麥當勞

营业中

休息中

是晚8時多買了一包細薯條+豬柳蛋包拎走。先講細薯條，份量少得可憐，睇住職員"筆"! 唔滿的，好彩新鮮炸起。豬柳蛋包一打開，只係見到豬柳見唔到蛋，一度懷疑職員比錯豬柳包，食食下先見到蛋，但竟然塊蛋仲薄過塊豬柳，太誇張！

好耐冇食麥當奴（都係講緊幾個禮拜），到了ＩＦＣ，就去最平既地方醫肚點咗最平＄２３蚊套餐，辣雞腿包＋薯條＋汽水.... so far so ...fair...唔可以用Good...但又唔係Bad...$23蚊，你想點 但係個包真係比以前差咗，汽水又淡咗，反而薯條比想像中好（因為人流多，薯條剛剛炸好），鬼叫你叫個＄２３蚊套餐咩，又唔叫＄３Ｘ或者＄４Ｘ幾嗰Ｄ...又唔加多$4蚊...這間新舖，比以前細咗好多，尤其是坐位，但係設計幾好，以自修室設計形式，有獨立式，也有長枱（３）人式。一大班人就唔係咁好坐食緊包，見到有個阿嬸，好似６０幾７０歲，係做執好枱面Ｄ垃圾，看上好似好勞累，冇咩笑容。咁大年紀，重要出來揾食，又要企咁耐，厨房要幫手又要去...雖然都係為咗生活，而且可能比其他做極厭惡工作的人要好，但都係覺得好唏噓 我走嗰陣，都順手清理好枱面自己Ｄ垃圾，掉入垃圾箱（我係餐廳睇到客人，好多都已經有這個習慣），希望大家做嘢，雖然唔可以話好開心，但都可以開朗Ｄ

今日趕頭趕命去買lunch 食，就去呢間嘢，呢間嘢…我叫走鹽汽水走冰。佢無漏單，而且薯條熱辣辣，個包叫左脆辣雞腿包。講番正題，包薯條走左鹽之後，個味無咁咸，而且食到有少少薯仔味。薯條夠熱。雞腿包夠辣又夠熱，係啲醬支唔正的外，算係咁啦…我有樣野想講，只有外賣…沒有堂食，變相所有食物會用紙袋袋好俾你，感覺有小小唔環保

因為一套電影，而掀起了「迷你兵團」的熱潮。今天經過麥當勞，就決定追一追上潮流並消一消暑！點了這個冰雪呂宋杧果汁($27)，雖然有點貴，但味道真的不錯！以呂宋杧果汁及砂冰攪拌而成，呂宋杧的杧果味很濃，很清新鮮甜。分量亦很大杯，整杯飲品鮮黃色，真的和「迷你兵團」很相襯。以砂冰攪拌而成的果汁真係可以為炎炎夏日降一降溫！

是日在到南丫島郊遊前還有點時間，便到國金的麥當勞吃早餐，原來我一直都未曾在Openrice寫過麥當勞的食評，可想而知我真的超久沒有吃過了！原本位於一樓的麥當勞已搬遷到二樓，這間麥當勞還有McCafe，店方極善用空間，竟然可以將兩者同時設在這細小的食店裡！這裡的間隔很像自修室，一人座位佔大部分，應該是跟其主要提供外賣服務有關，很多客人都是速食後便離開，不會逗留太久。點了板燒雞腿扭扭粉，配薯餅和細橙汁（＄３１）。板燒雞腿的份量尚算足夠，質地滑，雞湯底裡有不少雜豆，S型扭扭粉形狀可愛，整體是正常通粉水準。而薯餅夠熱辣，軟綿綿有薯味，其實一直以來我最喜歡的麥當勞食品就是這款只有早餐供應的薯餅！一日之計在於晨，匆匆吃完後便到碼頭乘船開展今日的旅程了！

After having two crappy McVeggie burgers in the New Territories decided to try it again in Central.Here you get a ticket and collect your order when it appears on the screen.★☆★☆★☆★☆★☆★☆★☆★☆★☆★McVeggie burger:As expected, the McVeggie burger was good.The patty was bigger too.There was a decent amount of sauce and the patty was golden brown and not dark brown like the previous two I had.The taste was ok but not as good as the first one I tried at Cheung Chau last year because they have modified t

