鹿角巷

营业中

休息中

鹿角巷的而且確好飲 珍珠夠Q 但每次想買都要排45分鐘以上 留心看清楚 就會覺得咁等絕對唔值得我明白每杯飲品奶同糖嘅比例好重要 但量珍珠那工作人員已經因份量唔啱 不斷再量度重量 相反量度奶嘅嗰位同事因為有刻度非常容易已經量好 量珍珠嗰同事仲要轉動杯身 將黑糖顏色掛到膠杯上我亦唔否認呢個視覺效果係好好多但如果呢個步驟可以轉到量奶嘅嗰位同事做 咁就會解決左個樽頸位 改善排隊時間 亦減少阻街嘅情況如果一間公司係有實力嘅 根本唔需要借一條長龍黎吸引客人 否則呢一刻拖慢黎做嘅策略只會令人覺得低賤

考試那天提早交卷了，行過見到呢間網上好紅既飲品店，見排隊人數唔多，就決定試下。講真買完有少少後悔...唔係話杯野唔好飲，而係等候時間....我排隊個陣目測10多人排緊，但我足足排佐30分鐘🤔🤔🤔俾個錢要咁耐既咩？當就到我個陣...見到店員小姐收佐錢，貼label上去隻杯度....但需要每個客人3分鐘咩😒😒到我個陣話我要黑糖鹿丸鮮奶要再等多10-15分鐘...我都排佐咁耐啦，點都等埋去。終於叫我號碼個陣真係超感動...可能因為咁我對佢期望過高啦，加上呢款係冇得揀甜度...飲到底個陣好甜....糖都未溶哂...建議大家飲前攪一攪勻。如果下次再試，我絕對揀冇人先買，同埋想試試佢綠茶個隻，可惜排隊前已經賣哂。總括黎講，不過不失，有時間可以試下，但未去到非試不可既地步

與好友去試飲這間最出名的奶茶。這是起源於台灣，最近在香港興起，我們去的時候，要大排長龍，差不多由街頭排到街尾，人流十分多。飲品味道非常好，唔怪得咁多人排隊。每杯奶茶價格都算貴，但味道十分之好，他們用新鮮牛奶去整，口感清新，再配上焦糖，美味可口，值得再去飲。這的飲品質素很高，用料上盛，高質素，珍珠很彈牙，很有口感，人生第一次飲到咁好味的飲品，值得推介。店外裝飾也很特別，有一隻鹿頭在店外供客人影相。

tried their signature brown sugar deerioca milk which is superb in flavour! how i love the texture and sweetened tapioca, indeed very unique! though i must give this overall experience a 3 out of 10, if not 2i want to explain that their long queue is surely not because they're so popular that flocks of people come queuing up at the rate of 10 persons per second, there are people yes, but people come by slowly so it's actually bearable for any normal sized business given the same store size (i'm

你都有今日嘞。平時日不屑人排隊，今日得十度又落雨排隊。。仲要買凍飲！凍瘋了吧？不過，有十幾廿人陪究竟我的小確幸是否值得花半小時呢？人人話好食，唔人人都愛食？ 我唔知！只是啲珍珠軟軟QQ帶清甜，size同柸上那黑點差不多大，份量大約柸底起1cm左右。小下確幸內有甜甜的紅豆和溶化了的芋頭。實在小確幸~ 在這天氣要是熱飲的話，更多點點幸福~佩服員工细心地把每張label工整地贴在每柸飲品的正中。好靚~而且咁凍企住工作還保持禮貌和笑容真的多謝你哋呀~

