鴻運泰國美食 (已結業)

本約了朋友去吃西餐，卻下著連天大雨，朋友說，雨太大，來不了。什麼？雨太大？我不是來了嗎？唯有自己找吃的，見這裡幾間餐東南亞菜的餐廳，選了這裡坐下。這裡下午沒有餐，只有散叫，就要了黃咖哩牛及油酥餅。黃咖哩賣相不太討好，直覺是有點「螢光」，是個人而言最怕的效果。咖哩帶點甜，完全不辣，吃不到任何香料的味道，椰奶味相當濃重。用油酥餅醮汁，吃多幾口更有點膩。牛肉不提也罷，唯一好處是沒有用鬆肉粉招呼過；油酥餅拍得不夠鬆，中間部份有點實實的，用來醮汁效果當然欠佳，這一味要拍得鬆鬆的才有水準；幾位南亞裔女侍應，有禮貌又服務不錯，見我的紙巾掉在地上，就立即拿另一張來，不錯。連一杯凍咖啡，埋單九十蚊找番幾蚊。絕對不是便宜價，食物質數不很高，不大想到再來的原因。同是坐沒冷氣的路邊，似乎隔離會好一點。

(25/5/06)黎過四五次,今次覺得特別好味。椰汁咖哩雞─椰味唔係好勁,所以鍾意。不過頗辣。炭燒豬頸肉─切得好薄,個汁勁正!泰國柚子沙律─好多柚子,有大蝦,配酸酸甜甜既汁,好新鮮。油鬆餅,太散。薯仔薄餅,三角形,像麥西哥餡餅,橙色的薯蓉,辣的。銀絲炒芥蘭─銀絲即銀魚干,芥蘭老,如果唔係,都唔錯。巴參帶子炒飯─像豉油炒飯,辣辣的,帶子係急凍的帶子粒,所以好un。整體咸得濟。

之前(大約差不多一年)已經多左個馬拉餐牌, 本身只係食泰國野. 今日去食lunch,又只係俾個馬拉餐牌我地, 我地終於發現原來馬拉餐牌D食物係貴D既. D Thai food 就不過不失. 但馬拉food就唔多掂, 仲以為個海南雞飯好得, 點之美心快餐仲好食過佢. Why? D飯係超級硬,唔知用D咩米煮既,又唔熱, D雞又無味. 只可以講一句- 正宗既先係咁掛?? 叫左泰式併盤, 就”黎”左馬拉併盤, 貴D ma!! 都費事理論. 有搵苯之嫌..

難得舊同事請食飯，而且有兩三年未o黎過，當然舉手贊成啦!今次坐樓上，因為裝修過，比以前乾淨又企理o左。油酥餅一定唔少得，仍然保持水準。就算唔用點咖哩汁來食，一樣好有味。泰式炒金邊粉-材料十足，炒得乾身，不會好油。柚子沙律-有少少辣味，再加微酸的柚子，好醒胃。青咖哩雞-我本人覺得唔夠香，菜有兩碟-馬拉盞通菜及炒雜菜，兩碟炒得好夠口火、好夠味，又不會偏鹹。串燒有牛、豬、雞-我只諗了雞肉，唔會鞋口，點了串燒醬味道更好。泰式併盤-我一件都冇食，不過俾同事們清晒，我估味道應該唔差。因為有人請，所以唔知幾多錢。

間唔中都會同D 同事黎呢度食lunch，因為幾近公司，D野食都okay。今日就同boss一齊去左o個度開christmas party。今日食左油鬆餅、蝦餅、炒年糕、豬頸肉、咖哩薯仔、炸魷魚、炒河粉，唔知有冇miss到呢....都唔係好記得lu。炒年糕：同蘿蔔糕D質感冇mud唔同，都幾夠味。豬頸肉：我諗係煎過頭，燶燶地，燶到有D苦，唔得。蝦餅：幾夠蝦味，而且都幾脆，沾甜酸醬食幾好味。咖哩薯仔：D薯仔唔夠淋，搞到唔入味，比較淡。炸魷魚：炸得幾香口，不過好似都幾多粉，味道都唔錯。炒河粉：D汁幾好食，河粉亦頗入味，幾好。油鬆餅：幾香幾鬆，而且煙煙韌韌咁，好食。其實仲有菠蘿炒飯、魷魚圈、柚子沙律、有碟菜同一條唔知咩魚，不過呢幾樣我都冇食到。同場加映聖誕火雞同抽獎，火雞我一向都麻麻，因為D肉真係十分之鞋，而且又冇mud味，好彩有D醬點黎食，咁先冇咁寡。抽獎就真係....好明顯我同我阿哥係同命ga囉，佢今年公司christmas party抽到保溫水壺，我竟然都係，真係冇野好講....另外當然仲有送既香蕉斑戟，呢個就比較硬，不過就好香香蕉味，甜度適中，我都幾鍾意。Overall係冇以前去覺得咁滿意

今日同兩位女同事來蘭桂坊食飯，原本諗住去食咖哩，但唔知邊個話呢度有香蕉斑戟送，在貪小便宜的心態下，就來了幫襯。其實鴻運正店在地下，但二樓私地方有冷氣又新淨，好似較好，於是就齊齊摸上三樓。呢度得一個單位，地方不太大，檯擺等頗密。這裡沒有午市套餐，大路的泰菜都有得供應。三個人，叫了椰汁咖哩雞、炒金邊粉、原盅椰子焗海鮮飯同個肥牛湯河，另外叫了一客油鬆餅。可能三樓不設廚房，而所有菜色都係由地下舖位送上來，所以都要等左一陣至有得食。椰汁咖哩雞呈淺螢光黃色，賣相有點嚇人。味道是椰汁味重過咖哩香味，汁多，用來送飯或點油鬆餅都卓卓有餘，整体計是不過不失；這裡的油鬆餅是由店員剪開小片才上檯的，真的是幾鬆，唔錯；炒金邊粉份量不太多，幾足料，有菜、花生碎、札肉及幾粒蝦等，吃落茄汁下得太重，略酸了一點，水準一般；榔子焗海鮮飯原個椰子上，賣相不俗，但飯是先炒再放回椰子內，是沒有焗過的，徒負這個椰子焗飯之名，可幸味道還不錯，但亦是份量不多，連加一收66蚊是有點不值；肥牛湯河的牛肉完全不肥，雖然幾大塊但味道一般，河粉幾實，呢味又係麻麻地。亦這裡的食物份量是比較少的，我們一男兩女，都可以食清以上食物。兩位店員服務不錯

Lunch time成日o黎幫陳，油蘇餅至好味，五個人食每次都叫起碼三件。其次是甜酸魚柳、同泰式炒金邊粉亦不錯。有次見到楊彩妮都幫陳喎。