麵包樹咖啡屋

营业中

休息中

是日很早已經到了灣仔，我也利用這時間，尋找一下未光顧過的早餐熱點。而在灣仔地鐵站與舊灣仔警署之間的一段謝斐道，小餐廳小食肆林立，總有一間會合你心意。隨機的找，我看見這一個《麵包樹咖啡屋》，他們早餐的價錢非常便宜，而便宜，是一個很大的吸引力，平平地，當然要去試一下，無傷大雅。入到這一個只有一條小窄巷的小店，燈光的整個店的感覺，都是黑漆漆的，這一種黑漆漆的環境，剛好隱藏他們髒巴啦的感覺，更不爽的，檯子沒有員工去收拾，感覺的確是不舒服。這一家《麵包樹》，以快餐店的形式去經營，先在門口點餐及付錢，再行入黑暗的餐室，自已搞掂自己。我要了一份餐肉蛋漢堡及奶茶，這一個包，感覺就是所有材料都早已煎好做好放著，一有人要就塞入包中夾好，由於包子沒有烘熱過，所以一切 (不可以說是冷冰冰) 都是室溫的溫度，欠缺了熱度，欠缺了美味。奶茶雖然夠熱，但感覺一般，也許是沒有心情去 Enjoy 吧。

香腸 - 分量午飯食剛剛好，一般脆肉腸肉醬汁 - 令人欽佩，比同區其他餐廳有心思，唔係求其俾啲番茄汁就算麵包 - 黎到時候係暖暖嘅，麵包內軟外脆，食物都係暖暖地食好味啲環境 - 灣仔一般茶餐廳午飯都係擠滿哂咖啦，呢間都唔例外，坐到超迫熱狗8吋長連嘢飲都係三十大元

這店一向有食開, 點知今日食到一肚火! 今日叫了個一向有食開的蜜糖豬仔脾飯, 點知只見3件碳加骨的物體, 肉少, 而且乾, 只見三條骨黏住少少肉, 算了, 照切下嚟食, 一食之下, 又鞋又乾, 簡直吞不下, 先同店員A講,"D豬仔脾點解甘黑同乾?" 店員A完全沒回應行開左, 過左一陣, 店員B送餐比我同事, 即趁機跟佢講, 碟飯太燶太乾了, 要求更換, 又或者換其他食物, 點知佢不停話"係甘", "冇得換", "冇得退", "唔要就掉左去", "你可以唔食" 之類的說話於是我就唯有自己拎碟飯到收銀要求跟進, 店員B先衝過嚟話"最多幫你換塊雞扒"心想算了, 換塊雞扒總好過食果3舊碳的物體等了一會, 店員B送來原先果碟飯加左一件雞扒, 然後贈我一句 : "你以後都可以唔嚟架啦"冇野呀?!?!?!仲駛你叫我以後唔駛嚟?!?!?!你估你係米芝蓮咩, 唔食你唔得咩!

最近做乖乖女帶飯 好一陣子沒去過飯堂了餐單依舊多種選擇 但是卻全單都加了一塊錢因為不是太餓 所以點了些較輕怡的食物一份三文治 一盒新鮮水果加一杯紅豆冰平時沒機會吃咸牛肉 所以要了咸牛肉蛋三文治罐頭咸牛肉雖然不健康 偶爾一次卻不為過久違了的味道 吃完一份就飽了七成鮮果盒的水果種類頗多奇異果 火龍果 蘋果 哈密瓜 西瓜 很豐富而且水果都很新鮮 爽脆多汁 十分美味吃完水果已經飽得喝不下紅豆冰結果拿回公司慢慢享用可是因為忘了走冰 味道淡了很多最近灣仔附近的餐廳都紛紛加價了便宜的午餐真是買少見少了

