鴻星中菜 (已結業)

端午正日本來想訓到安樂醒，點知世上只有的媽媽好1100就叫我飲茶。飲茶本來係天倫樂，但中午就食蟹又真係幾救命。一行8人大小一律蟹餐。除黃油蟹外，跟燕窩石頭魚湯，蟹粥，鮑魚孫（仲細過仔）炆鵝掌，桂花蚌。甜品係杏汁蛋白露。頭盤沙薑雞腳等齊人時另外叫的。蟹仲係未當做，都係要等多個星期；如果呢個星期夠晒夠熱的話。石頭魚湯下得好小薑，全靠果皮同雲耳去腥。魚無被薑的辣味沖亂，反而果皮仲帶出鮮甜。沙薑雞腳一貫水準，點整都唔及西貢全記。桂花蚌時已開始飽，食唔到味，甜品杏汁蛋白露連我唔食杏汁的都一飲而盡。鮑魚炆鵝掌雖然好食，但之前的雞腳已經令我無牙力唔想食。

食完早餐無耐又去飲茶，邊食得落野。食左兩隻蒸蟹粉小籠，同埋兩隻炸的蟹粉小籠就已經差唔多飽晒。蟹粉小籠包，都係傳統的蒸好，雖然炸的實唔會穿。但油撞油咁食唔到蟹味。

其實唔係酒樓而係向city super既counter仔.因為都向海港城所以寫埋向度.今次寫蟹粉小籠包.見佢做特價,原價18賣12.又見佢poster影到隻包鬼咁橙.之前又睇書見東海賣廣告d小籠包都係黃甘甘既.一直都好想試呢d小籠包,所以雖然貴都叫左隻試.結果完全令我失望,白雪雪既,個樣仲好似蒸老左咁.呃我的!只係入面既湯係橙色,味道又唔係特別好食.非常失望.

今早去左鴻星飲茶提早慶祝媽媽節, 茶樓o黎講算幾迫, 又間左幾間細房, 如座房o既叫人加水都幾煩, 除非伙計順路入o黎, 否則要行出房叫伙計.點心質數都係一般, 上桌時全部都係熱o既, 我食左錦(路)雲吞, o的汁味道ok, 唔太甜, 唔太酸, o的汁入面仲有蝦及魷魚, 生煎包都無mud 肥豬肉, 鮮蝦腐皮卷只有"send"味, 另外叫左個炒飯, 有旦白, 細細粒叉燒...一可取之處係o的炒飯無油, 就算碟底都唔覺有, 其實仲叫左其他點心, 但我無食, 不作評論. 7個人食左$540. 茶+小食每位$13, 另點心大, 中,細分別$26,22,15 . 腸粉$38, 另有特價點心$6.8, 如糯米卷. 但要留意, 此價格只作參考, 不同時間及日子d 價錢都唔同, 總結o黎講, 價錢唔算平, o的食物唔係特別正, 所以好難可以吸引我再去幫襯! 但如果你鍾意食海景則作別論.

我係去荃灣個間,服務一般,食物超惡食,叉燒伊麵既叉燒硬過石頭,伊麵唔熟,可用來吊頸,點心似橡膠,以後都唔會再去!!

黎呢度飲茶要等好耐, 而且唔係好多點心選擇! 最鍾意就係石頭魚荷葉飯, d魚肉攪碎左撈落飯度, 再加埋荷葉o既清香, 好正

以前己領教過呢度的食物水準及服務態度啦, 以為耐無去同埋公司請, 再俾次機會睇下仲係咪咁差啦... 點知都是毫無改善先講食物水準, 一流都是咁鹹, 不論招牌湯"石頭魚燉湯"或其他的點心及小菜, 都鹹到你要once 一食完就要灌水以沖淡口中的鹽味. 不過, 雖然招牌湯好鹹, 但仲可以飲到d鮮甜及好濃的薑味, 這是唯一可以讚的地方.到服務態度, 由於食物太鹹要不停飲茶的關係, 所以經常要添水, 但因侍應的人數不足, 經常要等及一而再, 再而三咁call 住, 而食完的碟及蒸籠亦因為咁而留在上遲遲都未有侍應收. 最離譜是個侍應在上碟時將碟燒鴨的汁倒瀉d 落我同事的頭及身上, 佢居然講完一聲好細聲的sorry, 就跟住講"都唔係好多汁倒出".... 好掂呀...

