮果海中蝦沙律 果皮蒸南非鮮鮑魚 金蒜銀絲蒸元貝 海皇冬瓜盅 清蒸沙巴龍躉斑 金銀蛋浸莧菜 脆皮燒乳鴿 干燒伊麵 瑤柱蛋白炒飯 杏汁蛋白露 鮮果拼盤 果皮蒸南非鮮鮑魚及金蒜銀絲蒸元貝均有不俗的味道，前者口感軟彈，洋溢芳香的果皮清香；後者金蒜惹味，元貝鮮甜。 海皇冬瓜盅一向屬筆者心頭好，特別之處不在冬瓜海鮮，而是引入了田雞添甜味。清蒸沙巴龍躉斑雖有一定體型，但仍有不俗的細滑度，加上香蔥甜醬油可口，評分令人滿意。 脆皮燒乳鴿皮脆搶香，但鴿肉稍稍瘦削不夠豐滿。整體而言，各菜餚的味道普遍富一定水準，員工亦見有禮勤快。唯獨餐具衞生方面，明顯要多下功夫，不要敗壞鴻星的名聲。

第一次寫中菜館食評, 因在母親節有20%回贈, 所以今晚同家人來用埋八百多的回贈.第一度菜係元帥三弄, 分別係义燒/醬蹄/燒肉, 賣相幾好, 味道都OK, 最值得推介係醬蹄 👍👍 ---- 像上海菜的肴肉.湯係杏汁白肺湯, 杏仁味好重, 味道清甜, 雖然明知係大煲煲好再用湯砵上枱, 湯料都包含所有應有的材料, 值得介紹給大家.小菜3款 - 金銀蛋莧菜/君度橙花骨/彭家豆腐. 不愧為高檔食府👍👍, 雖然好多酒樓都有呢幾款菜, 但賣相及味道就無呢間好.飯係薑粒燒肉炒飯, 炒飯係最考酒樓廚師 - 要炒到粒粒飯都分開而唔油膩, 除聘珍樓外, 冇其他酒樓可比.因很少會點酒樓的甜品, 但見到佢哋甜品餐牌的甜品賣相又幾靚, 終於衝動點咗3款 - 蓮蓉西米布甸/圓肉燉津梨/地鼠木糠布甸. 又幾好味, 價錢冇出面的甜品店平. 值得一試.

好耐都未黎呢度飲茶, 細細個嘅時候, 公公帶過我黎食石頭魚餃, 記得都幾好味架。今次同媽媽同auntie再次黎到呢間酒樓, 同公公飲茶的回憶就返哂黎喇。金粟菜苗餃味道ok, 啲餡都多, 皮唔會過淋。煎蔥花蝦米腸粉, 腸粉煎得香脆, 唔油膩, 可惜份量有啲少, 可能因為係特價點心。芝士咖哩角, 咖哩角係冇加芝士嘅, 芝士係個醬, 個芝士醬都好味, 芝士味濃。如果咖哩角多啲餡就更好味!醬汁鳳爪醬汁啱啱好, 唔會太咸同太油, 墊底花生都唔錯, 好棉。紅棗糕煙煙靭靭, 紅棗味都夠, 唔會太甜。仲叫左排骨飯同其他點心, 可惜唔記得影低。石頭魚餃就冇叫喇, 希望下次再有機會黎食石頭魚餃喇!

一早起身去飲茶，想食一d好味又靚嘅點心，於是想起有好多卡通點心的鴻星。星期六日茶市都唔平叫左香片同滾水，細細壺，兩人剛剛好呢個煲仔飯。。。。雖然特價。。但可唔可以有誠意d? 同冇餸有咩分別？煎蝦米腸，薄薄的，煎得唔錯呢個係主點心紙點的，石頭魚餃，鴻星之前打工旗號做石頭魚專門店，呢個餃真係做得唔錯，好juicy.真係啖啖魚肉，好好味，出面少有菜苗餃ok好多菜，算新鮮，個人覺得用豆苗更好鴻星燒賣王，必點，全部都閃鮮肉同蝦，真材實料！牛肉球好一般最後有個刀削麵，湯底是銀針粉果隻，都ok la

