麵屋一平安 (已結業)

係美麗華按完摩好舒服💆🏻‍♀️想食返餐d熱辣辣嘅，所以見到平時要排隊嘅 麵屋一平安 個日唔哂排就入咗去試吓熱愛軟殼蟹嘅我見到 軟殼蟹拉麵 本身好期待，但是食落口就覺得d料（除咗大大隻軟殼蟹之外）唔係好掂😐🌽粟米一d都唔甜又冇口感，好冧🍜d麵唔係平時幼身嗰d；我就覺得有小小鹼水味，唔係我杯茶🤢🦀🤩但係隻軟殼蟹又真係好好味，夠哂脆，唔會因為擺咗落湯而冧咗，而且都夠多肉🤤依間拉麵店就真喺唔係咁啱我口味啦😔（好彩隻軟殼蟹仲ok d

行過美麗華商場，好多時都見到呢一間餐廳大排長龍🥺🥺今日難得可以同幾位朋友一齊出嚟食晚飯，就決定一齊你一間食一食😀😀😀🥳🥳好難得今晚可以唔使排隊，我哋一行五人就入咗去食飯😀😀💖💖我哋叫咗兩個二人套餐，拉麵嘅湯底都會偏濃，不過朋友揀嘅辣海鮮拉麵就話做得好出色😀😀😀牛舌，非常多汁非常juicy，推薦👍🏼👍🏼👍🏼👍🏼明太子卷蛋，呢一個就煎得比較乾，媽媽地😅😅😅八爪魚小丸子，不過不失😊😊😊汁燒魷魚筒，正❤️❤️❤️👍🏼👍🏼👍🏼

2019年8月3日 (星期六) 5:39pm  28°C 店內裝潢以時尚樸實為本，感覺舒適和優閑。 環境光亮整潔，餐具乾淨。 本人選擇了 『 HK$298 自選二人套餐 』 人數：2人 HK$380.6 不用等位 鰻魚飯 - 魚肉滑溜不腥臊，有少少魚骨。在拌勻醬汁一起吃，美味鮮甜。鰻魚份量足夠，再配合小食後，足夠飽肚，大快朵頤。【推介之選】❤❤❤ 三文魚刺身 - 三文魚色澤鮮艷，光滑亮麗，味道鮮甜，入口即溶。【推介之選】❤❤❤ 明太子煎蛋 - 由一層層的蛋皮捲曲而成，質感軟綿不老，顏色金黃，中央的明太子不辣，黏黏的不爽口。 熱奶茶 - 香濃提神。對於日本餐廳來說，奶茶竟然沖調得濃滑，是本人意料之外。因為市面上的日式奶茶都是清淡為主，不會感到濃郁的。美中不足，是奉上時，份量少了一截 ... 《 餐 牌 》：【 溫 馨 提 示 】❶ 自選二人套餐可選 2 款拉麵或飯、2 款小吃和 2 杯飲品。❷ 部份拉麵和鰻魚飯須另加 HK$10 或 HK$20❸ 部份小食須另加 HK$20 或 HK$30❹ 小食選擇多元化❺ 經常滿座，大家要提早到達，否則要排隊等候。❻ 可電話預訂座位❼ 另收加一服務

朋友找到這間麵館作晚飯，所以星期五晚我們就來了試一試她的拉麵。我們大約7點3左右到，等的人也不算多，不過店鋪不大，幸好約8點左右我們就入到去了。在等待的時間己揀好要食2人餐，所以一入去就可以點餐啦。店內侍應有不同國籍，有日本，也有好像是南亞裔人士的，他們的服務態度不錯，也很有禮貌。上菜的速度很快，先是上飲品，我們叫的都是一般的檸茶檸水，就與普通茶餐廳一樣吧。之後上的是拉麵，我叫了個「博多特選蒜油拉麵」，湯底很濃，拉麵很多，且溏心蛋也有入味，只是也不算是會讓人感到很驚喜的拉麵，就覺得還可以。之後上的是「明太子玉子燒」。我們對這個菜很期待，不過試吃了一口後，就覺得還好，味道不算太突出，吃落明太子還有少少辣，如果可以改叫其他菜會較好。最後上的是魷魚筒，我們選了汁燒。這個味道真的不錯，魷魚很鮮，加上汁燒的味道，一流！這個我很推薦給大家。環境及衛生尚算可以，這個二人餐份量很多，兩個女生來吃可能會有點多，但算是抵吃的！

久聞一平安難食，但我未食過，好奇心驅使下，去試下。6月3日星期一晚8點。唔駛等位。間野都嘈，店員似是日本人，講英文的。我地叫左2人餐：軟殼蟹拉麵、滑蛋豬扒丼、泡菜餃子、炸八爪魚丸子。炸軟殼蟹好食，好新鮮，肉質不會霉。但係湯底鹼水味太重，扣曬分。滑蛋豬扒丼，滑蛋在哪裡？蛋熟曬，110%熟。豬扒都好老。似是去了日本鄉郊，不擅料理的年邁婆婆煮的那種風味⋯⋯但最慘是，連飯都衰過人，一定是用了平價米。泡菜餃子，完全吃不出是泡菜，不酸又不辣，岩病人食多d。炸八爪魚丸子，木魚碎好食，丸子完全是粉團，八爪魚得0.3cm咁大粒。每粒丸子入面都有1-2粒既。整體：影相好似好吸引，食落真係唔得。但份量都飽既。以量取勝。性價比一般，好在有日本人店員挽回不少分數，有幾分身在日本既感覺。

