麵包樹咖啡屋

营业中

休息中

喺附近返工，同一條街好多食店。嗰日遲咗放飯，怕趕唔切，見呢度唔多人就入去食個快飯。叫咗德國腸配意粉，再加杯熱咖啡。個汁真心難食，又杰又鹹，唯有飲杯咖啡算數，點知難飲到以為飲緊煙灰水🥶。最後返到公司喪屙直到收工，黑仔。我唔係同行寫惡意批評！真係希望店家改善吓，廚師自己有無試過出品㗎？仲要唔係特別平。舖租貴人工貴，唔代表要客人食啲咁嘢。附近選擇多，畀啲誠意改善吓出品，一定有回頭客㗎。唔知點樣寫到80至200字

位於灣仔謝斐道的「麵包樹」是一家舒適而富有個性的咖啡屋，以其美味的咖啡和簡單卻精緻的餐點而聞名。當你走進這家咖啡屋，你會立刻感受到舒適和溫馨的氛圍，這使得這裡成為一個非常適合放鬆和享受美食的地方。麵包樹的「焗芝士香草肉醬長通粉」是他們的招牌菜之一。這道精緻的長通粉上面覆蓋著濃郁的芝士和香草肉醬，口感豐富而濃郁，吃起來非常美味。長通粉本身也非常有彈性，帶有微妙的麵粉香氣，和肉醬和芝士的組合相得益彰。整道菜的份量也十分足夠，非常適合與朋友分享。此外，麵包樹的餐湯「忌廉蘑菇湯」也是一道令人印象深刻的菜品。這道湯濃郁而豐富，滋味十分出色。忌廉的加入使得湯的口感更加柔滑，而蘑菇的香氣也非常濃郁。這道湯也十分適合作為前菜或作為輕食，特別是在寒冷的天氣裡，一碗熱騰騰的湯是非常令人心暖的。總的來說，「麵包樹」是一家非常值得一試的咖啡屋。他們的餐點簡單而精緻，口味非常美味。如果你正在尋找一個舒適而溫馨的地方，享受美食和咖啡，那麼「麵包樹」絕對是一個值得推薦的地方。

茶餐廳較少以西式做主打，但這間在灣仔的茶餐廳卻是以此作噱頭，在區內深受歡迎。午餐有很多款式，例如豬仔脾是最受歡迎的，還有雞翼、雞扒、吞拿魚、魚柳等等，全部可以搭配長通粉、意粉、天使麵、螺絲粉、薯蓉或飯等。配搭的汁可選茄汁、煙肉蘑菇、西蘭花、白汁、咖喱汁和黑椒汁！今天叫了西蘭花汁魚柳長通粉，汁很多，但我覺得誇張咗啲，令魚柳冧咗。魚柳好大塊，雖屬平價魚柳貨色，但味道尚可。午餐包飲品，覺得這裏的凍檸茶不錯！👍🏻我平時多數食沙律餐，可以選蘋果沙律配搭吞拿魚雞扒等等，我覺得沙律餐比較這個魚柳意粉好味，大家不妨試一下😀

平時午餐常常食粥粉麵飯，有時也覺得很悶。今天便去試試這個沙律套餐。套餐有多款選擇例如雞扒、火腿、吞拿魚、三文魚等等，可配田園沙律底或蘋果沙律底。今天選了吞拿魚配蘋果沙律底，雖然只是$44，但吞拿魚的份量非常多，目測多過一小罐吞拿魚。蘋果沙律的份量也不少，蘋果加上薯仔十分飽肚，在炎炎的夏日吃一份沙律，感覺十分清新，又不會太飽。吞拿魚的份量那麼多，正好用來做三文治的餡料。正常的沙律餐三文治是有牛油的，但礙於我不喜愛牛油，所以要求餐廳走油，餐廳亦二話不說照做。我再將吞拿魚夾在麵包中，便成為了一份很好味的吞拿魚三文治！😀沙律餐可以跟湯，但因為之前到過這間小店，它的檸檬茶很好喝，茶底濃而檸檬新鮮，雪得凍凍，簡直令人透心涼😍

蜜糖豬髀骨天使麵配咖哩汁咖哩汁帶微辣， 可惜醬汁有啲少，唔夠撈勻所有天使面，令到部分天使麵食果陣比較乾身。豬髀骨有四塊， 肉質似豬手一絲一絲咁， 好有咬口。 豬肉外表塗上咗一浸蜜糖， 咬落去蜜糖嘅甜味同埋黑椒既辣味喺舌尖上相撞， 令人一試難忘。