這裡總是排著長長的人龍，平日午飯時間快快來排隊就約等15至20分鐘就可以落單，再等10分鐘拿到飲品，要飲還是要有點耐性。我點的是黑糖鹿丸鮮奶，滿滿一杯是純鮮奶加上黑糖珍珠，想不到這個簡單的配搭是最美味的！這裡的黑糖鹿丸珍珠應該是我在香港吃過最好吃的珍珠吧，聽說是每天新鮮用黑糖煮的，有咬勁又充滿黑糖香，但不會死甜，感覺比其他珍珠奶茶的珍珠健康。不過飲半杯已經挺飽的，所以不要吃飽才來買飲。另一次試的是熱的皇家九號奶茶，飲起來有一陣淡淡的水果香，相信是加在茶葉中一起泡的吧，不是不好喝，但夾奶有點口味不對，如果是皇家九號紅茶相信會比較好。但杯套還是挺可愛的！

一直想試這裏的珍珠奶茶, 今日見到少人立即排隊前面只有兩位客人。 但卻等了十五分鐘有多，很慢 我只愛珍珠奶茶，所以點了皇家9號奶茶加珍珠！ 珍珠是黑糖珍珠，自帶特別的甜味口感qq，很好吃。奶茶奶的比例較多，不太突出。 若有下次少人機會，會再試其他有珍珠的款式。

行到ISQUARE, 正想搵野飲, 點知見到對面有間買野飲, 好奇咁就去睇下, 點知排哂長龍, 先知道呢間野好出名, 之後就排隊, 點知一等 等左一個鐘, 行到去時有好多都已經冇得買了最後買左人氣黑糖鹿丸鮮奶試下買完都要大概等15分鐘先終於到手啦一飲落去 真係好好飲呀 D珍珠同平時飲果D不同 感覺好甜 有點像焦糖的味道仲要用鮮奶搭配 大愛呢而家每次經過都好想飲 但每次都係咁多人未試過一定要試 下次試其他

🍽尖沙咀鹿角巷🍵小鹿出抺 （$28）好味指數👍🏻👍🏻👍🏻👍🏻回購指數👍🏻👍🏻 （因為實在等太耐，排隊下單要30分鐘，下單再等10-15分鐘）如果唔洗排隊，我每次經過都會買，👍🏻👍🏻👍🏻👍🏻👍🏻 。這一款飲料可以有三種風味，首次不要搖晃😍先插入飲管嘗嘗那香濃的抺茶味道，濃厚的抺茶味道有少少苦澀味不是很甜，再將飲管插深一點，就會飲到黑糖珍珠和鮮奶，黑糖味道很突出，配合鮮奶就會試到香、滑、甜的感覺。。這一款黑糖珍珠聽聞是每日限量的，賣完就冇。而且這種黑糖珍珠與坊間其他珍珠真是很不一樣，甜味、軟硬、大細都很適中。。之後就是將上下兩層用飲筒攪勻再飲珍珠抺茶拿鐵的味道。說真的：上下兩層分開飲- 牛奶、珍珠、抺茶都是很突出的好味道，反而將兩層融合後，就變得比較普通。以抺茶拿鐵賣$28來說絕對是中上作品。但是，要等成40分鐘，回購度大大減低。

每次經過都見到有好多人排隊，所以我同朋友諗住趁下熱鬧，睇下係咪真係咁好飲！黑糖鹿丸鮮奶 $28 呢杯鹿丸鮮奶等左差唔多半個鐘，少啲耐力都唔得😂😂😂 . 黑糖鹿丸鮮奶等於黑糖珍珠+鮮奶，🥛鮮奶香濃順口，黑糖珍珠q彈有咬口，而且富有庶糖香，黑糖珍珠比較甜，所以配搭住鮮奶好夾呀❤️❤️後悔只買了一杯😫因為我覺得份量唔算好大，一個人都可以飲得晒～～鹿角巷地址：尖沙咀彌敦道27-33號良士大廈地下F舖