💕入場睇Marvel前的一餐💕🏠麵屋一平安@美麗華因為時間有d趕，唔夠時間慢慢食所以揀左速食之最:拉麵🍜總括而言，不過不失啦我個人覺得麵質比較軟同淋唔係好岩我口味之餘，有部分麵條幾條痴埋一齊，好難夾🥺沾麵湯都幾足料，有好多我喜歡的荀💋肉同蛋都無乜特別，沒有驚喜🤷🏻‍♀️雖然一平安個名以麵屋開頭但反而麵類應該不是最出色吧?!🤔我地2個都一致認為如果有下次的話，都係叫下小食飲下啤酒比較適合👅

一直以來到麵屋一平安用膳，都只會點他們的招牌拉麵，這次品嚐他們的新出品——照燒雞扒飯！照燒雞扒飯以日式方形便當盒盛載，份量頗多。上菜時便當仍冒著煙，熱騰騰的，溫度佳！便當的醬汁採用照燒饅魚飯的饅魚汁，味道有保證。米飯軟硬適中，口感不錯，吃得出是採用日本米烹調。可惜雞扒令人有點失望，口感過硬，而且肉汁欠奉，與我想像中鮮嫩多汁的雞扒相去甚遠，可能是煮的時間過長了。這個飯就沒有下次了。當然，店員的服務態度仍是值得一讚的！

特製博多豬骨湯拉麵🍜 ($92)好耐無幫襯過🤣 今次試下碗拉麵😏 豬骨湯味算濃🍜 但飲到後期有點口湯😅 拉麵屬幼身🍜 掛湯力正常👌🏻 溏心蛋半熟程度一般🥚 叉燒半肥瘦😛 肉質不會韌👍🏻 整體正正常常😋📍尖沙咀彌敦道132號美麗華廣場一期2樓203號舖🚇 尖沙咀站B1出口

新年前出去尖沙咀行下街買下新衫，邊行邊等朋友放工，成兩點朋友先出現，肚餓到死，就求其揀左呢間食拉麵。Lunch set 又有拉麵又有飯，一定夠飽。午市細拉麵＆細飯套餐 $75細博多豚骨拉麵：湯底好濃豬骨味，拉麵幼又滑，唔錯，义燒偏肥（份量得一片），好多芝麻令個湯底更加香。迷你咖哩豬扒飯：好香甜既咖哩，豬扒外脆內嫩，最好味係薯仔，好入味吖！由於太肚餓，呢個份量啱啱好，$75 lunch set 包飲品，坐得舒服同朋友邊食邊傾計！

今日喺尖沙咀行完街搵嘢食見到呢間一平安個名咁特別就入咗去喇 落order要講英文， 但間野明明喺食日本菜一開波叫咗個魷魚， 太腥啦頂唔順食唔落未試過咁腥嘅刺身呢個炸薯條唔錯幾好食， 再配埋個沙律醬唔錯唔錯呢個都唔錯幾好食， 不過價錢幾貴呢個反而就冇咁腥啦而我女朋友就叫咗個和牛飯呢個係最好食嘅， 個飯至少夠熱 ，但價錢唔平㗎呢個沾麵真係。。。從未食過沾麵個湯係凍嘅完全唔夠熱， 叫佢幫我加熱我諗應該都係擺喺微波爐度幫我加熱

大胃王救星今日又去咗美麗華上面工作,一如以往要影靚相以免水腫,都係工作完去食餐勁♥..本身好少嚟呢個商場,唔知呢度有乜好食,所以就同朋友逐間睇下有啲乜嘢啱心水。..去到這間一平安門口,畀佢嘅餐牌吸引住,因爲我同朋友都好肚餓,見到佢哋嘅餐牌，套餐有個飯，有拉麵細細地可以試到兩樣嘢，就決定食呢間♥.我哋兩個都攞住好多嘢，不贊店員姨姨好細心，幫我哋搵咗比較闊落嘅位置可以方便我哋擺嘢。期間見到有遊客都來呢間店度食，見啲員工都好詳細同個客人介紹食物♥..比呢個餐吸引住♥♥惡魔拉麵加滑蛋豬排飯套餐$78惡魔拉麵賣相好靚，湯底夠濃郁但唔夠辣，塊肉好鬆軟…麵質不過不失，煮嘅方面都控制得唔錯，唔會煮到太腍，不過呢個套餐拉麵分量較少…個人來講食完碗面系唔夠飽...滑蛋豬排飯♥個樣好似好迷你，其實份量都唔少！吉列豬扒唔錯，唔會炸得太乾太硬，本人唔系好太好甜.感覺個汁好似比出面嗰D甜左小小，配合7味粉食會更好整體都唔錯，下次經過要試下其它配搭

