麥當勞

营业中

休息中

一早返工食早餐，快快去麥當勞，其實可以嘅都唔會食茶餐廳，去到地方乾淨，搵咗位之後落單，幾多人排隊，一條隊落單，另一條排攞食物！麥當勞服務水準一向快！5分鐘唔使攞到食物！煙肉蛋漢堡餐（$24.5）呢個係我早餐必點嘅選擇，鬆餅煙韌鬆軟，煙肉鹹香，麥當勞嘅蛋圓形半煎蒸，幾香，蛋白彈，芝士溶晒！好味！薯餅：麥當勞嘅早餐一定食，炸得乾身鹹香，薯味重！好食！鮮檸檬茶（跟餐+$3）茶味淡啲，加檸檬後味道清爽！唔落糖都好味！食物一貫水準，好穩定，服務爽手勁快麥當勞陪伴我成長！😆

返晏前到達商場，經過呢間麥當勞嘅甜品小賣部，見新出品嘅新地，一直想試，去到櫃枱，有個阿姐招呼，佢問我有無優惠卡，同事有，出示優惠卡可以送一杯新地，落單後阿姐好快唧好比我哋阿華田扭紋double新地（$15.5）新地灑上好多碎粉，味道像麥提沙味，撈啲雪榚食增加口感，扭紋新地味道太甜，掩蓋了阿華田同呍呢嗱嘅味道，就算唔加脆脆嘅雪榚，都食唔出主題味道！雪榚本身幾滑！可惜突出唔到主題！一般！double真係幾多！朱古力新地（免費）同事食阿姐好親切，爽手又鬆手，脆粉落得好多！態度親切，會介紹食品！主題唔突出

不得了！真係不得了！雖然之前出過，但今次係第一次食。阿華田味嘅軟雪糕好濃，再加埋啲脆脆已經正到不得了。仲要連埋成包機智豆，真係叔叔不行了！不過一路食一路覺得好膩因為真係太甜啦。一個字，肥！但我鍾意。阿華田扭紋麥旋風($15.8)

一個人的晚餐從來都是寂寞的。今日頹左一整日，旁晚既時候先走去麥當勞take away一個雞翼拼盤餐。走鹽既薯條雖然系即叫即炸，本應好香脆可口，可惜take away必然會軟掉，但怪就怪我唔系堂食，並唔系麥當勞既錯。雞翼拼盤(6件)有三款口味: 香酥惹味脆香雞翼相當香辣，比起一般既脆香雞翼更加香口惹味，仲有少少辣添；而香烤雞翼都系香辣味道，但呢款醬汁只系非常微辣，但偏香甜，更加好食。前者雞肉炸得比較嫩滑有肉汁，好juicy，但後者因為系焗製，導致肉汁差不多完全被烤乾，所以各有各好，亦各有各既唔好。

今日去麥當勞試新野 食左白漢堡同椒鹽蟹味嘅shake shake 薯條白漢堡入面係雞肉同煙肉我覺得底啲薯蓉最好味不過食到尾就有d漏 加大個餐之後有shake shake 薯條個椒鹽味有小小辣 而且比較鹹不過食唔出有蟹味😂😂不過我覺得好食過另外兩種

個人認為麥記嘅麥爆雞好味過另一間快餐店嘅雞粒又啖啖肉 又唔會得d炸粉硬wekwek加上和風紫菜粉真係一流宵夜都特登買2盒同屋企人一齊食另外見佢出左個椰子批 我就覺得個皮太甜 反而入面椰子醬幾好食聽講個椰子脆最近買一送一 要同屋企人去試下先

今日喺公司整文件整到天昏地暗~識得肚餓的時候已經時間唔早~喺呢頭附近都冇乜可以醫肚的餐廳,唯有....見到餐牌上呢份算係感覺上最健康的套餐,OKOK 二話不說就要呢個了~呢個時候餐廳已冇乜客人,所以可以搵心儀的位坐,但可能因為好多位置己清潔完,所以已經唔比人去~OKOK咁唯有坐喺近門口的位置LA..双層魚柳包餐加個橙汁以為呢個時候客人唔多, 個包可以有返少少溫度,點知自己真係諗多左,所謂即點即整係將左樣唔識的材料放埋一齊...一D都唔熟~双層魚柳包主要有半片芝士加少少沙律漿.上下兩塊面包乾到冇人有,双層魚柳中間一D野都冇,感覺好陌生.. 魚柳咬入去只係食到出面的炸粉~魚肉薄到睇唔到~兩層加埋的魚肉都唔夠一邊的炸粉厚~當然..入口都係涼涼的~M記最主打的出品之一 - 薯條..一拎上手就知炸左好一段時間,又淋又唔熱又唔脆,真係好難食~~鮮橙汁..甜到飛起..用清水沖多兩杯都仲得~!!食完都未飲完~服務員姐姐已經黎清枱..哈..明白的..阻人收工等同天大惡行..唯有配合一下...盡快離開..總括黎講...呢餐真係令人極度後悔~~~!

