麵包樹咖啡屋

营业中

休息中

Having lunch here with my colleagues and this is the first time we come here. Not a very big shop but we don't need to queue up during peak hour which is quite amazing 😉 So I order the tomatoes noodle with crab and chu jai bread($45). Not very expensive for one set which included a drink. The noodle is quite soft and little bit salty for the tomatoes soup. Chu jai pao is good! At least very crispy on surface and you still can chew the sugar when you bite it!! Drink is normal

今天同朋友黎開灣仔做野，宴晝呢餐都係呢度食埋啦！見呢間鋪門外好多人係到排隊，就諗住試下啦！點知，真係伏到一個點！！！無下次！我哋要係門外排隊買咗嘢食先可以入去！我哋兩個都揀咗挪威煙三文魚配磨菇白汁扁意粉同熱檸水。入到去，覺得好迫，座位空間好細，真係肥啲都坐唔落。首先講下挪威煙三文魚配磨菇白汁扁意粉，賣相真係唔討好，而且食落直頭淡而無味。汁又唔算多，想用嚟撈下扁意粉都唔夠！煙三文魚嘅味道就ok嘅，係平時食開嘅味道嘅！算係咁啦！值得讚嘅係佢嘅扁意粉，整得好爽口，唔會一patpat嘢咁！唔錯，但真係敗係啲汁到！檸檬茶唔知系咪放咗好耐，我哋飲落口時好酸。。我都仲接受到，但朋友一啖都唔飲。另外，餐廳員工嘅衛生程度好低。我見住佢將跌咗出嚟嘅意粉執返落個碟入面。。好恐怖。今次就話比我見到然後同佢講返啫。。不過都唔知系咪真系換過碟俾人，定係攞完入去再拎返出嚟。。希望唔好係後者啦！雖然，四十𡃁蚊係灣仔食嘢就唔算貴，唔想改善味道質素但都應該注重下衞生啦！

麵包樹係小店，真心建議外賣，堂食個環境太壓迫。外賣推介佢既焗意粉系列同蜜糖豬仔脾。如果只係叫意粉，外賣佢係淋汁再撈勻上菜，幾分鐘就有，不過就唔太特別。加十幾蚊焗埋就唔同，佢會先撈好意粉再上面鋪層芝士入焗爐焗，通常要等十分鐘以上至有得拎，值唔值就真係見仁見智，不過我就每次都要焗。意粉底係可以揀天使麵，扁意粉，螺絲粉，長通粉。我會推薦螺絲粉，因為掛汁效果好，焗過之後醬汁更濃，食落夠rich, 上面配咩料我覺得冇咩所謂，個麵底先係重點，我覺得係午餐comfort good 黎。

中午係灣仔食飯，見到馬會隔離有間小店，一於試下。好少平價餐廳會有豬仔脾食，所以叫左呢個咖哩豬仔脾扁意粉。意粉種類其實有好多選擇，但我比較喜歡扁意粉果種口感，同埋夠晒胞肚咖哩汁唔算太辣，係港式咖哩果種微辣。而豬仔脾表面就用左蜜糖去燒，估唔到同咖哩都幾夾。而豬仔脾肉質都幾滑。雖然細細隻，但有三隻脾算係咁而友人就叫左個雞翼配薯蓉，連埋羅宋湯。個湯都幾足料，酸辣度都足。而薯蓉幾香滑，感覺係有用忌廉同薯仔一齊搞，整體而言都算唔錯

Went to this small place with colleague after meeting. Conveniently located and food was served very fast. Hot breakfast with noodles and egg and milk tea. Just very ordinary quality, not good not bad. Just hkd55 for 2, very good deal. Very full and I can't finish the whole sandwich. Need to take half away.

平日吃早餐的地點比較固定，今日想要些新鮮感，特意走訪附近的麵包樹咖啡屋用膳。餐廳環境較暗及陳舊。早餐一份要 $32，比附近貴一兩元，但賣相質素跟不上。牛油多士牛油量多，但味道有點怪。餐肉用料中下價貨式。炒蛋麥皮普通無乜特別。奶茶味道正正常常，但以外賣杯裝載感覺始終差了一點。

Super Club House Sandwish Set $38 nth better than a perfect breakfast to start a new day♥ 呢份超級公司三文治餐真係super in size😙😙, 有cheese、雞肉、 午餐肉、 蛋、 火腿、 鮮茄、 生菜 等, 多料到一大啖都咬唔哂而且上圖係半份only, 另外半分忍唔住📷📷就已經ko左XDD(細食既朋友絕對要揾人share）另外，佢set 附送既羅宋湯超正😋😋, 非常足料夠味酸辣大碗🙌呢個價錢有咁大份, 味道又正, 係灣仔來講性價比好高

今日去灣仔做gym，但做gym 前想食個唔好咁飽嘅早餐，行來行去鍾於揀左麵包樹食早餐。之前喺度食過晏，冇乜印像。唔想食肉同飽肚嘅野，卒之點左個芝士奄列焗豆早餐，仲加左7蚊轉左杯鮮榨橙汁。切開一睇，芝士流心，賣相可以，食落去蛋老左些少，鞋口！蛋本身無蛋香，應該係用左泰國蛋，我自己都買過泰國蛋翻屋企煮，係大隻同價錢平少少，但就係缺乏蛋香！焗豆同多士正常。加錢轉橙汁前已講明唔係鮮榨嘅要退貨，試左係鮮榨嘅，加7蚊抵。達到目的，食完哂都唔係太飽。

