麥當勞

营业中

休息中

嘩嘩嘩‼️ 炸雞超新星登陸麥當勞啦🥳麥當勞最近推出全新麥炸雞 MChicken🍗選用雞鎚及雞上脾🐔我呢個 MChicken 應該係啱啱炸起，拎上手熱辣辣♨️食落味道同脆香雞翼一樣係微辣🌶外皮炸🉐超脆，最意不到嘅係肉質鮮嫩，仲有勁多肉汁，爆 juicy👍🏻完全唔會猙猙😋而且 size 比較大，所以食到啖啖肉😁諗起都流曬口水🤤今日 12 點至 1 點有得免費品嘗麥炸雞，錯過左嘅你都唔駛失落，因為由今日開始全線 McDonald’s 全日都有賣呢個套餐🥰大家快啲買返個 MChicken 套餐試下啦😆開始「追星」行動啦

鍾意食麥當勞脆香雞翼既你有福啦❤麥當勞已經推出左全新MChicken🍗 麥炸雞簡直係脆香雞翼既大哥，佢既滋味配方同脆香雞翼係一樣㗎🤩·全新MChicken用上雞鎚及雞上脾，睇見都流哂口水🤤 大大件夠哂澎湃之餘，一啖咬落去仲咇哂啲肉汁出嚟😍😍 香脆嫩滑程度簡直無得輸😋 MChicken已經直飆上我心中麥當勞美食排行榜第一位！·MChicken哩個炸雞超新星已經喺麥當勞全線分店有售啦🎉🎉 各款麥炸雞超值套餐仲全日供應㗎，你都一於唔好錯過哩份美味啦😋😋

行過鰂魚涌發現原來麥當勞今日推出咗麥炸雞呀🤫啱啱試完，覺得佢好嫩滑Juicy，非常好味呀😋麥當勞依家仲推出埋超新星出沒地圖，方便大家食雞，一scan就睇到🤪地址：鰂魚涌英皇道1060號柏惠苑購物商場地下C舖

講起食麥當勞，香港真系天堂。因為香港麥當勞價錢，幾乎是全球最平，而且常常推出新款式，益食家。最近又有新產品，就系蕃茄蛋豬扒包，同期還有黑糯米批。今日就在鰂魚涌柏蕙苑分店，試試過個新出品。蕃茄蛋豬扒包系用鬆軟麵包，夾住醒胃茄汁豆三色豆，中間嗰層就系煎蛋同芝士，還有主角外層金黃鬆脆嘅厚切豬扒，非常juicy ，層次分明。至於黑糯米批，用黑糯米混入香甜椰汁，中間流心煙韌，像一層紫米露， 加埋金黃薄脆嘅外層，外脆內軟，口感豐富。

麥當勞麥樂雞推出新醬多時， 終於有機會買18件麥樂雞試😋。四款滋味醬由左至右分別係 「蜜糖芥末醬」、 「香草檸檬醬」、 「鹹蛋黃醬」、 「南乳燒雞味醬」， 各有特色。「蜜糖芥末醬」 - 最好味， 經典無得輸👍。「香草檸檬醬」- 淡淡檸檬味🍋，好清新。「鹹蛋黃醬」- 淺嚐可以， 但點多少少就會覺得咸。「南乳燒雞味醬」- 質地最杰，味道最濃， 南乳味唔係人人愛。總括來講， 本人最鍾意經典既「蜜糖芥末醬」及 潮興既「鹹蛋黃醬」。題外話: 嚟間麥記經常缺人手，出餐好慢。

朱古力脆皮士多啤梨大窩夫筒（$13）其實都已經食咗好耐....拖到而家先出😆其實食都係為咗個朱古力脆皮🍫草根都解釋唔到對個脆皮點解咁熱愛😍雪糕好大杯🍦，大窩夫筒夠晒脆面頭加咗2粒餅乾仔🍪，但其實味道好普通士多啤梨雪糕🍓唔酸，人工得嚟唔會好難接受好處係夾埋脆皮食唔會膩😋不過重點都係個朱古力脆皮！不過重點都係個朱古力脆皮！不過重點都係個朱古力脆皮！濃濃嘅厚朱古力真係好正🍫🤤好可惜今次朱古力脆皮唔夠多😭真係好睇唧雪糕個人嘅手勢感覺新地筒（$6.5）好似仲多朱古力脆皮，可能更抵食🤣🤣