喺灣仔返工應該都知呢間餐廳，平時多人外賣，堂食就唔算多位，不過坐得都唔算逼。最鐘意佢選擇極多，有常餐、意粉🍝、熱狗🌭、三文治🍞、burger🍔…第一次去真係選擇困難症揀左陣先諗到食乜😂。不過食過一次就會為左奶油豬而叫常餐🤣。🔅港式茶餐廳豬扒麵餐 ($52)豬扒都大塊，唔韌正正常常。出前一丁煮得啱啱好。粟米炒蛋好滑💛。奶油脆豬都係依然好脆，好香煉奶味😍，做到晒我對奶油脆豬既基本要求👍🏻。🔅意式煙肉蘑菇汁燴豬扒 ($47)呢個係同事食，無乜特別，煙肉幾碎，但豬扒同意粉都好大碟，都抵食既。💬呢間唔止lunch，其實tea仲抵食(最近先食完😂)，食物so far都未中過伏，正正常常咁，但勝在選擇多，價錢又唔算貴，唔使等好耐，所以久唔久都係會黎食下😎。

估唔到呢間毫不起眼嘅西式茶餐廳竟然隱藏住令我想無限encore嘅美食，就係蜜糖豬仔髀配薯蓉啦✨之前見人推介佢個豬仔髀見係喺灣仔就一心諗住搵個晏晝試吓，點知第一次想幫襯嘅時候去到已經賣晒，嗰陣都只不過係一點三⋯於是第二次12:30就打定電話去落單終於比我食到😎-🍖蜜糖豬仔髀（咖喱汁）$62（外賣自取減$5）其實除咗薯蓉，配飯、意粉、螺絲粉、天使麵、長通粉都可以，不過個人係大推薯蓉，因為口感真係好軟滑，配埋咖喱汁辣辣地真係巨好食🥲主角蜜糖豬仔髀有三枝骨，雖然食起上嚟有少少唔方便不過肉質好腍其實都好易就咬到啖啖肉😋而且真係食到蜜糖味嫁，加埋咖喱汁甜甜辣辣咁真係世界級好食😋唔好比佢差差地嘅賣相先入為主咗🤣-總結：平民美食🌝又一灣仔打工仔食晏之選（唔做晚市）

Lunch time周圍搵食，見到呢間都多人買外賣所以就去左試一試。堂食唔算多位，不過坐得都算舒服。有茶餐廳粉麵餐、又有熱狗🌭、意粉🍝、多士🍞、漢堡🍔、…無諗過細細間舖都種類繁多😱，睇到我真係有選擇困難症😂！原本想叫US2 港式茶餐廳豬扒麵餐，但無豬扒，佢問我雞扒得唔得咁就照試下😬。雞扒幾滑，出前一丁唔會煮到好腍幾好👍🏻。平時通常唔食咁邪惡所以少食奶油豬仔包，點知呢個奶油豬好出色😱😱！個包好脆，就算搽左煉奶同牛油都唔會腍左，成個勁香煉奶同牛油味，勁脆🤤！蛋好夠滑，加埋粟米有啲口感又唔錯。麵就無乜特別，但會為左個奶油豬encore呢間！

謝斐道有好多不同類型嘅食店，今日朋友介紹麵包樹，地鐵站A2出口 3分鐘內就行到，好方便！一睇Menu真係好興奮，勁多選擇，主菜類仲可以揀意粉、螺絲粉、扁意粉、薯蓉等等，無論食量係大定細，總有一款啱你。先由職員安排座位，睇啱就喺門口落單攞牌仔，就可以等食😋公司三文治一上台真係嚇一跳，又足料又大份😜😋 烘過的麥包夾住新鮮嘅蔬菜、雞肉、雞蛋同午餐肉，味道亦很出色👍🏻👍🏻咖喱豬仔脾配薯蓉亦都係出色之作，咖喱汁香濃唔辣，豬仔脾亦醃得入味，食埋薯蓉真係好飽👍🏻仲跟埋兩杯飲品，$60 一個有質素嘅午餐喺灣仔區已經買少見少了讚👍🏻