冬天來了，嗜甜的細胞蠢蠢欲動，是夜飯後肚子仍覺欠缺點什麼的，於是就近來了McCafe坐坐，吃個甜點~近期McCafe就著寒冷天氣的到臨，新推出一系列熱暖產品~ 因為時間不早，不想喝咖啡了，熱朱古力又略為膩滯，剛才又吃了點雲南辣品，所以點了泡抹鮮奶解解辣，但又想吃點甜的，就要了新出的綠茶紅豆心太軟~每次看McCafe的店員調飲品，一般都是用維記出品的鮮奶/脫脂奶，所以泡沫鮮奶故然也是用維記的，所以沒啥特別，因點了用脫脂奶，所以泡抹層當然不及鮮奶的細滑，但個人對此並沒要求~綠茶紅豆心太軟是與其他蛋糕、馬卡龍、三文治、包點等同放在凍櫃內的，到客人落單時才取出來翻熱。等了不一會，心太軟出爐(微波焗爐)了，溫熱的，切開內裡即時慢慢流出熱溶的紅豆蓉，綠茶和紅豆一向是天作之合，所以這個心太軟將兩者混合故然不會出錯，外層的綠茶蛋糕與內裡的溶紅豆蓉味道很能相互配合，甜度適中，唯綠茶蛋糕層不夠濕潤，略嫌少許乾硬，幸得配著溶滑的紅豆蓉同吃，加以滋潤，否則乾吃蛋糕就難以整個啃下了~ 如整個心太軟能再熱一點，相信效果會更好

雙層芝士孖堡最初以為它會很油膩但是原來不會而且茄汁酸酸的很好吃~粟米很乾又沒有清甜的味道...橙汁不是很甜，甜度適中~豬柳蛋漢堡賣相不是太好而且它比雙層芝士孖堡油膩...魚柳包的芝士太細了...

每年新年期間都會有招財福堡同扭扭薯條，今年又要食番次先。黑椒牛餐，可樂人多，啲包新鮮做，熱辣辣特別好食，黑椒醬汁好味。薯條炸得好乾，又燶，勝在大包。再要多杯士多啤梨新地，甜甜地食完覺得無咁熱氣，自我感覺良好嘛。而加咁分兩條隊買同攞野，真係好混亂，嗰盤餐係我嘅，但排我後面買嗰個唔知，係咁食啲薯條，最後我唔要個包薯條要求換過。

如果不是囝囝肚餓，在下絕少買麥當勞給小朋友，說真的，一年光顧的次數，可以一隻手數完。板燒雞餐超過$30，薯條怕鹽份太多，所以會指明走鹽，至少可以健康一點，剛剛炸好的，色澤油潤金黃，吃起來香脆可口，的確令小朋友愛不釋手，吃過不停。囝囝有點咳，要了橙汁汽水，這種苦差，當然由父親代勞。板燒雞有點韌，而且雞味輕柔，反而沙律醬更搶鏡。偶爾為之好了，多未必好。

其實只係幫襯佐個電糕新地(朱古力), 見夜夜地 (10pm) 咁岩無人排隊先去.難得的有個完整既新地.靚既意思, 係明顯見到新地底既螺旋紋一直上到頂, 個尖仲係向上的.D朱古力平均圍住個邊而無飛出來亦無流落底..同D 花生不多不少!最重要既, 係D新地係硬身 (即係介乎甜筒咁硬同雪糕車咁軟之間).相比尋日去旺角排大隊個個溶溶新地, 呢個正太多..可惜忘了影番張相 =(唯一敗筆: 無俾紙巾我囉

媽媽話想去試下新出的超級隊長漢堡，於是二人便又去吃。我唯有叫這個超級隊長漢堡套餐，而媽媽就叫佢最鍾意的意大利咖啡。誰知她竟然買多個蕃茄煙肉芝士包因為我們二人都有糖尿病，吃這麼多便血糖標升！講回食物：我叫的那個都好好味，個牛扒好正呀！＠唯獨我不太喜歡吃薯條，所以薯條吃剩了許多。媽媽那個都不錯，熱辣辣的多士，芝士係口中融化，好好味！服務不過不失啦！

星期日要做速遞part time，老遠送完件之後來呢度坐下休息下﹗次次出親shake shake薯條我都總會來幫趁﹗老實說句薯仔已經不健康架喇，再要加0的味精粉落去係更加不健康，又話減肥又要食正係我呢0的為食之人﹗要左一包椒鹽味粉，加左落去薯條入面食的確令薯條更加惹味動人，不過食完會好鬼口渴，建議加杯大汽水更加過癮﹗係好味不過不可常食，吃完薯條是罪過﹗

下午4時掛起8號風球,立即拔足從公司趕回家,也因為這樣今天才有幸食到這餐麥當勞到粉嶺轉車,也未到5點,口痕起來,於是買了新推出的"板燒雞腿包"餐回家吃...配薯寶回家放進微波爐叮一叮,稍微暖一暖就可以品嘗打開紙袋,薯寶少得很啊,杯子不滿,數數...只有9小件但帶點微辣,味道恰好,"番叮"當然不及即食好味...但都保持水準雞腿包...雞肉好老...調味還不錯,配沙律醬最滋味原來一個包都飽得很了,因為雞扒好大塊...下次要試豬柳...應會更好吃