麵屋常勝

营业中

休息中

今日同朋友黎東廣場食午餐，行經麵屋常勝，比佢有回憶感既裝修同街機吸引左！仲有我地都鐘意既拉麵食！拉麵湯底主打無味精。1.吉列蝦濃蝦湯叉燒拉麵 $108加左木耳、溏心蛋。2.濃郁雞白湯拉麵 $88加木耳、海草。濃蝦湯好鮮甜，雞白湯好濃郁，飲完都唔會口渴！拉麵軟硬恰到好處，木耳絲好爽口(必加！)，叉燒肉質不錯，仲有吉列蝦！性價比高！🥰🥰🥰3.芝麻手羽 $284.吉列蠔 $325.蟹肉忌廉薯餅 $28炸物鬆脆吉列蠔仲好juicy!雞翼都好香脆！仲叫左充滿回憶既波子汽水！😆

今次嚟到觀塘嘅東廣場覓食，呢度雲集咗好多唔同嘅特色餐廳，而呢一間麵屋常勝就最吸引我啦！😍因為佢嘅裝修日式得黎，食完仲可以打機！🤣今次我同朋友都叫咗呢碗吉列蝦濃蝦湯叉燒拉麵，聽Staff講係冇味精嘅！咁梗係要試試佢，而且$108有一碗叉燒拉麵，再加三件吉列蝦，抵啦！個湯飲落真係冇味精味，但係亦都好濃蝦味，睇得出個湯底落咗好多心機！而且叉燒肥瘦適中，唔會太瘦太鞋👍🏻而且吉列蝦亦都熱辣辣，似係即叫即炸😋😋另外仲可以加錢叫小食，我哋叫咗芝麻雞翼，炸餃子，同埋炸蠔，全部都係即叫即炸，特別炸蠔好正，外脆內軟🤤🤤而且仲有唔同嘅日式飲品加購，然後食完飯仲可以打機，都幾特別，係一間性價比好高嘅餐廳！

晚上係觀塘做完yoga 去東廣場搵下有咩好食 經過俾呢兩部遊戲機吸引住 都唔知幾耐冇見過 細個既回憶番晒黎 坐低同朋友回味下 呢到主要食日本拉麵 同小食為主 我地叫左黑蒜油豚骨湯叉燒拉麵 加多份、椰菜 同 日本木耳拉麵可揀硬度 同配料可以揀要咩唔要咩朋友加左料 所以碗拉麵特別大碗 黑蒜油湯底勁香 出面比較少有 豚骨湯飲落比一般既拉麵店清 店員話因為佢地無落味精推薦佢地既叉燒 表面應該有燒過 所以好香口 裡面就入口即融 肥膏 同 肉融埋一齊食雖然邪惡 但真係好正原本想試濃郁雞白湯雞叉燒親子拉麵不過已經賣晒 咁叫濃郁雞白湯叉燒拉麵 轉烏冬 加左糖心蛋 雞湯比豚骨湯清少少 但都好味 烏冬係粗身 索晒d 湯 好唔錯呢到+$20 有套餐 跟小食同飲品 性價比唔錯 不過我地想試其他小食 炸魷魚鬚同芝麻手羽 兩個都岩岩炸起 熱辣辣 脆卜卜魷魚鬚食落彈牙芝麻雞翼就係我既至愛 甜甜地又脆口 兒時回憶點可以冇波子汽水 雖然唔係玻璃樽上 但都係個個味道 朋友要左樽裝玄米茶 佢話茶味濃 食完解膩一流喎 下次一定要早d 黎試埋個雞叉燒拉麵至得

觀塘嘅平價抵食拉麵店，性價比高。呢度嘅招牌菜係極上濃蝦湯拉麵、佢嘅湯底濃郁鮮甜，仲有大量嘅鮮蝦味道，真係令人回味無窮。配埋彈牙嘅拉麵同鮮嫩嘅叉燒，每一口都好滿足。如果你鍾意豚骨湯嘅味道，可以試下佢哋嘅黑蒜油豚骨湯叉燒拉麵。呢個湯底有濃郁嘅豚骨味道同黑蒜油嘅香氣，令味道更加豐富。叉燒肉質鮮嫩多汁，同湯底完美配搭，真係一絕。除咗拉麵，呢度仲有其他美味嘅小食。滋味雞軟骨有著香脆爽口。炸魷魚鬚則酥脆可口，魷魚嘅鮮味同炸得恰到好處。而芝麻手羽就係兩隻香炸過嘅雞翼，外皮酥脆，內裡多汁，再配上芝麻嘅香氣，絕對令你食指大動。飲品方面，呢度有日本汽水可以揀，揀咗波子汽水及提子汽水，食拉麵飲好爽！

