麵對麵 (已結業)

煙對煙薄餅（大薄批）帶來本人無限驚喜。芝士拉絲之餘還有陣陣煙三文魚味足料又美味。辣茄蓉吞拿魚煙雞胸天使麵令我非常滿足，味道能與高級西餐廳匹敵。本人非常喜歡煙雞肉與辣茄蓉的配搭，十分惹味。只可惜有一名討厭的小朋友（相信是店舖的小孩）在玩耍，影響本人品嘗美食。價錢方面非常親民，力推。

好麵...住左咁耐真係未入過去幫襯，見OP話有Pizza, 天使麵就膽粗粗入去試吓，點知好驚喜！自選麵可揀兩餸，份量不少，賣相又好。$43仲包一杯飲品.今次我揀左天使麵，鴨胸同帶子配茄汁。天使麵煮得岩岩好不硬不太軟，配料份量也不少，一個人食夠飽，仲包一杯飲品真係夠晒數。另外叫左一個薄Pizza(大批有八塊），芝味+醬汁十足十，配料亦不過不失，一個小朋友都可以食3-4塊，熱辣辣，收費$50-$70（大批）價錢大眾化。一定再來幫襯

今次係我第一次寫食評風帆香港公開賽我地入左長洲訓兩日朋友個bb仔加工人一個留響房見佢咁悶就帶佢出去行下同行我加兩個工人姐姐加2個手抱bb再加一個3歲嘅細路入去入去間舖 帶渣個個客我揀左張四人台再想攞多張櫈放下野之後我唔知係老闆定伙記 走黎話好大力咁啪埋張台 塊面勁黑就話你四個位都夠啦我心諗 你都無客 我又唔係攞多張枱 又無阻倒佢我好嬲 帶哂所有人走佢大叫一句 我「啞咋」我自問 唔係一個麻煩嘅客但佢呢d問嘅服務態度 我真係祝佢生意興隆

這所餐廳的午餐和晚餐都是一樣, 款式是一樣的, 價錢都是一樣的!!! 一份午餐或一份晚餐都只是$42(凍飲+$2)!!! 煙三文魚 x 蝦仁 x 辣茄蓉天使麵: 整碟天使麵份量都偏大, 而且麵質軟硬適中, 讚!!! 辣茄蓉也沾滿每一條天使麵, 蝦仁和煙三文魚份量也不少, 因此這天使麵絕對是物超所值!!! 絕對是美味又飽肚的((( 窮人恩物 )))!!! 熱檸茶: 不過不失, 茶味偏淡... 但杯子破爛了, 餐廳也沒有更換... 朋友吃的: 不予置評...

在長洲朋友家串完門子，走著走著，剛巧路過一家好像是家庭式經營的小店，想著吃個麵才出市區。店子雖小，五臟俱全，中麵西麵都有供應，配料任選，頗齊全似的，小人隨便點了個清爽的蝦仁撈麵。麵條有彈性，兼且有嚼勁，蝦仁甚多，沒有雪味之餘，更吃到蝦的鮮味，還有椰菜，烚得軟硬適中，不會塌成一堆，為整碟麵帶來均衡的營養。別小看只是簡單的一碟撈麵，可也是夠飽肚的。假若談到再來這裡的原因，不是為了見多幾面，為的就只是吃多幾個麵！

麵對麵應該都算是長洲一家稍為有特色的小餐廳，家庭式經營，但選餐自由度大，可以用點餐紙選擇不同餸菜可以配搭不同麵食、意粉、飯、醬料…今日先試煙三文魚、魚柳、天使麵、香草忌廉汁($40)：餸菜份量不多，可能因為海鮮很貴吧！魚柳、煙三文魚充分吸收香草忌廉汁的味道，幼身的天使麵配香滑濃郁的香草忌廉汁(極度推介意粉配這個汁)。另外還有烤雞薄餅配千島醬($30)(上桌時已食了一半，原本有4塊)：薄餅的可選千島醬或者蕃茄醬。薄餅細細個，適合胃口不大的人，有點脆，整體還可以。