年30晚食M記當宵夜你見過未？冇辦法，其實餐廳關晒門。呢個黃金脆薯系列今年新出一隻黃金脆薯魚堡，我就試試佢，配個扭扭薯條，凍奶茶，再加錢買個紅豆吉士批。不過希望愈大失望有時都愈大…呢個魚堡真係可以話令我失望。成個包乾到死，入面得洋蔥粒、薯餅、魚柳有啲醬汁都冇。起碼都比啲沙律醬啊！我唔知係佢哋唔記得落定點啦…總之我呢個係冇嘅。扭扭薯條都叫做係接受得到啦，個紅豆吉士批可以話係挽救咗我嘅失望，一直都keep住還不錯的。

一向我哋都好少去 McDonald's 食lunch㗎🍟 唔係要扮健康，不過我哋班 #飯腳 當中有人唔鍾意食👉🏻👈🏻 所以我哋都唔會食㗎... 幾有義氣🤣 今日得我返同 #靚媽 兩個人少少， 就放縱一吓啦🥳🥳 #小秘書 就最鍾意 #麥當勞 個 #芝士蘑菇安格斯漢堡，排隊期間，見到 #Doraemon #叮噹 張海報鬼咁吸引👀 本來$44嘅套餐，左加右加後就變成 #兒童套餐 咁款😂 其實 #小秘書 好怕食 #薯條🍟㗎，好彩我個partner幫我捱義氣，咁我就可以專心食我個🍔、同另加嘅 #小龍蝦湯、#芒果x熱情果梳打 喇🥰 個 #漢堡 好新鮮呀，不過醬汁多咗啲，搞到我成手都係🥴 #小龍蝦湯 ok啦，都有啲蝦肉㗎，跟餐只係加$8唔會有要求😅 反而我對個特飲 #芒果x熱情果梳打 好有興趣❤️梳打入面加咗好多 #爆爆珠，口感好得意呀😄 不過最後悔就係加$轉咗個 #扭扭薯條，又油又淋... No Good LOL🤣🤣

琴晚睇電視見Double Big Mac 又出返, 就決定今日買黎食柏惠苑購物商場地下自從多左d自助落單機之後就好快落到單, 唔使排咁耐每部機都大約有3,4個人等緊, 5分鐘都唔使就可以自己落單落完單等左5分鐘左右就拎得可能因為Lunch time, 做緊promote果d野都係整定係到, 而唔係即叫即整, 所以即磨走奶唔熱, 脆薯皇都唔熱唔脆Double Big Mac有盒裝住, 唔會壓到變唒形個包微暖食過唎間分店幾次, 個包都砌得好整齊醬既份量適中所以即使係外賣都唔會好次上網見到人地放出黎d圖咁個包壓到全部食材甩唒出黎俾d醬浸住咁4塊肉食完好飽見新出左個藍莓芝士批, 買左試下唎樣係咁多樣野之中最暖既個皮好脆芝士味冇乜, 俾藍莓醬蓋過唒藍莓醬有少少似果jam既味, 都幾甜都係蘋果批好味d最後脆薯皇, 唔脆都唔熱本身有味, 冇薯條咁咸

早幾日係唔同地方經過幾間麥當勞都見到一堆人排隊唔知咩事, 冇行過去睇, 心諗唔係掛麥當勞都排成咁今日放工經過公司附近間麥當勞, 離遠已經聞到陣臭味, 見有d人經過掩唒鼻咁唔知咩事再行近d, 唔係喎, 陣臭咩好熟悉, 聞聞下又幾好聞於是就行埋去睇下, 原來係出左榴槤雪糕呀!!D24榴槤麥旋風 $25追加榴槤蓉+$15, 終極特濃版+$30追加榴槤蓉就係俾多1盒仔榴槤蓉, 而終極特濃版就俾2盒仔榴槤蓉, 普通版就店員斟完杯雪糕就會放d榴槤蓉落去睇左個價錢覺得貴貴地, 不過榴槤不嬲貴架啦, 同埋又期間限定, 而家又少人排, 一於就試下第一次食, 食正常榴槤份量試下先, 因為驚係d假榴槤味或者有藥水味超級好味!!榴槤味一d都唔假, 似係用真榴槤普通版既榴槤份量都足夠撈唒成杯麥旋風, 不過之後去其他分店再試普通版店員就冇落得咁多榴槤蓉, 榴槤份量應該係睇分店, 所以驚唔夠榴槤既就追加榴槤蓉啦要提一提既就係榴槤本身已經好甜, 溝埋落雪糕就更甜, 我試過食終極特濃版, 榴槤味重到不得了, 但係都甜到不得了, 有d那喉嚨添甜到, 所以怕甜既就可以追加1份榴槤蓉或者試左普通版夠唔夠先