呢間拉麵店鋪雖然比較細，但係放左枱內有多個👾格鬥遊戲嘅街機，最經典嘅一定係拳皇系列，可以兩人對打食完，啲兒童回憶返晒嚟😌😌🍜我先叫左極上濃蝦湯拉麵 + 明太子 + 溏心蛋，蝦味醇厚濃郁，配搭淡麗既鹽味，帶出湯底的鮮甜😋 呢個係最多人叫最出名嘅款式，食得出好用心製作，而且冇味精！😊😊啲叉燒有燒過好香口，肥瘦適中最好味～ 加埋流心既蛋好滿足！最最最特別係一大條明太子，加落拉面到好夾！😛而呢到既拉面係比較粗，我叫左硬身，好有口感，索哂啲湯，就是正呀～🍜另一碗叫左濃郁雞白湯叉燒拉麵 + 溏心蛋，湯底色澤呈現奶白，味道清甜鮮香，濃郁，配有蔥、木耳、高菜、叉燒、紫菜，油膩感輕。就算叫普通煮法，拉麵都一樣彈牙，唔係煮得太淋身個隻。三大塊叉燒一樣薄切，好滑身～為食既我哋叫咗三個小食😜🦀蟹肉忌廉薯餅🐙炸章魚燒🐣滋味雞軟骨每款炸物都熱辣辣，點埋海鮮醬好開胃🤤最後叫左野飲🫧日本波子汽水 - 好少會飲到罐裝波子汽水，呢隻日本進口原味波子汽水又幾好飲喎💁🏻‍♀️

觀塘東廣場地下有好多好嘢食最近開咗呢間新嘅拉麵店主打冇味精湯底拉麵製作夠晒誠意呀❤️‍🔥-🔸極上濃蝦湯叉燒拉麵（$88）湯頭超濃入口充滿鹹鮮嘅濃蝦味叉燒經過炙燒格外香口惹味呀👍🏻而拉麵條可自選選軟硬度適中軟硬度嘅拉麵唔錯口感有嚼勁喔！+$8可追加溏沁蛋價錢合理！🔸炸魷魚鬚（+$48）新鮮熱辣炸起，非常香口😋咬落酥脆一啲麵唔韌呀💕🔸炸章魚球（+$20@2粒配送汽水/茶）Order拉麵再追加小食會有飲品送呀！如果飲日本汽水，都只係補多$CP值超高！外層口感唔會「好粉」內餡食到有章魚🐙口感唔錯👍🏻🔸濃郁雞白湯叉燒親子拉麵（$108）雞肉厚身有咬口肉質唔會柴皮除咗又雞肉仲有一隻溏心蛋湯底帶肉香但味道相對濃蝦湯無咁濃🦞推介重口味嘅朋友一定要試龍蝦湯底喔！🔸秘製南蠻雞（+$48）大大件好吸引😍咬落香脆肉嫩有肉汁一啲都唔油膩呀！🔸滋味雞軟骨（+$20 配送汽水/茶）咗落卜卜脆而且食到軟骨嘅獨特滋味一粒粒好易令人食到停唔到口😆

⭐️吉列蝦叉燒濃蝦湯拉麵$108⭐️黑蒜油豚骨湯叉燒拉麵$76⭐️秘製南蠻雞 $48⭐️炸魷魚鬚🦑 $48呢度主打無味精嘅湯底，飲多幾淡都唔會口喝，推介濃蝦🦐湯。雖然拉麵睇落有啲似公仔麵，但係食落帶嚼勁。炸物正常味道，幸好是即炸熟辣辣！

一入到小店，就感覺到日本拉麵店既特色，牆上貼左好多不同日本食品貼紙，門口仲有部兒童遊戲機同波子機，寫住食拉麵免費打機，客人可以邊食邊玩。全店湯底不加味精，每碗拉麵都有木耳、大蔥、海帶，叉燒肉質柔軟，炙燒後特別香口，拉麵係卷麵，掛湯力高。極上濃蝦湯叉燒拉麵：每日數量限定，湯底有好濃厚既鮮蝦味，入口清甜，每一啖都好似食緊蝦咁。濃郁雞白湯叉燒拉麵：雞白湯呈奶白色，濃郁順滑，味道鮮香。秘製南蠻雞：炸雞金黃色，無骨啖啖肉，口感酥脆，加埋沙律醬，倍添美味。炸魷魚鬚：炸得乾身不油膩，每條都熱辣辣，爽口彈牙。蟹肉忌廉薯餅：外層炸得香脆，咬開流出軟滑細膩既蟹肉忌廉餡料，無得輸。總結，食物用心製作，新鮮好味，店員細心有禮，值得再回訪。