這店黑漆漆，坐位迫得很，不是一群人聚腳的好地方。可是，抵食非常。今天與男友在此午餐，因時間尚早，不必等位。上次來這店失望而回，沒有麵包類食物，也沒有焗飯，而且只有醬計只有茄汁。我們點了超級公司三文治和焗西蘭花汁雞扒飯，飲熱菜蜜三文治真是超級大，有四大件，每件有三層麥包，餡料包括雞蛋、火腿、芝士、午餐肉、蕃茄、生菜和雞肉，配上千島醬，十分美味。焗飯也很不錯，表面有一層薄薄的芝士，西蘭花汁不會太咸，雞扒超級大件，而且不錯吃。飲品偏甜。又是簡單愉快的一頓。太飽了，要去散步。

以前係呢頭翻學, 附近連茶記都貴過人, 唯獨呢間特色茶記食得特別開心。我幾鐘意呢度D意粉, 大大碟無出錯, 料又足又底食, 係夥計態度確實麻麻, 臉上總掛著少少輸馬鼻既失落感。呢個三文沙律配三文, 沙律爽脆三文魚okay新鮮, 意料之外, 三文治麵包完全無味, 終於明白餐廳名字之由來, 食麵包好似食樹葉的意思乎? 不過overall係超值之選, 整體係既好食。奶茶偏茶, 唔知師傅係米無奶, 我唔buy, 無叫少甜走埋甜, 苦過dee dee。不過講尼講去, 成條街我又偏偏鐘意呢間野, 可能係意粉掛。

在灣仔食午飯，雖然看似選擇很多，但事實上不然，因為不是酒吧就是最普通的茶餐廳，重重覆覆的有點悶。唯獨這家麵包樹，由於價格便宜而且選擇繁多，所以成為我半個飯堂。麵包樹的店面很細小，座位很少而窄，走廊也很窄，稍為肥大的人會坐得比較辛苦，男仕也會坐得不太舒適。今天吃了一個白汁蘑菇蜆肉意粉，連餐飲或餐湯只需29元，十分抵食。我選了雜菜湯，之前從來未試過的，誰知一試便愛上。這個雜菜湯酸中略帶甜，甜中有辣，三種味道配合得恰到好處，真是驚喜。反而這個意粉表現較失色，白汁和材料雖多、份量也很足，但白汁略淡，沒有香味。不過意粉不會過林，算是可以接受。提提大家這店的天使麵千萬不能配上多汁的食物，因為會變得很黏口。

今日沒有煮家飯盒，跟同事一齊叫外賣，之前見他們叫過幾次，賣相很好，而且他們都說好好味望著餐牌，嘩~~~ 好多選擇呢!連粉類都有得揀寬條麵/ 天使麵/ 意粉/ 螺絲粉/ 長通粉揀呀揀....最後揀了︰白汁蘑菇蜆肉天使麵 ($27) + 飲品雪碧 (+$2)未到 1 點已經送到了，還是暖暖的嗯...唔知是否我期望太多呢?白汁很淡...淡到好似成個意粉都冇味...好失望呢...下次....如果再叫..........試第二款吧.......

與同事食lunch..叫外賣公司3文治幾好食..$24 連野飲灣仔其他外賣都麻麻地.所以都多數係bread tree 度買...貪佢多款.~~又唔係太貴..~~支持 !!

每次去開灣仔番工都會去食麵包樹呢度d野食真係唔錯而且由我2007年第一次食到而家都冇乜點加價 今日食左個煙三文魚意粉(L32)足料呢樣野好緊要因為食呢個餐都係為左d煙三文魚絕對係物超所值!!而且d煙三文魚唔會俾d意粉焗到熱哂味道亦唔錯下次我都會再叫呢個

在灣仔區的食店入面，麵包樹的價格也算偏低，西餐加飲料只要二十五至二十八元，所以在午餐時段很多人。入去要自己找座位，但要小心，你不要立即坐下，因為入面非常迫，坐下來之後是要出外面買餐，會很不方便。除了座位迫之外，其他的也是好，特別是食物方面。點了黑椒雞扒飯，他們的黑椒汁很香，辣度是有的，加了蘑菇和香草，我已經因為他們的黑椒汁吃了兩次同一個飯了。雞扒厚身和連著很大塊皮，是我最愛的，皮位烤得好吃，配合惹味的汁是不錯。唯一不好，就是白飯，太淋了，要注意注意。附近也有很多食店，找日試試。