其實呢度都唔算真係好差；當晚D侍應都幾有禮貌(我地都著得好casual)，又成日同D茶添水。食物水準雖然唔係好正，但總算過得去~~一行四人，自然叫個四人套餐；$488，有紅燒翅、蔥蒜大蝦、燒鵝、原條蒸魚、炒麵等等。連加一茶介，埋單剛剛$600。o野食一般咁啦，不過D炒o野真係幾油。食完甜品之後我地都嚮度吹水吹o左好耐；總括o黎講，不失為聚o下舊或食商務飯o既好地方。

我都同意，地方細又迫，坐得唔舒服。D Waiter做野慢到死。

由於我係gateway返工,有時都會同同事黎呢度食飯,佢地雖然係出名(貴)但係d食物一般,唔算得上好好食,同埋的侍應真係唔得掂,服務態度其差,慢手慢腳,見高就拜見低就踩,如果你著得唔係咁光鮮行入去,d侍應會認為你食唔起添呀!

去年我亦曾經光顧這家食肆,門口知客非常無禮貌.食物味道一般,但價錢頗貴.於1.6.03與家人去彌敦道華源大分店晚膳,可能時近端午節,晚上7:30已坐無虛席.雖然我洧預先訂位,但仍然耍等了十分鐘左右. 坐下後對正超勁冷氣風口, 但亦無其它選擇. 我照?牌上所推介之二斤重賣$350元之紅星斑點菜,但部長說沽清.他極力推介我試食$780元之套?.第一道菜等了半鐘頭,如是者每一味菜亦耍等二十分鐘.所謂沙窩魚翅亦不過是一窩豆粉開水加色及數條肉碎.我不禁細聲與我太太品評.該亞嬸(應該是暫充女待應的樓面)即時用湯杓撈起兩條如髮之魚翅說:『呢D咪係魚翅囉‧』那味乾煎大蝦更是雪藏貨,無厘味道.到最後三番四催,才送上花凋醉蟹,整晚無人水.整頓晚飯花了二小時三十分鐘,埋單$977元,非常不值.與其標榜不將貨就價背道而馳.我以後不會再到此酒樓。

先來八小碟, 最正炸豆腐,燒曼魚.牛脷粒勁入味,很多很多鹵水汁滲入內.不過我覺得鹹沙律炸紫芋蝦球,炸蝦丸內藏紫芋,配沙律幾好法式田螺批,我當西?頭盤食,但田螺冇味.絕對好巧夫:四季豆海參,雙紅班,花膠北姑鵝掌,魚,海參,花膠都很好味可惜:招牌黃油雞鹹而無雞味.生煎包….街邊貨上大臺.伊麵生果糖水絕對普通.房間都幾細,出入不方便最後評語大伙人: 將貨就價,舊時不會咁平;我:但海產類仍出色

個度幾乾淨．．．招呼唔錯．．野食都幾好．．不過價錢就貴左少少～～

人手不足, 侍應十問九不知, 又落漏單, 食物又一般. 真的不會再次光顧了!

星期日早上十點多,都唔係話好早啦, 入到呢間鴻星....招呼就真係差DD....我入左去,門口D亞姐都發緊夢...個個都未warmup....坐落由於向海景那廳未營業,只坐在細少的大堂, 坐左好耐...才有經理騷下我...開茶....之後那半小時,只有一個亞嬸推點心....其他放在火爐的特點...全部未投入服務....直接十一點多...才開始有返D飲茶feel....開始見到一些穿灰色制服的部長開始工作....唉...茶又無咩人沖...又無咩特別點心食..叫來叫去都係叉燒包...牛肉...鮮竹卷等普通點心...都無那些個樣好得意的點心...服務又麻麻...仲見到D服務生和送點心的亞嬸口角...你話咩服務管理丫...價錢就5星級....服務質數比街坊茶樓還要差><...最後我都忍唔住要問下D高級經理,為何無報紙介紹的特別點心...得來答案係....只須開聲和服務生落單即可...一間叫做稍為高級(我指既係價錢酒店級)的茶樓....竟然如此無管理兼失敗....就算真係要幫襯呢間茶樓.,,,,都要去彌敦道那分店~><~