雖然在灣仔工作多年，但仍有不少小店未曾光顧，麵包樹咖啡屋是其中一間。餐廳地方不大，裝潢一般，主打意粉三文治。買餐要先到收銀處付款，再回座等候店員送餐。一客鮮茄茸意式腸意粉，內含直布羅陀腸及法蘭克福腸， 份量算上不少，口感略比預期腍身。鮮茄茸汁略甜及稠身，和真正鮮茄製成的醬汁還有距離。連一杯凍奶茶$41，實惠度一般。

灣仔有唔少隱世小店，今次男友帶我試e一間! 間鋪係條街都幾吾顯眼，門口幾細，入到去燈光比較喑，即刻諗起椰林閣...坐低之後，個伯伯就攞外賣紙俾我地睇，好簡樸. 價錢都幾平, 三十幾蚊有意粉/飯加野飲. 長通粉塊龍脷都幾大，無雪味，幾好！但芝士同汁只有上面一層，下面啲粉比較乾，但就清啲，睇你個人囗味啦！豬脾有驚喜！個汁又甜又辣，幾得意，有啲似日式咖喱汁，yummy! 豬脾都好淋，入哂個汁啲味. 最後杯熱奶茶都好有水準! 係灣仔返工都吾錯，中環相比下好少e種小店. 

小店彈丸之地，卻物盡其用，擺滿椅桌，頗有肩摩轂擊，寸步難移之感。人多侷促，再加上空間陜窄，空氣不太流通，頗有讓人喘不過氣來之感。基於動彈不得，小妹只能向前方拍照，並請老爹從相反方向拍了一張照片，僅此而矣﹗ 小妹要了一客四件的公司三文治配熱檸茶 $34，份量大得驚人。若僅靠小妹一人之妹，恐怕未能全部消滅也﹗麵包烘得頗為香脆可口，每件三文治由三塊麥包組成，餡料有午餐肉、雞蛋、火腿、蕃茄、雞肉、 芝士和生菜等，用料極為豐富和闊綽，配上千島醬，十分美味兼抵食﹗不過，若一人獨享，難免顯得有點兒過於飽滯和過於乾涸了。最好兩人share，再加一焗飯或焗麵。老爹的白汁焗三文魚蘑菇意粉配熱咖啡 $43也算得上是水準之作，焗得惹味又夠辣﹗煙韌彈牙的意粉，配以煙三文魚、蘑菇切片和香濃白汁芝士醬汁。用料雖少，但簡單組合，已是天作之合了﹗堂食的飯品也是用紙杯盛載奉客，是餐具不足？還是人手不足，不欲洗杯呢？小結：身於斗室之中，小妹不禁懷疑自己不過是三文治中的一款配料而矣 – 被迫擠在一起﹗急促地吃完，小妹催促老爹趕快走人。小店食物算得上價廉物美，若要光顧，建議外賣較佳。不然，吃出一頭汗及一肚氣來﹗

同事買外賣，我叫左客白汁煙三文魚飯，簡直就係難食，同我買30蚊兩個送個啲無分別！個白汁又"傑"又喊，唔知想點！！煙三文魚雖然係多，但啲味俾個汁蓋過哂！ 以後都唔再幫襯！

這間店位於公司附近，店舖裡的座位空間很小，幾乎跟後面的人貼著背坐。縱使坐得不舒服，偶然還是會想這裡吃，是平價的西式餐廳之選，而且差不多每次我都愛點同一款食物。鮮茄茸意式腸併薯蓉(直布羅陀腸+法蘭克福腸) 平常我點的是鮮茄茸意式腸併天使麵，第一次吃的時候就已經愛上它的香濃蕃茄茸汁。這天比較飽，改了併薯蓉，一樣好吃。香濃蕃茄茸汁甜甜酸酸，再加上份量不少的意式腸，令我隔一兩星期便會光顧一次。

呢間CAFE都唔係第一次食了~一向都抵食夾大件~今次LUNCH就試佢個公司3文治餐~面包"HON"到脆脆的~材料有午餐肉, 火腿, tomato, egg, 雞肉, 芝士~加埋杯咖啡~飽到唔識陏lu~不過間餐廳地方唔大~有d逼~

色逢中秋節，公司一定會途下一齊食個靚飯，但係今年老闆反傳統，居然唔出去食，話係公司開大食會唔使同人迫。我地一定叫好，因為可以食食下鼠出去。今次無叫飯麵，因為實食唔到，但係估唔到麵包樹都有到會囉，都有幾多野揀架。今次我地就叫咗芝士西蘭花，咖哩角，豬仔脾，沙律同小食拼盆。先講豬仔脾，起初都仲好大隻，係幾隻好多人分，點知真係出人意表，豬仔脾比雞大隻少少，又唔係好肥，佢的肉質好嫩滑，好多汁，都幾好食架。咖哩角有啲似係印度人整果種，咖哩味好濃，炸得剛剛好，個size有剛剛好，兩啖就食完，真係要再encore. 佢的沙律仲好，因為啲菜好新鮮，又有腰豆，因為大多數沙律都係得粟米唔會有其他豆類，而且佢地會用油醋汁唔係沙律醬，咁又健康啲，啱晒班成日話要減肥的女同事。到拼盆出場啦，佢的煙三文魚好甜美，啲魚油又香，仲有唔同的ham配答，一個字"正"。但係美中不足就係個菜，唔知係咪煮得過咗火，啲西蘭花"林"晒同黃晒。今日人月兩團圓，大家都食得好開心。