今朝番工路過見到呢間餐廳，睇下個memu，好似幾抵食，而且主要係有我最鐘意0既意粉，於是一於過來食lunch。我地要等左一陣位，間餐廳好細，而等位係要自己搵張枱果隻...呢方面就唔係幾好。好在都唔係等左好耐。一睇到個memu，我就決定要白汁磨菇三文魚天使面; 由於選擇好多，我朋友就睇左一陣先，最後佢要左個肉醬天使面。飲品方面，加$4就可以要果汁同紅豆冰。我地都轉左特飲。食物好快就到，我個三文魚天使面都幾大碟，我最鐘意係個三文魚係大大塊0既! 個汁都好好味，我好滿意! 朋友話佢個餐都好好味!我食果個餐$34; 而朋友果個就 $26。呢個價錢有呢個水準，仲包埋杯果汁，我地都覺得好抵! 平時在灣仔食野，一般都比較貴，茶餐廳都要食幾十蚊，一直都搵唔到值得推介食lunch 0既地方。今日發現呢個禁正0既地方，下次一定會再幫襯!

灣仔什麼都貴，連茶餐廳一碗麵都可能要30蚊落樓，之前找女友吃飯，女友發現這家cafe，盲來試一下。有很多食物選擇，我們選了最正路的意粉，湯/飲品選一，我們都選了湯。白湯喝得出來不是金寶湯，而且有沒有拌好的麵粉味足以證明是自家製的玉米濃湯，至少是誠意十足，而且味道不錯，很濃很香。女友點了雞扒+煙肉洋蔥汁+意粉，我點了肉醬意粉先說女友點的，她說有很香的洋蔥汁，不過煙肉味不明顯，而我的肉醬意粉竟然也是我最愛的扁意粉，而且軟硬度適中，不會出現焗意粉「軟林林」的情況，芝士也滿多，肉醬味道也不錯，總言之是30元有找的抵食西餐!

10-2-2009 和3位同學一起到這裡午餐, 在最入的角落找到了卡位坐下後, 就輪流出去叫野食~我叫了燒牛肉潛艇堡set($20), 熱狗包轉為法包, 餐飲+$6轉牛油果奶少冰(太喜歡牛油果了!)燒牛肉潛艇堡潛艇堡超大條, 成呎長咁濟, 不個法包好淋好韌, 唔掂而所謂的"燒牛肉"實際上係一片片好似炒牛河的牛肉片, 完全唔係正常食到的燒牛肉lor! 有被騙的感覺所有款的潛艇堡都連芝士, pickles, 生菜, 蕃茄片同醬料(我的是千島醬), 我覺得成個包最好食就係d pickles同千島醬牛油果奶牛油果味濃郁, 甜度剛好, 好滑, 正! 2位同學叫了熱狗餐熱狗又係超大條, 個包烘得香脆餘下1位叫了牛扒扁意($27)試了少少, d意粉勁淋, 完全唔得, "牛扒"原來="燒牛肉", 不過大片少少......最不滿的是坐位迫同咁岩坐在廁所旁, 成餐都食得不太舒服我相信我會再幫襯的, 不過只會叫外賣牛油果奶

地方暗暗﹐堂食地方極細﹐只有一條走廊位。食物叫左香草茄蓉焗雞絲螺絲粉。因即叫即焗﹐所以要等大概10分鐘﹐但本人呢10分鐘值得等。因上枱時熱騰騰﹐食到中段還是燙口。所為雞絲其實係雞件﹐但數量唔係好多﹐大概有4-5舊度﹐料為火腿居多。但味道比預期好﹐因食得出佢地用了真蕃茄蓉﹐而唔係淨化學茄汁。唯一可改善係d螺絲粉可能煮得太內﹐有點兒過淋同份量唔係太多。如經過附近又唔知食乜﹐呢度都算係一個選擇。