鹿角巷原名係叫斜角巷應該早喺2013年台灣桃園開第一間門市之後直到上年到就喺香港尖咀開分店一直到現在依然勁多人排隊買熱潮並冇減退仲多左好多大陸人黎排隊放工即去，6:30到達已經有成30人正在排隊等候等約30分鐘當中幾款飲品經已售罄包括：鹿丸可可鮮奶小鹿出抹青檸番石榴戀香奇異果光飲系列亦全部售罄飲品可選3種甜度正糖、少糖、無糖設有八達通付款今次叫了兩款熱飲小確幸奶茶(固定糖)$28內有紅豆及大珍珠熱度剛剛好，暖暖的珍珠軟腍腍的紅豆亦夠甜夠腍搖勻後味道剛好整體ok好飲！唯一覺得呢個價錢可以大杯d黑糖薑汁烤奶(固定糖)$24黑糖同薑汁比例好好唔會一味得個甜字好重薑味冬天飲一流再者加上少少奶香整體來說不俗之選👍🏻

今日特登落尖東賞一賞鹿角黑糖珍珠由於真係好出名既關係一來已經一大條人龍有一半都係旅客，另外想試既口味都售罄了幸好最後仲有黑糖鹿丸鮮奶下午五時多尖東已經滿滿人一來到已經見到超長隊足足有40幾人等待中..而我足足等了45分鐘先買到由於太多人這此有等候區外貌非常靚價錢$28黑糖珍珠真的是我喝過最棒的一間珍珠而且配鮮奶非常夾 平日飲開奶茶原來珍惜配鮮奶好夾 仲吾會太甜平日飲珍珠奶茶大多都好甜而佢轉用配鮮奶突出左黑糖珍珠既味道雖然係好好飲但要等咁耐很不想希望之後無咁多人可試埋小鹿出抹啦

台灣好出名㗎呢間鹿角巷，已經喺香港開左好耐啦！仲要喺正尖沙咀！真係好方便！今日五點半左右去到，已經有大約10幾個人排緊隊。因為約咗六點鐘喺尖沙咀剪頭髮，所以見仲有半個鐘於是決定等落去。工作真係好慢，一個一個客叫埋去落order，仲要有個牌企喺度寫住「職員如果沒有揮手請不要過去」！每一個客人之間佢自己係入面吹水！最後真係足足等左半粒鐘！因為今日得11/12度，所以決定飲熱飲，最後叫咗一杯黑糖鹿丸鮮奶。佢係屬於top three其中一款！因為熱飲嘅關係，佢用咗紙杯，所以大但係睇唔到入邊咩樣㗎！哈！飲咗第一啖！嘩！好甜呀！原來我唔記得叫小糖！但係我終於知道點解咁多人等！因為真係好好飲！鮮奶味勁重！好滑！而且啲鹿丸仲好彈牙！同平時飲開嗰啲珍珠真係好大分別！但係真係幾貴成＄28一杯！

放工時間排左大半個鐘先排到，我們點了兩杯黑糖鹿丸鮮奶。點餐時先發現只能點最多兩杯鹿丸系列的飲品，還要糖度和冰度是固定的，平時喝少甜或半甜的我們也只能默默接受。點完餐後，還要多等五至十分鐘才有飲品。其實黑糖鹿丸鮮奶就等於台灣的黑糖珍珠鮮奶，拿到後杯內的黑糖珍珠仍然是熱的，鮮奶是冷的。初初仍覺得沒有很甜，珍珠口感頗為煙靭，帶有黑糖的香味。但飲了半杯之後，越來越覺得過甜，對我而言有點太膩。總括而言，這杯飲品雖然在香港來說質素算是中上，但要等上大半個小時先可以買到就有點不值了。

為食既同事們收工每次行過都話：咁多人排隊，真係要搵日有機會一齊去試吓！終於早幾日夾到時間，收工就馬上沖過嚟排隊時買，都等咗我哋半個鐘呀⋯我哋個個都試No.1 黑糖鹿丸鮮奶，天寒地凍個個都飲熱既（下一次再有機會試埋凍飲😊）第一啖飲落去就一陣香濃既鮮奶味，第二啖就係香甜既古早黑糖味加好QQ的珍珠❤️珍珠既口感係飲過咁多香港開既台式飲品店中⋯最接近台灣本土風味～真係一試難忘，鹿角巷真係提升咗我對珍珠奶茶既standard 😏 返唔到轉頭啦😊