今晚去咗「麵屋常勝」食晚餐！呢間餐廳真係拉麵愛好者嘅天堂！🍜🍖🥟餐廳環境簡單舒適，就好似一間日本拉麵店。餐廳內有日式裝潢同遊戲機，真係令人感覺好溫馨！🍜🍽️😌我哋叫咗幾款招牌拉麵，首先係「極上濃蝦湯叉燒拉麺」。湯底濃郁鮮甜，又帶有濃厚嘅蝦味，真係令人回味無窮。叉燒肉煮得香嫩多汁，配上彈牙嘅拉麵，食落好過癮！🍤🍜🍖另外我哋叫咗「黒蒜油豚骨湯叉燒拉麵」同「野菜味噌拉麵」。黒蒜油豚骨湯濃郁香濃，充滿濃厚的豚骨味，油蒜香氣更加增添了風味。野菜味噌拉麵則將麵條與豐富的野菜和味噌湯結合，味道鮮美，健康又美味！🍜🍖🥬🍲除咗拉麵，我亦叫咗幾款小食。「芝麻手羽」係炸得酥脆嘅雞翼，撒上芝麻增添風味，非常美味！日式炸餃子則外脆內軟，內裡包著豐富的餡料，一口咬落好滿足！蟹肉忌廉薯餅則香脆可口，裡面的蟹肉忌廉餡料鮮美濃郁，絕對是海鮮愛好者的最愛！最後，滋味雞軟骨炸得酥脆，外脆內嫩，味道鮮美多汁！🍗🥟🦀🐔整體而言，「麵屋常勝」嘅拉麵好正！感覺餐廳用心製作，性價比高，而且湯無味精、蝦湯好正👍🏻 湯底濃郁，配料新鮮，麵條彈牙，味道好好。小食都好出色，每一款都好好味！如果你係拉麵迷，呢度絕對係一個值得嚟試嘅地方！我一定會

觀塘嘅東廣場向來係高質小店嘅集中地，前排女朋友話好想食日本拉麵，就一於帶佢黎呢間我bookmark左好耐嘅拉麵小店「麵屋常勝」食！作為一間小店，呢度嘅座位真係唔多，所以都有機會需要等位。不過等候嘅時間可以玩餐廳提供嘅遊戲機！呢度嘅裝修好有東京啲拉麵店嘅感覺，迫得黎好有日本feel，我個人覺得係幾正嘅！餐廳食物選擇雖然唔算好多，但每一樣都好吸引。最後我同女朋友決定每人一碗拉麵再加少少小食。「吉列蝦濃蝦湯叉燒拉麵」：呢度嘅招牌菜，所以我同女朋友一人一碗。湯底標榜無味精，飲落去真係啖啖嘅鮮蝦味，而叉燒好大塊好juicy，吉列蝦熱辣辣好香脆！另外，我地加錢要嘅溏心蛋值得一讚，因為真係好好味，將碗拉麵昇華左！「炸魷魚」：賣相好吸引，同樣係炸得熱辣辣。魷魚本身好爽口，而且調味唔會太鹹，出色！「南蠻炸雞」：好大份好多舊，南蠻醬好濃好邪惡，炸雞肉質唔會太乾，係好唔錯嘅小食！「日本汽水」：兩款汽水都係日本進口，口味絕對係正嘅。飲日本汽水令成餐飯更加有喺日本食嘅感覺，哈哈！

星期日嚟呢間餐廳食，就算2:30都幾多人！呢間新開嘅拉麵店都睇落幾有人氣！啲裝修幾有懷舊特色！明大子豬骨叉燒拉麵超扎實嘅豬骨湯底，充滿濃郁豬骨味，再配上肥瘦適中嘅叉燒，啖啖入口都有驚喜。拉麵麵條彈牙有勁，好入味，加埋上面嘅明太子，味道更加豐富！濃郁白雞肉湯拉麵白雞肉配上清澈濃郁嘅湯底，味道鮮美。湯底入口滑順，帶有濃厚嘅雞肉香氣，令人回味無窮。拉麵麵條彈牙有嚼勁，搭配上雞肉片同埋青菜，食落感覺啲湯係冇味精，食完都唔口渴！糖心蛋金黃外殼，一剖開就見到誘人嘅糖心，蛋黃滑潤，甜中帶點濃郁蛋香芝麻雞翼外脆內嫩嘅雞翼，一口咬下，鮮嫩多汁！酥炸魷魚外皮炸至金黃酥脆，魷魚肉質鮮嫩有彈性，每一口都帶著鹹香味