🤤有時lunch 唔系太餓去呢間食真系好正，佢d salad 好fresh 幾好味，但佢d 系用千島醬，如果想要黑醋要加錢！同埋佢有加set 系手抓餅加水果set都好好味，水果新鮮，唔系隔夜水果，全部都好鮮甜，手抓餅我最中意吃咸牛肉味！價錢都算抵食，可以話系打工仔輕食之選。我同事有食過個豬仔脾，佢話好出色，好林，好好味。大家都可以試下佢地d 意粉！

灣仔平價西餐廳⚠️ Lunch最平$40有意粉有野飲😨而家外賣自取仲要減$5😨平到喊😨見到menu啲字咁密密麻麻 都知佢有幾多款式選擇🤩︎︎————————————————————————🐕 鮮茹雜菜湯天使麵套餐（$52） 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯呢個套餐仲包埋奶油豬仔包 魚餅同熱飲選用我最鍾意嘅脆脆豬仔包款🍞咬落外皮真係脆卜卜😋配上毫不吝嗇嘅煉奶同牛油🧈正魚餅同泰國餐廳食個啲差唔多🐟正正常常咁啦天使麵偏淋身 但唔糊重點係超掛湯😋配上酸酸甜甜嘅鮮茹雜菜湯 好開胃😋飲完唔口渴 感覺冇咩味精————————————————————————🐕焗芝士香草肉醬扁意粉餐（$46） 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯扁意粉意外地比天使麵更淋😂不過一樣咁掛汁😋肉醬係豬 所以唔食牛嘅人都食得！佢面頭啲芝士都好多😨整體幾芝味😛😛————————————————————————🐰題外話：➥ 見好多人都叫佢嘅豬脾骨意粉———————————————————————

2020.8.11(二)這些日子不能聚餐/不能自助餐, 為左保護自己/保護家人/保護同事/保護鄰居, 只能隔住口罩大叫生日快樂, 無得吹蠟燭及切蛋糕, 但依然開心<聚>在一起食午<餐>。今日叫左麵包樹~西式餐飲~比較適合慶生。 唱完生日歌~各人送上各自的祝福後~今次玩玩<神秘餐盒~無需預定自己喜愛食品>!! 抽籤~抽中幾號就攞幾號餐盒~當然一人一盒~領取完! 返埋位~嘩！發達囉~我領到至心愛的咖哩<燒豬脾>薯蓉! 燒豬脾既制作相信需要很多醬汁=整個下午都無限回味, 要醃制一天才致入味, 薯蓉濃郁, 還有咖哩汁亦是這店的招牌味。 好好好味! 無得輸既熱奶茶。

2020.8.10 (一) 食左<麵包樹>早餐好耐, 但無寫食評, why?點寫呀! 除左平/靚/正, 好味/抵食/新鮮, 仲有咩形容詞?目前外賣早餐減2蚊, 無錯減2蚊, 即係3文治 $22蚊三文治的白麵包, 超軟/極新鮮, 出廠至製作=不過5小時。鹹牛肉蛋治, 無得輸 why? 蛋既質素=新鮮。 和鹹牛肉比例=剛剛好。 蛋=唔會炒得太老。 落order, 現金比錢, 洗手液洗手then行出門口, 跟住有人叫number咁就攞得, 超快。一定要講奶茶, 外賣返到公司仲熱辣辣, 超正

2020.7.17(五)午餐唔敢出外食, 唯有叫外賣, 麵包樹係首選, 今日食平d唔叫豬脾, 清淡d食沙律餐⤵⤵↪沙律可選擇Apple Potato (或Cesar Salad)↪topping我揀左Avocado Tuna Fish ↪咖啡或茶, 仲有一片麥包評價: <色>相信堂食+擺碟=裝飾一下=賣相佢好靚, 但外賣都係咁既樣架啦。<香>只可以講食材新鮮, 因為是冷盤沒有<香>。 <味>意想不到, 送到黎仲有凍既感覺, 30幾度唔會熱左。 食材本身既新鮮味道仍在。

2020.6.24 (三)疫情下, 一個人找午餐的地點真是很艱難, 有單丁位但係對面又係單丁人士。 厘間麵包樹, 雖然好細間但防疫間格做得非法好。 客人不多, 隔離食店已爆滿, 這裡仍然大吉。 被編到最入的座位, 很乾淨, 眼睛已燒豬脾的圖片吸引了, 也沒有心去研究其他食物, 當然要點就點啦！ 意想不到的燒豬脾很入味, 食到最尾個一啖<依依不捨>, I'll be back!! 可惜的是好味的奶茶, 被紙杯拖下了心情, 下次自携奶茶杯, perfect!! 今次60蚊都好抵