老麥食乜絕對唔駛多講，但真係想comment下呢間新開既麥記。可能因為大舖搬細舖、加上位處IFC既關係，D位真係細到可以挑戰人類極限咁！如圖所見，真係重衰過自修室既cubicle，粗略估計枱面既size應該連一張A2紙都冇，最多只可以擺1.5個tray上去。可能因為咁，所以全店不論堂食外賣都係用外賣既packing，超級唔環保！另外，亦都可能因為超級唔夠位既關係，呢間老麥冇用double queue 而改用叫number既smart queue，不過亦都因為咁連一D好簡單既野食都要等好耐！現場所見有D職員甚至連一D好簡單既order都搞到亂晒大龍，令已經等得唔耐煩既人火上加油！可能因為食物係即叫即整既關係，整體質素總算保持得到。即磨咖啡飲得出真係即磨，唔係好似坊間果D一早整好晒求其喺張枱度攞起果D，返埋位攞上手重聞到少少咖啡既香味。而豬柳蛋漢堡既飽雖然好似比較乾身左少少，似係擺左好耐，但放左新鮮整好既豬柳同埋雞蛋上去之後，佢地既肉汁同埋油份卻剛剛好令到個飽腍腍地咁，口感非常唔錯，同平時食開既感覺好唔同，別有一番風味！雖然係咁，但當諗起香港人連食個老麥既空間都變得越黎越細、越黎越迫，真係

記得農曆新年前 IFC 商場2樓有間新o既麥當勞分店正在裝修,琴日放工經過商場,當時又未夠鐘返屋企食晚飯,諗住去麥當勞食o的野輕鬆下,由地鐵站上去商場2樓途中,就見到原本1樓o既分店已經結業,木板有告示通知客人餐廳已經搬到樓上去到2樓o既新分店,發覺店舖面積相對1樓o既舊舖細好多 ,雖然新店都附設 McCafe 賣咖啡蛋糕,不過全店座位少過30個,而且大家坐得比較迫,當時大約 6:30pm 係黃昏放工繁忙時間,見到店內差不多坐滿食客,難得見到一,兩個空位,為左體驗新店用餐o既經驗,即刻去買杯雪糕 抬頭一望,呢間分店唔用傳統o既天花板轉軸式餐牌,另外,佢地o既叫餐形式比較特別,顧客先到右面o既收銀處點餐及俾錢,然後拎住收據,到左面o既取餐區等候,每張收據上面都印左號碼,大家睇住兩個螢光幕顯示o既號碼取餐,呢種模式o係其他麥當勞比較少見見到頭頂o既餐牌只有顯示多款套餐,店員都算態度有禮,問過店員原來呢間分店都有得賣超值選雪糕新地,於是買左一杯士多啤梨新地,俾錢後就到取餐區等候,唔洗兩分鐘就見到我張收據顯示o既號碼,於是上前向職員拎杯雪糕 呢間分店o既裝修與別不同,一邊牆身用黃色,藍色

上個月，經過中環 IFC，見到 <麥當勞> 要搬往上一層！ 只要沿扶手電梯上一層，往長走廊方向行便會找到！ 新店依然是麥當勞及 Mc Cafe 同一舖位，比舊舖分別在於大縮水！  Mc Cafe 連最基本的三文治及蛋糕也沒有供應！  只有一個細小的 counter! 令我即時失去幫襯的意欲！  然後走去隔離 <麥當勞>！<麥當勞> 換上的新 Look 好像自修室！  很迫夾又侷促！令人渾身不自在！ 兜勻全間餐廳，我找到在角落的一個位「個人卡位」，好像為我一人而設！可能為了慳位的關係，不論堂食抑或外賣，只會以外賣的包裝！ 由於，地方淺窄的關係，店員行來行去都只有10步8步！所以，每當食客離開，他會很勤快地收拾餐具！熱香餅早餐 $28.3包括：熱香餅3塊、豬柳1塊、薯餅1件熱香餅質素依然，本身熱熱地！質感濕潤鬆軟！淋上糖漿，提升甜度！ 薯餅新鮮熱辣辣！香噴噴！炸得好香！薯味濃郁而不算重口味！ 豆漿質感濃稠，甜度恰到好處！