麥奀雲吞麵世家 (威靈頓街)

营业中

休息中

買左d生既雲吞返屋企食一打開, 細細粒咁, 完全係一口雲吞. 煮緊既時候已經好香, 冇落任何既調味已經足夠。入口, 一隻爽脆彈牙既鮮蝦, 好鮮, 但略嫌單薄左少少鋪細細但好多人幫襯其他食評可以去我個bloghttp://hk.myblog.yahoo.com/food_talk2008

說過喜歡吃麵，卻少吃鹼水撈麵，尤其是腸胃不好時。見最近狀態唔錯，忙著工事也不忘再嚐名牌雲吞麵的那份油甘香。周末午市，店內充斥著「聯合國」語言，獨行俠好處是隨便也可以找到個位置，甫坐下即叫了蝦籽撈。師傅執起大麵筲，拋兩拋後淋下上熟油，一下來輕易分出三～四碗麵，每碟份量均稱，就是技術。輕身的銀絲麵，撈起蝦籽來絕對清脆利落，熱力下油甘豐腴甘香，豬油，是傳統留下來的魔法，蝦籽鹹香配上油甘絕對是人間美味，平日儲下的「quota」換一口甘香，偶一為之亦無不可。喝一口帶著大地魚鹹香的湯底，是本地最沉厚出色的了，朝早路過不仿留意小店傳來熬湯的鹹香魚湯，加上師傅拋、分麵的功架，價值在盡在不言中。

　　對中環特別有好感，最喜歡就是它們的小巷仔，很有懷舊感，皆因老爸曾在中環區工作，每到中環也懷念小時候到中環遊玩的日子。前兩天到IFC看電影，趁尚未夠鐘，便往中環的小巷裏鑽，穿過天橋往威靈頓街方向去，想找點小吃，來到麥奀記門前，聽說這兒的雲吞麵非常出名，以往不大喜歡廣東的麵食，現在反面覺得廣東麵食是我們的國粹之一，一碗麵好食與否，除了麵本身之外，還要湯底及材料的配合。　　麥奀記的店外已貼上各界報社及雜誌的報道，還有一些外國雜誌的介紹，甚有睇頭。往舖裏鑽，人客不太多，畢竟已是六點過後，上班的人而在回家的路上，只有一些遊客及零星的食客，看來遊客居多，有說普通話、英語及韓語的食客，廣東話的只有我倆和侍應們，哈哈！　　雲吞麵每碗二十八元，價錢也不平，我們每人叫了一碗著名的雲吞麵，看看是否物有所值。麵放在大小適中的碗內，湯與麵及雲吞配合得相宜，湯底有濃濃的大地魚香味，而雲吞大小適中，用上全蝦肉非常新鮮及爽口，麵質方面非常彈，這樣的碗雲吞麵才算是優質之作。可惜價錢方面，實在有點貴，我們這等窮鬼只能吃一碗，多吃一碗也不捨得，不過可能就是只能吃一碗，才覺美味無窮！下次出糧，一定再來光顧，還要食遍整個中

見到食評寫到咁好..今日lunch就自己一個過去食~lunch hour係比較多人d..好在一個人..唔駛等就入左去..好熱同好迫law..叫左一碗雲吞牛筋麵..雲吞我真係未食過咁得意雲吞皮只係包住一粒蝦...好在隻蝦夠爽口...但一咳就冇左..得4粒咁大把牛筋好滑同埋好入味~~~好好食麵底有少少梘水味...湯底一流...飲完之後唔會覺口乾..証明少味精!!同出面雲吞麵比真係好好多...但係個價錢又真係拉高左好多.....都係等下次冇咁肚餓先去食碗細麵la.又或者都係上番半山食大佬開o個間..起碼佢19蚊都有一碗大ge雲吞麵~

早排同朋友lunch經過o個頭~ 打算食個晏...本來想去沾仔記, 但因為我同朋友都食過, 把心一橫就打算試下對面好出名既麥奀點知係咁令人失望...先談味道, 麵還可以, 但不能令人十分回味; 雲吞是小巧的, 挺爽口但不知為何卻欠鮮蝦的味道; 湯是太咸一點了吧, 大地魚是這樣的味道嗎?正因為它出名, 我先著眼於它的味道, 但這樣的味道和份量, 值這個的價錢嗎?雲吞麵仲要已經係全店最平的了... 真可惜...到底點解會出名......轉個頭仲要食出去多餐添~ 我和朋友食完都無言了...下次都係食返沾仔, 條氣會順好多...

前果排lunch我地幾個同事行過威靈頓街，間間餐廳都勁多人排隊等位，見倒呢間野入面都幾空，就入去試下啦 貪佢唔洗等。點知真係名不虛傳，叫左碗雲吞面，份量奀到我地幾個O哂咀!!! 我平時食面都幾快，一兩個字就可以食完，但呢度我放慢黎食，竟然一兩分鐘K.O. 好似冇野落過肚。埋單仲要40蚊. 簡直入左黑店!!! 係，雲吞d料係比較足，但係唔值呢個價囉，比盡廿零蚊。以後都唔會再去

這次是沒有ＰＬＡＮ來吃，只因ＤＡＤＤＹ沒有耐性等蓮香樓，太肚餓而在這裏吃了一碗細蓉。上次第一次去，感覺他們的麵的確很奀，好細碗。但今次用另一角度去嘗試，又真係幾好味。雖然係細碗Ｄ，但麵的確好食，有咬口，不算太彈牙，沒有鹼水味。雲吞亦很鮮，蝦很彈牙。湯底是最好，很清但非常甜。２６蚊還算可以，而且在離開時碰見卲美琪買外賣，　ＨＡＨＡ，好好笑！！　