大時大節尤其是新年 特別多親朋好友飯局 不過好多酒樓一到新年就立馬漲價 加二加三是等閒事 更過份的大有人在雖然說集團式經營為左維持成本會貴一點 稻香集團算是少數仍然以合理價格待客既酒樓之一 最近跟舊同事去左稻香飯聚 雖然6:30客人未算多 可是一到7點後客人多得坐無虛席 點了5個小菜3個點心 可以慢慢享用吹吹水 例牌燒鵝 油香肉肥美 肉質雖然稱不上嫩口 不過仍算可口味美 而且服務算是貼心 碟底有一小個火爐燃點 確保燒鵝存有一定溫感 沙爹金菇肥牛粉絲煲 用料十足豐富肥牛不算太肥 入口不會鞋口 不過略嫌醬汁有點多 黑椒牛柳粒 味道香口濃郁 肉質嫩滑 配上粒粒薯仔 口感帶粉而且入味 爽脆洋荵以及紅黃椒 野味非常 最近外出進餐次數頻密了 少菜多肉 特意點了小炒皇 略帶點油膩感 味道亦偏重 不過蒜花炒得香脆青嫩 配上爽脆腰果以及有嚼勁既蝦干 令人不自覺多吃幾口 啫啫爽肉炒芥蘭 爽肉爽口彈牙 肉質細滑 芥蘭炒得剛好唔會太老 不過就是略為多了點油膩感 感覺不太健康 以新年期間來說價錢都不算貴 每人都只是百多元 既可以享用精美小菜之餘 更可以維繫友誼 此餐無價

唔知點解，去食香港米芝蓮指南既餐廳通常都係失望而歸，位於美麗華商場2樓既呢間都唔例外⋯其實見有2人套餐優惠已經覺得奇怪，通常好食又出名既，只會賣得貴⋯辛味海鮮長崎拉麵有帆立貝、蝦少量海鮮同大量蔬菜，辣味濃但食唔到海鮮鮮味⋯特制豉油豬骨湯拉麵得薄薄一片半肥瘦叉燒同半隻蛋，幼麵煮到好淋身，湯底好混亂既味道，一句講哂—好難食⋯三文魚剌身，正常爭鮮級數明太子煎蛋～熱熱既嫩蛋包裹住鹹香明太子，4樣野食嚟講最合格

由於早前book個間餐廳冇回覆，我到當日才記起，所以係附近搵左間日本菜食晚餐，原來二人晚餐套餐好抵食，每你一碗拉麵，仲有兩款小食同飲品，價錢吸引。明太子煎蛋，好靚好大件，仲有滿滿明太子，微辣既明太子帶點咸鮮味，配嫩滑煎蛋，味道口感滿分。原隻汁燒魷魚筒，同樣大份，原隻魷魚都幾厚肉，汁燒唔會乾身，仲幾入味，口感彈牙。特製醬油豬骨拉麵，湯底有豬骨味，濃而不膩，有兩大塊厚豚肉，肥肉部位入口即溶，超而惡但好好食，菠菜鮮嫩無渣，糖心蛋入味有蛋黃香。用幼麵但都掛到汁，麵質爽彈好夾湯底。朋友的特製熊本蒜油豬骨拉麵，蒜油味好香，豬骨湯底同樣美味，配料同麵都一樣，只係湯底唔同左。凍檸茶會分開糖漿另上，自己調教合適甜度，幾貼心既安排。

又係相約友人同進晚餐談心既好時候 剛好崇日心態 突然好想好想吃日本菜 於是跟友人相議後去左呢間麵屋一平安度試試 麵屋一平安位於尖沙咀美麗華商場 人流極廣 地點易找 店內除了單叫亦有提供套餐 二人同行的話點個二人餐亦是不錯既選擇 點了特製博多豬骨湯拉麵、軟殼蟹拉麵、葱花牛舌同魷魚筒 特製博多豬骨湯拉麵賣相跟味道一樣好 豬骨湯底香濃味美 不會太咸加上配有芝麻及香蒜 兩者令拉麵味道一再提升 而且更中和不少油膩感 湯拉麵附上原塊紫菜 跟拉麵一併吃別有一番風味 拉麵唔會煮得太稔身彈牙爽口 豚肉肥美香滑入口即溶 實在滿有罪惡感 軟殼蟹拉麵用上原隻軟殼蟹 誠意滿分 蟹size不細 而且新鮮即製 吃著香脆可口但仍保持著蟹肉juicy拉麵一樣爽口彈滑 湯底配上大量蔥花 更添美味 葱花牛舌有著濃郁蔥花香 質地薄身唔會太厚 煎得香口 口感彈牙加入些微檸檬汁解肥膩感 不過有某部分或許是過熟了以致有點難嚥下 有點可惜 原隻汁燒魷魚筒 醬汁帶點甜味 口感爽口彈牙富嚼勁 不過未算十分突出 整體來說 呢餐算是不過不失 不過唯獨價錢上是偏貴了點餐單亦不算有特別驚喜 不過如無特別選擇