不知道那來的衝勁，個個星期日都咁早起身落去飲茶！老實講，去鴻星係貪佢環境好，唔係啲野好食！我諗住呢度附近嘅人都知呢間鴻星啲野食唔係特別好食，早茶就正正常常咁，係個肉丸粥比較特別同好食，但總括嚟講點心款式略少！不過服務不錯，俾加一都俾得爽手啲！

星期日俾爸媽逼左去樓下飲早茶！8點幾9點完全唔洗等位。睇睇點心紙，其實得好少野食揀，連雞包仔都無！勉為其難之下叫左10樣點心。要講講嘅係肉丸粥，大大碗先廿幾蚊，仲平過去粥店食，而且肉丸爽口，仲加左啲薑絲，令成個粥感覺好醒胃！個薄餐都好足料，邊邊煎到好香口脆口，好食！布拉腸粉都超正，滑到不得之了！加不過啲點心就麻麻地，牛肉細粒得嚟無咩味，潮州粉果嗰啲都係普通貨色！不過呢度坐得好舒服，樓底夠曬高，而且唔會太嘈，可能因為唔多人掛！

一路以來都好怕去中式茶樓飲茶，感覺好嘈吵好混亂的，如果不是歡送同事，一班人柴哇哇可以食多D唔同種類的點心，諗諗下都勉強去一次。哈！估唔到今次有驚喜，酒樓有得訂枱，等位時間0分鐘，正！呢間有午市海鮮每日一特；今天星期三，有上湯焗龍蝦伊麵配椒絲腐乳唐生菜，孖寶$188，都好抵食，一於試下。龍蝦好多，但伊麺較少;見到對面嗰枱加$10轉芝士焗仲正！下次一於試下！之後叫多五樣點心，全部即叫即蒸，新鮮又夠件頭好味。

極失望的午餐，食物質素一般，職員態度極差，等位已經叫漏飛，仲當啲客人好似乞兒咁，叫個侍應，黑口黑面，行到過來一聲唔出，好似欠左佢咁，比張點心紙佢，講埋唔該，佢話一聲唔出行開。唔會再幫襯。

下午茶的時間，我和家人路過這間酒樓，看見門面華麗高度貴，餐牌上的點心很創新很吸引，價錢也算合理，便決定入去試一試反斗雞泡魚 ($16)食物賣相十分美，包細緻綿化，熱度足夠，應該是即叫即蒸鱆魚大師 ($24)食物賣相有創意，炸春卷顏色金黃的，口感爽脆清湯凰尾雲呑 ($28)雲呑軟彈煙韌，雲呑的數量可以接受元帥芝麻蔥餅 ($28)細碎的芝麻，在餅加入碎細的蔥，口感稠得漿口椒鹽魷魚鬚 ($45)炸魷魚鬚爽口微彈，椒鹽數量適量，味道調味得宜蒜片牛柳粒 ($45)牛柳粒爽口微彈，牛柳粒的份量多，味道恰到好處整體來說，食物質素不錯，價錢相對貴，服務態度太惡劣需要改善一下，侍應生服務慢熱，不主動，所以我認為這間酒樓不值得再去惠顧，因為付這個價錢可以有更好的選擇

星期一至五既下午茶好抵食,好多點心都十幾蚊, 最值得推介既係$10既合桃甘露撻，外層酥脆入面既餡唔會太甜，好抵食。另外最吸引大家眼球既一定係得意既包包，但呢D特色點心即使下午茶時段亦唔會有平。不過小雞包比想像中好食，咪道同一般既雞包仔差不多，只係餡料較少。 

叫左個長腳蟹餐，一蟹兩食，頭盤凍蟹都幾好，但係之後既都係一般，甚至難食。熱食蟹，雞油同酒蒸，味道一般之餘，蟹肉仲蒸到「鞋」曬，最尾佢既凍頂烏龍茶皇勳乳鴿，係有生以來食過最難食既乳鴿。