有一天我朋友帶咗我去哩到食雲吞麵，我一進去就話︰嘩！我揾到細路嗰時既氣味呀！(因為我小時候我媽成日都會帶我去食雲吞麵，不過嗰間舖頭自從轉咗手之後就食唔番以前嗰個味道了)我朋友就叫咗碗細蓉，果然細得可憐仲要係唔平嗰隻喎，聞下湯底個味都ok，點知食一啖麵~~雖然麵都好彈口、湯就夠香，不過個湯底真係好鬼咸，咸到食完成個麵之後就啲牙都會 "鞋" 晒，所以我覺得佢真係唔係太好食，無下次想再嚟既衝動囉！

同行朋友叫了一個鮮蝦雲吞面。侍應擺低碗面，講左一句"雲吞面"就行開左...由於有"雲吞面"同"鮮蝦雲吞面"兩種, 穩陣起見朋友問多句"係咪鮮蝦呀?".....點知一d反應都無...3秒之後, 侍應再講一句"雲吞面就雲吞面啦下!!....唔洗講到明卦??""咁我地係想問清楚者..."點知侍應再答"都話雲吞面就雲吞面啦, 仲要問既?"當堂有火, 食到一肚氣食評話呢間最正宗有誠意, 完全唔覺, 就算廚房再有心, 都俾樓面敗壞晒!

態度極差,趕人走(唔怪得唔洗等位啦!)似住中環人多,到到冇位,比人欺騙左入去食!!!又細碗,份量細(三口就食完),雲吞超細粒又貴味道又唔好又唔俾加腩汁以後都唔會再去食對面間好食好多!!!抵佢咁多人排隊食!!!

我看完這裡的食評，尤其是給喊臉的人，覺得他們可憐又可悲，他們以量和金錢來評分，完全抹殺了雲吞面的精髓：大地魚湯，竹升面，豬肉和鮮暇按比例作餡等，都是花功夫和誠意的，您不懂欣賞，不捨得28元一碗麵，每人看不起您，我也明白夏蟲不可語冰的道理，可是您可以選擇10元用死蝦加味精湯做的雲吞面，但不能因為這樣對人家胡亂評分的，它的面可能不是全港最好，但也是比坊間的好很多很多，希望大家以後評價的時候可以客觀一點，這個世界還是應該讓用心得企業好好做下去的，謝謝

昨日下午路經中環聞名以久的,所以決定入去試試...點知結果係,店如其麵----奀!嘩!$26一碗細蓉,真係細...蓉囉! 我男朋友即刻講:點解咁貴但咁細碗,食一碗無可能飽啦！成$26碗,真係好誇張&離譜。食完後味道只不過一般，所謂湯底真的不外如是,完全聞唔到任何蝦籽味。雲吞Size既細粒味道又普通,我覺得CP雲吞好食D。飲埋d湯+杯茶,都唔需要5分鐘就可以走人。總結: 以後都唔會再去呢間麥奀,呃錢！

呢間舖頭已經經過左好多次，亦都比佢d香氣所吸引，今日終於忍唔住去試下，點知一入到去就見到d碗個細個，心諗食一碗實唔夠飽啦！點知一坐低就見到價錢牌...嘩！真係誇張得很，成$26一碗，真係貴得離譜。終於有麵食啦！味道我覺得一般，而雲吞同湯底我就覺得平時大埔街市間平記仲好食過佢多多聲，真係5分鐘到唔洗就食完，飲埋d湯同杯茶都唔覺飽，真係離晒譜，食完仲要去上海舖食個姿飯豆漿先夠飽。我以後都唔會再去呢間麥奀，呃錢架！

吃完一碗雲吞麵, 在商店逛逛, 待味道略為消除才吃第二間.此店許多時吃完勝香園返公司經過總會聞到好香的蝦籽味, 而這裡也是細細碗出名的, 所以就來試試.坐在卡位, 等了陣就有得吃.雲吞麵是正宗樣子, 匙羹放底, 麵在上面, 不過吃過麵, 就感到不太相同, 和擺花街的一間, 那裏可能更好, 這裡的麵卻是不大爽身.雲吞和之前卻是差不多, 不過這裏就更細, 蝦都幾爽.湯底是略失望的一環, 聞唔到蝦籽, 可能鼻塞..果然是麥奀, 一啖起兩啖止.埋單較貴, 二十五元.

我不否認對麥奀我是有情義結.....先父是個饞嘴之人, 我只有幾歲時他巳帶我光顧在中環舊廣安銀行橫街之麥奀記大排檔。轉眼巳四十年了。現時之麥奀記主理人- 明哥還是小孩, 替奀叔端麵給客人...從大排檔上了店子, 麥奀之水平一直都保持得很好(我指的是中環總店, 其他franchise out 的店例外!)。麵是買回來的, 銀絲細麵但絕無鹼水味, 雲吞還是細細的, 八分蝦、兩分肥豬肉。湯還是大地魚加蝦殼煲出來的, 加上點點麻油, 那種獨有的氣味，多少年不變....有一次下午聊天後, 明哥順便帶我參觀一下厨房, 本來沒什麼樣特別, 只是看見垃圾筒裹有一大堆鮮蝦, 我打趣的問明哥為甚麼這樣浪費。明哥簡單的答: "奀叔還不時到店中打點一切, 如果我用了不新鮮之蝦被他老人家發現就真的乖乖的不得了..."油菜只有一種: 芥蘭。原因: 一年四季都有, 和雲吞麵一硬一軟, 口感特別好！其他菜- 對不起, 水準不穩定, 不賣！麵是很小的一碗。如果你要硬把它當午餐, 三碗左右吧！一百大洋吃不了五碗。是不是很貴？當然是, 但沒有人硬要你將廣東人之零食充當午餐吧！最隹光顧時間- 午飯後約三時左右。午飯時迫滿人潮