觀塘本身比較少拉麵店，咁啱觀塘東廣場開咗間新拉麵店，於是就嚟試試佢！的確價錢係幾平，可能因為喺東廣入面開，比較坐得冇咁舒服，同埋碗麵嘅份量比較細😂食咗個明太子豚骨湯拉麵，湯底有少少偏鹹，蛋就唔跟嘅😅雖然知道本身明太子都有啲鹹味，但係即使未撈勻啲明太子，本身嗰豚骨湯就已經有啲太鹹，作為咁鍾意飲湯嘅我，最後都飲唔晒！🥹同行朋友叫咗極上濃蝦湯拉麵，呢碗好食好多！佢所有嘅豬骨湯拉麵都係比較咸😅總括嚟講觀塘區都係食返工廠小店啦😂

今日又去咗觀塘番工，食乜好？見到東廣場有唔少餐廳，仲好多好親民既野食😄😄 我見到呢間麵屋常勝裝修好特別，好用心去設計到好有日本風味，仲有少少兒時回憶既感覺，餐廳內仲有波子機可以玩😆😆😆有好多款拉麵呀！我就揀咗有手指公👍🏻既吉列蝦龍蝦湯叉燒拉麵😻 第一次黎先試下店主推介😄😄除咗拉麵，仲有好多款飲品提供，好似罐裝日本波子汽水🥤、樽裝玄米茶，當然唔少得受香港人歡迎的罐裝可口可樂啦！吉列蝦龍蝦湯叉燒拉麵🍜- 龍蝦湯真係好好味😋仲要無味精，食得兩放心，我仲飲咗好多😃😃😄拉麵係可以選硬度既，我呢方面無乜特別喜好，所以揀咗普通就可以😌都無揀錯😊😊拉麵沾上龍蝦湯既鮮味，好好味😄😄- 吉列蝦有三隻呀！隻隻都好大隻😃😃😃罐裝可口可樂- 除咗可口可樂，仲有其他飲品好似茶同波子汽水🥤揀，選擇夠多😆麵屋常勝 (觀塘)觀塘成業街7號東廣場地下G52-53號舖

觀塘東廣場入面有好多小店☺️今次終於同家人來試下呢間新開的拉麵店🍜 店舖裝潢得好有格調，好有日式風味。牆上擺咗不少懷舊玩具，店內有一部街機可以比大家玩🎮 充滿歡樂的氛圍🎉✪ 明太子豚骨湯叉燒拉麺 配 南蠻炸雞 ⌫💲126拉麵的湯頭非常豐富濃郁，帶有豚骨的香味。將明太子拌勻，湯底變得更鮮味，味道相當獨特。叉燒的肉質鮮嫩多汁，搭配上湯頭更是美味。南蠻炸雞外酥內嫩，酸酸的醬汁好開胃。✪ 極上濃蝦湯叉燒拉麺 配 芝麻手羽 ⌫💲116呢碗拉麵有濃郁蝦味，搭配上炙燒過的叉燒，營造出一種獨特的風味。芝麻手羽外脆內嫩，好出色！【 麵屋常勝 】📌 觀塘成業街7號東廣場地下G52-53號舖

身為一個東九龍人，竟然之前冇嚟過呢度！話說今日我個friend叫我去觀塘食飯，然後話喺東廣場有間好正嘅隱世日本餐廳係東廣場(好近觀塘地鐵站)，今次當然要去試吓啦！🙈而今次去嘅餐廳係麵屋常勝，係一間日式小店，細細地但係裝修都幾特別。而佢水準真係超發揮，竟然意想不到嘅好食，抵俾足一百分佢💯💯今次叫嘅嘢食有: 吉列蝦叉燒濃蝦湯拉麵 🍜 ($108): 食拉麵當然要飲啖湯先，個湯頭真係非常impressive - 完全濃縮左海鮮嘅鮮甜美味，完全睇得出廚師嘅用心製作，不愧為王牌菜。拉麵有彈性和嚼勁，喺吸收咗濃蝦湯嘅精華之後食落去更加啖啖滿足。不得不提嘅係佢豐盛嘅配料，竟然有吉列蝦同叉燒！吉列蝦肉質鮮嫩多汁，炸得卜卜脆，而叉燒質地柔軟，入口即化，簡直充滿了豐富的層次感和口感，真係冇得彈！濃郁雞白湯雞叉燒親子拉麵 🫕($108): 濃郁的雞白湯充滿了鮮香的雞肉味道，一入口就能感受到濃郁的滋味。雞叉燒的肉質鮮嫩多汁，雞肉的風味能夠完美融合在湯中，讓每一口都充滿了濃郁的美味。麵條彈牙有嚼勁，與湯頭的結合更是絕配。整碗拉麵的味道層次豐富，讓人吃得津津有味，回味無窮！秘製南蠻雞 🥘($48): 秘製南蠻雞炸