呢間麥記面積算係幾大. 好多時候 , 都會見到有model喺度拍廣告㖭 呢一日走咗架巴士, 即刻衝過去買個早餐, 再等下一架巴士。點知去到自助售賣機, 唔係機器壞咗冇反應, 就係要等幾耐。 買完食物, 發覺自己個餐要等廿幾三個。 都等咗差唔多十分鐘, 先有早餐食。對於比較趕時間嘅人呢就唔好去麥記買早餐。因為麥記買原來係想快, 原來麵包鋪買早餐喺更加快。因為買呢份早餐, 令我miss埋第二架車。要等第三架車先上到。。。。得不償失。。。仲有麥記通常都好唔健康, 又產生多分解唔到既垃圾。 都係少食為妙

呢個星期最受矚目嘅絕對非脆皮朱古力新地莫屬！試過落去銅鑼灣個間麥當勞排隊，竟然要等佢重整機器半個鐘以上～香港人對呢個經典回歸嘅熱愛程度真係超出哂預期！仲有，呢個脆皮朱古力新地要係有甜品製作部嘅麥當勞先有，唔係間間都有，所以稀有程度又再提昇一大截。所以，排隊等左超過廿分鐘真係基本。🌿🌿🌿🌿🌿🌿🌿🌿🌿🌿講番呢個脆皮朱古力新地：HKD6，賣相真係同十幾年前個個樣一模一樣～朱古力外層好脆，一咬落去個啖食到朱古力脆皮同朱古力雪糕真係好味！而且佢雪到好凍啊啲雪糕！呢度又再加分😄

今天在柏惠苑的麥當勞Mac cafe 點了一杯鮮奶泡沫咖啡，$14（細杯裝）十分超值的鮮奶泡沫咖啡這裡有大中小杯三種不同Size,雖然我點了小杯的份量，但也覺足夠，咖啡味道香滑，口感不錯，两三知已，吹水聊天，地方坐位足夠，也不會覺得擠迫，下午打發時間，是不錯的選擇！

呢間麥當勞我由細去到大，一直睇住佢由冇甜品站邊有甜品站，由紅色變黑色。今日一於嚟寫個食評啦。首先讚咗先啦，我去過好多間麥當勞，佢哋整嘅包賣相算係最整潔最好睇㗎啦。其次，呢間麥當勞鋪位大，好少搵唔到位。同埋佢哋好少落錯單。讚完就係時候批評吓啦。呢間麥當勞啲員工嘅態度真係唔掂，得一兩個係真係有禮貌嘅。之前我去甜品站買雪糕，因為我巢錢慢（嗰陣冇人排隊），個雪糕阿嬸就鬧我啦，真係唔好受。呢間分店嘅速度真係唔夠。第一，人工點餐得一個坐陣，呢邊一條隊，點餐機又要排隊，趕時間嘅時候，食個Lunch都難。呢間嘢嘅包係冇芥末喺入面嘅，我唔知係咪全香港都唔會Serve Mustard定係得呢間冇。我要喺點餐機嗌多芥末佢先比兩滴我。入外賣入到好亂，一打開個袋啲薯條飛曬出嚟，有啲狼狽。基本上係咁啦，整體上都滿意嘅。

當一個人食晚餐但又唔知食咩好， 我就會去 麥當勞自己開餐。 之前M記都出咗好多新食品， 咁我就試咗佢地嘅芝士磨菇安格斯牛堡係， 我知有洋蔥係好食d, 但我唔食洋蔥嘛， 所以我走洋蔥。 2塊芝士係我至愛， 安格斯牛堡夠厚， 有牛味， 份量足。 最可借係佢個包， 太實太硬， 牛堡已經有返咁上吓份量， 個包唔鬆軟， 真係咬到牙骹都軟。 如果係 漢堡包嗰款嘅包應該會仲好食d , 不過真係要講講宜家嘅麥當勞真係好慢， 係賣包機買完去俾錢都要等成8分鐘， 唔好講攞食物啦， 次次都要成10分鐘先有。 又話改咗形式會好d, 我就覺得反而差咗， 慢咗，